水門雞飯 (萬勤商業大廈)

营业中

休息中

［水門雞飯］$56雞肉口感不錯，沒有雞骨，食用方便。醬汁有切段的辣椒，很合我口味。油飯的香茅味不濃，不過仍食得出有。唔知點解仲有少少菇味。湯味道幾好。分量中等，唔大。女性食得飽，男就未必 😂.總括而言，水門雞飯位置方便，附近沒有同類餐廳，如想食清淡一點，是個好選擇。現時6pm後，外賣2份單點飯/麵有8折，更抵食 👍🏻

嚟到梗係要食佢哋個招牌水門雞飯！雞肉真係超級嫩滑 去晒骨 食落啖啖肉🐔佢哋個飯都好出色 飯粒好爽口 仲有淡淡嘅雞油香味 就咁齋食飯我都願意 再配埋佢哋嘅特製醬汁 酸酸辣辣 食落更加滋味😋

很多人說日本是香港人的鄉下，我也愛泰國，泰國也是我另外的一個鄉下。午飯繁忙時間在尖沙咀，明知人會多，但要食一解思鄉病的海南雞飯也在所不計。本來打算外賣，但因為一個人較易搵位，結果轉為堂食還快！再諗深一層，堂食可以為環保出一分力，減少食物包裝，心裏暗暗的稱讚自己。套餐價錢有$54起，我一心想食海南雞飯，就點了1號餐。海南雞飯，香港版本是份量較大碟多飯版，附送的湯胡椒味濃，雞肉嫩滑！不錯！飲品方面，我選了泰式凍奶茶，這種橙色的奶茶，因為加了煉奶，味道與港式奶茶不同，大愛！不過這裏的奶茶偏甜，要等並用了，才較易入口。提提大家，這裏只收現金，食飯要帶錢啊！

適逢開返夜晚堂食咁啱尖沙咀行街見到水門雞飯一直想試，咁啱見到唔使排隊即刻Walk in等食🤭兩個人份量，我們叫咗一個雙拼炸雞海南雞飯 一個菠蘿炒飯 外加通菜 同埋燒魷魚 飽到不得了海南雞飯 配上特別醬汁 少少辣度 少少泰國風味 肉質鮮美 係炸雞一般菠蘿炒飯夠香口 菠蘿同肉鬆份量好夠😳最好食泰式炒通菜 好有鑊氣 而且係食完想再食嘅感覺配上芒果味嘅沙冰 性價比高 而且冇咩碎冰$45兩串燒魷魚 本着一試嘅心態 確實一般 性價比唔高 唔建議！

Today i have order for takeaway1.chicken rice is good everytime i have order it2.fried pork with sauce also good3.tongue beef holy basil and sunny on top with ricei really like concept and takeaway stuffs but 1 issue is number beef tongue​ holy basil and sunny egg on top with rice after i go to home and open it i saw Sunny egg very rush to make smell burn and cant eat inclube beef tongue holy basil taste really dry and oyster sauce a bit only, This is not tongue beef Holy basil! I not sure that

🤤可以晚市堂食了🤤同朋友去咗呢間位於尖沙咀嘅水門雞飯思鄉情懷😢 豬頸肉同埋雞飯同喺泰國食到嘅味道有九成九似！ 但係個雞湯就偏鹹🫢 炒通菜好多水，唔夠爽口同乾身芒果糯米飯超級好食❤️ 椰青好新鮮好清甜 ❤️我仲叫咗外賣俾老公食！ 魷魚串燒都好好味！ 比較軟身，唔係橡筋嗰種👍🏻 生菜包好好食😆 總括嚟講嘢食嘅質素有9分👏🏻 因為真係有泰國嘅味道😘不過呢間啲店員唔知發生咩事，個個都黑口黑面，叫嘢食最好一次過叫晒，因為你叫多一次佢就會秒你啤你🙈 態度真係有待改善😢 見到店員差啲成碗湯麵倒落客人度，第一時間唔係同客人道歉，而係黑晒塊面啤住個客🙈 希望佢哋之後會有所改善！大家可以去佢哋其他分店試，但係尖沙咀呢間真係好趕客😂今晚我同朋友每人食咗$175外賣俾老公一個人食 $221😂😂😂

名氣就大，一試都無咩特別雞唔見得好鮮嫩，湯水胡椒味又太重想飲杯水，只有熱到出煙嘅水最精彩係啲店員，同客對答無回應態度又唔好，食飯時間都係得幾丁友可以以前係唔錯嘅，但真係不值一試

🍴天氣熱辣辣·識食要食水門雞🐔天氣開始熱起來，有和我一樣喜歡吃海南雞飯得嗎？📍水門海南雞飯（午餐 $62，包杯裝飲品或汽水）吃海南雞飯最乾淨俐落，店中去骨的雞肉鮮嫩，皮薄肥膏少。想吃雞腿位置也只需+$10，相當抵食。即使是雞胸部位雞肉肉質也相當嫩滑，而且份量不少。碟頭飯配以青瓜片，頓感清新。最讓人喜愛的是雞肉蘸上附有的泰式香辣醬油，倍感惹味。米飯以雞湯及香料烹調而成，富有香味，粒粒香軟分明。套餐中還配冬瓜雞湯一客，雞湯胡椒味香，鮮甜可口。🔸小總結：餐廳還有各款泰式美食，物有所值，必再回訪。👅 味道：4.9/5💰CP值：4.9/5🕴🏻服務：5/5🔰餐廳環境：4.9/5👀回頭率：4.9/5🍽 餐廳： 水門雞飯🌐地址: 尖沙咀金馬倫道18號萬勤商業大廈地舖🐮 #cowing吃在尖沙咀 #foodie #hkfoodie #hongkongfoodie #852food #852foodie #foodstagram #hkfood #foodhk #hkfoodblogger #foodbloggerhk #foodblogger #hkfoodlover #foodig #hkigfoo

水門雞飯🍚🍗📍 尖沙咀金馬倫道18號萬勤商業大廈地舖┅┅┅┅┅┅┅┅┅┅┅┅┅┅┅┅┅┅┅┅呢間唔洗多講，相信好多人都食過😜。主打地道泰式海南雞，而家晚市仲做緊外賣自取 77折🥡，有機會經過 要試下啦💓。🌟水門雞飯 + 飲品 $60佢地既海南雞飯係同其他有少少唔同， 雞皮係比較薄，油脂比較少，同泰國食到既海南雞好相似。 而個飯明顯好重雞味，唔錯👍🏻。另外就係個湯，有胡椒同埋冬瓜，我就比較鐘意個湯 😂。整體推介指數：❤️❤️❤️🤍🤍┅┅┅┅┅┅┅┅┅┅┅┅┅┅┅┅┅┅┅┅

海南雞飯好味又平 無乜幾間 尖沙咀依間都係 top1 or 2 炸雞同 thai 奶茶都一流 依加下午茶餐takeaway 都係 $60 包飲品～ 抵啊 雞依然好味 又滑 👍🏻 奶茶就每次都差唔多 甜左小小 無得小甜

🐔泰式辣雞絲湯粉 $54餐牌上面標記一隻辣椒 湯頭表面見到啲紅色嘅辣油 但其實唔太食到辣味😢所以都飲得出雞湯嘅清甜配搭少量炸蒜 炸豬皮 芽菜 芫荽蔥雞絲份量多不過肉質唔算嫩滑 勝在都唔鞋麵底揀咗金邊粉 口感滑溜份量都好多 女仔絕對夠食整體唔差 但如果係為咗食辣就唔建議嗌呢款。🍋青檸梳打 (跟餐)因為知道泰國嘢比較多冰所以嗌咗少冰嚟到都好夠凍！梳打水配青檸味道清新 解渴又解膩

水門雞飯（$58）份量適中，雞合格（但胸位較嚡），飯夠味又夠乾身，雞醬不錯（微酸微辣）。冬瓜湯超重胡椒味（天氣涼涼哋，驅寒驅風啱哂）。泰式檸茶，味道唔似港式茶底有澀味，偏向甜。追加小食：豬肉串燒2串（$24）、雞肉串燒2串（$24）串燒烤得好好，而且醃得幾入味，點埋沙爹醬一流（但如果二選一，我會揀豬肉串燒，肉質爽口啲）。

突然想食咪早D晚餐囉，有下午茶餐6點前堂食食完當晚餐健康左。上菜超快，個湯夠晒熱胡椒味濃，勁開胃！點知一上個飯...好痴線呀點解咁多雞肉，鋪左兩層喎，肉多過飯呀識唔識做生意架！我加左廿蚊有碟芥蘭苗分量比預期中多（又話呢兩日菜貴左好x多既！？），仲好好好好味，堅抵食！餐飲揀左熱蘋果雪梨茶，落單靚女話唔駛加錢，正呀，味道好濃仲有果肉，無揀錯呀！食左咁多次，次次都好好味，服務一樣咁友善有禮仲有少少風趣，好正呀，有你地真好，會繼續支持，加油！

有時唔知食乜嘢嘅時候，我都會睇吓附近有冇得食海南雞飯😋高蛋白質得黎，大部份餐廳整既海南雞都唔會失色得去邊！係最保險嘅選擇😂同埋價錢一般都唔會太貴！水門雞飯當然係其中一個唔使用腦嘅選擇！🤪（1）海南雞飯加雞雜😋😋無特登加錢轉雞髀，因為海南雞一般都比較嫩口，就算係雞胸肉都冇乜所謂😆雞雜就有雞腎、雞紅、雞腸…加$10就令個飯生色不少！個醬汁就真係真係靈魂所在！😋我記得第一次食嘅時候真係覺得驚為天人，只不過唔知點解每一間分店調出嚟嘅味道都會有啲唔同😅（2）泰式奶茶家姐嗌左杯泰式奶茶，不過佢就話都幾失望因為係用粉沖出嚟嘅，睇條飲管就已經知，所以口感上就冇正宗嘅泰式奶茶咁香滑勒～你見佢成杯飲咗三份一就知道唔係太鍾意啦😅（3）泰式檸茶我點左杯必點嘅泰式檸茶，相都唔記得影就知成杯飲晒啦😂😂不過佢係冇得少甜嘅，所以都係果句：間唔中一次，開心吓好啦😂

呢間海南雞飯出晒名雞夠滑，油飯夠香又唔會太膩，午市套餐仲包大大杯泰式特飲，之前食過幾次午市海南雞飯都覺得好抵食🤤今日晏晝嚟到就試下其他食物😆嗌咗牛肉湯牛丸生牛肉湯米🐮，個湯牛味好濃郁，飲完都唔會好口渴，好真材實料👍🏻生牛肉大大片都有成四至五片，勝在夠滑牛味都濃，最正係啲米粉索晒湯嘅精華超入味😋😚啲牛丸都幾彈牙🤪跟餐上次嗌咗青檸梳打唔錯，今次就試下泰式奶茶🥤完全冇令我失望😝佢係屬於奶味比較重🥛 唔會太甜太膩嘅類型，不過太大杯嘅關係所以飲唔晒同朋友一路行街一路飲😂同埋呢間舖頭係坐鐵凳鐵枱，講環境坐得舒服就唔會㗎喇，不過個人都幾鍾意呢種貼地裝修，有種真係係泰國食緊泰國菜嘅感覺🇹🇭不過個日行李比較多店員都特登拎多張兩凳畀我放行李，服務都算唔錯👍🏻