更多
2024-03-03
491 浏览
元朗老店永年越开越多分店,原来湿地公园商场都有一间。是日来到湿地公园,呢个商场都几多食店,但就得永年排队等位,哈哈,咁就食佢啦。入到店内,原来扫qr code落单,自助揾位、拎食物同回餐盘,见其他食客都好自律,食完就离坐,行云流水话咁快条人龙已经消失左了。餐牌几清晰,选择亦人性化,有套餐亦都有自选车仔面、捞面等,望一望个餐牌,自选车仔面嘅三𩠌好多都要额外加钱,加加埋埋好似又贵过套餐🤔见隔离台嘅老食客劝佢个朋友叫套餐,佢话叫套餐抵好多㖞,不过我见佢拣咗成七、八样𩠌,哈哈,咁个至抵套餐又真系平好多啦😆⭐小宝面最后自己拣咗小宝面,入面有陈皮鱼蛋、猪肠同猪红,额外加咗一只流心蛋,汤底就要咗小咖哩辣,面底就拣咗米粉。拎到埋位个卖相又真系唔错嘅,𩠌好多,咖哩汁香口㖞,小辣我觉得唔够辣,下次可以试中辣。比较特别嘅系呢度个猪肠有分瘦肠、猪肠同肥肠,我觉得咁几好,有人钟意食瘦,有人钟意食肥吖嘛😋⭐自选三𩠌面朋友话套餐冇咩啱口味,就叫咗自选面,拣咗牛腩、肥牛、墨鱼丸同糖心蛋,汤底系大麻辣配米线。牛腩炆得淋,墨鱼丸弹牙,但肥牛嘅感觉就唔多似肥牛,朋友话个大麻辣汤底都唔系好辣,早知试佢个变态辣㖞🤣⭐蚝油菜心跟
入到店内,原来扫qr code落单,自助揾位、拎食物同回餐盘,见其他食客都好自律,食完就离坐,行云流水话咁快条人龙已经消失左了。
餐牌几清晰,选择亦人性化,有套餐亦都有自选车仔面、捞面等,望一望个餐牌,自选车仔面嘅三𩠌好多都要额外加钱,加加埋埋好似又贵过套餐🤔见隔离台嘅老食客劝佢个朋友叫套餐,佢话叫套餐抵好多㖞,不过我见佢拣咗成七、八样𩠌,哈哈,咁个至抵套餐又真系平好多啦😆
⭐小宝面
最后自己拣咗小宝面,入面有陈皮鱼蛋、猪肠同猪红,额外加咗一只流心蛋,汤底就要咗小咖哩辣,面底就拣咗米粉。拎到埋位个卖相又真系唔错嘅,𩠌好多,咖哩汁香口㖞,小辣我觉得唔够辣,下次可以试中辣。比较特别嘅系呢度个猪肠有分瘦肠、猪肠同肥肠,我觉得咁几好,有人钟意食瘦,有人钟意食肥吖嘛😋
⭐自选三𩠌面
朋友话套餐冇咩啱口味,就叫咗自选面,拣咗牛腩、肥牛、墨鱼丸同糖心蛋,汤底系大麻辣配米线。牛腩炆得淋,墨鱼丸弹牙,但肥牛嘅感觉就唔多似肥牛,朋友话个大麻辣汤底都唔系好辣,早知试佢个变态辣㖞🤣
⭐蚝油菜心
跟面加廿蚊可以要份小食,其中一样拣咗蚝油菜心,菜心翠嫩淋甜,再加埋猪肠汁几好味㗎。
⭐净酸斋
另外又要咗份酸斋,酸酸哋加上烟韧嘅口感都好唔错。
⭐热奶茶 & 热鸳鸯
天气咁冻就要咗热饮,一杯热奶茶同一杯热鸳鸯,味道都ok嘅,虽然畀唔上茶餐厅😌
我觉得天水围分店个汤底畀元朗店浓,但个辣汁就冇元朗店咁辣,其他各方面都差唔多啦。
张贴