永合成餐廳餅店 (已搬遷) 新店位置

由細到大住上環, 呢間都係其中一間成日幫襯既。尋晚睇完阿蘇, 見到佢講永合成, 所以特登同老媽子今日去食晏。點知坐低嗌左餐有耐老姐就打電話黎話漏左野係屋企, 又冇帶鎖匙, 只好臨急臨忙改外賣。於是成世仔第一次既永合成外賣就咁發生左 之前次次都係堂食, 因為煲仔飯永遠都係有個熱煲係面前先感覺到風味。而且煲仔飯又唔會俾埋個煲你外賣帶走,所以今日先試到第一次外賣不過有辣有唔辣, 食唔到堂食都冇壞, 起碼知道原來外賣都一樣得今次我食例牌叫窩旦牛飯, 老媽子就食排骨飯。我最鐘意佢個窩旦牛既牛肉係牛粒,而唔係免牛, 擺入口咬感好好。而且D汁同隻旦撈完之後非常夾, 總之就YUMMY.但驚喜在原來外賣都保持一定既水準, 絕不失禮, 都有原裝既九成至於老媽子既排骨飯, 因為小弟一路都冇食過,所以亦不予多評。另外一提係佢個黃鱔飯都唔錯, 不過水準冇牛肉飯穩定。原因有多個, 但主要都係D鱔唔係次次都靚, 不過整體都係一個非常好既出品。