水門雞飯 (萬勤商業大廈)

营业中

休息中

食過好多次嘅泰國菜🇹🇭，餐廳裝修勁似係泰國曼谷食過嘅水門雞飯，人均唔駛一百，超抵食！呢兩年旺角、尖沙咀都開咗新分店，可以同朋友出街嗰陣食～🐔水門雞飯 💰54 （轉雞髀🍗➕💰10）（7/10）雞皮爽口，雞肉十分嫩滑🐔，好有咬口，加咗$10轉雞髀🍗，個人認為唔使加錢舊雞肉已經夠好食，沾上酸酸辣辣嘅汁好夾👍🏿🐮牛肉湯牛丸生牛肉河粉 💰50（9/10）生牛肉分量足夠🐄，有四五片，牛肉湯味道濃郁鮮甜，河粉煮到好冧🍜，好入味，會忍唔住想飲晒成碗湯，牛丸彈牙爽口，真係好好食🍜味道👅：8/10（牛肉湯河好好食，超入味）環境☺️：9/10（裝修好似去咗泰國🇹🇭水門市場咁）服務🙇‍♂️：6.5/10抵食💸：8/10（人均唔駛一百）〰️〰️〰️〰️〰️〰️〰️〰️〰️〰️〰️〰️〰️〰️🍴 水門雞飯 (尖沙咀)📍 尖沙咀金馬倫道18號萬勤商業大廈地舖〰️〰️〰️〰️〰️〰️〰️〰️〰️〰️〰️〰️〰️〰️如果你鐘意呢段食評嘅話希望你可以幫幫手讚好同埋分享比其他人～️〰️〰️〰️〰️〰️〰️〰️〰️〰️〰️〰️〰️〰️#fatgirlhk_香港 #fatgirlhk_尖沙咀#fatgirlhk_元朗 #fatgirlhk_泰國菜...#hkfoodie #hkfood #food #hkig #

小食點咗串燒，三串起落單。豬肉同雞肉各要兩串，可以點沙爹醬同醋汁，不過兩款都燒得乾咗少少😐 趁熱食會好食啲見到舖名叫水門雞飯，當然要試吓海南雞飯😀 肉質滑嫩又無骨😆 好食😋 仲有碗胡椒味嘅湯個人好鍾意冬陰公湯，呢度有比較少見嘅青冬蔭功湯底，就要咗碗魚片青冬蔭功河粉。湯望落清澈，少少酸辣，味道同紅色冬蔭功差唔多，不過冇咁濃烈同清淡少少，幾適合夏天飲。可能飲開紅色冬蔭功，感覺味道爭少少見到有泰式奶茶，一於飲返杯😆 奶茶茶味香濃，口感香滑，可以一試👍🏽

平日經過見到食客不少，今日路過，不用排隊便試試看。餐廳的裝潢以實務為主，簡潔整齊，燈光明亮。午餐由$54-$78， 包主食和餐飲。水門雞飯$62這水門雞飯雞肉已經去骨，雞肉份量不少，而且皮薄肉嫩，即使是雞胸，也不鞋口，味道不錯。牛丸湯牛丸生牛肉米$54這生牛肉米湯頭鮮味無油，而那生牛肉又嫩又多，加上小牛丸爽口又有肉味，米粉不鞋口，是不錯的午餐！凍的泰式奶茶入口冰涼，奶茶香滑，味道甜美，大大杯。青檸梳打味道酸爽清新，又冰夠凍，十分消暑解渴。今日吃的午餐輕盈，份量十足，滿足。

水門雞飯 尖沙咀金馬倫道18號萬勤商業大廈地舖🍀 lucky 唔使排隊水門雞飯🐔🍚份量大 性價比高，加10蚊仲多一份雞。醬料有小小辣同泰國個醬差唔多味道👍跟一碗湯 胡椒味濃紅蝦醬芥蘭苗🥬🥬芥蘭新鮮，味道香，唔會好咸。豬肉 雞肉串燒 🍡🍢 無咩特別，唔係好想食串燒的話，可以唔叫😂泰式生蝦🦐 同平時食既唔同，佢已經用辣汁係浸好左，唔使再點醬。蝦無霉味，都幾新鮮。食埋塊蒜片 層次更好🌝鳳爪沙律 🥗食泰國嘢緊係要叫鳳爪🙈無骨夠凍夠酸👍👍飲品-泰式鴛鴦太多冰，令到個味道好淡😮‍💨總括嚟講，食物方面係唔錯。不過服務態度就見仁見智🤪🤪🤪

其實呢間水門雞飯我食過好多次次次都係食海南雞飯無骨海南雞，佩油飯，雞湯青檸梳打，好似去咗泰國咁下午茶$58好抵食牛肉湯雞絲魚蛋河粉，味道淡咗少少都係雞飯好味下次試吓食金邊粉先

正所謂熱辣辣熱辣好熱好熱🥵咁熱嘅天氣令我諗起去泰國嘅日子🇹🇭亦都諗起泰國菜😍😍食水門雞飯除左去泰國之外 香港都食到架😍水門雞飯店內裝修好有泰國平民餐廳風格一個白色大招牌 加埋幾把吊風扇真係好有Feel😍 不過放心 店內係有冷氣的😌行完街好熱 坐低即刻叫左杯野飲醒醒神😎 龍眼水 ($22)非常清涼解渴😌 甜度適中飲到好清潤😍而且龍眼肉都有好多😋 超清甜呀水門雞飯🐔 ($54)黎到點會唔嗌水門雞飯呀🤪無加錢轉雞髀 但雞肉仍然出色👍肉質好嫩滑 一D都無柴口嘅感覺而且一D都唔肥 就算唔沾醬都好夠味佢個醬有少辣帶甜 撈飯一流😋跟飯仲有碗湯 估唔到係胡椒瓜湯😳味蕾簡直無休息嘅時間😂鳳尾蝦炒金邊粉🦐 ($75)Pad Thai係另一樣最受歡迎嘅泰國小炒😌當然都好受我歡迎啦👏大大隻鳳尾蝦啖啖肉😍 金邊粉唔會炒到一PatPat 條條分明👍將花生粒同埋辣椒粉撈匀黎食 又辣又甜 大概就係我咁喜歡嘅原因吧😍泰式腩仔🐷 ($48)泰式燒肉喺泰國街頭小食經常見到有別於港式燒肉 佢係將成舊腩肉都炸都脆咬落去外脆 入面舊肉好Juicy😍食完之後已經好想再翻焯啦😋

平時中午依間泰式雞飯都要排隊 想去食嘅話通常會12點前到就會一定有位呢度嘅裝修會似喺東南亞food court食肆嘅setting 特登有啲地痞feel～ 入去樓底都幾高感覺乾淨企理 只係座位之間坐得比較迫 每次都係食最愛嘅水門雞飯～送冬瓜雞湯 加$10有雞雜 雞雜會有心臟小腸腎雞血 (我通常會指定要多啲腎）雞飯就一定係配油飯嘅冇得揀白飯 雞嘅皮薄薄的 肉嫩鮮甜 配埋個酸酸甜甜嘅汁 好惹味幾片青瓜令到成個飯更加清新再加錢可以飲嘢 有傳統嘅泰式奶茶椰青冰等等由於出邊好多人排隊 每次食完我都會快快走人 呢度嘅嘢食係唔錯嘅 不過如果想同朋友坐低慢慢傾就未必適合啦

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️成日聽人講話呢間野幾好食又抵食，今日經過尖沙咀見到唔使排隊即刻去試吓，味道係唔錯嘅：⭕️ 水門雙拼雞飯：雙拼係切雞加炸雞，切雞肉質非常嫩滑，炸雞香脆有肉汁，而且唔油膩亦唔厚炸粉💁🏻‍♀️ 油飯亦都好香，配埋佢哋嘅秘製辣汁非常夾，好快就食晒成碟😆⭕️ 鳳尾蝦炒金邊粉：份量足，蝦唔似係啲平價冰鮮貨，幾爽口肉質唔會‘梅’。加埋旁邊嘅辣椒粉同花生碎就更加惹味🌶😋另外仲叫咗碟菜，一上枱就見到入面有條好明顯嘅頭髮😕 就算店員有換一碟俾我，我都係對佢嘅衛生程度有保留。

香港嘅水門雞飯其實已經食過唔止一次呢日黎到尖沙咀分店試吓比我地嘅感覺就唔係太好啦～首先，雞飯嘅味道就不過不失冇太大嘅分別但就冇喺其他分店嗰種覺得好好食嘅feel另外，我哋仲嗌左個冬陰功海鮮河粉可以建議大家唔需要嗌因為的確唔係咁好食 有少少令我哋失望🥺我哋仲嗌左個菜就普普通通 冇咩特別最想特別一提嘅就係尖沙咀分店啲員工嘅態度其實就真係麻麻地 好惡好似食緊街市熟食大排檔咁員工同員工之間又會喺客人面前大大聲講嘢講粗口 um…..雖然味道就唔係特別太差但用餐嘅感覺令到我哋唔係咁舒服所以尖沙咀呢間真係試一次就算啦🍹：芒果沙冰超級超級死甜😵‍💫

星期日5點幾睇完戲立即搵野食諗下水門雞飯成日排人龍，5點幾應該唔洗啦瓜？就走去試下。一去到真係唔洗排，thanks god！ 一坐低店員就提醒我地食野先好除口罩，期間有食客食物未到就除低口罩，店員都立即提醒，防疫做到足。我地叫左兩客水門雞飯，一份泰式豬頸肉，一杯龍眼冰。雞飯加10蚊轉左雞肶肉，雞肉算滑，雞味就比我想象中淡，以平時人龍嘅情況黎講，稍稍失望。泰式豬頸肉燒得幾香，惹味，肉質唔會好鞋，比雞飯更值得食！龍眼冰嘅龍眼感覺唔夠新鮮，味道較淡。坐位方面唔算舒服，4人位要同人搭枱，不過係呢類餐廳係正常嘅。 服務方面，侍應無笑容都係意料之內，始終消費唔係高嘅地方，但有種機械人感覺，令人有d壓迫感，好似叫慢d唔得咁😂

🐥水門雞飯🔪打機食雞可能個個都有玩但係食雞黎講我地一定會揀個黃到金嘅所以食雞我一定支持水門雞另一間水門雞都好食～ ϵ( ‘Θ’ )϶ 。 ϵ( ‘Θ’ )϶我地無好似呀姐咁無識人無人留位俾我地坐天氣熱辣辣咁係外面排隊入因為真係好食過泰國個水門雞記得第一次食曼谷水門雞飯個個吹到好好味係曼谷必食但食咗覺得都幾失望(٭ॢꏿ᷄ ູ̠ꏿ᷅) ॢ個肉好鞋老過老懵懂係個汁叫好少少但香港水門雞飯做得仲好過泰國水門雞雞飯有雞味又軟硬適中雞肉鮮嫩有雞味附送嘅湯又清甜仲有啲胡椒味可以清一清個口堅好飲嫌個湯太細碗添呀仲Encore埋佢個泰式大蝦金邊粉隻蝦都係幾大隻金邊粉完全做到泰國嗰種有咬口既感覺不過可以再酸d因我不嬲都重口味同超鍾意落調味料食完之後好想去泰國呀呀～地址：尖沙咀金馬倫道18號萬勤商業大廈地舖大埔汀角路11號地舖元朗教育路24-36號百宜樓地下A號舖

放假日子的午餐仍然在尖沙咀解決😆 心血來潮想食海南雞飯 ，就黎左呢間一直有名氣嘅餐廳食喇。呢間我基本上每個月整完指甲就會去食，因為味道又唔錯價錢又ok。呢度職員好似做事都好急趕咁，佢地叮囑食物黎到先好除口罩，態度同語氣我接受到嘅😂（可能有啲人就覺得佢地惡）😂我一坐低直接落單嗌左水門雞飯。個湯就唔岩我口味，因為落左胡椒粉？我覺得辣辣地.。 雞飯5分鐘內都送上，啲雞肉全部去哂骨而且份量唔小，油飯則恰到好處。 對我黎講，飯有啲多我食唔哂。男友就叫左個香酥雞肉飯，佢話啲雞有啲乾，其他無特別～ 如果未食過呢間，都可以不妨一試下佢嘅，話哂咁有名氣同埋lunch time門口一定要排隊的～

忽然心血來潮想食泰國食物困在香港 又飛不到泰國所以試了 “水門雞飯” 尖沙咀店這是良心小店♥️感恩 不用排隊 被安排坐在近廚房位置真是同泰國🇹🇭的大排檔裝修差不多首先一定必試招牌菜 「水門雞飯」雞件切成分明 大大件但價錢相當親民 $62就食到包括一碗小湯肉質滑嫩鮮味配合油飯同餐廳秘制的醬汁完美組合♥️點了碗 牛肉湯牛丸生牛肉湯米個人好喜歡牛肉合我胃口牛丸湯底鮮味十分生牛肉肉質滑滑牛丸彈牙用心制作 只需$56🥳口渴的關係點了杯芒果冰 ($24)芒果🥭新鮮打成汁甜甜的又冰涼的適合這個炎熱的天氣解署🔥🌞

喺外賣程式叫左呢間水門雞二人套餐水門雞飯，雞係冇骨嘅，個飯嘅質感唔錯，唔會太腍或者太硬，而且係有味道既飯，我個人覺得好好食👍🏻牛肉湯生牛肉牛丸米粉，牛肉唔會好肥，咬得開又有肉味👍🏻👍🏻👍🏻牛丸有牛味又彈牙👍🏻👍🏻👍🏻略嫌米粉份量比較少，如果當下午茶都還可以，午餐就真係唔夠飽啦，湯底都正嘅😋水門雞飯配左一碗湯，有一舊蘿蔔，胡椒味勁夠，飲得好過癮另外小食揀咗酸辣鳳爪，味道正宗👍🏻👍🏻仲有碟炒芥蘭苗，中規中矩啦嘢飲就叫咗凍既泰式奶茶同埋青檸梳打總括嚟講呢間野好食既，可以再食

食物：叫咗雙拼水門雞飯，飯ok，幾香。但雞冇味，得個醬吊出來。服務：樓面個短髮女侍應串過馬x，我一入去，就怒視我，之後手指探熱方向，唔出聲。。。。（大佬，要人探熱咪出聲）。之後隔離枱有對母子落order，該女侍應背後講：趕時間大晒咩。。。又大聲串啲客，野食未到唔好除口罩😅真係串到一個點。總結：好食都唔幫襯😅何況普通料