永年士多 (Wetland Seasons Park)

营业中

休息中

呢間永年士多，位置與天水圍濕地公園診所非常近輕鐵站，行3分鐘好快搵到，真係好有驚喜，一定要你試吓，所以一定要推介俾朋友呀，而且環境優美，非常寧靜，附近一望都係植物，好舒服，而且呢度出名係辣，所以我覺得真係好惹味啊，我朋友叫咗個三餸麵，我哋揀咗魷魚，鳳爪試吓，仲有豬腸，牛腩，個牛腩非常有咬口，同埋冇乜肥膏，真係好啱食呀，而且個魷魚都好有驚喜，非常彈牙，而且我哋仲叫咗份雞翼尖同埋多士，再加埋蠔油菜心，分量十足，真係好好食呀，而且價錢經濟實惠，好抵食呀，呢一間車仔麵嘅品牌都做咗好多年，所以鍾意食港式嘅車仔麵朋友，真係可以去試吓呀，而且呢度自助式，真係好先進啊，唔會怕落錯單，客人仲可以慢慢睇，而且衛生程度好高，所以食物有保證👍👍👍

呢一間車仔麵餐廳係香港人的最愛，好受歡迎，呢一間餐廳係老字號，菜單好豐富，非常多選擇，亦都非常方便香港人去食，位置方便，在輕鐵站一落車，行兩至3分鐘就會搵到，我見到門口已經好多人排隊，特別係外賣真係好多人食啊，呢度嘅面都好多種類，而且麵條口感彈牙，湯底濃郁，同埋佢好多配料可以選擇，例如新鮮嘅蔬菜，有海鮮，餃子類，唔同嘅遠慮，最特別嘅係飲品都好多選擇，我覺得一定要叫一個港式紅豆冰，或者抹茶紅豆冰，都係非常獨特，同埋好涼快，真係配埋個熱辣辣嘅面，真係好好食呀，而且佢哋嘅蠔油菜心都好推介，因為菜心真係好大碟，真係好啱鍾意食菜嘅人啊，而且服務質素都好高，有笑容有親切感，我特別推介佢哋嘅至尊面，有麻辣湯底，特別啱鍾意食辣嘅客人，一定唔好錯過呀，幼麵好滑身，而且個辣味好刺激到舌尖上嘅刺激，真係好好食呀

大碗麵總共有10樣餸，好啱有選擇困難症嘅我哋🤣～豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜心我哋估計份量多所以我哋3個人叫2碗麵，再加啲餸（魚皮餃、牛肚、牛柏葉、墨魚蝦卷），同埋生菜魚肉，就啱啱好😊，又可以試到好多唔同款式嘅餸。最鐘意係 豬腸、蘿蔔 同 生菜魚肉（加配）豬腸 軟滑無腥臭味，蘿蔔十分清甜，多汁，又無渣，而魚肉唔會粉，幾彈口，胡椒粉香，生菜好甜，食落口感唔會過淋，整體有以前旺角街邊車仔檔嘅味道。一碗係勁咖喱辣，食開譚x 4小辣 都覺得辣。另一碗係小咖喱辣，麻麻哋食到譚x 10小辣 會覺得辣。對於唔好食得辣嘅人嚟講，d 咖喱 好有後勁辣，食落肚，個胃有滾嘅感覺。對於食得辣嘅人嚟講，d 咖喱 辣得過癮。凍咖啡 味道👌裝修好年輕化☺️

我本身都有食開元朗個間永年，係我屋企附近開左梗係幫襯下至尊麵（另加雞翼尖）至尊不愧至尊入面得料豐盛無比，豬手、雞翼、豬紅、豬腸、豬皮、魚蛋和蘿蔔的組合絕對讓人食指大動。而當中的豬手夠哂入味又清理得好乾淨。大碗麵（另加炸魚皮和墨魚蝦卷）大碗麵餸的份量十足，有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸和菜芯，如果唔知揀咩食可以試下尼個，特別一讚魷魚🦑，好易咬斷👍🏼魚皮好脆牛筋腩蝦籽撈麵：牛筋和牛腩各有4-5塊，肉質好軟林，加上蝦籽，口感更加豐富。自選三餸撈麵（雞翼尖、蘿蔔和魚腐）我家姐覺得雞翼尖， 蘿蔔好入味，撈面份量尚可，佢平時無食開辣就覺得咖哩微辣都好辣蝦醬通菜是一道經典的家常菜，通菜的清脆口感搭配著咸香味濃郁的蝦醬，仲有得揀多醬，多醬好滿足😍樽仔奶茶和凍檸檬茶樽仔奶茶濃郁香滑，而凍檸檬茶則清新解膩，茶底唔澀，外賣杯黎講都算大杯。

「永年」可以話係元朗傳統老店，但住天水圍咁耐，一路都未有機會去元朗食，近排得知佢地係天水圍開咗分店，仲要係屋企附近，趁住今日落雨唔想出街，一於買外賣返屋企慢慢嘆。自選三餸車仔麵 :三餸揀咗豬皮、蘿蔔及牛腩，麵底要油麵，餸嘅份量都幾多，蘿蔔鮮甜無渣，牛腩亦炆得好入味，微咖哩辣食落相當惹味。自選三餸蔥油撈麵 :餸揀咗魚蛋、冬菇及墨魚春卷，再加麻辣豬耳，粗麵爽口彈牙，食落無鹼水味，蔥油令撈麵充滿油香味，再加上豬耳嘅麻辣，份外開胃。麵加$21有一份生菜，太太喜愛清淡，所以揀咗全走，入口新鮮爽脆。咖哩三寶 :有豬皮、蘿蔔及魚蛋，全部煮得好入味，雖然只係叫咗小辣，但辣味後勁十足，辣得好過癮。蝦籽菜芯 :菜芯鮮嫩唔老，蝦籽份量都幾多，鹹香味更能帶出菜芯嘅鮮甜味。紅豆奶茶冰 + 樽仔烏龍茶 :滿滿嘅紅豆加上港式奶茶，比傳統紅豆冰更有風味，奶茶嘅苦澀味配上紅豆嘅甜，味道好有層次。而樽仔烏龍茶茶味甘香，有助減輕飽膩感。

① 三豬麵（豬腸、豬紅、豬皮)豬腸、豬紅、豬皮：入味，大件米線：軟硬度適中（加餸）牛肚、牛柏葉：厚身，軟淋得嚟有口感，入味（加餸）魚蛋：爽口彈牙（加配飲品）凍咖啡（少冰）：咖啡啱口味，唔錯② 牛筋腩蝦籽撈牛筋腩：軟淋，入味蝦籽：好多，提升味道層次粗麵：軟硬度剛剛好配湯：鹽鹽地，好有清蔥味（加餸）魷魚：厚身，有口感（加餸）豬手：軟淋，骨膠感滿滿一份2件（加配小食）蠔油生菜：外賣都好味，有蔴油香味（加配飲品）抹茶紅豆冰（少冰）：紅豆份量多，又起沙，不太甜，小小抹茶味環境：主要綠白色，清新，明亮，年青

閒日晚上7點幾左右到店堂食， 自助落單比錢拎野食同回收盤。 要求顧客自律回收不是問題，但請店員都行出黎抹下枱啊。 就係因為無抹枱,枱面好多乾左既湯同野飲。 環境又有蚊又有污英，一邊食一邊痕啊。 自選三餸車仔麵 連河粉都要加$2 ， 有一大半既餸都係要加$2，$4，$6 。 牛丸兩粒，韮菜餃兩隻，陳皮魚蛋5粒 麵 $56。 份量當然係唔飽 。 如果要飽 應該要食過百蚊。 貴得離譜之如要求顧客全自助但環境又差。 水吧連收銀4個人 ， 都無人抹枱。 永無下次！食物味道真係一般 唔明點解可以賣咁貴 。

服務態度永遠係最佳敵人，點解依家咁多人選擇北上唔係無原因，每次外賣都比少左餸，次次返屋企先會知，語氣就唔在講啦，我地黎消費食野唔係免費拎野食，但好肯定真係無下次了。

我想同你一齊食…牛腩牛筋蝦子撈麵有人話濕地公園唔單止濕地公園咁揀，嗰邊仲有人氣車仔麵😂的確！weekend中午全場滿席，等一陣間就有位！呢間初期喺元朗起業嘅永年車仔麵，去到邊度都咁受歡迎牛筋腩蝦籽撈麵 $66牛腩牛筋炆得非常軟腍而且好夠味，份量十足！撈麵配上清湯，如果覺得太乾可以+1匙羹嘅清湯！面質非常彈牙，滿滿蝦籽！熱咖啡$12香滑不得，正！自選三餸麵$48起湯底可以揀咖喱辣或者麻辣，我揀小麻辣！除咗油面，仲有米線，米粉等等，我要米線😋牛筋牛腩炆得軟腍夠晒入味，韮菜餃大大隻有2隻，蘿蔔夠林又夠甜！熱鴛鴦$12咖啡同奶茶嘅比例配搭得啱啱好！腐乳通菜$27本來叫咗蝦醬通菜，但係腐乳通菜都一樣好味永年士多 天水圍濕地公園路9號濕地公園商場9號舖#車仔麵 #永年車仔麵 #元朗美食 #天水圍美食

元朗老店永年越開越多分店，原來濕地公園商場都有一間。是日來到濕地公園，呢個商場都幾多食店，但就得永年排隊等位，哈哈，咁就食佢啦。入到店內，原來掃qr code落單，自助搵位、拎食物同回餐盤，見其他食客都好自律，食完就離坐，行雲流水話咁快條人龍已經消失左了。餐牌幾清晰，選擇亦人性化，有套餐亦都有自選車仔麵、撈麵等，望一望個餐牌，自選車仔麵嘅三餸好多都要額外加錢，加加埋埋好似又貴過套餐🤔見隔離台嘅老食客勸佢個朋友叫套餐，佢話叫套餐抵好多喎，不過我見佢揀咗成七、八樣餸，哈哈，咁個至抵套餐又真係平好多啦😆⭐小寶麵最後自己揀咗小寶麵，入面有陳皮魚蛋、豬腸同豬紅，額外加咗一隻流心蛋，湯底就要咗小咖哩辣，麵底就揀咗米粉。拎到埋位個賣相又真係唔錯嘅，餸好多，咖哩汁香口喎，小辣我覺得唔夠辣，下次可以試中辣。比較特別嘅係呢度個豬腸有分瘦腸、豬腸同肥腸，我覺得咁幾好，有人鍾意食瘦，有人鍾意食肥吖嘛😋⭐自選三餸麵朋友話套餐冇咩啱口味，就叫咗自選麵，揀咗牛腩、肥牛、墨魚丸同糖心蛋，湯底係大麻辣配米線。牛腩炆得淋，墨魚丸彈牙，但肥牛嘅感覺就唔多似肥牛，朋友話個大麻辣湯底都唔係好辣，早知試佢個變態辣喎🤣⭐蠔油菜心跟

永年終於開咗喺天水圍，啱晒住大西北嘅朋友！入邊環境都幾舒適，似一間Cafe多過車仔麵店，但座位唔算太多，假日嚟多數要排隊。三餸自選麵$48（湯底加了微辣咖喱汁，湯底少少辣幾惹味）油麵：份量都幾多蘿蔔好清甜冇根，入口溶化酸齋係車仔麵嚟講都算幾特別麻辣豬耳好爽口，仲要係好乾淨唔會有毛朋友唔太肚餓，就揀三餸轉菜底$48蘿蔔、牛肚及牛腩都幾入味，同埋都幾腍，另外再加$15有紅豆奶茶冰。最後叫多蝦籽菜心都係$28

細細個去元朗永年食得多，最近原來屋企附近濕地公園都開咗永年士多👀新店感覺行年輕路線門口有一張Bra枱望向街景，雖則店內只有二十多個坐位，但空間感還好🌳永年車仔麵嘅配料選擇一向多到有選擇困難症所以有好多款人氣配搭嘅車仔麵唔洗自己揀自選車仔麵可轉菜底，同一價錢🥬我揀咗3 餸，陳皮魚蛋、豬紅、流心蛋魚蛋結實又富陳皮甘香，食得出嘅懷舊地道🤤豬紅嫩滑冇腥味，係必叫之一！另外嘅車仔麵底揀咗公仔麵、午餐肉、豬大腸同肥牛午餐肉厚切，食落味道唔會太鹹豬大腸洗得好乾淨，口感爽口😛最緊要加招牌咖喱辣汁，咖喱辣味回甘好過癮🤤而家叫任何一麵餐加$20都可加配小食一款估唔到酸齋都幾好食，味道酸酸甜甜，特別開胃！除咗馳名奶茶外，特色抹茶紅豆冰都好好飲😌滿滿嘅紅豆同抹茶好夾，比起傅統紅豆冰味道更豐富！

平日去天水圍濕地公園玩 總覺得附近食店選擇不多但自從新屋苑入伙後 食店數量增多了今次就與朋友來到《永年士多》天水圍分店它跟往日的水準不變 依舊喜歡它的牛肚牛腩我今次就點了自選三餸菜底選了蘿蔔 牛腩 牛肚 再配上紅豆冰奶茶每樣餸份量都不俗再跟朋友分享了蝦籽菜芯蘿蔔跟牛腩是車仔麵必點項目 蘿蔔牛腩相當入味紅豆冰奶茶不太甜 紅豆起沙夠綿 兩者味道調得不錯👍🏻👍🏻👍🏻蝦籽菜芯 蝦籽帶出菜芯甜味 而且富蝦味 我跟朋友都讚 來濕地公園玩又多了一個吃的地方

擁超過50年歷史嘅車仔麵永年，係天水圍濕地公園附近開咗新分店，簡單掃code即可下單，大胃王可選有十餸嘅大碗麵，仲有新加特飲紅茶龍眼冰同枇杷菠蘿冰添🔸自選三餸車仔麵 車仔麪油麪係我首選，湯底加咗微咖喱辣，辣得過癮滷水雞翼飽滿厚肉，肉質嫩滑牛肚口感軟中帶勁道讓人愛不釋口紫菜吸滿湯汁🔸牛筋腩蝦籽撈麵撈麵同樣出色，蝦籽鮮味十足，撈麵無鹼水味牛筋炆煮腍滑富骨膠原，牛腩牛味濃郁🔸咖喱三寶有魚蛋、豬皮、蘿蔔清香嘅陳皮魚蛋好有趙口豬皮爽滑而蘿蔔粒粒清甜🫙樽仔奶茶入口順滑、甜度適中🫘紅豆奶茶冰紅豆冰本身已經好正，原來換上奶茶就有別一番風味🎈永年士多 (濕地公園)🎈天水圍濕地公園路9號濕地公園商場9號舖

終於天水圍濕地公園都開咗永年啦~🍜店舖環境唔錯🌳設有bra檯望 住外面嘅風景食車仔麵又幾寫意新店仲有QR code落單，方便好多啊！車仔餸款式真係好多，其中一碗揀咗午餐肉、魚皮餃、豬腸、肥牛每款餸嘅份量十足，揀咗永年秘製咖哩辣醬小辣🌶️咖喱少少甜帶辣 辣得嚟回甘 好惹味😜另外個碗車仔麵有魚蛋、魚腐、流心蛋流心蛋半熟蛋黃，口感好正陳皮魚蛋爽口彈牙，大愛😆即是冇揀辣醬嘅口味，湯底都會帶有少少麻油香味🍜另外有多款地道小食滷水雞翼有5隻，啖啖都充滿滷水甜香味韭菜豬紅 呢款一定要食有驚喜！豬紅爽口香甜，最緊要係成碗韭菜豬紅都唔算太肥膩 暫時係我食過最好食嘅🙈🤤嘢飲除咗地道奶茶咖啡之外，仲有特色飲品抹茶紅豆冰😜紅豆超多，好似食緊甜品咁！