水鴨朱椰子雞 (已結業)

今次幾位識飲識食前輩們到「水鴨朱」飯聚，順便提早慶祝端午節！「水鴨朱」是有街坊味的食店類，主打吃景色優美海南島出產的椰子雞。中國人無雞不歡，除了過時過節會吃雞外，平日家常小菜吃雞也非常普遍。但「雞肉易找，好雞難尋」，今回我們就吃到靚雞：開動！小吃「沙薑雞腳」$58，用新鲜雞腳入饌，極軟身，無牙都吃得到：另一冷盤「青瓜爽海蜇」$58吃小炒，怎能少了「豉油皇鵝腸」$78我喜歡它把肥腸切得寬身，橫切面大，可吸盡豉油的香和鑊氣。芽菜不會出水變得水汪汪，也是此菜的重點，送啤酒可過足口癮。若果豆腐火腩飯是「男人的浪漫」第二位，第一位我會投給「小炒皇」$98，材料簡單卻惹味。炒蝦乾、豬耳　魷魚、韮菜共冶一爐，怎能抗拒？「鹹酸菜牛肉炒准山麵」我是第一次吃准山麵，麵條幼身得來是爽滑質感，吸汁和吸味能力强刃。配新鮮牛肉片及惹味鹹酸菜，聰明的配搭。若大家想吃炒粉麵飯，建議可試這個鑊氣之選。主菜時間，鎮店「正宗海南椰子雞鍋」$298 / 隻用海南島文昌走地雞，飼養約150日，人手劏後由海南運送來港，肉的纖維不會被切肉機破壞而得以保持細緻。切後加入湯內生滾：湯是純天然椰子水，雞熟後可以先喝一口甜湯頭，再吃肉滑脂

我好鍾意打邊爐，一班人打又得，一個人打亦得嫁🤣 生活真係唔可以缺少打邊爐呢一個環節。不時仲會去下d 特色火鍋店食下，今次同朋友去咗水鴨朱椰子雞🥥 可以話係又正又抵食嘅火鍋店，仲有小菜食添吖。真係值得推薦一下。原本以為湯底可能會太清淡，估唔到咁樣仲更加突出雞肉的鮮味，唔駛加醬油同調味料已經好好味，不過加咗令味道更濃同樣好食。雞肉鮮嫩、鮮味，最緊要係唔嚡。👍🏻👍🏻另外打邊爐主角之一當然唔少得”牛肉”啦。每次都係必食的。牛肉新鮮，再加少少菜類平衡下，又係滿足嘅一餐了。水鴨朱椰子雞水鴨朱椰子雞

今日嚟到呢間位於大角咀棕樹街嘅《水鴨朱椰子雞》食晚飯。 餐廳地方寬敞，大量座位，附近又有得泊車十分方便。知道呢間鋪頭的雞鍋十分出色，於是我們點了 奇味雞鍋 $168。鷄鍋是用新鮮的海南島文昌走地雞，雞肉爽滑幼嫩，又好有雞味，並配上豐富材料，包括有中芹、紫洋蔥、蒜粒、薑、大豆牙、薯粉......，入口相當惹味。食雞鍋梗係要飲返杯冰凍啤酒生力清啤 $28大支裝夠曬凍，食雞鍋及小菜就最啱曬。蜜餞薯仔牛柳粒 $98一上枱賣相已經相當搶眼，牛柳粒和薯仔熱辣辣出曬煙，食落口甜甜地好脆口。蝦乾蒜蓉蒸勝瓜 $78蝦乾大隻味道鮮美，勝瓜蒸得口感爽軟，索左蝦乾及蒜蓉嘅味道後，鮮甜味美。總結今晚埋單消費400元有找，食到飽飽，唔錯。

雖然是街坊小店，但質素卻比不少大型連鎖酒家還要好。必定要吃這裏的椰子雞鍋。走地雞肉當然冇得輸，椰子湯亦非常香濃，吃完半隻走地雞，椰子湯就可以用來打邊爐了。火鍋配料選擇多之餘，質素高、份量大。一份手打墨魚丸有16 粒，足足比坊間一般火鍋店多一倍份量。 尤其是一定要吃這裏的手蟹子蝦滑，看賣相就知道絕對是自家製的了，爽口彈牙，非常回味。另外,小炒也做得相當不錯,例如辣汁炒鵝腸, 鵝腸爽、辣汁有後勁！正！價格街坊，味道一流！

今晩約咗朋友嚟到大角咀食晚飯，係旺角站行過嚟都好方便，食飽飽仲可以散步返去添。Menu 好多嘢食，小菜又有，打邊爐又得，夠多元化。但因為得我哋二人，所以唔嗌得太多，好多餸都係留返下次先試啦。但一定要試嘅就係正宗海南椰子雞。頭先有醬料俾我哋，係用豉油、蒜蓉、青檸同辣椒。但其實隻雞已經好夠味，我都覺得原汁原味好味啲。鍋好簡單，有雞、椰子同竹苼，但簡單嘅材料反而最好味。個湯好飲到不得了，簡直停唔到口，加上竹笙索晒湯底精華，仲正。雞肉好滑同鮮甜，一定要嗌。另外仲嗌咗麻辣雞腎，辣度啱啱好，雞腎爽口彈牙，做送酒小食一流。我哋想食蔬菜所以嗌咗個椒鹽四季豆，好香好鬆脆！

我終於脱離了灣仔的上班生活，新公司位於大角咀。今晩便和好友來到公司附近的餐廳慶祝我的新改變。我們7時來到，餐廳較少人，但8點後就越來越多人了！我們點了招牌菜正宗海南椰子雞。店員會給豉油、蒜蓉、青檸和辣椒做醬料。鍋裡有半隻雞、椰子和竹苼，椰子香很快便傳入鼻裡，湯底非常清甜，簡直可以當湯喝。雞也嫩滑好吃。這道避風塘海蝦是必吃之選，海蝦脆口，連蝦殼也可以吞下。蝦肉鮮甜彈牙，配上避風塘蒜更惹味。炒四季豆就吃得多了，椒鹽四季豆反而是第一次吃。餐廳加上小小辣椒，令味道更凸岀，對我而然辣度恰到好處。吃了這麼多煎炸和辣的食物，真令人口渴，配啤酒更是一流。

雖然門面吾起眼，但看來做街坊生意嘅小廚實在係臥虎藏龍。多謝朋友帶我嚟。 首先一定要講個椰子雞鍋，湯底超級勁香椰子味，極級清甜，雞肉都是用走地雞，肉質非常嫩滑，坊間一般嘅雞鍋絕對不能媲美。由於嘗辣，夥計介紹食佢哋招牌水煮鴨血，大大一盤仲以為會食唔晒，準備打包，點知食下一舊食下一又舊，由於實在太過美味，嗰種香辣，非常有後勁，鴨血亦非常滑溜， 竟然食得晒。 火鍋配料方面，選擇都算多，而且份量非常大，丸類都是手打自家製！絕對值得專程揸車去吃呢。

今日專誠嚟到大角咀食椰子雞煲，聽店員講，原來呢度除咗椰子雞煲出名，小菜都好受歡迎。好多人都會帶一份椰子雞再加小菜開心 share 。小菜嘅款式非常多，川辣系列好吸引，可惜我同街既朋友唔食得辣，所以今次就叫咗幾款唔辣嘅小菜。我非常之推薦呢度嘅椰子雞！椰子雞雖然比較多油，但味道係出色的。湯底係好濃郁嘅椰子香，香甜到不得了，令我忍唔住飲咗幾碗。雞件都幾滑，唔錯。呢度嘅炒四季豆好有鑊氣，香口又好味。呢度嘅粉麪係正常味道，店員會主動問你佢唔需要辣醬，抵讚👍😊

去完個friend屋企，佢話附近有間《水鴨朱椰子雞》食物味道相當唔錯，朋友出名嘴刁，佢介紹得，當然要試。麻香芥末生腸 ($58) - 生腸口感爽脆，麻香同芥末味道均勻，加上爽脆青瓜及新鮮番茄仔，既惹味又開胃。奇味雞鍋 (半隻$168) - 採用每日新鮮嘅海南島文昌走地雞，雞肉肉質爽嫩有雞味，醬料味道鮮香柔和，加上香口的紫洋蔥、中芹、蒜粒、爽甜大豆芽及爽滑薯粉等多種配料，相當滋味豐富好食。蜜餞薯仔牛柳粒 ($98) - 薯仔及牛柳粒表面甜甜地帶點香脆，牛柳粒咬落爽嫩有肉汁，十分好送飯。生力清啤 ($28/大樽裝) - 夠凍，配雞煲啱晒！呢度食物味道確實唔錯，難怪我呢位嘴刁朋友都會推介。

最近成日打邊爐，今晚又打嗱，首先湯底方面我就點咗店員推介好出名嘅椰子雞煲湯底，食落除咗雞肉好嫩好清甜之外，一邊食嘅時候仲不斷傳出陣陣嘅椰子清香味。我哋兩個人食就點咗： 美國安格斯牛肩肉 （細）蘿白竹笙紫淮山招牌嫩鴨血同薯粉。醬料方面幾特別，用新鮮青檸汁配上豉油。好開胃，隨個人喜好仲可以添加香蒜，辣椒等等。當然絕對唔小得可樂一罐，哈哈🤣（打邊爐點可以唔飲可樂）唔經唔覺已經食到好飽。但其實仲有好多野食好想點黎食嫁。另外如果唔打邊爐可以叫小菜食，款式選擇亦算多。聽講必試小菜有🤩 牛頸脊、西班牙黑豚梅頸肉、同脆皮咸豬手等。

約了久未見面朋友聚舊，大家都想找一間可以慢慢坐傾計餐廳，朋友推介這間位於大角咀的水鴨朱椰子雞，一於試試！餐廳設計闊落，每張台之間都有充足空間，十分適合朋友相聚餐廳主打椰子雞，當然要試一試，我們揀了海南椰子雞鍋先喝了椰子湯再開始打邊爐，湯底真的好味到不得了！鮮甜又火候十足，食得出月了新鮮椰水製作，雞件亦十分足料，極之嫩滑，我們一行兩人喝了整煲！本地手切牛頸脊很大碟，十分新鮮，值得一點脆肉鯇厚切上枱，質感爽口，證明是新鮮貨韮菜豬肉餃為自家製作，入口有肉汁，皮薄，十分難得另外還點了一些小菜，炸乳鴿是意想不到的好食！炸得皮脆，有肉汁而不乾，香口，高水準！豉油王鵝腸料靚，鵝腸都是厚厚的，而且炒得乾身爽口以這價錢可以食到椰子雞火鍋，實在十分難得，值得推薦！

今日朋友生日, 三女一男既配組合, 食放題任食打邊爐就一定蝕到骨LA都赤埋, 所以決定去一間好少少既單點打邊爐試下~ 之前睇雜誌介紹講大角咀 有間叫"水鴨朱椰子雞" 既打邊爐, 用椰子雞湯打邊爐做賣點~ 今晚一於去試下啦~ 星期一晚上7點去到~ 爆滿, 好彩一早訂咗位~ 4人坐卡位~ 卡位好闊落~ 未開始打邊爐, 我地叫咗兩隻乳鴿，體積不算太大，皮脆肉嫩，內裏的肉汁也不少，肉汁多而充滿乳鴿的肉香。 豉椒炒鵝腸 ---上色平均，而鵝腸係新鮮貨，好厚身又長，爽口帶實在，而豉油味香甜~ 椰子雞湯，味道香濃，煮完之後，湯底濃香。雞肉，想不到，竟然是非常之嫩滑，可能因為有計時間的去煮雞肉， 因此，剛剛煮好雞肉，員工便會立即關火，不會焗著煮好的雞，以致雞肉過熟。火鍋配料都新鮮，印象最深係呢碟本地牛肉，好香牛味~~ 還有必食的炸響鈴~~ 未食過咁多層數既響鈴, 淥3秒索下d湯, 外濕內脆, 真係食到三條~ 不過好鬼飽哩碌野~ 值得推介的火鍋店~ 讚~

因工程關係，要在大角咀逗留到晚上就去咗附近試椰子雞，曾經喺大陸食過一次，但係喺香港未食過，所以就去咗試吓店員以大叔為主，但其實服務一流，同其他食客有講有笑因為太肚餓叫咗隻乳鴿試吓先，炸到香脆，唔駛點其他嘢都夠味枱面有調味架，特別有金橘，大叔話落咁係正統嘅食法，加落椰子雞更加好味我哋叫咗半隻雞，裏面已經有椰汁同埋有竹笙，同大陸唔同滾起會熄火，所以啲雞比較嫩滑👍🏻我哋仲有花枝同埋牛肉，大讚手打丸，爽滑彈牙見到隔離枱都有叫呢碟Wasabi生腸好正！食到流眼水，十分醒胃👍🏻

這間店舖位處於大角咀的邊皮位置，其實與旺角的鬧市，都只是一兩條馬路之隔。印象中以前都來過這個舖位，以前就是九層海鮮塔，😯現在就變了椰子雞火鍋以及其他小菜的餐廳。乳鴿，作為餐前小食，體積不算太大，皮脆肉嫩，內裏的肉汁也不少，肉汁多而充滿乳鴿的肉香。芥末生腸青瓜，味道濃郁，在生腸上面不時都會看到有綠色或青色的汁液，因此友人吃到感動10分🤣爽而濃味，當然好吃椰子雞湯，味道香濃，煮完之後，湯底濃香。雞肉，想不到，竟然是非常之嫩滑，可能因為有計時間的去煮雞肉，因此，剛剛煮好雞肉，員工便會立即關火，不會焗著煮好的雞，以致雞肉過熟。雞肉僅熟，肉味香濃，雞味濃郁，肉質緊緻，而且雞肉煮到粉嫩，但有不會出現輕微粉紅色，相當之滑溜的雞肉，實在是近年罕見的。因為友人經常提及到在內地吃的雞非常鮮美，但是那次到深圳吃椰子雞，覺得淡味非常，因此覺得內地吃雞都不甚了了，但這次，在這間餐廳，有對椰子雞有少許改觀。椰皇看似小小的，但是容量應該不只250毫升，味道清香，不算太甜，清熱氣又好解暑渴也好，同屬佳品。剛剛煮的椰子雞湯，就最好喝，因為比較甜，又帶雞味，但是若然要吃火鍋的話，就要再加少許湯了，否則太甜。牛肉一板，似乎

平日甚少去大角咀，聽聞呢度嘅椰子雞煲唔錯，就同同事放工後過嚟一齊聚餐。大角咀聽落遙不可及，但原來喺旺角站行7分鐘左右就到，比想像之中方便。椰子雞可以選擇半隻/全隻，因為想留胃口食多兩款小菜，就揀咗半隻。一打開蓋，陣陣椰子清香撲面而來，鍋中仲有竹苼同大量椰子肉。湯底比想像中濃郁，係貨真價實既椰熬製而成🥥因為雞肉嘅關係，湯底比較多油，但撇除呢點，呢個湯底清甜而不膩，唔錯。如果雞肉可以再煲多陣，相信會更加入味。炒四季豆係大排檔啲食嘅小菜之一，椒鹽滿佈每一條四季豆上，香脆惹味，油份不重。香濃嘅鹹蛋黃依附係每一隻蝦上，形成黃金色既蝦。每隻蝦肉質飽滿，新鮮，非常推薦🦐