民華餐廳

营业中

休息中

咁岩今日黎開呢頭, 見近日幾多人係or話炒蛋唔錯, 咪入去試下囉..可能因為時間尚早, 只係12pm, 仲有好多卡位, 坐低, 有個waitress同緊前面幾枱落單, 咪叫埋佢落囉...叫左一個常餐, 包括炒蛋, 多士, 蕃茄牛肉通粉, 諗住遲d先叫野飲, 點知個waitress話: 唔得架, 要一齊入機 (其實我唔相信佢講既野, 但為免加料, 唯有即刻望望有咩飲品叫埋囉) (後來俾我發覺另外一枱餐飲遲d叫都得, 咁即係個別waitress既問題喇!) 叫個waitress俾杯水我, 佢話要等陣先 (見前面果卡食客都有叫佢倒水, 但又唔見有, 再望望其他食客既枱面, 完全唔見一杯水囉, 心諗, 都唔知等幾耐, 咁岩前面有個倒水機, 我咪行去自己倒囉, 點知個waitress喝住我!) (我自己去倒水遮, 使唔使喝住我??! 仲用d咁衰既態度, 今時今日咩服務態度呀??!!)等左大約5分鐘, 熱奶茶到左, 份量少得驚人, 我真係未見過茶餐廳用咁細隻茶杯囉..眼見附近食客叫既點心, 包括牛肉, 燒賣, 盅頭飯既份量又係加細版 (比一般酒樓細2成), 唔通佢覺得客人個個

星期日放假,朋友打俾我,叫咗我出去金魚街買魚糧.但我7:00幾先出旺角.買完行經呢間,是但啦.橫掂都想食少少野.坐低見到個MENU.有點心,盅頭飯,炒蛋餐等等...到最後叫左個常餐要炒蛋多士.2.5分:旦好似炒得唔滑,仲要炒到有D水晌碟底.個粉面叫左鮮茄豬潤通粉3分:係有番茄,但好似番茄加水,一般.餐茶要凍奶茶太多奶，唔好飲。如果食物就真係麻麻，但好在Ｄ店員都幾有禮貌。ＯＫ啦.不過真係要改善一下啦!

星期日醒來已經下午2點幾，無無聊聊之下到四處逛街看看有沒有節目，當然唔少得我老婆大人啦!出到去旺角，個肚已經打晒鼓，需要搵搵一些食物招呼他，離遠見到有間餐廳好似新開張，即刻拉住我老婆去試新野，門面都OK，入面座位好似逼左D，不過旺角地方，差唔多啦….我就叫左碗酸辣米線(小辣)有牛肉、雞肉，雞肉略為(鞋)左D，牛肉就VERY GOOD。湯味濃郁。我老婆唔係好肚餓就叫左燒賣同雞翼。嘩…嘩…嘩D燒賣大粒到呢(難以形容)，同酒樓相比，簡直有過之而無不及。而雞翼就一般，唔係太入味，只得辣。我就叫左杯凍奶茶，有茶味，但味道跟一般沒有太大分別，應該可以做得更好，期望下一次有驚喜。埋單約六十元，旺角價格尚算OK!

昨晚專程過黎，黎到既時候係9:15pm左右，門口企滿人，走入去攞飛要等十幾張，以為一個人會好快，點知等到所有飛叫哂連後過我既號碼都入埋去都未叫我，我就好疑惑，我行埋去準備問既時候個女仔就問我『你幾號呀？』，我答佢『85....咦！你劃左我個no.既...』，個女仔話『唔好意思，可能手快劃錯左』，咁都得.......入到去真係好多人，空間偏迫，但未至於唔舒服。坐低一陣睇埋餐牌，都係試番佢個蕃茄豬膶通。叫人落單，個女仔應完『好！黎...』之後係無左影，最搞笑係我望住佢走錯左去另一枱問人係唔係落單，我再揮手叫一叫佢。食物上得唔算快，我諗係因為太多order。個多士好鬆軟同厚，個蛋都滑，而個茄通既蕃茄湯底好rich，又唔會太酸。不過杯奶茶就一般，而且唔夠熱。整體而言食物幾好，不過無論員工定order都亂左小小。

男友仔不嬲唔鍾意食澳牛,搞到我想食都拉唔郁佢今次有新場可以食炒蛋就即刻拉佢陪我一黎到門口有好多人,但好彩岩岩好唔使等就有得入叫左牛油多士+餐肉炒蛋+茄牛通+奶茶成個餐盛惠$30同澳牛差唔多價錢,但係通粉多款D,火腿亦可以轉餐肉茄牛通岩我口味,蕃茄湯好好飲炒蛋面層有D乾,但入面都仲有蛋汁我覺得澳牛好食D,但係都唔錯餐肉略咸,下次叫返火腿好D....多士如果再熱D會更好男友仔都話OK,因為呢度唔似澳牛只可以揀CHA燒通同火腿同埋唔會好似澳牛咁食得咁趕..

同舊同事去這新開的店食午餐，我叫咗個他們的濃湯米線，我叫咗2個餸，成為$26,有墨魚丸+炸醬。墨魚丸很有彈性，中間仲有d碎墨魚質感，炸醬個汁酸酸甜甜好醒胃，有dd辣味,肉碎少有冇咩肥肉，不過機乎全瘦肉既佢不會乾或硬。論口感的確ok。雖然，小碗炸醬邊好像有點滲油。不過勝在另上，咁即係避得過啦！

與同事到附近做野,剛剛搞掂個客,有d肚餓,鼠入去食d野,見隔離檯嘆近個西多士，同事提議試下，我冇反對.就叫一個。我叫左杯柑桔蜜,同事叫左熱檸茶。說實個西多士幾有質素,特登影比你地睇下,冇話滲哂油入,夠乾身有水份,外面炸得金黃帶有蛋香，用練奶牛油伴上。亦沒有用花巧野，花生醬在中間搞到甜到溜!說到冬天我叫個杯柑桔蜜好正,好潤...滿足離開

星期日下午我和太太去花園街行,次次行完都會去太興或康年食野.今次見到新開的民華就睇吓有咩好食,轉吓口味.係門口等了幾分鐘就有位,但逼d.睇吓menu,有點心蒸飯,炒蛋多士,米線等.我太太就叫炒蛋餐肉多士配蕃茄豬潤通粉,我就叫了章魚肉餅飯同燒賣.我太太叫了杯熱啡我就叫杯熱奶茶.等了幾分鐘到飲品就到,我係呢頭食野咁耐飲品有咁快比到我都算第一間.我太太飲完杯啡就話都ok既,但有陣椰子味.我就試吓杯奶茶,飲落ok,可以叫呢頭最好飲,但唔突出.食物逐一到枱,章魚肉餅飯超好食燒賣就普通但夠大粒.炒蛋餐肉多士,炒蛋都夠滑,餐肉週街都食到嗰隻,多士就比太興既好食,可以用外脆內軟形容.蕃茄豬潤通粉就酸了d,但都ok既,但我太太就連湯都飲埋.埋單80有找,係呢頭食野算平,唔駛吓吓都燒味.

Good!!:Facts:大眾化價錢，味道與價錢相符。提供多款港式茶餐廳食品，如豬潤蕃茄公仔麵，港式飲茶點心等。No Good:坐位不舒服服務員會極速收拾已用餐具整體服務大有改善空間與相隔幾個鋪位的康年餐廳比較，服務態度至食品質素都較差

多士好厚好香，好有多士的焦香味(有呢啲焦香味的多士先可以叫做正宗的烘多士)，多士外面好鬆脆，裡面好軟熟，幫客人預先搽上牛油，非常貼心。炒蛋好滑好香，內有不少蛋汁，炒蛋炒得相當出色，餐肉煎得香脆又唔多油，真是處理得好好。好久未食過咁好食的多士，有些令我想起細個媽咪用舊式多士爐烘給我食的多士，真是好香好食的多士。茄牛通的茄味十分天然，好似用了好多新鮮蕃茄煮成，又見到一舊二舊的蕃茄，正，十分足料，茄湯有微微的蕃茄酸味，好開胃好醒胃，牛肉味好夠好天然，唔似加入大量味精，真是好鮮牛。凍檸檬茶好飲，是令人飲完一啖，又令你想飲第二啖的檸檬茶，直到你飲完為止，茶及檸檬都好香，非常有茶及檸檬味，相當高水平之作。牆上貼了溫馨提示，叫你快啲食多士，各位食家，記得睇吓呢張溫馨提示。多士上枱的時候，你唔即刻食，簡直是浪費了廚師的心機，多士好食都變唔好食，食多士絕對可以講得分秒必爭，遲一秒食都會冇咁好食。埋單$32，物有所值，好鬼滿意。

與友人觀賞金魚後, 發現這家幾新淨的餐廳, 原來是新開張不久, 店內幾光猛整齊, 但嫌擠迫一點.以為是吃西餐的, 坐下才知實際是茶餐廳類型, 有米線,點心,蒸飯又有茶餐小食.品種不算多, 但食品配搭則不少, 如米線的餸料, 及茶餐的餸料與粉麵的配搭可不少.與友人一人要茶餐, 一人要米線, 再加一客辛辣雞翼, 一客小茴雞翼. 茶餐要了鮮豬膶湯米, 豬膶新鮮爽甜. 非常鮮美, 餐肉炒蛋, 餐肉一般, ,,發現炒蛋並不完全撓勻, 蛋黃的香混著蛋白的滑, 又香又滑略有吃生熟蛋的感覺, 剛烘出脆熱的油多, 由於是厚多, 內心仍軟綿綿, 友人一同吃了更想多要一件. 奶茶香滑不澀, 我不喜歡太甜, 只下一點點糖, 才可試出茶的香滑.友人的小辣牛肉,豬膶米線, 我也分享一點, 湯底有微辣, 原湯底略有魚湯鮮味, 加上鮮牛及豬膶的鮮甜混合湯內, 特別美味, 原有米線附送有韭菜,芽菜和少片腐皮. 本人對芽菜則不大喜歡. 我們一同分享兩種雞翼, 雞翼是冰貨, 沒甚麼雞味, 但烤焗用心, 夠熱夠香脆, 小茴帶有新彊風味, 辛辣則香辣. 太多了, 二人捧著腹離閞.

18-1-2011是日放假半天 , 處理私事前先到旺角食個 quick lunch, 睇了呢間新茶記的食評好似不錯, 又過嚟試試. 叫了「常餐」, 有蕃茄豬膶通, 火腿 + 炒蛋 + 多士及熱奶茶 ($30).熱奶茶: 好熱 , 齋飲幾滑溜, 茶味幾香, 奶味 vs 茶味比例約 4:6, 唔澀, 落半包糖已好夠, 幾好飲喎 火腿 + 炒蛋 + 多士: 淨講後兩者吧 炒蛋賣相及質地一樣滑, 蛋汁幾多, 油亦不少, 不過其實都唔算太嚴重的, 而且落唔夠油的炒蛋邊度好食0架 唯一唔好就係幾乎零調味, 食落唔太夠香, 唯有自行灑點鹽吧. 多士就係「厚」類, 微鹹的牛油塗得夠, 外烘得唔算好鬆脆, 不過食落中間夠軟熟就係真的, 都算不錯.蕃茄豬膶通就有點失望... 粒粒通粉幾「厚」, 唔會腍 bad bad, 不過食落又有點實 薄切豬膶有 4-5 小片, 質地幾「脆」, 不過食落帶苦澀味; 蕃茄湯底幾杰又幾多茄茸, 味道則太「茄膏」, 好酸 , 嗒落仲有「豬膶水」獨特的味道, 但原來茄膏 + 豬膶水溝埋味道唔多夾 比起康怡附近嗰間茶記的相類出品 (http://www.o

上星期買完魚後見到間新開茶記門面好靚比佢給引咗入去開餐， 坐低叫咗個蒸排骨飯, 燒賣同杯嘢飲，好快有得食，燒賣味道都不錯不過賣相差D，排骨飯既排骨半肥瘦,夠味, 飯滲咗排骨既肉汁味加D豉油真係冇得頂。 個人認為依間茶記都幾多選擇而且茶記做蒸飯既真的比較少, 做得好食既又真係少之有少, 直得推薦既。

聽同事講近來每曰都來這間新開既民華開飯，讚佢吔d食物好味道，又多選擇，重裝修得很靚，有d feature睇下喎！尤其我新調到這區工作，入鄉隨俗，跟佢地去試一次。主要餐牌有蒸飯、點心、雲南米線、又有常餐，係未有粥食。4個同事連我在內個個都食唔同嘢，我order咗佢個常餐，叫厚多士，餐肉炒蛋、凍檸水、再連埋個豬潤。1個食酸辣米線，1個食鳳爪排骨盅頭飯+燒賣,，另一個食大碗麵。同事的嘢食由佢哋自己比報告，當然好食先會來咁多次。在等待餐來時我留意到佢地係牆上貼了一張咭紙提醒人客” 即烘多士, 趁熱品嚐, 味道最佳” 。這餐廳都幾貼心。多士連餐肉炒蛋, 係厚多士，超過我期望，我聽指引食多士先,係外脆內軟，水份恰當，不太乾不太濕，包身並沒呈凹狀，面頭仲有點烘燶係最香口嗰隻，吃落去很脆口又keep得幾熱，好！炒蛋真的唔錯，見到蛋黃色與蛋白分明，並非純綷將蛋溝埋一齊，食落係好滑又唔會濕淋淋生生地個款，比多個好！餐肉都唔係交行貨的，是有熱度並有脆面嗰隻。雖不是用我既favorite極品白豬仔煎的, 但都算係餐廳裡很有誠意的了!再來杯凍檸水有5片檸檬，冇苦味，檸檬都幾新鮮，不太甜，收貨。最後來的蕃茄豬膶通

今日去金魚街買左支暖管，回家前打算去華康嘆個出爐墨西哥包，點知發現間新嘢，貪新鮮去睇睇。我唔係咁餓，叫咗個西多士，感覺：幾講究喎！店員話用煉奶上有特色d，我估信得過，我一食，發現幾香，一d都吾油吾漏，我最中意佢外硊內軟，佢個牛油應該係靚嘢。凍咖啡亦唔錯！唔係傳統嘅茶餐廳口味，幾香幾濃吾會酸，有連鎖Cafe店口味，而價錢就...$12平民茶記價就搞掂。讚！