永年士多港式車仔麵 (加拿分道)

营业中

休息中

永年士多在元朗有30多年老字號店。其車仔麵深受街坊歡迎，繼尖沙咀、銅鑼灣分店後，最近在沙田新城市廣場又開分店。晚上做完運動大約9點半多，與好姊妹去到尖沙咀分店，不愧車仔麵遠近馳名，每次去食都係大排長龍，店內坐爆滿，今晚夜少少🤏不需要排隊，但都坐滿人。店舖沒有什麼特別的裝修，環境比較逼夾，座位也坐得不太舒服，如不是獨家秘製藥材湯底和辣汁（有 5種辣度）惹味之極，也不會吸引咁多客戶慕名而來。四寶麵米粉（微辣）選用新鮮材料有豬腸、豬紅、豬皮、蘿蔔、菜。藥材熬製的湯非常之清甜，加上秘製辣汁口感俱佳超好味😋。豬腸無羶味，有微微的藥材香，入味又腍身豬紅更加惹味超級正，外爽內腍超入味豬皮入味彈牙爽口蘿蔔超甜又腍得均勻

本身住元朗，永年成日食，但係尖沙咀度嗌外賣都係第一次，還好，同元朗嗰間比，都係差唔多，叫左蘿白，雞翼尖，豬紅，都幾好食，啲奶茶冇冰好緊要，唔會越飲越淡，不過硬覺得係細個嗰陣拿拿渣渣最正

永年其實而家都出名鹹，上次食，我碗清湯比朋友碗中辣更鹹。雖然鹹，點解我仲繼續幫襯，因為佢嘅餸好岩我口味。今次我就要左米粉小辣，配魚蛋，魷魚，牛筋，加凍檸茶。魚蛋係陳皮魚蛋，自從間廠搬左返大陸後，都覺得陳皮魚蛋嘅質素下降左，但呢度仲食到有陳皮同魚味嘅魚蛋，而家超級有咬口，好韌好有咀嚼感。魷魚好爽口，淥得剛剛好，一啲都唔韌或唔淋。牛筋超正，我本身唔食牛肉，但就鍾意食牛筋，若果牛筋連住左啲肉，其實我會感覺不良好。但呢度牛筋就牛筋，一啲牛肉都無，超合我心意。😂食完辣到流鼻水，飲返杯凍檸茶少甜解解辣，唔錯。若果永年賣無湯嘅外帶小食類，我相信我每次路過都會幫襯。🤭

下午要落區出隊諗住快吃吃完就閃人老婆大人叫了杯奶茶紅豆冰怕太甜，想叫少甜點知職員說所有冰量及甜度均不可改變以免影響味道同效果太可惡又即管試下你杯野有幾巴閉一試果然有驚喜飲落唔太甜更重要的事茶味紅豆味好配合唔會冚佐對方的道的確幾好飲老婆話下次來要再飲近來相減少澱粉質吸收所以叫了個淨三餸淨三餸會包一份菜做底所以其實係4餸如果想減澱粉質，不妨叫這個蘿蔔入晒味超好吃湯底有獨特的甜味道豆卜索晒d湯汁放入口，d汁爆晒出黎

常幫趁的藍店之一，兩碗都要了勁辣。冬菇厚身，滲出香味，軟淋滋味，必叫 。貢丸有咬口，不是大路貨的一般貨式，扎實大粒，香菇讚，次次都叫。豬紅四方，粒粒均勻，大小件頭差不多，易夾不散。三餸菜底39菜不會少得可憐，是菜心，芯位都不會未熟透，最索辣汁。豬腸很肥，喜歡的人會喜歡，牙好的人不會嫌un😂豬皮挺大塊，吸汁不俗。魷魚沒特別，辣持不上。三餸烏冬45雖然不是稻庭烏冬，卻難得彈牙，不肥漲，很美味。加15抹茶紅豆冰店職工表示不可叫少冰，無奈如常冰半杯，沒啥茶味，甜度正常，豆一半也未熟夠時候，偏硬貨式。加15紅豆奶茶冰奶茶不過不失，同樣半杯冰，冰不夠碎，吃豆時存在困難，要拿開冰塊，在能食到豆子。食後感：辣度好，不嗆喉，相比元朗店做得佳，新界分店辣會嗆喉不理想，扣分，這兒不會！

湯底偏甜，無乜特別但都Ok但啲配料唔錯流心蛋熟度岩岩好，時菜都好新鮮好爽甜，叫左兩隻蛋、蘿蔔同埋必食既牛筋❤️ 牛筋煮到啱啱好，膠質超豐富好似啫喱咁，蘿蔔都煮得好夠味，呢兜車仔面整體都唔錯，只係午市時間真係等唔好位，好難先有得坐。

一直都好想食呢間好出名既車仔麵, 之前主店係元朗太遠, 依家分店係尖沙咀咁方便梗係要試啦😎三餸一麵 ($43) 🤤 ~ 點了豬紅, 雞翼, 韮菜餃配幼麵. 樣樣餸都好好味. 豬紅好好味, 口感結實. 韮菜餃有超香的韮菜味, 而且餃子大大隻好抵食. 另外叫左杯 ($15)🤤 ~ 奶茶香滑, 配埋紅豆好解渴好好飲. 整體來說係間好高質既車仔麵店, 所以經常都要排隊超多人架. ❤店舖 : 💙地址 : 尖沙咀加拿分道46號地下7-8號舖

我成日都覺得車仔麵絕對係香港嘅特色美食 我本人都超鍾意😈當有啲外國嘅朋友嚟香港 我都會想帶佢哋去食 但係有啲我平時食開既車仔麵我驚佢哋覺得個環境太迫gip 嚇親佢地😂所以我覺得永年係一個唔錯既選擇 呢一間比較光猛少少 又係尖沙咀 方便佢哋去shopping得黎又可以食到呢一個香港嘅地道美食😎😎·三餸一麵 $41我自己覺得佢個雞翼尖同埋冬菇都整得好好食 超入味得黎個冬菇仲係好彈牙 大大隻😋😋雞翼尖都係超入味 而且佢個湯底我都幾鍾意 濃得黎唔會過鹹 而且D麵都好食🤤🤤·#rbyeat#rby港式#rby尖沙咀 #rby銅鑼灣 #rby元朗 #rby沙田·📍尖沙咀加拿分道46號地下7-8號舖📍銅鑼灣謝斐道482號信諾環球保險中心地下7-9號舖📍元朗教育路88號寶城洋樓地舖2-4號📍沙田沙田正街18號新城市廣場L1樓113號舖

車仔麵食得多，好少見咁大間食車仔麵嘅舖頭，應該係好食嘅，否則唔會有咁大間（上網check返，原來仲有分店）！同老公、亞女、和兩位朋友一齊去食，去到仲未開門，但已經有人係度排隊，果然利害🧐我自己叫咗兩餸麵：墨魚丸🦑、豬腸烏冬。墨魚丸好彈牙，有墨魚粒粒，好有咬口；豬腸唔會好肥膩，味道不錯，兩餸麵原本已經有菜心🥬跟，不過我愛吃菜心，所以另外加多份蠔油菜心，份量都唔少，可以同朋友一齊開心share😉，老公叫咗個港式紅豆冰，應該都唔錯，紅豆夠多，唔太甜！由於太肚餓，又要處理囡囡，唔係影咗好多相，下次大家親自嚟試下啦！頭先講過，佢仲有分店架，銅鑼灣、元朗、沙田都有得食，可以了解一下🔍

元朗出名食車仔麵的永年士多，尖沙咀都有分店，我經過尖沙咀當然試下啦！第一次食都吾知食咩好🧐有選擇困難症既我就點左大碗麵+流心蛋，可以一次過試晒推介食物😎大碗麵有10樣餸（雞翼，雞翼尖，豬腸，陳皮魚蛋，蘿蔔，豬紅，豬皮，魷魚，紅腸，菜）我喜歡車仔麵少有的流心蛋，咬開仲係流心。🐷豬腸甘香，豬紅滑溜。蘿蔔整得好淋無渣😋湯底帶甜，如果接受到的朋友建議加招牌辣汁，我就點左微辣，感覺剛剛好令湯底更惹味！試埋牛油班蘭咖央多士，甜甜地有很香班蘭味。最後推介飲樽仔奶茶，茶同奶味都適中而且香滑👍🏻

尖沙咀消費比較高，朋友說想食平一點就想起起吃車仔麵啦三餸一麵$41，份量中等啦，男孩子不夠的話可加麵底/餸各$8，湯底亦可有辣度選擇🍴食物🍴1）蘿蔔～很清甜冇根，很入味，值得試2）豬腸～味道正常沒有太大特別3）流心蛋～喜歡吃流心蛋的朋友就一定會吃〽️環境〽️地方也很乾淨衛生，不過座位比較逼➰服務➰屬快餐店形式沒什麼特別～中規中矩⚠️總結⚠️個人覺得餸菜味道不是很特別，是屬正常水平，但價錢優勝（5❤️為滿）食物：❤️❤️❤️環境：❤️❤️❤️服務：❤️❤️❤️

元朗永年都只係食過一次，巳經好多年前，唔係好記得咩味，不過印象中唔係特別好食，今次去尖沙咀店試下。叫左豬紅、豬腸、魷魚魷魚無特別。豬腸入味但入面勁多肥膏，如果清一清啲肥膏感覺會好好多。豬紅都係超入味，食落甜甜地，堅正！

唔使再直入元朗⤵️ 尖沙咀都有1️⃣間既永年士多👏🏻<大碗麵🍜>車仔麵🍜樣樣餸都好似好好味😋 黎到永年士多揀<大碗麵🍜>就唔怕選擇困難既煩惱🙈 <大碗麵>總共1️⃣0️⃣個餸👀 可以1️⃣次過試曬咁多味道😍: 陳皮魚蛋🐟 (陳皮味道出眾😮) 🐽豬腸(乾淨軟腍)🐽豬紅(質感幾厚實)🐽豬皮(索曬湯底味道😳) 蘿蔔 (清甜無渣) 魷魚🦑 (幾爽口但無咩味道) 仲有雞翼🐔 (用左滷水汁調較好入味)雞翼尖🐔 紅腸同菜湯底🥣方面帶點微辣🔥 濃郁得黎又幾惹味😋 車仔麵黎講，價錢方面會少少偏貴<斑蘭咖央多士🍞>網略大推既斑蘭咖央多士😳 薄薄既斑蘭香味👃🏻 配上微甜既味道👅 略嫌份量偏少唔夠喉👉🏻👈🏻 用上厚身麵包🍞 只輕輕烘過未算脆口難忘☁️ 斑蘭醬算唔吝嗇🙂叫彌補返不少失去既分數👀

聽人介紹 先知呢間車仔麵好食😋😋😋😋我中意食辣 所以好中意食啊大辣同勁辣都試過👍🏻👍🏻👍🏻👍🏻👍🏻不過唯一一個意見外賣既時候 個外賣盒size好似得一個叫幾多個餸都係同一size既外賣盒有時叫多啲餸 會唔夠湯爆晒出嚟⋯⋯所以如果可以 有再大啲既外賣盒會好好多另外豬腸真係好好食😝我通常都會叫6個餸 我覺得堂食會好啲 因為個碗夠大 有足夠空間可以裝到湯同餸🙂🙂🙂🙂🙂🙂🙂🙂🙂🙂🙂

一直都好多朋友話永年嘅車仔麵好好食，雖然佢係尖沙咀開咗分店，方便左好多，但一直都冇機會去食，今次去開尖沙咀，就同左朋友去試吓。餸嘅選擇都幾多，選擇困難症嘅我，最後揀咗菜，蘿蔔同糖心蛋，配粗麵。佢哋嘅蘿蔔真係好好食，係有加上咖喱調味，食落有淡淡的咖喱香，而且蘿蔔好甜好多汁，呢個真心好食。而菜就食得出佢哋有加麻油調味，但唔係好夾，食返比較清淡口味嘅我就唔係好鍾意。整體來講我同朋友都覺得，其實佢哋嘅配料都幾好食，但麵底就差左少少，我個個碗粗面好似未熟咁，食落勁硬，搞到食唔落去。