永年士多港式車仔麵 (加拿分道)

营业中

休息中

環境：食開元朗總店，第一次食尖沙咀分店，店鋪相比元朗店，裝修更新潮光亮，座位更舒服食物：//大碗麵//一碗雲集十款永年最受歡迎嘅配料：豬腸、魚蛋、蘿蔔、豬紅、豬皮、雞翼尖、魷魚、紅腸、菜。份量滿滿超足料🤭個人最鐘意蘿蔔同豬腸，蘿蔔入味超軟淋，豬腸洗得乾淨，冇多餘嘅內臟味，有咬勁。//自選三餸車仔麵//友人選擇牛筋、魷魚、蘿蔔。牛筋炆煮入味，滑溜晶瑩剔透。魷魚爽口。 佢加埋招牌咖喱辣醬同吃，入口辣辣過癮更惹味。//蠔油芥蘭苗//芥蘭苗翠綠嫩口， 加埋蠔油同吃，入口咸香鮮甜，//凍檸茶//茶味香濃，茶底唔會放得太耐，令味道出現苦澀之味

之前一直都好想去永年試吓佢哋嘅車仔麵，不過每次見到都排長龍所以一直都未有機會食到，呢日專登早啲過去，終於唔洗排隊試到啦！車仔麵大大碗，湯底都好好味唔會得個咸字；幼麵亦煮得剛剛好夠爽口，份量亦唔少魚蛋真係好彈牙仲有陳皮香，好有咬口！牛柏葉鮮味爽脆，魚皮餃口感煙韌，豬皮夠稔夠爽滑。最特別係有蜂巢豆腐，豆腐索晒啲湯汁好好味！另外仲叫咗碟滷水雞翼，有成4隻，醃得都好入味，而且食落好稔。下次要試吓佢哋嘅撈麵先得！

經常經過永年士多都冇試過 估唔到超好食😋大碗麵（集十寶榆其中）揀米線，豬腸、紅腸:好軟嫩的口感豬紅:像豆腐一樣的口感蘿蔔:完全冧哂沒有纖維好入口魚蛋:有陳皮嘅味道令魚蛋不再無聊豬皮:一個洞一個洞掛著湯汁魷魚:好脆並帶有魷魚的鹹香雞翼尖、雞翼：一入口馬上骨肉分離十分滑嫩車仔麵👇👇👇豬手：成隻豬手燜到好軟嫩單吃都好吃！魚皮餃：好大粒，肉都很多，好抵食冬菇：唔會太細粒，好有彈性吸滿湯汁咬下去好滿足！奶茶紅豆冰：估唔到唔會好甜，紅頭好軟綿加上港奶獨有的茶香，完美結合在一起。蠔油生菜：超級大份，生菜非常爽翠，那幫配上蠔油鹹鹹甜甜，忍不住一口接一口。淨酸齋：有啲酸酸好開胃嘅口感，配上其他餸都好搭呀。

其實喺尖沙咀嘅車仔麵店唔多，所以選擇亦都唔多，但係選擇唔多做獨市生意唔代表一定會Hea做或者質素差唔好食，位於The One附近嘅永年士多車仔麵就係一個例子。每日的中午繁忙時段都一定會大排長龍，龍頭由一樓收銀排到落去地面甚至舖頭外面。至於食物質素同味道方面，餐單上可以提供選擇嘅配料其實唔算好多，我每次食都會揀油麵，另外會推介揀咖喱魷魚，除咗份量多之外咬落都爽口，而湯底都一定會加辣汁，如果可以都建議大家要一枝樽仔奶茶，味道都唔錯！

係尖沙咀行完街就要醫下肚仔先🥰～行到The One旁邊嘅永年士多就食返碗地道車仔麵🍜先到收銀處落單再等叫號碼自取📌我同家人都係叫咗自選車仔麵☺️⭐️魷魚 牛柏葉 牛筋 肥牛 豬手 牛腩🍜大胃王揀咗6個餸🙊每樣餸嘅份量都好豐富。湯底揀咗咖哩微辣，咖哩好香好惹味。牛腩鹵得入味，好軟腍。豬手皮爽肉滑，充滿膠原。⭐️ 魚皮餃 紫菜 豬腸 流心蛋🍜湯底點咗微辣。車仔麵加上紫菜，係我最中意嘅配搭。紫菜吸收咗湯底，更好味道。豬腸鹵得好香，咬落有嚼口。⭐️樽仔奶茶茶香奶滑，茶味香濃。📍永年士多 尖沙咀加拿分道46號地下7-8號舖

下班當然要吃頓好尖沙咀普遍物價不算便宜永年士多主打手工麻辣醬很有自己特色風味湯頭不會很濃郁，清淡點口味客人可以選擇但是我不會放過他們家辣醬就會很少不常吃到的味道卻又忍不住做回頭客辣度有選擇 不吃辣可以提前說也有其他菜式選擇我好喜歡咖央吐司烤得脆脆面包不是薄薄的一片有有口感，醬是來自馬來西亞的咖央甜甜像煉乳沒有奶味多了點清甜紅豆奶茶必須點滿滿大半杯紅豆整顆煮得糯糯甜甜茶味也不缺我們坐的位置看著人們真的很放鬆

香港越黎越少車仔麵店講到平又質素穩定既一定會諗起永年士多 🥘大碗餸冇粉麵既淨餸，有10樣餸㗎份量好夠，女仔一定夠飽魚蛋，紅腸，雞翼尖等經典香港小食仲有大腸，豬紅等見到咁豐富已經流曬口水呀🥬三餸車仔麵菜底健康之選揀左牛丸，腸仔，魚蛋菜同餸既份量多非常扺食湯底唔辣都好香濃感覺唔會好味精🐽韭菜豬紅韭菜夠嫩完全唔痴牙豬紅味鮮口感嫩推薦菜式🍞鮮油咖央多士邪惡之選多士烘都脆卜卜加上有一定厚度既牛油同咖央以為自己去咗星加坡呀🤣🍊淨酸齋酸度唔算好高淋淋地好好咬又開胃食過一次就愛上永年了等我lunch 帶埋同事黎食先

成班同事好多人都食過呢一間永年士多嘅車仔面，佢哋都講歷史啦，同埋喺其他地區都有食過，今次係尖沙咀，一於試一試口味我同事話一定要食佢嗰個豬手，因為好入味同埋好林，佢都有介紹食，佢哋個湯底係招牌咖喱湯底係好好食嘅，真係好好味，我嗌左中辣都覺得辣同埋OK入味好多餸都鹵得好入味啊我覺得樣樣都好食雖然第一次食，我已經覺得好食過好多，當真係冇介紹錯，平時都排好長龍。都係值得排我都會介紹朋友識，同埋我都會繼續嚟食🤭已經諗好下次要食咩餸🤣🤣

好期友介紹下，今天經過尖沙咀順道來這餐廳試－下它的車仔麵。一到店鋪門口先要到收銀排長籠點餐，點餐後先找位置坐，坐位不多而且窄，坐得不太舒服。今次試了招牌大碗麵(8個餸包括豬腸、魚蛋、蘿蔔、豬皮、雞翼、豬紅、紅腸、魷魚) 配招牌咖喱醬。豬皮值得一贊，非常爽口，而且很入味，滷水雞翼也醃得非常入味但不會太鹹，豬紅入口帶有少甜味非常好味，略嫌魚蛋縮水而且不夠彈牙，湯底非常好味，咖喱醬不會太辣和太鹹，而且帶有甜味，配搭上油麵和餸一起味道非常配合，特別好味，值得推介

好耐冇食過啲咁有水準既車仔麵啦，叫左豬紅、蘿蔔、雞翼、油麵咖喱汁。除咗湯底正之外，啲餸都好好食，強烈推介豬紅，豬紅好入味，帶小小甜，咖喱蘿蔔夠淋夠入味，滷水雞翼就略嫌浸滷水唔夠耐，但油麵都出色過其他車仔麵檔，下次去開尖沙咀都可以再食

永年我係元朗都會間中幫襯下，佢個辣真係食少少都辣到噴火😂😂但又會忍唔住想食佢個醬叫左最普通既3餸，豬腸入味，有少少肥，彈牙，係車仔麵必叫之選豬紅都非常入味，唔係個D一夾就散開個D，一口咬落去會B汁架蘿蔔好甜，同埋整得好淋，配埋佢個辣汁食真係一絕好鐘意D鋪頭會答條菜，等我食落可以減輕下D內疚感😂😂

去左尖沙咀Body check就係附近搵埋嘢食， 冬天大家想食下麵暖下個胃， 見到永年士多好多人食喎， 評價又好， 入去食喇先點餐俾錢後取餐，叫左一碗大碗麵，配料多多係招牌菜，有豬紅，蘿蔔，魚蛋，魷魚，豬皮，菜心，豬腸，紅腸等等，湯底好正，係懷念既車仔麵味道，大碗麵如其名好大碗我食蝦子撈粗麵， 揀咗三款配菜有枝竹球，蜂巢豆腐同魚蛋，仲配有菜心，一樣大大碗，撈麵都係必試，好鐘意食枝竹球，類似素鴨咁好食，鐘意食素都揀得仲叫左蠔油菜心同生菜魚肉，菜心份量都幾多，生菜魚肉有胡椒粉辣辣地唔錯，魚肉整到成個魚蛋咁好有口感，好岩我地口味飲品係好立克同柚子蜜，唔會過甜店員落單同上菜都超有禮貌，餐廳又新又乾淨，所以多人幫襯係一定有原因的

大碗餸車仔麵(十款)-豬腸-魚蛋-蘿蔔-豬紅-豬皮-雞翼-雞翼尖-魷魚-紅腸-菜$72好味指數：9/10士多啤梨乳酸梳打$15 (跟餐) / $32 (正價)好味指數：8.5/10得返唔夠一個鐘頭要🎥睇戲，最好就係食🍜車仔麵，快靚正。呢個十款車仔麵啲餸真係好豐富，🐖豬腸非常入味，有少少🤏🏽肥肥地咁樣先最好食，豬紅豬皮亦都非常入味，係必叫Item👍🏽，掛晒啲湯💦。陳皮魚旦彈牙有🐠魚味，蘿蔔係甜心果隻，整得好淋。雞翼🐔雞翼尖正常發揮，尤魚🦑爽口，好有咬口。係紅腸偏淋，加埋嫩口🥬菜心同埋佢嘅秘製🌶️辣汁，一個人食晒成碗真係唔過分。杯特飲好有驚喜🤗，酸酸地唔會太甜，好醒胃，啖啖嘅士多啤梨🍓香味，非常得我呢個士多啤梨控歡心，仲有一粉士多啤梨乾做點綴，加曬分。

呢間餐廳平時叫外賣叫得多，今次第一次堂食，車仔麵必吃當然係蘿蔔、豬紅😍仲叫了牛肚&魚腐🍲🌶辣度：🍛咖哩細辣 （聽講好出名，食車仔麵必點）😋豬紅：真係好好食，好耐無食過咁入味既😍 係外面餐廳豬紅多數都係無咩味道，即是豬紅&汁分開，但呢度必點。😋蘿蔔：無渣，爽甜，又係超讚👍🏻😋魚腐&牛肚：味道都不錯😋抹茶紅豆冰：紅豆冰就成日飲，抹茶紅豆冰都係第一次飲，用大粒紅豆，入面仲有啲紅豆蓉，超喜歡💕

🍽️ 永年士多 📍地址: 尖沙咀加拿分道46號地下7-8號舖 😋👉🏻牛肉鍋 兩人份 清湯 $188 （牛肉片、牛腩、牛筋、牛丸、蜂巢豆腐、蘿蔔、韭菜花、冬菇）👉🏻另加 辣豬腸,豬紅, 豬皮 $31超級豐富 估唔到永年都有得打邊爐😼出色 本身想食車仔麵但見佢咁抵$188就咁多料 就叫黎試試佢 岩曬咁凍嘅天氣食🥳叫左清湯湯底因為食唔到辣 估唔到個湯底幾清甜 唔會好油膩 牛肉片另上 比自己十下十下 推介‼️豬紅清甜 吸收曬成個湯底既精華 超正推介‼️豬腸重花椒八角味陳皮魚蛋 重陳皮味豬皮彈牙爽口入面個湯底仲有紅腸同豆腐卜🐒 呢個邊爐好抵食 食極都仲有野食😂完全係尋寶系列佢仲有兩個麵底跟餐 有油麵 粗麵 幼麵 米粉同米線揀 我地兩個都揀左油麵😂同埋揀左永年辣醬 食第一淡都辣到噴火😂😂出色出色 但又忍唔住想食佢個醬 👉🏻咖央多士 $18熱辣辣 新鮮出爐 外脆內熱 加埋咖央醬一流 唔會好甜 食落剛好👉🏻紅豆奶茶冰 跟餐+$5甜度適中 就算無叫走甜都岩岩好 超足料 紅豆份量佔一大半😽👉🏻抹茶紅豆冰 跟餐+$5估唔到咁都比佢諗到 抹茶味濃郁 沒有甘苦味 可口👍🏻好味指數: 3.8/5 性價比: 3.8