水門雞飯 (豉油街)

营业中

休息中

係泰國🇹🇭好出名既水門雞，香港都有得食啦。係平日既早上11點我到達餐廳，完全唔需要等位，而且位置任坐。但到12點就開始人多。餐廳既佈置同泰國一樣，但比泰國乾淨、明亮。服務都非常好。💕我㨂左午餐-水門雞飯，除左飯之外有湯又有杯泰茶。雞好嫩滑又無骨，配合香飯同清爽的青瓜，超級絕配，再嘆一啖冰涼既泰茶，所有野都超水準，好好味，PS泰茶都好有泰國既味道，推推推👍🏻👍🏻。全部清空後覺得好飽好滿足！😋👍🏻

🇹🇭餐廳裝修似足泰國街頭，但可惜店內坐得擠逼，🤦🏻‍♀️一大動作就會撞到人。😎而佢勝在食物選擇夠多，除左雞飯，仲有小菜同麵食🍜🐥水門三寶雞飯（$64）🐥🐓三寶入面有雞雜、炸雞同滑雞。😧雞雜口感比較硬，個人麻麻地；😲炸雞比較油膩，食多兩舊有D漏；👌🏼而滑雞味道正常，但如果只食水門雞飯，我會選擇另一間「粉紅水門雞」😂🐖泰式腩仔（$52）🐖🤪腩仔外皮夠脆，點埋個酸辣汁食一流！😌但兩個人食份量太多，多幾個人先叫會好D👨‍👩‍👧‍👦🥤話梅茶（$22）🥤👄非常解喝又解膩，飲完相當開胃😬😋總體 (味道, 性價比, 環境, 服務態度) : 7/10——————————————————————————————🇹🇭It’s like sitting in a Thai foodcourt by its decoration, 🤦🏻‍♀️but then it’s too crowded inside that you will easily touch other diners. 😎They offer a variety of food choice like different kind of dishe

Lunch經過水門雞飯，見到有人排隊，堂食又full晒，於是外賣試下。水門雞飯$56食之前先將醬汁倒落雞肉，會更加好味😋無骨雞肉食落幾嫩滑，有少少鮮雞味，啖啖肉既口感真係好爽☺️，配埋水門雞醬汁，咸香得來又帶點香辣，令雞肉更加提味，有層次，就算唔食得辣既朋友仔都應該食到，因為辣度算係BB辣。油飯做得幾香口，整體份量都比較多，男仔食都陪飽，肉同飯既比例接近1:1，相當抵食。另外仲有一碗湯跟餐，飲落有好香既胡椒味，辣辣地，仲有舊冬瓜，整體味道唔錯。

嚟到旺角想搵間餐廳食個快飯，見到水門就衝左入去，暫時未去到泰國，就食住個泰國海南雞飯頂下癮先。收銀小姐見到我想落order之際，勁快已經叫咗同事過嚟招呼我，勁好👍🏻我叫咗碟海南雞飯，一叫即上枱速度非常之快，超級符合我講求速度的要求。分量比我想像中多，雞同埋飯都好味道，再配合埋佢個醬汁就不得了。後尾發現，加$10可以要雞雜，我諗我下次會叫你試吓。買單的時候發現，佢有現成的雞飯醬汁，因為今日太趕時間，下次會過嚟買。

水門雞聽就聽得多 但我都係第一次去食🤣7點前都容易有枱 但離開果陣就已經有條隊了 定價係旺角都算係親民就可以食飽飽🌟▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀水門雞飯🌟 ($54)先送上一碗冬瓜湯 胡椒味重 幾好飲🤤雞飯都幾大碟 雞切得有少少甩皮甩骨🤣不過吾影響味道既 肉質滑 點埋醬汁正呀😆油飯都幾香架🍚❀香辣牛脷生菜包 （$65）係呢度新推出既菜式 睇落幾特別試下🫠牛脷切到勁細粒 但又煮過頭 偏硬偏韌👎🏻同埋真係幾辣下🔥🔥好彩叫呢個有送杯野飲 泰式奶茶🌟又幾好飲喎 出乎意料吾太甜 茶味突出🤤❀泰式炆雞腳 （$18）見佢平平地叫黎咬下 餐牌張相得6隻 但黎到有9隻🤣🤣 味道正常 但可以煮淋少少🤏🏻咬得有少少辛苦🤣 ❀芒果糯米飯 （$58）食飯點可以無甜品🤤🤤 芒果切埋粒粒 仲要係好甜好多汁！🤤🤤飯稍淋 椰汁味偏淡 不過都可以一食⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分為滿分✨ღ味道：8ღ環境：7ღ性價比：8ღ回頭再食機會: 8.5

尖沙咀成日見門口有人排隊！今日經過旺角見有位咪入去食個午餐！一入去都幾有泰國街邊小店！叫咗水門雞飯跟凍奶茶及猪手飯跟檸茶！水門雞飯～完全唔肥但又唔靭！不過雞味唔重！可能因為佢碗湯太重胡椒味猪手～味道OK！但大部分都係肥！我見隔離枱好瘦泰式檸茶味道同港式有啲唔同！

之前係尖沙咀食過印象唔錯，但今次係旺角食就非常普通，叫左個雙拼雞飯同炸豬腩肉，先講雞飯，海南雞正常水準，雖然唔介意但佢成份都係比雞胸我，但最好都搭D 其他部位比客啦，加上炸雞扒都係又硬又亁仲要係凍嘅，變左我成碟雞飯都係又亁又嚡，餐湯正常水準無特別，值得一讚係佢地嘅炸豬腩肉，份量都幾大份，兩個人食唔曬，炸得靚嘅，表皮脆脆地，肉質彈牙，點佢醬汁會更好食。但有一點希望改善，就係職員服務態度唔太好，無乜禮貌啦，又無服務精神，又成日傾計。

▫️水門雞飯旺角豉油街21C號地舖要試地道的泰國水門雞飯，一定不能錯過這家由泰國引入的正宗地道泰式連鎖店，順便一解思念泰國之旅的情愁。🍽️ 水門雞飯 ($62)雞肉嫩滑，配上特制醬汁同油飯底，非常地道。另外會附着送胡椒冬瓜湯，胡椒味很濃，飲完需要喝泰式奶茶解渴。🍽️ 鳳尾蝦炒金邊粉 ($78)金邊粉炒得很有鑊氣，大蝦炒得金黃色，很新鮮。🍽️ 香辣鳳爪沙律 ($52)鳳爪沙律酸酸甜甜，相當開胃，而且辣得很過癮。

14/9/2022難得我同母親都出現喺旺角，帶佢‘走轉’泰國😂😂 我帶佢食 ‘水門雞飯’。 （其實我都係第一次食😂😂）我叫咗煎蛋肉碎飯：對我嚟講真係超好食，辣辣地又唔會太過辣，個飯本身都有啲味，配埋煎蛋👍🏻👍🏻👍🏻母親大人叫咗鴨血豬手鳳爪撈麵：佢話嗰三個配料都好食，不過啲麵就麻麻哋，佢話有啲鹼水味。其實眼見大部分食客都係食水門雞飯的。我地平日夜晚7點幾去，吾洗等位，不過之後都越來越多人了。

呢間水門雞飯愈開愈多分店，不過最常去都係尖沙咀同旺角呢兩間😆 有時唔知食咩就會同朋友收工去食，雖然有時見外面好多人排隊，但係多數等一陣就入得架啦～　次次黎食都係叫海南雞飯🤤 價錢都係$54，夜晚係出面食黎講夠哂抵食✨ 除左飯之外仲會附送秘製醬汁同湯，湯次次都飲會飲哂😽 飯唔係普通既白飯而係用油飯，有多既醬汁我都會拎黎撈飯～ 份量女仔黎講岩岩好　飲品鐘意飲佢地既洛神花茶 ($20) 同鮮檸梳打 ($22)，兩款夏天飲都好解渴🤤

忽然想食水門雞 見咁岩唔算好多人 就決定食叫左兩個水門雞飯 女仔食既話建議叫小飯 完全食唔曬!仲叫左燒腩仔食 好脆卜卜 好食!!!叫左杯泰奶 但甜度無得簡 有D 太甜埋單唔算好貴 幾抵食

呢間位於旺角豉油街嘅水門雞飯 令我真係好懷念泰國旅行 不論係佢嘅裝修同埋啲雞 佢個裝修真係好似泰國嘅大排檔餐廳咁 不繡鋼枱同埋凳雞肉非常之爽滑 而且佢有少量嘅雞血買雞腎鍾意食泰國水門雞嘅你哋絕對唔可以錯過呢一間😛😛👍🏻

-//位於旺角·主打泰國海南雞🇹🇭暫有3間分店餐廳就有招牌雞飯、金邊粉、河粉、串燒等*午餐時間 星期一至六12:00 - 15:00PM*下午餐時間 星期一至六15:00 - 18:00PM📍水門炸雞飯 $50當日係叫下午茶餐，就包埋一杯飲品嘅🥤平時都係食開海南雞飯😂今次就試吓炸雞飯點知食過返尋味🥹炸雞唔算好油 雞皮較薄，炸雞熱辣辣好脆口，配埋濃味沾醬 好滿足啊個油雞飯香氣十足，一啖雞一啖飯就絕配🍚📍泰式辣雞絲湯金邊粉 $42轉冬蔭功湯底+$6蚊，亦可+$10追加多個餸個人覺得呢碗辣雞絲粉 比我想像中更加辣🥵雞絲超級入味，份量都算多，越食越過癮😳但建議真係好食得辣嘅朋友 先試下叫呢碗😂📍凍泰式奶茶餐牌單點一杯泰式奶茶都要$22蚊🫣但下午茶餐包埋飲品，就唔使加錢啊😎個人超鐘意呢杯奶茶，真係好正宗泰國風味📍泰式檸茶反正呢杯凍檸茶就唔同平時茶餐廳嗰啲😂茶底係比較澀😂個人就麻麻哋咁濃味嘅茶#旺角美食 #餐廳推介不設加一服務費✖️抵食程度：🌝🌝🌝🌘🌚📍水門雞飯 (旺角)旺角豉油街21C號地舖

次次去親旺角經過見到都好多人排隊等位.但係要排咁長既隊我就唔想排啦.天氣咁熱真係搞唔掂.有一日我早咗收工6:00去到.見到竟然得2個人排緊.所以就決定試下🙌🏻-水門雞飯-三條串燒（1雞1牛1豬）-芒果糯米飯-芒果冰個雞都真係幾滑唔算好鞋.不過雞味就唔濃.會送個湯.正常發揮.串燒都燒得幾香.配埋個沙嗲汁點好正.泰國芒果味道係唔同會有種香味.芒果都幾甜既.熱辣辣嘅糯米飯加埋椰汁👍🏻芒果冰真係好消暑涼浸浸.整體唔錯總結：既然入到去食.所以想試吓唔同嘅嘢.雞飯.串燒.糯米飯.芒果冰全部試哂.整體都幾滿意價錢適中.真係有泰國嘅感覺.不過成日都要排咁長龍.而且門口好熱.30幾度我就真係唔會喺門口等唔知幾耐.咁辛苦咁等.等到出晒汗.都無心情食了.我只會等小人嘅時候先會食.但係有機會我都會再食🙌🏻

水門雞飯一直都好出名，經常見到好多人排隊，經開旺角諗唔到食咩就試吓水門雞飯（$54+10）一場嚟到梗係叫個招牌嘅水門雞飯啦😚另外再加多$10要埋雞雜🫰🏻碟頭飯分量十足一啲都唔吝嗇，雞肉滑嘟嘟而且肉味濃❣️仲要無骨，食得好方便👍🏻加埋甜豉油調味啱啱好😆雞雜都幾多種類，有雞腎、雞血、雞肝、雞腸，咩都油樣樣可以試啲