水門雞飯 (汀角路) (已結業)

餐廳名就係「水門雞飯」，咁當然要叫招牌水門雞飯啦😆雞已去骨，份量都幾多。大部分雞肉都幾滑，就算有小部分唔算太滑但都絕對唔鞋😋話說呢到嘅雞一定要點醬食先係最好食！油飯保持乾身，如果味道再濃烈點就更好。隨雞飯仲送碗湯㗎！整體都唔錯😆.炒通菜食落有點點辣，味道唔錯。.椰青大大個，幾好飲。肉多水多，肉同水都甜.串燒和平常食到的都差唔多。.生蝦都幾大隻，都好食同厚肉，但如果食落如果可以更爽口就更好了。.最後當然叫番個芒果糯米飯做甜品！店員話佢地係用泰國芒果，食落同我地平時食開嘅芒果真係有唔同🤔會硬身啲同芒果本身都偏橙色啲。糯米飯偏腍，係好食嘅糯米飯。椰汁份量夠。

今個星期日肥妹仔同肥媽去咗大埔嗰邊買嘢，途經太和見到有一間水門雞飯嘅餐廳都坐咗幾多人，所以肥媽同肥妹仔決定入去食個lunch。水門雞飯 $48肥妹仔見差唔多枱枱都會叫呢個水門雞飯食，所以肥妹仔都叫咗一客來試下。 雞肉非常嫩滑同爽口，白鹵水汁嘅味都幾濃。雞皮非常彈牙，一啲都唔肥膩，雞飯就充滿雞油嘅香味，粒粒飯都好濕潤，肥妹仔我食曬成碟雞飯。三寶飯 $60個三寶飯有泰式雞肉，炸雞肉，雞腎同雞潤。佢嘅炸雞外表炸到脆卜卜 ，雞潤同雞腎有好濃嘅白鹵水汁味，雞腎非常爽口彈牙，雞潤質地粉粉嫩嫩， 一啲都冇雞內藏嘅騷味，好食!豬肉串燒 $36肥妹仔去到泰國都會食街邊嘅串燒，呢度嘅豬肉串燒外表燒到香脆， 有微微嘅焦香，豬肉嘅質地都比較紮實，點埋沙嗲醬非常惹味!金柚子沙律 $68食咗咁多肉肥妹仔就叫咗個沙律呢refresh下個味蕾! 個沙律入面有花生，芫茜，西芹，青瓜絲，撈埋個酸酸甜甜，少少微辣嘅沙律汁食，非常開胃。柚子肉都幾甜，而且呢個沙律有三隻好爽口嘅大蝦，食落一啲都唔單調。芒果糯米飯 $58芒果糯米飯係肥妹仔最愛嘅泰國甜品，佢嘅芒果可能當造所以好甜，好多汁。 而佢個糯米飯就煮到非常濕潤同埋煙靭，好香

今日又去咗大埔踩單車 好熱呀就搵間餐廳食個飯先再戰江湖啦 突然心血來潮想食泰國嘢所以就搵下附近有邊度好食 就嚟咗呢間水門雞飯試下啦水門雞飯 雞肉非常之嫩滑 比一般海南雞更加嫩滑 而且雞皮唔肥 食落都唔覺得油膩水門雞三寶飯 呢個三寶飯除咗有水門雞飯嘅白切雞之外 仲有雞雜 同埋吉列雞扒 雞雜有內臟嘅甘香味 吉列雞扒都炸得好香脆 炸粉唔厚都幾好食生菜包 由於我哋唔係好食得辣 所以我哋就叫咗個少辣 但係食落都有少少辣味都幾刺激 而且用料亦都好豐富 好多豬肉 肉又唔係好肥 所以食落都非常之清新可口 生菜亦都好靚好爽脆 正呀蒜蓉炒通菜 係香港其中一個最有特色嘅代表性食物之一 碟菜亦都唔例外 炒得非常之香口而且唔油 食落口感一流芒果糯米飯  香甜嘅芒果配上濃郁嘅椰漿加上好軟嘅糯米 簡直係泰國甜品嘅表表者龍眼冰 佢係用龍眼乾整出嚟 飲落非常之甘甜美味 夏日透心涼之選

店舖位於大埔汀角路。普通海南雞飯$48，如喜歡吃雞雜，可加$10加配雞雜。雞雜有腎肝心，非常全面，夠爽口。米飯粒粒分明口感佳，但香料味稍為不足。雞肉去骨，但味道口感也沒有驚喜，算是中上吧。總括而言，價錢便宜，平民化午餐來講，也為一個不錯的選擇。希望有機會在嘗試餐廳其他食物。

講到海南雞飯點可以少得水門雞。大大個招牌掛係到，易認 位置又易搵到。我同朋友一齊叫咗三款食物，一個甜品同兩杯飲品。炒通菜好夠鑊氣，上枱熱辣辣，食落辣辣地好惹味，無炒過龍口感爽脆，菜嘅顏色依然翠綠。到海南雞飯，油飯夠味道又夠油脂香，粒粒都充滿油光。雞件份量有啲少 但肉質都算嫩滑，唯一美中不足係個汁，得一款。冬蔭公配河粉嘅味道好正宗，湯底夠鮮味同埋好濃郁，辣辣地之餘仲有蕃茄嘅酸甜味，椰奶味唔重，河粉又滑又彈，啲蝦好大隻無霉但有少少淋身。雖然唔夠彈牙，但好大隻㗎湯匙咁大隻。仲配上一塊脆餅，又脆又香口，重點係好吸湯好好食。依個應該係我係香港食過最好食嘅芒果糯米飯。芒果超級香甜多汁，無霉爛，好新鮮，糯米飯唔會太硬身加上椰奶，飯粒濕潤得嚟仲多咗陣奶香味夾埋食 簡直係去咗轉泰國咁。兩杯冰凍透心嘅飲品作為完美句號。

趁放假到遠一點的地方逛逛，然後再吃點東西才回家。同行朋友喜歡泰國，亦十分喜歡泰國菜，所以我特地選了泰式餐廳。餐廳環境乾淨，四周掛著大象的圖畫，感覺挺舒服的。我們點了一份雞飯、串燒及芒果冰。水門雞飯附送一碗胡椒湯，我十分喜歡這個湯，它的胡椒味很重，很美味。雞飯的雞件很嫩滑，味道很好，而且雞件是無骨的，吃起來十分方便。串燒配上沙嗲汁，串燒的肉質不錯，但沙嗲汁略嫌不夠香濃。最後是飲品，芒果香味濃郁，甜度適中。

好耐無入大埔啦，尋日返左舊校聽talk，之後就搵左啲太和友食飯佢帶左我去附近既一間食雞既泰式餐館，佢話開左唔夠半年，自己都去食過好幾次除左有唔同配搭既雞飯之外，仲有泰式船麵同一啲小食啵不過一場黎到就梗係試左呢度啲雞先啦每款雞飯都會跟碗湯，個湯好重胡椒味，又幾好飲wooo我要左碟水門雞飯$48加雞雜$10啲雞雜處理得好乾淨，雞腎雞心都爽口唔韌而啲雞肉就更加出色，去骨啖啖肉，肉質嫩而結實唔梅口又唔肥膩我地仲order左碟泰式生蝦$88同柚子沙律一齊share生蝦大隻鮮味，雖然個醬汁都幾辣下，但辣辣地反而愈食愈開胃咁而個柚子沙律原來都有大蝦彈牙既蝦肉配上微辣既醬汁，酸甜唔澀既柚子一齊食，醒胃又清爽，夏天食一流而朋友們知道我都中意食甜品，特意叫左份芒果糯米飯$58同我分享加上椰汁既糯米飯香軟滋味，面層既脆綠豆提升口感，而個芒果就仲正，香甜到好似食糖咁，推推推呢餐仲飲左個清甜解渴既椰青，正！------------------------------食物質素：🤤🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(1

要數大埔好食的餐廳，其實可以講好耐好耐，其實一直以來，我同女朋友都好想去食星馬泰既料理，咁岩今日要返學交野，順便拉埋女朋友落去大埔食飯，無意中發現左呢間水門雞飯！鳳尾蝦肉醉粉絲沙律俾左我一個對沙律新的看法，當中所使用的食材以及製作法比較特別，用上鳳尾蝦以及肉碎，令沙律更加滋味，至少我係香港未食過，感覺煥然一新！我點左個水門雞飯，第一個比我既感覺係平，平時係大集團食夜晚，閒閒地都要$50蚊埋單，但係$48就食到一個餐仲包埋湯就真係抵食。雞肉亦都好滑，連平時，套餐上仲附有餐廳的獨特醬汁，雞肉沾上少許便令到我送到一大口飯，好過癮！其實最令我深刻既係泰式奶茶，對於一向鐘情於港式奶茶的我，都不得不敬佩，飲一口，茶味香濃之餘，亦夠奶味，不禁令我回想起在沙巴的三色奶茶。

大埔都有驚喜泰國餐廳入到黎大埔, 梗係要搵吓好嘢食啦~ 發現有間四四正正嘅泰國餐廳, 感覺好乾淨舒服, 價錢唔貴, 而且大埔泰國菜選擇唔多, 呢間味道確係唔錯, 以後又多個選擇😝 推介!! 水門雞飯 $48呢個應該係必食啦! 雞肉真係好滑, 啖啖肉,又冇多餘肥膏, 配埋個醬真係一流, 份量都幾足, 仲有個湯送添👍🏻水門炸雞件 $48炸得剛剛好, 酥脆惹味!! 香辣肉碎沙律 $58生菜新鮮, 肉碎香濃, 帶點辣味, 正~最後嘆埋個芒果糯米飯 ($58), 好重椰香味, 仲有成半個芒果咁多, 好好味呀^^

作為5天工作既打工仔，知道星期六要番工，心情真係跌到谷底。放工當然要食好嘢慰勞一下自己啦！今晚嚟到大埔一間專食水門雞既泰式料理餐廳。餐廳裝潢設計十足當地泰國餐館，感覺地道！店內坐無虛席，非常熱鬧。坐下後翻開餐牌，幾乎每一款都係心水菜！經過一輪淨扎，最後揀選了泰式生蝦、雞絲魚蛋金邊粉同泰式梳打。生蝦質感新鮮彈牙，配合店內秘製醬汁以及生蒜片和辣椒，非常惹味！再加上薄荷葉既加持，好味到一個人可以食哂一碟！泰式梳打水非常「夠氣」，炎炎夏日飲，清爽解渴！雞絲魚蛋金邊粉方面，魚蛋細細粒，口感彈牙，雞絲肉質嫩滑，份量亦不少，配合適量炸蒜作調味，味道即時提升，整體不俗呢！推薦呀！

成年冇去過泰國, 一直掛住泰國既水門雞飯 ...揸車經過見到竟然大埔開左間水門雞?!!!! what !! 係咪同泰國間一樣架? 我一定要去試下呀 !!!入到去, table and chairs 都好有feel ....泰國既就係咁, 冇咩特別, 簡單普通既stainless steel table and chair ~ hahaha, 真係好似去左thai咁...好, 試下野食ok or not 先...同泰國既水門雞呢到既野食多好多~ 我同老公叫左水門雙拼雞飯同水門雞飯+雞雜價錢如下圖, 十分之合理~ 味道 飯: 油飯, 好香雞油味, 飯夠唒軟熟, 熱辣辣, 好味雞: 雞有雞味, 雞非常嫩滑炸雞: 香口, 不過小乾, 本人prefer 唔炸既traditional d 雞雜: 大多數係雞心, 如果多d其他部為就好啦....龍眼冰: 推介 !!! 超超超好味, 勁勁勁多龍眼, 味道一流 !!!!

星期六黎食勁多人，不過排一陣就有位都算快手。龍眼冰！第一次見咁多龍眼嘅龍眼冰！$16係米蝕本嫁？咁底飲、大杯又多龍眼！龍眼味好重，但有dd甜得制。芒果冰都勁多人叫，都係好好味但偏甜。超彈牙嘅生蝦刺身！必食！好特別，第一次見配苦瓜食。好夾wor. 佢嘅酸汁都好出色同開胃2併雞飯。雞好滑，炸嘅又好脆。油飯唔算好油，岩岩好冬陰公有得選擇辣度。好好，咁唔洗食到太辣。不過好要少辣都好辣😂成個沙差唔多飲曬，好多草菇好好味夠火喉，推薦

今日突然間好想食雞 男朋友帶咗我嚟大埔 一間食水門雞 嘅餐廳 話同我噚日返泰國嘅水門雞之味 餐廳位置開揚 好似燒味鋪咁 玻璃櫥窗內 將一隻隻雞掛起曬出嚟 感覺衛生乾淨水門雞雙拼飯跟飯配咗兩個醬汁 我將酸甜汁用來配雞食，另一隻醬汁就黎倒落去撈飯食。 雞食落去真係有我喺泰國食嗰種滋味，肉質好嫩滑，即使係炸雞都係皮脆肉嫩😍鴨腿湯河 腩肉炆得好腍，但唔會好鬆散， 上海入面上有炸雲吞皮同豬油渣，所以個湯飲囉去好香好濃👍🏻金柚子沙律相比起 平時食開嘅沙律 ，泰式沙律多咗份香口感 ，食落去酸酸甜甜之餘帶點香辣， 而且份量好足料！有幾隻大蝦，肉質彈牙，柚子亦帶點爽甜~泰式炒通菜以泰式香料炒，食落特別惹味😋而家通菜本身都好新鮮，嫩綠又爽口！芒果特飲 芒果冰堅係用泰國嘅芒果，唔會一味死甜，而係甜得嚟帶點清新嘅芒果果香！椰青食泰式嘢點可以唔飲椰青？夏日炎炎 飲落清涼解暑，裏面仲有好多嘅椰肉，飲得又食得！

平日午市唔算多人, 唔需要等位, 叫咗個水門雞飯加雞雜 $58。侍應先送上雞骨湯, 濃烈胡椒味, 亦有一塊小冬瓜, 味道不錯。等咗陣就送上水門雞飯加雞雜, 雞肉不錯, 雞皮爽滑, 啖啖肉, 雞飯一粒粒, 好有油香。雞雜得雞腎好食, 其他都好乾, 所以再黎食可以唔洗叫雞雜。

啱啱收工就諗住求搵d野食就算 行過經過見到大埔附近有間新開嘅餐廳 貌似係食雞 要知道雞係我同我細佬嘅最愛 所以就行左入去試 ***由於實在太肚餓 我地一人叫一碟飯 都係水門雙併雞飯 雞好嫩 炸雞亦係另一種口感 非常香 脆 配埋個油飯同碗湯 最欣賞係個泰式炒通菜 唔會太辣但又惹味 之後叫埋個豬肉串燒加麵包 最少有3串 個麵包係烘 所以都覺得好好味 有埋兩杯野飲真係食到好飽 飲完杯熱柚子蜜 成個人覺得好清新 其實如果大家都係想快d食餐飯但又想坐得舒服d嘅 可以去試下