民華餐廳

营业中

休息中

上來ｏｐｅｎｒｉｃｅ　閒逛的時候見到竟然係一間茶餐廳得到１月最多好評？所以決定要黎會一會佢．．今晚同朋友仔去睇戲．．睇戲之前就諗住食個快飯．．決定左黎ｌｅｅ　度試下先～係出面都等左都應該有２０分鐘位掛～其實少人．．２－４個應該係易等位的．．因為ｄ人都快走．．但想講既係．．個叫咪小姐個咪神神地．．．一時時冇聲囉！攪到我地ｍｉｓｓ左．．．我只係０係佢出面睇緊食咩．．都聽唔到佢叫咪原來係個咪冇聲呀！！！不過佢地都好快補返位俾我地既！！要同人搭枱，一人一邊．．硬係覺得奇奇怪怪咁～對面０個２個人好似成日睇住我地食咩咁．．我地又真係叫左好多野食既．．ｂｕｔ唔洗咁望住晒囉又唔係冇錢俾我地叫左：１．鵪鶉蛋燒賣因為朋友仔好鐘意食．．所以後加左ｌｅｅ個鵪鶉蛋燒賣其實味道冇咩特別的．．我諗特別在茶餐廳有點心賣．．而點心竟然有鵪鶉蛋燒賣吧！！２．麻辣雞翼諗住會好似譚仔０個ｄ咁好食掛～點知．．失望而回．．唔算好熱辣辣好似譚仔０個ｄ咁．．ｄ味粉又唔均勻．．有ｄ有芝麻咁．．有ｄ就一堆味粉咁．．好奇怪３．燒賣一開始就叫左ｌｅｅ個．．因為好多人講．．咁事實上以＄１２蚊食左４粒燒賣又真係幾抵既！！有２粒大ｄ２粒細ｄ．．味

7:00要等位, 很快便有位了, 坐在兩人枱, 很逼, order了餐肉炒蛋多士, 牛肉蕃茄通粉, 熱華田, 開旁邊的櫃桶拿餐具也要快, 因很多人行來行去 餐肉炒蛋多士 - 餐肉普通, 炒蛋太小了, 多士不錯 牛肉蕃茄通粉 - 牛肉一般, 湯底不夠蕃茄, 通粉爽口 熱華田 - 普通總括都係澳牛好食d

今日係年初三,先和大家拜個年,祝各位身體健康,口福無窮 !!無事好做.走去了太子一帶消麼一下時間.這處都有很多商店開了市逛了一陣街.行到有些肚餓,就撰了這間近期人氣店試一試..哇 !! 成村人企晒係到..但想不到只是等了三個字就有位呢..最後出貓..按 OPENRICE 食評..叫了...常餐,它分有A,B,C三部分:還有叫了個熱奶茶(見在座好多人叫),唔錯哦..幼滑茶味出..

從無寫過食評今次第一次寫、D朋友話多D上openrice睇睇會搵倒D好食:原來我屋企附近新開的茶餐廳有好多人都在openrice上推介它，其實上月我已經開始幫趁，當時只係叫咗一個大碗麵(薑絲牛肉麵仲加咗一隻蛋)真係好掂好有薑絲味，牛肉就少咗D但係好有牛肉味唔UN唔諧，無用梳打粉過好健康，好有口感。我最想講由上月開始它已經成為我的食堂每星期有三四晚收工我都會買它的外賣返屋企食,它的蒸飯好好食，D飯好有飯味一粒粒，好焉UN、排骨好滑、仲有仲有它的糯米雞真係好大好多料一定要試試！

因為要行旺角花市, 所以夜晚來到旺角搵o下有咩好食~第一次試試這間"民華餐廳", 有點心, 又有米線, o岩晒我啦~係門口好彩無咩人等位, 入到去感覺好似翠華的裝修~大部份都係卡位, 就不用個個都爭啦~我們坐低後, 點了金姑麻辣米線, 辛辣雞翼, 豬肉燒賣, 豉椒排骨盅頭飯~金姑麻辣米線: 得個辣字........我本身已經食得好淡, 這碗湯底味道真係無乜味.......(55分)辛辣雞翼: 等了20分鐘才整好, 不過都幾辣幾惹味(70分)豬肉燒賣: 好多肉, 無乜蝦, 因為床粒燒賣多豬肉而令到唔爽口, 對我來說覺得麻麻地.......(55分)豉椒排骨盅頭飯: 我諗排骨盎頭飯唔會整得難食啦~這盎排骨飯都算幾好, 不過好細盎, 唔夠食(70分)不過這裡只有一個蕃茄通粉餐有飲品, 連米線都無飲品跟........所以比較輸蝕了一點........

本來食左野就周圍行..諗住行完花虛就坐6d去深水步食雪山冰室..都係行返來太子食呢間民華同fd入到去睇到個menu o左咁多野食既....結果叫左幾樣野叫左個炒蛋午餐肉 同番茄豬潤面...個炒蛋真係要去澳奶學下野..唔滑唔熱個面就正..落足番茄...叫左個春蛋燒賣 ok la..太耐冇食個咩五味雞翼..令我同fd都冇左味覺...整體上都幾滿足..除左雞翼..去搵土匪好d

以前水草鋪我都成日入去行,估唔到執左之後係開間茶記,仲要係一間有米線,有茶餐,有點心食o既....真係有小小喜出望外。一行兩人,礙於流感關係,唔敢食熱氣野所以只叫左一個常餐(方包,火腿炒蛋, 番茄豬膶通),燒賣,鳳爪排骨飯,首先來到o既鳳爪排骨飯,,唔知點解要用咁大隻碟裝住一盅飯,張桌已經唔大架,仲要咁大隻碟真係唔得佢死,黎到o既時候唔算好熱,仲有小小煙,味道ok啦,不過講真都未食過難食o既排骨飯o既xd,通常都實合格xd再黎就係燒賣啦,一盅四粒算大大粒,食落有蝦有豬肉,都係合格貨式啦,不過12蚊真係唔算貴了再黎就係今餐o既主角,常餐黎到方包,火腿炒蛋,炒蛋出水,賣相唔太好,不過夠滑,唔算熱。火腿無食到,不過應該都係普通貨仔,牛油方包就真係夠曬厚,牛油又唔會塗小小就算,仲要唔係用cheap cheap 人造牛油,呢個真係抵讚啦!!再黎個番茄豬膶通,個湯底比較酸,豬膶夠多,反而通粉得咁小,真係估唔到,不過係旺角30蚊食到咁多野,算係咁啦xd其實仲有好多野想試,不過要等下次了

新開張不久，旋即吸引各方為食之士的目光，我見到很多人也在門外討論，只因以茶餐廳的格局，只賣的是常餐、點心和米線，三款在近年算受歡迎的ITEM，其他炒粉、炒麵、小菜等等通通不見，這樣算不算新世代的茶記?內裡裝橫有新鮮感，加了點藝術氣息，餐具還可反光，餐牌很四正，茶記來說，環境和衛生是不錯。不知是其他人好運還是自己的運氣不夠，我吃的蛋明顯地過熟，失去了蛋汁和滑溜的感覺，看了大家的食評就得出水準未穩定的小總結。多士厚，中間的牛油平均地滲進麵包中，外微脆內軟身，還算可以。午餐肉薄切，也沒什麼好說的。蕃茄湯底帶丁點酸，果人幾喜歡這樣的湯底，牛肉是偏韌的，而通粉不會過淋或粉。章魚肉餅飯還可以的，肉餅是一餅過，沒有「死實實」的，，章魚香味不出，而蒸的飯不會太乾身，加上豉油會多點色又不太鹹會好一點。點的時候沒想到肥的問題，點了好久不見的鵪鶉蛋燒賣，上面鵪鶉蛋下面是鬆身的豬肉碎，沒什麼特別之處，最特別是「竟然這兒有得賣」吧。凍檸茶，糖水多了點，紅茶味道不夠香甜，篤檸檬加酸後還可以的。每樣食物也是恰如其份，沒有過人之處。話說回頭，集各家之大成談何容易，這一家短期內會滿足到大家的好奇心就是了。

見到openrice有新嘢登上第一位，有d大食家話個餐幾好，仲多選擇過澳牛，又有話米線同譚仔類似，既然去開MK就入去試新嘢。我個人幾喜歡去譚仔三哥到食清湯線，他們的腩肉及炸醬係我favourite。即管去食下。入到去都幾新式既裝修，帶位比咗個對坐二人位，可以一邊放下個袋，單坐不算迫，2個人去就麻煩d，尤其冬天著住件外套，個人變得大隻咗d。佢個炸醬分開一個碗仔，我覺得有點冇需要，可加埋落去碗米線到。我即時將佢倒入碗米線到，即刻令碗米線好味好多，有d辣口feel，個濃湯底都幾有肉味，腩肉做得幾爽口，都幾大片，溝埋d炸醬肉粒，酸酸甜甜令人食落都幾開胃，你話佢好過譚仔就唔敢講，只可話有競爭，大家路線口感有點不同，譚仔的炸醬肉粒比較細及淋，民華的就相對有口感了，腩肉肥瘦相約。大家都送韭菜之類。米線就民華比較爽口少少。湯亦較濃厚點。總括幾好值得去試！

練完歌之後, 又未到夜晚的團年飯, 怎也要食點野落肚, 就四個人來了這家近日相當熱門的店子. 試業期間, 中午十二點才營業, 想來吃早餐就要未得住.等位的人客不少, 都要等十幾分鐘先有位. 這裡的地方是極度擠逼, 四人位要坐四個人是有很大的難度. 明白旺角鋪租貴, 但擺位去到這程度, 實是令人坐得幾辛苦. 這裡跟其他茶餐廳的最大分別是立立雜雜, 乜都有得食, 又麵, 又點心, 又常餐, 我們四個人分吃, 就每部份都試一點吧.豉椒排骨飯 $22: 6分, 份量都不少的, 一個人來單吃這個飯都應該夠飽. 排骨幾肥, 肉的部份偏實, 當然不會是甚麼靚的肉質, 不過問題是飯粒跟排骨是各有各, 飯粒無乜香味.燒賣 $12: 6分, 一客四粒, 剛好一人一粒, 典型的酒樓燒賣的品質, 無乜特別, 是熱度不太夠.即烘牛油多士: 6分, 要了兩客滋味常餐, $30一客, 這部份, 就跟澳牛同華星很相似了. A部份的選擇是即烘牛油多士或是牛油方包, 當然要聲稱是趁熱品嘗, 味道最佳的即烘牛油多士, 是不太夠熱, 是烘好後送唔切來攤凍了, 還是真的烘得不夠熱? 件多士還算脆的, 但不夠熱始終是扣了不少分數

咁岩黎開呢頭, 見近日幾多人係or話炒蛋唔錯, 咪入去試下..可能因為時間尚早, 只係12pm, 仲有好多卡位, 坐低, 有個waitress同緊前面幾枱落單, 咪叫埋佢落...叫左一個常餐, 包括炒蛋, 多士, 蕃茄牛肉通粉, 諗住遲d先叫野飲, 點知個waitress話: 唔得架, 要一齊入機 (其實我唔相信佢講既野, 但為免加料, 唯有即刻望望有咩飲品叫埋) (後來俾我發覺另外一枱餐飲遲d叫都得, 咁即係個別waitress既問題!) 叫個waitress俾杯水我, 佢話要等陣先 (見前面果卡食客都有叫佢倒水, 但又唔見有, 再望望其他食客既枱完全唔見一杯水, 心諗唔知等幾耐, 咁岩前面有部水機, 咪行去自己倒, 點知個waitress喝住我!) (我自己去倒水遮, 使唔使喝住我?! 仲用d咁既態度?!!)等左大約5分鐘, 熱奶茶到左, 份量少, 真係未見過茶餐廳用咁細隻茶杯..眼見附近食客叫既點心, 包括牛肉, 燒賣, 盅頭飯既份量比一般酒樓細1-2成, 將貨就價卦?!過多幾分鐘炒蛋連多士同通粉上枱...炒蛋只係微暖, 蛋香欠奉, 唔滑, 認同or既食友講

由於之前陪同家母前往太子買衫，買完衫後就去了金魚街看一下寵物。行得有點累想找個地方坐下休息下，就選擇試下這間新開的茶餐廳。店子走類似澳洲牛奶公司和華星冰室的路線，不做早午晚餐主力供應常餐，不過此店亦備有米線和中式點心以供選擇。店內都幾擠迫，可以想像老闆是希望盡量放多些位，不過坐卡位還是挺舒適的。因為才飲完茶不久，所以只叫了一個常餐，要了火腿炒蛋烘多士，同埋蕃茄豬膶通粉。見餐牌上有少見的柚子蜜，就要左杯做餐飲。火腿炒蛋烘多士多士烘得少少燶，中間的牛油滲了入去麵包內，入口外脆內軟十分不錯。炒蛋好香，而火腿就一般。蕃茄豬膶通粉蕃茄湯底都唔錯，帶有一點蕃茄碎粒，不過我就想佢咸一點。薄身的豬膶好硬，煮得太過火了。通粉食落去有點粉粉地，個人就不太喜歡。柚子蜜杯底有不少柚子絲，不過可能下得不夠蜜糖，好似飲柚子沖水一樣。雖然伙計經常都匆匆忙忙，不過服務態度都不錯，如果食物可以再做好一點就更加好了。

茄豬膶通~豬膶光光好,番茄湯有番茄味,夠哂營養,好鬼正個餐重有份火腿炒蛋加厚多士想唔飽都幾難~辛辣雞翼~好好味,我非常鍾意食佢,正合我胃口,鍾意食辣一定要試今次靜系試左尼兩樣,下次搵埋屋企人再去試下其他野先

星期五剛剛放工，無野做，約左朋友到旺角shopping。行到累了，搵間餐廳醫肚先。行到通菜街附近，見到間新開張餐廳，見到門口人山人海咁，應該都唔差。就係咁就入左去試下一試啦我叫左個常餐，估唔到咁多野食喎!有厚多士、火腿炒蛋、鮮茄豬膶湯通粉，仲有多杯凍檸檬茶tim厚多士：成塊都有牛油，唔似得出面d餐廳，得pat仔。正火腿炒蛋：一般啦。普通左d，不過都好好味。ok鮮茄豬膶湯通粉：唔知仲以為自己飲緊湯，好濃湯味，豬膶夠夾。正凍檸檬茶：先至係極品，飲到停唔到口，茶味同檸檬夾得啱啱好。正正正唯一要改善地方，本貓覺得坐位太迫，如果可以鬆動少少就very gd!!!

被食評推介.... 而來. 星期日12:00已經要等位 以為一定好好味, 先有咁多人等, 點知呢?! 只不過伙記安排唔好, 所以先一舊人要在外面等我地叫左燒賣, 牛肉, 同一個茶餐囉, 先講點心唔夠熱, 茶餐呢, 蕃茄牛肉通..湯太酸牛肉又咬唔開!!! 唯一是個多士夠新鮮囉 ! 最令人唔like...卡位比正常Size窄左D, 仲話要4位合作一齊坐?!?!?! 你估個個都90磅咩