永合成餐廳餅店 (已搬遷) 新店位置

睇完蘇good，特登走去上環食煲仔飯。order咗個煎蛋牛肉煲仔飯，飯冇焦香味，牛肉汁又無滲入飯裏面，剩係整熟就放喺飯面頭，豉油又唔係祕製煲仔飯豉油，絶對失望，求祈搵間一定好食過佢！另外order咗個星洲炒米，質素一般。最搞嘢係餐牌明明寫$42，但註明下晏一點至兩點加收兩蚊。凍飲就話加錢啫，從來未聽過peak hours粉麵要加錢。有個阿伯叫咗啲嘢喫唔晒，想話攞走，拎個發泡膠盒，阿姐話要額外收$1……呢間嘢啲嘢一啲都唔好食，但就好大支嘢，個個伙計都好大鼻又冇禮貌，以為自己好出名不可一世咁，總之比人個感覺係樣樣講錢，一啲人情味都冇！

今日剛巧路過附近，本想去吃九記牛腩麵 ，但其中有人提議吃名人介紹的煲仔飯，大家又讚成，唯有跟大隊 。 坐下，叫了窩蛋牛飯同鳳爪排骨飯，先吃窩蛋牛飯，無牛味，無煲仔飯香味，豉油不野味，再吃鳳爪排骨飯，My God 鳳爪咸到 ，排骨亦完全無突出之處，吃完我們異口同聲說本來想食好野，點知食垃圾，另外也有叫小炒，但不提也罷。 另外值得一提就係煲仔飯店有一個粗聲粗氣，落單時無禮貌的阿姐，當我吃過煲仔飯後，亦不客氣地批評說：阿so呢D都話好食，佢食開垃圾架? 阿姐之後當堂粒水，不再擺出一副不可一世的模樣。 真不明白有名人會介紹呢D垃圾食肆。

2008-11-28一個節目，就攪到個個o黎朝聖……上次行過都見有位，今次算我o地早o黎，阿姐拎走張留檯牌俾我o地9個先有得食 (有得訂檯已經怪，仲要訂o左等於無訂)好幾人試推介o既窩蛋牛，但我怕生o既蛋所以忠於自己心頭好，腊味煲仔飯唔知點解欠了腊味應有的味道，唔太鹹又唔油。的確無乜飯焦o既試了少少食肉獸1號的排骨，not bad個阿姐不下一次，大大聲同o的等位o既人講，令全場爆笑：「你o地睇住佢o地食啦，咁佢o地就會食快o的！」呢句令我俾服務兩分有一句唔係同我o地講：「整梗喇俾o的時間好唔好」佢o地有o的麵，一至兩點要加兩蚊唔覺有餅賣？

由細到大住上環, 呢間都係其中一間成日幫襯既。尋晚睇完阿蘇, 見到佢講永合成, 所以特登同老媽子今日去食晏。點知坐低嗌左餐有耐老姐就打電話黎話漏左野係屋企, 又冇帶鎖匙, 只好臨急臨忙改外賣。於是成世仔第一次既永合成外賣就咁發生左 之前次次都係堂食, 因為煲仔飯永遠都係有個熱煲係面前先感覺到風味。而且煲仔飯又唔會俾埋個煲你外賣帶走,所以今日先試到第一次外賣不過有辣有唔辣, 食唔到堂食都冇壞, 起碼知道原來外賣都一樣得今次我食例牌叫窩旦牛飯, 老媽子就食排骨飯。我最鐘意佢個窩旦牛既牛肉係牛粒,而唔係免牛, 擺入口咬感好好。而且D汁同隻旦撈完之後非常夾, 總之就YUMMY.但驚喜在原來外賣都保持一定既水準, 絕不失禮, 都有原裝既九成至於老媽子既排骨飯, 因為小弟一路都冇食過,所以亦不予多評。另外一提係佢個黃鱔飯都唔錯, 不過水準冇牛肉飯穩定。原因有多個, 但主要都係D鱔唔係次次都靚, 不過整體都係一個非常好既出品。

夏天食下煲仔飯都幾開心傢。不過點都覺得煲仔要有臘腸先好味道。可惜拒夏天全部腸類都晤會有供應。。可惜呢。。今日叫左窩蛋牛飯，鳳找排骨飯，大豆芽肉片飯，北菇雞飯，同埋雞翼。我就覺得最好味係窩蛋啦。d牛肉好入味。雞翼都係一個唔錯既介紹。。其他我就覺得唔係太special。。食緊既時候就會叫拒留蛋撻。因爲老細介紹話好味道。。1入口。差d熱死。原來真係剛剛出爐傢。不過好味。所以好飽之下都食左一個好滿足。。我記得第一次黎既時候真係無服務可言啦。。個個都好似好忙。周圍走黎走去無停甘。。不過可能黎得多左。。d人認得我地就開始又聊下甘。。不過呢d 老字號。家庭生意唔知點解服務態度都係甘上下。。不過over all係值得試下既

我睇openrice 而去呢度試煲仔飯叫左個窩蛋牛肉飯， 真係令人失望隻蛋煲到亁真真又冇乜飯焦煲得熱但唔夠香唔抵死

今日致電叫呢間外賣自取,好簡單,叫了 : 咸蛋蒸肉餅,一個白飯,一例湯. 一點鐘自取.去到話收 $47, 比左. 過了2分鐘後話我有白飯例湯計錯了,要加多$12. 照比佢.後問下為何咁多,佢話白飯是煲仔飯就走開. 以為佢冇正常白飯啦.拿了外賣,望下餐牌, 有喎,仲平 $3. 再問佢話下次要講"一碗"白飯,若不就比煲仔白飯. 都冇話換過比我.回到office,火都來了,比左一個咸蛋肉碎蒸蛋比我.越食越"興".打電話問佢D肉餅係咪整到蒸蛋咁.佢走去問一排,番黎答"係蒸水蛋",然後我好嬲話"咁則係冇肉餅啦!" 佢冇答. 我話咁冇野. 收線. 以後不幫襯了.都不知乜service. 冇sorry. 冇話換.若冇肉餅,為何不在我落單時講?或到我到取時講也可.呢餐lunch接近$60,又不是好食到爆燈,又受氣. 比都唔再去.

幫襯了永合成不算耐，三年倒啦，絕對不算熟客。次次去大致都係叫番d招牌出品，例如煲仔牛肉飯、奶茶、豬排丁麵、蘿蔔糕。食味絕對不是問題。可惜最近幫襯，可能因為天氣太凍既關係，人太多，鎮店之華姐完全做唔切，我坐左接近二十分鐘都叫唔倒野，無奈地唯有走人。其實華姐得一對手，根本無可能做晒全間舖，d細路都成十幾歲人，唔知點解一d都幫唔倒手，今時今日外賣排骨飯幾錢都唔知，仲要大聲嗌做到氣咳既媽咪，唔知咪自己睇下個餐牌囉！唔好話我已經見佢舖頭，就算淨得星期六度都兩三年啦！一句講晒，唔係叫你唔好幫襯，不過如果你去到見佢八成full，你都係兜個圈起碼半粒鐘至番黎，或者索性等下次。

Lunch兩個人食左兩個煲仔飯:窩蛋牛肉& 排骨鳳爪! 天氣暖左少少,無好凍時食咁滋味, 不過飯好新鮮熱辣,牛肉口感好嫩,同飯搞混好夾,另外我鍾意排骨鳳爪飯有好多豆豉,好有味道,同出面的有好大分別! 不過,我覺得鳳爪不算很好,因為太淋而且腳甲好長,有點唔想食! 下次都係叫排骨飯好了!

一心來試試這個窩蛋牛肉煲仔飯，聽說這裡是做焗爐來焗製的，效率其快，大約10多分鐘可以上，速度快過三文治。可能期望過大，換來的少許失望。一開蓋後，沒有傳來朕朕香噴噴的飯香，而牛肉不夠多，不是舖滿全煲飯，而一只雞蛋也不夠，忘記加雙蛋。入口的牛肉鬆軟，沒有多餘的根，亦夠鮮味，又夠肉汁，飯粒分明、鬆軟得來帶爽口，最可惜做焗爐關係，一丁點飯焦也沒有。雖對煲仔飯一般，反宜最驚嚇是老闆娘介紹加了洋蔥的蛋牛治，料極多，覆蓋了整塊麵包。因加了洋蔥碎的關係，每一啖也特別惹味，不過一客要$19價錢不算相宜，但都價得一試。再嘆了一杯大奶茶，入口夠滑但不夠香濃，而茶味也缺乏。下次我都會再來的，不過不是為了煲仔飯，而是想食蛋牛治。

仲係新年，大年初五，那裏極多人，有個女人追單，俾個好中氣的女事頭大聲地鬧：追乜野單呀？個個都係要等，你唔好食啦，^!&@%*^#.....全場靜晒之後我兩個朋友等煲仔飯，等了一個鐘都未有，沒有食便走了只得我食了一個麥皮...都等了十分鐘但聽朋友說，個女事頭鬧人都不只是第一次了，之前已見她鬧人鬧到狗血淋頭四十蚊個煲仔飯，環境又不是十分好，清潔一般，去那裏食只會為一個原因：中環區很小有煲你飯食

嗌咗個窩牛飯同例湯,個場真係好爆,所有人都一人一煲,湯先到,個雜菜湯好足料,飲落冇乜味精,但有一陣燶味,味道爭d,個飯要成四五個字先到,食落碎牛肉好新鮮,唔似用梳打粉加工,肉味濃,雖然唔係炭爐煲飯,食到底都會有少少飯焦,可惜只得一隻蛋,未能每啖飯都有蛋入口,加蛋會好d,下次會再黎,同埋一定嗌湯,因為等飯既時間都好耐吓,有碗湯飲吓都叫做唔駛呆等,可能因為天氣得番十度兼落雨,不斷有客入店,就算出動到店員子女一齊幫手,落單既情況依然好混亂

寒流襲港，凍到牙關發顫。响呢個時候有乜嘢好過食番煲熱辣辣嘅煲仔飯?晨早十一時，時候尚早，已經一枝公直奔入店內。問清楚有煲仔飯供應後，立刻坐低整個窩蛋牛肉...正式新鮮滾熱辣，煲熱得燙手。唔理三七二十一先將窩蛋攪勻，不加豉油先嘗一口原味。啄碎牛肉粒冇乜梳打嘢招呼，原汁原味，頗鮮亦夠味，基本上不用下豉油都已經夠晒味，的確名不虛傳...飯不太"爛"，不俗。但相比起牛肉粒，是配角...雖則話佢哋嘅煲仔飯係"出咗名"冇飯焦嘅，但食落又唔係wor，都有少少，但當然係同坤記嗰D差過十萬八千里la...為咗個牛肉，值得再嚟...

同朋友食飯, 今日凍成咁食乜好? 結果大家異口同聲話-- 煲仔飯!同朋友一心想食臘味煲仔飯, 1:30pm 去到西環坤記門口俾阿姐一句「無煲仔飯0架喎!」打沉了, 唯有行多幾步0黎同樣未試過0既呢度... 雖然2:00pm 坐低後阿姐即話「無肉片」又「無臘味」, 咁就叫一煲窩蛋牛肉飯同一煲豉椒排骨飯share 食啦.窩蛋牛先0黎, 賣相好靚! 不過真係要極速撈勻d 碎牛, 飯同隻蛋... 呢度d 飯係無飯焦的, 唔係梳打的碎牛肉幾滑, 完全唔乾, 撈埋隻蛋再落埋豉油, 好食!豉椒排骨飯0黎到好香, 勁多豉又幾多椒, 不過我覺得豉椒汁鹹0左d, 排骨就出奇地多肥油@_@ 兩煲飯0既份量唔少, 較大食0既我0地食剩了1/4 煲豉椒排骨0個煲, 但兩個「中級」食量0既女仔share 一煲係一定夠飽的.環境殘舊, up up dup dup 咁, 好在算乾淨, 只係我0地坐了0係洗碗(?) 0個度出面, 成日聞到強烈漂白水味; 招呼ok 啦.唔錯0既煲仔飯, 有機會要再0黎試試臘味煲仔. 好想食(月閏)腸呀!

盛夏已過，初秋又至，是時候開展我們冬日尋吃之旅。食友提議來這裡吃一吃煲仔飯，有何不可？就找一個下午來吃。這裡的午市，是長期爆滿，總是水涉不通，我們坐在樓上「雅座」，感覺是比樓下闊落一點點。四人來吃，要了三個煲仔飯，一個小菜再自製成煲仔飯，詳情如下：例湯：是南瓜煲排骨湯，從碗中的湯料已知，湯是煲得非常老火，清潤又沒有味精，好。老火例湯，一向也是這裡的強項之一；窩蛋牛肉煲仔飯：分煎蛋及「窩蛋」兩款，要吃得滋味，當然是「窩蛋」。牛肉手刴的，口感比機刴的好好多，亦有肉汁，撈上了生雞蛋，美味又有風味。也多得老闆輩食友的提醒，一煲窩蛋牛肉飯，要撈進兩隻蛋才可以「啖啖有蛋」，請記存；北菇雞煲仔飯：食友是熟客，直接指出是日店方的雞下得慷慨，平日是沒有這麼多的。雞肉嫩滑，加上冬菇及一點甜醬油，味道當然好；臘味煲仔飯：臘味跟煲仔飯，幾時都是最佳拍檔，因為臘味在飯面高溫一焗後，香味及油份盡出，美味不可方物。臘腸、潤腸及臘肉各兩件，我們笑言，下次應該叫潤腸臘肉煲仔飯就可以，再不是，就叫個淨潤腸煲仔飯，再加臘肉也行；梅菜蒸肉餅加煲仔飯：嚴格來說，這是個自製的煲仔飯，是叫梅菜蒸肉餅及煲仔飯各一，再將其混合而成。甜