永年士多 (兆安廣場)

营业中

休息中

見Tbb宣傳喺東張西望賣廣告 講到有幾好食喺元朗幾出名 就試下叫咗朱紅、牛肚、雞翼尖三餸麵 $45 唔包野飲服務態度差 應該係話冇服務至啱收錢嗰個黑起塊面 好似爭佢錢咁食物質素就一般啦！車仔麵來講簡直係冇特別應該係話垃圾 三樣餸全部都係麻油味蒜蓉味啲湯得個甜字。。。完全冇鮮甜味連最基本腩汁都係冇特別 面底中硬骨骨。。總之就係垃圾出銅鑼灣千其唔會再食依間咁嘅垃圾都係唔好信大眾點評同TBB好過啦有多餘錢又想中伏下嘅就可以試囉

🍜大家最鍾意食咩麵？如果要揀一款嘅話就一定係 車仔麵 ❣️可以食翻香港地道既野 又可以自由配搭咁就最啱啦 一直都聽過永年士多係車仔麵既 老字號 咁啱經過就去咗試 無論麵定係小食都係大件夾抵食既🤤車仔麵撈埋佢地既辣汁就最正！！

一早就聽過永年呢個名，傳說喺元朗中最好食嘅車仔麵，咁遠水路，無啦啦點會去，不過銅鑼灣而家都有啦！三餸車仔麵 ($43)車仔麵嘅經典，點少得豬紅蘿蔔！豬紅要做得冇腥味，要洗要針要炒，工序都唔少，呢度嘅豬紅不單止冇腥味，仲彈滑軟淋，識食一定要食豬紅！蘿蔔都炆得好入味，夠淋，而且食落去冇渣，湯底夠濃，好食！第三樣餸我揀咗流心蛋，或者蛋白加埋流心嘅蛋黃，識食就要成隻蛋一啖食，一咬落去爆d蛋黃汁出嚟嘅快感😏yummmmm~😋 紅豆奶茶冰 (跟餐+$15)紅豆冰就飲得多，不過配奶茶就真係未試過，紅豆沙沙的，唔係就咁放紅豆入去，呢個要讚！加埋香滑嘅奶茶，味道好特別！不過個人來講呢都係鍾意飲返傳統嘅唔夠冰多啲😋鮮油多士 ($16)多士烘底真係無得輸，熱辣辣嘅多士加埋凍冰冰嘅牛油，超級邪惡！要趁熱食啊，凍左就唔好食！

一講起銅鑼灣車仔麵，我自然會想起「新記」/「榮記」而由元朗聞名的「永年士多」竟然在銅鑼灣開分店，我和友人今天決定到來一試 😋餐牌位於收銀櫃檯的電視上， 三餸一麵$43 我點了豬腸、蘿蔔、流心蛋配油麵（$43）- 豬腸入味，爽口，但比較細條- 蘿蔔十分「林」- 流心蛋 補蘿蔔遮住了，浸在熱湯之中，食的時候流心蛋已經不再流心 另加$25 點了腐乳通菜 友人點了： 牛根、牛肚、魷魚，配油麵 （$43）- 牛根好入味，有咬口，不太「林」亦不會太硬- 牛肚太薄- 魷魚只有幾片，味道普通，不推介另加$12點了凍檸茶少冰，但仍有十分多的冰😂 凍檸茶茶底夠濃 👍🏻第一次食永年車仔麵，有驚喜！而且裝修環境較新派，比較乾淨。下次可再來試試 👍🏻

以前住開元朗既我 永年真係由細食到大  當知道永年進軍尖沙咀同銅鑼灣 我真係好期侍同開心! 終於係出面都可以食啦~不過之前開實在太多人 無辨法試到  個陣排到出門口嫁 今日去食我都係叫左 永年既招牌菜 魚蛋 豬紅同蘿蔔 幼麵  食得辣既1定要試下佢個辣汁 哈哈~   蘿蔔好甜 魚蛋有DD辣 其他既都KEEP 住1貫既水平 男朋友就叫左 魚蛋 牛丸同出名既糖心蛋 頌有粗麵 真係不得了 連平時唔鐘意食車仔麵既佢都話好好食哈哈 基本上3個菜都好足夠 男仔黎都OK 呀!~   值得一提既係 係車仔麵黎講 佢個賣相都唔差 連杯凍檸菜都咁有心機 真係用心之作!鐘意試車仔麵既1定要食呢個!!!

第一次食, 一入到去完全無指引, 企係度諗緊要點餐坐低定搵位先. Counter兩位店員無幫忙都算, 重不停催迫你. 終於我就客氣咁同佢講:”我第一次黎, 我想問係點菜定搵位先.” 佢地就叫我用手機影低 menu再係位諗.. (原來成間餐廳除counter之外係無menu...) 點菜後, 枱面有灘水, 叫企係度傾緊計個女仔幫我抺一抺, 佢完全無理我, 扮睇唔到咁. 之後佢同事叫佢黎抹, 佢就好似發曬脾氣咁一塊布撻上枱面, 再抹埋落我放最右手邊既外套上.... （都照忍, 心諗食完算) 食物就真係好普通, 車仔麵店黎講都算好姑寒, 叫三餸個碗好似食淨麪咁... 湯底落左太多冰糖..甜到有奇怪.. 牛剪筋勁硬.. 魚皮鮫好明顯係四海個隻... 一肚伏!! 去返對面食魚蛋粉好過.

對於一個鍾意食車仔面的人來講，怎可唔試一試新舗，最近聴聞永年士多在銅鑼灣開了分店。本人是第一次食這間車仔面檔，童年時代食車仔面係一些中下階層人士食！但時至今日，已經系一種高尚食物。四餸加面，承恵$51. 另加枝裝烏龍茶，原價$25 ！ 面餐加就另加$17。都唔便宜。但湯底可以，食完完全唔覺口渴。面份量正常，叫左蘿白（甜和入味，無根），豬大腸有少少硬，但是可以接受，齋卜（好入味，沒有油淋淋的感覺）牛栢葉（爽口），叫了小辣，但越食越辣，那種感覺，朋友話超爽，有又愛又恨的感覺。😋😋環境光猛，簡潔。服務無問題，可以再來一次👍👍

🔎永年士多(銅鑼灣)📎銅鑼灣謝斐道482號信諾環球保險中心地下7-9號舖永年士多一直係元朗都好出名，一直未有機會試今日見銅鑼灣分店不用排隊就入左去試😆❤️另外加左［樽仔奶茶］$17🔸雞翼豬紅蘿蔔米粉$43 （三餸一麵）蘿蔔好甜好多汁好入味，而且沒有根豬紅，雞翼滷得好入味價錢合理👍🏻👍🏻👍🏻小辣已經好滋味😋😆

晚上9點30分，諗緊有咩食店仲開緊之際，見到呢間車仔麵仲未關門，就決定入去試試！店內比較細小，先到收銀位置落單，然後等拎食物，但可能太夜關係，米粉和河粉已沽清落單後，張收據有個QR CODE可以儲分！粗麵+牛筋+牛栢葉+豬腸+微辣=牛栢葉唔會韌，豬腸(推介)好夠味，如果唔係好食到辣但又想試下，建議可先叫微辣試一試先。另外，叫了杯菠蘿冰，不太淡，還有原粒菠蘿食，真係飲得又食得！豬皮蘿白好入味，幼麵少少硬（愛吃淋少少），可以落單時提出，湯底較濃。總括:湯底夠濃，份量適中，價錢合理

同阿媽黎試試雖然好似好多人排隊但係條隊都係落單only，入面位好多唔使擔心要等選擇左蘿蔔、魷魚，支竹球 米粉。湯底好鹹 係死鹹個種，連蘿蔔都好鹹，唔清甜only魷魚比較好食加辣汁（小）導致更鹹哈哈哈哈哈鳳爪好似炸過，食落無普通嘅好食.The soup noodle is way too salty. The quantity of the noodle is a bit not enough for me. I wonder is it possible to order a less salty soup like 南記

今日616大日子，出發前先去銅鑼灣食飽飽補充體力💪對於住喺港島十年唔去一次元朗嘅我，永年士多喺銅鑼灣開分店，令我多咗機會食到呢個元朗名物😌餐牌黎講種類夠豐富， 粉麵類選擇都夠多， 貼心地列出永年推介嘅食物俾選擇困難嘅朋友（即係我）😅我哋叫左兩碗麵、一份多士，同埋飲品🍴‍‍咖央多士（$16）先食咖央多士， 烘底色澤唔錯、唔太燶，不過略嫌唔夠鬆脆， 咖央嘅椰汁味適中唔錯， 不過16蚊件多士黎講性價比就麻麻🤔流心蛋、時菜、牛根+米粉 中辣🌶🌶（$43）流心🥚夠哂流心，不過冇另外醃製，遮蓋唔到蛋黃腥味🙊一向都鍾意食呢間嘅辣汁， 辣得有層次又開胃🤤牛肚、陳皮魚蛋、蘿蔔+油麵 小辣🌶（$43）本身叫牛肚之前都有少少卻步， 因為最怕啲牛肚硬過擦子膠， 好彩今次啲牛肚都淋👌陳皮魚蛋細細粒，夠彈牙同好出陳皮味😁蘿蔔切既大細啱啱好一啖一嚿夠貼心， 冇根夠入味抵讚！我自己唔係好食得辣所以叫咗小辣，另外叫咗一杯奶茶紅豆冰解辣😅奶茶紅豆冰（$15）唔係好多餐廳有奶茶紅豆冰供應，呢間都做得唔錯茶味香濃， 不過紅豆略嫌偏硬唔夠沙😂總括嚟講永年士多最吸引我哋嘅地方就係秘製辣汁， 食得辣嘅朋友不妨試下， 食過返尋味

唔洗再去元朗先食到啦😂開左係銅鑼灣想食就食🤓方便好多唔洗山長水遠再入去元朗😆太好啦小妹最中意米粉🍜米粉底走唔甩湯底同元朗一樣做得一樣咁出色😉依然都係果種味道飲落甘甜可口😌同車仔麵真係好夾味道魚蛋係陳皮魚蛋🍢呢家香港好少地方有彈牙得黎😙淡淡嘅陳皮味懷舊味道😃係必食餸之一雞腳🐥一咬雞皮同骨超影分離😝而且滷得好入味冬菇入哂湯底味🍄軟硬適中另外叫左永年自家製嘅冷泡烏龍🍯無糖架💪🏻健康食住車仔麵飲下茶幾解渴又解膩😋

一直知道尖沙咀有間車仔麵叫永年士多好抵食，經過銅鑼灣見到就入去試下。首先唔明點解一定要排隊落左單先入去坐，皆因落單真係落得好慢，近排天氣又熱所以見到好多顧客都有啲唔耐煩。先講食車仔麵通常都會叫嘢飲，一杯汽水檸茶檸水呢啲收費都係$10樓下，但係呢間人人話抵食嘅永年士多係去到$15左右，其實車仔麵加飲品都係$50幾$60蚊，唔會特別平左，都未計額外碟菜，所以有啲失望 😞 Anyways, 咁試吓推介嘅流心蛋，白蘿蔔，韭菜餃油麵小辣啦～ 如果鍾意食辣嘅朋友係會知道辣都可以係好香嘅辣，咁呢度就會令你失望了，因為得個辣味，但一啲都唔香。最令人髮指係個韭菜餃，有兩隻咁多，睇下個圖，喺灣仔碼頭水餃，咁點解要係你永年食呢流心蛋隻蛋唔好講根本過熟，最重要係冇雞蛋味，大失望白夢蔔就正常。銅鑼灣榮記，新記等都好食好多

甜死你係特色？好感動點解會咁多人贊，係咪因為香港人壓力大，鐘意食甜野去舒緩🤔🤔 食車仔麵食到食糖水咁，呢間都應該首創，無錯d 餸係入野味，又淋，但湯底（選唔辣）令到我食到想嘔，究竟係鹽貴，定糖平🤦‍♀️如果想試吓新口味甜車仔麵，大家可以去試吓，糖尿病人就要諗過先喇😐😐😐 不過食得多都可能會蛀牙。如果你地諗住幫襯又唔鐘意甜食車仔麵，就記得要辣。鳳爪，豬皮，大腸都好淋好入味，好似食緊糖漬咁，新口味可能我呢d 老野食唔慣

放工趕住去六四晚會都無時間食飯，人潮散去之後係時候食啲嘢，10點幾嘅話都唔算夜，銅鑼灣都仲有好多選擇。想食啲本土嘢，我地就揀左永年。元朗嗰間就食過好多次，銅鑼灣分店真係第一次食，裝潢唔錯，幾光猛，又有啲插畫，感覺好年輕。👱‍♀️🍜河粉配蘿蔔、雞翼、通菜，小辣（$45）🥢雞翼煲到好林，而且好入味🥢蘿蔔清甜無渣🥢有啲後悔叫左通菜添，因為原來本身都跟少量通菜架！🍜河粉配蟹籽丸、豬皮、流心蛋，小辣（$45）🥢豬皮一向係永年招牌菜，質素唔使講啦🥢流心蛋有驚喜！真係流心而且好好味！🍋凍檸茶少冰少甜（跟餐加$12）食車仔麵緊係要飲返杯檸茶，不過呢到茶底唔夠濃，略嫌淡左啲。