水門雞飯 (萬勤商業大廈)

营业中

休息中

一向泰國都係香港人熱愛既地方，冇得去咁耐，間唔中都有食泰國嘢，不過要有泰國既感覺，就唔係間間餐廳做得到。水門雞飯一直係人氣泰式餐廳，出名正宗泰國嘢，今日去咗尖沙咀呢間試吓。水門雞飯以水門雞飯為名，一定係招牌菜之一，果然雞肉夠滑，好似食魚咁滑，有雞味，好鮮味，啖啖肉，完全冇骨。雞皮冇脂肪，夠爽滑。連同醬一齊食，少少辣都幾好味。不過我鍾意就咁食。雞油飯好香，有少少香茅味，個人覺得再多d油會更好。另外，雞骨湯好重胡椒味，驅風一流，正。鳳尾蝦炒金邊粉炒得一d都唔油，食落好夠味，金邊粉好爽彈，唔會淋晒，連同花生碎同辣椒自己分配，再唧啲青檸汁，泰國風味即刻出晒嚟。共有四隻蝦，好有鮮蝦味，爽口彈牙，唔係平時餐廳平價嗰啲急凍貨。燒魷魚一碟有2隻，唔會燒到乾晒，食落好彈牙，又唔韌，好香口，沾少少泰式辣汁，都幾辣下，係好好味既小食。芒果冰沙冰打得好幼細，芒果味十足，夠哂果味，外賣膠杯上，好有泰國街邊嘅感覺。總括而言，呢間餐廳啲菜式都有正宗泰國風味，我哋都食得好滿意。餐牌寫近排做緊全線分店星期一至星期四堂食水門雞飯$30嘅優惠，性價比極高，得閒我一定會再嚟食。

每次到尖沙咀行街，想不到吃什麼就會來這間水門雞飯食，這次也不例外!餐廳座位都幾多，而且好有去了泰國水門雞飯店的感覺，裝修簡潔!水門雞飯，來到這裡當然要吃水門雞飯，雞肉嫩滑沒有骨，飯是有雞味的飯，加上他們的辣醬汁一齊食特別好吃，而且每個雞飯亦附有冬瓜湯，食完飯之後可以清清口腔內的濃味!金牌胡椒豬什金邊粉，自從上次吃過之後深深愛上，是不吃飯吃粉的好選擇!湯底有濃濃的胡椒味，飲落都幾辣口，很驅風的感覺!豬什包括有豬潤、粉腸、豬肉碎、炸豬皮，全部都好香胡椒湯味，不會有臭味!金邊粉都幾掛湯，非常刺激味蕾!燒原隻魷魚，共有兩隻，魷魚燒得好香口，而且不會燒得好硬身，有魷魚的鮮味，再點上辣醬，非常惹味!泰式炒通菜，很久沒有吃炒通菜，這裡的通菜味道都幾辣，而且帶有蒜味，份量亦很多，十分美味!話梅茶，用上泰國茶的茶底，帶有話梅的咸酸味，酸酸味味，幾開胃!

嚟到尖沙咀想搵啲抵食又有特色既午餐 近排食得太多cafe 想食下其他 經過間水門雞飯幾出名 又係黃店 於是入嚟試下🐣🤤水門雞飯姐係泰式海南雞飯 個名嚟自泰國出名既購物同埋掃街熱點水門市場 泰式海南雞飯同埋新加坡出產既最唔同既地方在於 泰式會將切雞去皮去骨 並且會將雞肉放係油飯上面 食法較簡單不講究🐷水門雞飯$62雞肉鮮嫩有雞味 有咬口之餘又唔韌 油飯唔會過油 配埋辣汁真係無得頂 好完美既一碟飯☺️豬肉丸肉碎札肉金邊粉$56豬肉丸彈牙有豬肉鮮味 肉碎肥瘦適中令到湯底更香 金邊粉有口感 份量唔少足夠飽肚❤️泰式鴛鴦(跟套餐)泰奶飲得多 試下加埋咖啡係咩味先 因為走左冰 飲品較甜 可以走少少甜更好 奶茶同咖啡配合得天衣無縫 入口香濃 奶茶味更重 好飲!菠蘿冰(跟套餐)剛入秋仲係咁熱 飲杯菠蘿冰消暑就最好🍍入口涼浸浸 酸甜醒胃 正!班蘭大菜糕 $32食完正餐梗係要食甜品💚班蘭甜品例如班蘭蛋糕一向係我至愛 今次配合椰汁同埋爽口大菜糕 真係人生一大享受😇不得不提 侍應服務態度不錯 還貼心比張櫈我擺袋 加分加分!!!💯

好耐冇食泰國嘢，忽然間想食下，所以就去咗呢間水門雞飯。這間餐廳的裝修和泰國曼谷的水門雞店都有d相似，真係以為自己去咗泰國旅行。而且餐廳座位都幾多，坐得多好舒服。.水門雞飯 ＄54一場來到當然要食呢度嘅招牌水門雞飯，雞肉都好新鮮，而且肉質嫩滑，加上雞肉已經預先拆骨，進食好方便，連埋個醬汁一齊食更加好味。至於個油飯，如果濃味點就更好！另外，還有冬瓜湯跟。.牛肉湯牛丸生牛肉湯金邊粉 $50湯底好濃郁，好有泰國風味，牛丸夠彈牙，生牛肉肉質嫩滑，配上金邊粉吸晒啲湯汁，好惹味。.雞肉 & 豬肉串燒 $14/串 雞串和豬串的肉質嫩滑，一點都不韌，而且燒得好香好惹味。.泰式奶茶 $22好有泰國風味，入口順滑，味道偏甜。.菠蘿冰 $26菠蘿味香濃，味道好清甜，呢幾日天氣熱返啲，可以飲返下啲凍嘅，fresh 下。

一入到黎啲店員已經西口西面，個兜入面冇曬叉，問個waitress可唔可以俾多兩支叉，佢話：個度咪有囉。心諗 有就一早拎左啦 等你過年咩。唔會再黎呢間食嘢，食個飯都要俾人西。西店西店員。

#泰式eatcovery #尖沙咀eatcovery💡抵食泰菜相信大家對呢間水門雞一啲都唔陌生🇹🇭真係好懷念返家鄉的日子，今次經過尖沙咀一於懷緬一下做泰妹泰仔嘅日子😆🍽水門雞飯雞皮薄得黎一啲都唔肥，皮肉間有層雞油啫喱，食落啲雞好滑好有雞味。食嘅時候一定要沾埋秘製醬汁，有啲薑粒同青辣椒粒，好惹味😋油飯粒粒分明，加入雞湯、香料、蒜頭、辣椒，食越想食。冬瓜湯胡椒味超濃，鐘意胡椒味既會鐘意飲😎👍🏻🍽冬陰雞湯粉秋日限定冬蔭功湯底嘅誘人滋味，冬陰底濃郁又香😋味道香濃，酸酸甜甜非常開胃！雞肉香滑剛好，唔會肥！而且份量都幾多，仲要索曬啲冬陰公湯底，所以食落有少少辣味，正😍🍽泰式腩仔 豬肉肥瘦平均，雖然係炸過，但外殼酥脆但唔會油淋淋，食落唔會覺得乾爭爭。食個陣一定要點埋個泰式醬汁，呢個醬汁最惹味，混左芫荽、洋蔥、蒜蓉、辣椒，酸酸辣辣～🍽馬拉盞肉醬芥蘭苗平時通常都係蠔油芥蘭，但今次竟然係配上微辣惹味嘅馬拉盞肉醬，鹹香滋味😍而家芥蘭好翠綠，好新鮮😋🍽凍泰式奶茶相信呢個黎得食都係必點，甜度雖然係固定，但飲落又唔覺好甜，而且奶茶口感絲滑，奶同茶嘅比例啱啱好❤️大推👍🏻🍽龍眼冰好足料，又唔會覺得太甜，飲落好清甜。#

💁🏻‍♀️第2次又黎食水門雞飯~今次去尖沙咀分店，其實都幾鍾意呢間既食物，以泰式黎講，價錢相對真係性價比高，次次去都人山人海，而佢地lunch time都幾抵食，今次試佢地新出既秋日限定：冬陰雞湯粉，味道都唔錯，無失望！🙌🏻🥰以下係詳細嘅食評..▫️秋日限定：冬陰雞湯粉🍜🌶$54⭐️ 強烈推介⭐️呢款冬陰湯好岩我口味，味道係濃郁既酸味味，好開胃，而且好多草菇！米粉份量非常驚人，而雞肉係一如以往既嫩口，但如果湯再多返少少就更加好～～.▫️泰式猪手飯$52⭐️ 強烈推介⭐️😍😍入秋冬食呢個豬手，回味又食得飽，骨膠原又豐富！食落去好軟腍，特別係個豬手皮真係好正，入口溶化，味道唔錯，淡淡泰式香料味，去唔到泰國！食住呢間頂下癮~.▫️泰式炒通菜 $52⭐️ 強烈推介⭐️呢款泰式炒通菜，味道濃郁好味，即叫即炒，味道唔會太鹹，通菜顏色都炒得好靚，唔會過老！▫️泰式腩仔$58呢個價錢份量都有咁多，真係算係咁！味道唔錯，腩仔脆卜卜好香口，如果鍾意比較食肥啲嘅腩仔就比較岩💕最欣賞係佢嘅醬汁，酸酸辣辣，好有泰式風味

以前喺尖沙咀返工，就好鍾意食呢間水門雞飯，係區內既平靚正之選🥰🥰相隔年幾再黎，質素都一樣咁好👍🏻👍🏻🐥水門雞飯 (轉髀) $64✨招牌水門雞飯一定要試試～～雞皮爽口，肉質嫩滑！蘸少少醬油已經好好味😋😋油飯煮得乾爽，食落一d都唔膩～～隨餐附送既雞湯味道濃郁，推介❤️❤️🍜泰式清湯腩船粉(金邊粉) $50✨呢個係新出既產品！清湯味道都唔錯～～牛腩帶少少肥膏，有咬口🤤🤤仲有幾件索哂湯汁既蘿蔔！金邊粉煮得啱啱好，保留彈牙口感👍🏻👍🏻🥗香辣肉碎沙律 $68✨肉碎份量好足，而且十分惹味！！生菜新鮮爽脆，大大片包到好多肉碎🥬🥬怕辣既朋友都忍唔住係咁食🤣🤣🍹芒果冰 (+$15)✨芒果冰質地濃稠，味道偏甜～～食完辣野飲特別爽😋😋

聽啲朋友講好好食，於是約左朋友一齊試食，入到去發現坐嘅全部係鐵凳。行完街嘅我表示有啲傷心。叫左個招牌水門雞飯，分量都足夠，雞冇想像中嫩，不過不失，汁甜甜地味道不錯，奶茶就應該係泰國買嘅個隻沖粉，甜度適中👍🏾呢個價錢整體嚟講都唔錯，但未至於要排好耐隊去食。

喺尖沙咀想食晚飯但又唔想排隊，最佳時間係6點前好入座水門雞飯即日起嘅星期一至四3-5點，堂食招牌雞飯只係賣$30，不過大胃遲到，唯有食住其他嘢除咗雞飯，最近佢地出咗清湯腩配金邊粉食，唔會散颼颼，牛腩出人意表地嫩口大胃之母話手痛，想食豬手飯以形補形，佢表示好滿意碟飯，豬手好滑好入味跟清湯腩餐加廿蚊有兩串串燒，上碟伴以醋漬物先開胃後享用串燒，點埋沙嗲醬食超惹味唔夠飽嘅話嚟多碟飯，係芒果糯米飯，糯米飯暖笠笠，亦估唔到呢個季節嘅芒果仲係咁甜見水門有新推出嘅話梅茶，當然要試吓，都幾甘甜生津，仲有粒話梅喺底𠻹大胃之母就飲蘋果雪梨水，唔會太甜，但又好足料

平時中午時分路過餐廳，都必定是大排長龍，皆因食物平靚正🤤水門雞飯🐓最多人點的必定是雞飯了😍可以加錢再轉雞髀😋雞肉去了骨，食落啖啖肉，肉質嫰滑，雞皮脂肪比較少，連皮食也不會覺得油膩🤤醬汁是當中的精粹，為食物帶來畫龍點睛之用😋食雞飯必配油飯， 飯粒充滿油香，粒粒分明🤤隨餐更附上例湯，配上胡椒，十分暖身🥰泰式豬手飯🐖豬手份量驚人🙈食極還有，滷過的豬手很稔，豬皮及底下的脂肪非常嫩滑，放進咀內輕輕細咬已經化開😋串燒🍢點了雞肉和豬肉串燒，串燒不會燒得太乾身，點上沙嗲醬花生味更加滋味🤤椰青🥥椰青超大😍椰子水充足鮮甜，食過串燒解解辣，消暑又滿足☺️

餐廳環境裝修真係好有泰國地道風味，不過就係有冷氣版嘅水門雞飯店🤣 我哋叫咗水門半隻雞 $108佢包一碗湯，另外我哋再加多兩碗油飯 $10@1雞肉白滑，仲食到嗰層啫喱狀嘅骨膠原，點埋個醬汁簡直一流。冇諗過佢會送埋啲內臟俾我哋，我都係第一次食雞血，感覺幾新奇其實同食豬紅冇差唔多。 有飯都非常香口食完一啖有一啖停唔到落嚟。 其實佢有lunch set,係水門海南雞飯加湯同埋包一杯嘢飲 $62。 但係因為其實我唔多鍾意飲嘢，所以寧願食多幾舊雞肉補補蛋白質。 價錢都差唔多，不過雞嘅份量比起叫兩個餐大概多1.3倍左右。係尖沙嘴地段呢間餐廳都提供到相當滿足嘅晏晝。

水門雞真係平民泰國菜之選😆 想食快靚正泰國嘢好推薦💕唔想排隊就早少少去啦 我weekend七點到等一兩個就入得~❣️水門雞飯 $52 有泰國食嘅7-8成水準 仲要唔使排咁耐🥱水門雞就咁食雞味都出 就算食雞胸都算滑😆 呢個價配雞飯( ˙༥˙ ) 配醬太好食了🥳❣️冬陰雞湯粉 $54天氣凍又想食碗熱嘢🦦 又冇飲過呢度嘅冬陰功🌶不過做湯底就當然冇就咁飲咁濃 同埋冇乜香料味😗雞份量多 一碗湯粉面都滿足晒😆❣️香辣肉碎沙律 $68 In love with生菜包‼️🥬 價錢好公道🥰肉碎炒得好靚 碟底唔油 都真係幾辣🌶 越食越上癮 超正👍🏻❣️泰式凍奶茶 $22上次飲過唔錯‼️唔會好似chatramue咁多冰😂茶底好濃又唔會澀☕️ 唔會太甜 prefect😍走嘅時候見到星期一至四3-5pm全部分店招牌水門雞飯$30 (๑°⌓︎°๑)平到笑🥴

#跟住我食唔中伏.水門雞飯都算係幾高性價比的餐廳。去尖沙咀就會諗起佢想食🤤必吃當然是招牌雞飯，寶寶就最愛雞脾，雞味濃香肉質又滑👍🏻欣賞它的油飯椰香不油膩，老幼都適合吃！好食到每次都覺得唔夠食🙈如果份量再多點就好了！！除了雞飯，船麵亦是非常出色，麵線夠滑，湯頭亦很好喝😋不過寶寶最愛，就必定是甜點😆班蘭大菜糕，外表花花形狀非常可愛，入囗爽甜，一家三口一人一件，飯後大滿足❤️....#ca師奶餐廳_尖沙咀

🍜牛肉湯牛丸生牛肉湯河牛肉湯底濃郁，牛肉帶點黑椒味微辣，一咬落去就爆發肉汁，好好味！而生牛肉都好嫩滑！加少少辣粉調味，食完成碗非常滿足！🍜泰式清湯腩船粉 (河粉)清湯好清甜，牛腩會帶少少肥嘅邊位，軟腍得黎有咬口，而且份量好多！河粉滑身完整，唔會太碎，整體質素好高！🍎加配: 蘋果雪梨水，自家制清甜滋潤，啱晒乾燥天氣飲用🐓加配: 雞肉串燒兩串，雞肉唔會話燒到乾，仲保留到少少肉汁，附上嘅沙嗲醬花生味好香濃！