水鴨朱椰子雞

因工程關係，要在大角咀逗留到晚上
就去咗附近試椰子雞，曾經喺大陸食過一次，但係喺香港未食過，所以就去咗試吓
店員以大叔為主，但其實服務一流，同其他食客有講有笑

因為太肚餓叫咗隻乳鴿試吓先，炸到香脆，唔駛點其他嘢都夠味

枱面有調味架，特別有金橘，大叔話落咁係正統嘅食法，加落椰子雞更加好味

我哋叫咗半隻雞，裏面已經有椰汁同埋有竹笙，同大陸唔同滾起會熄火，所以啲雞比較嫩滑👍🏻

我哋仲有花枝同埋牛肉，大讚手打丸，爽滑彈牙

見到隔離枱都有叫呢碟Wasabi生腸好正！
食到流眼水，十分醒胃👍🏻