民華餐廳

营业中

休息中

由於之前陪同家母前往太子買衫，買完衫後就去了金魚街看一下寵物。行得有點累想找個地方坐下休息下，就選擇試下這間新開的茶餐廳。店子走類似澳洲牛奶公司和華星冰室的路線，不做早午晚餐主力供應常餐，不過此店亦備有米線和中式點心以供選擇。店內都幾擠迫，可以想像老闆是希望盡量放多些位，不過坐卡位還是挺舒適的。因為才飲完茶不久，所以只叫了一個常餐，要了火腿炒蛋烘多士，同埋蕃茄豬膶通粉。見餐牌上有少見的柚子蜜，就要左杯做餐飲。火腿炒蛋烘多士多士烘得少少燶，中間的牛油滲了入去麵包內，入口外脆內軟十分不錯。炒蛋好香，而火腿就一般。蕃茄豬膶通粉蕃茄湯底都唔錯，帶有一點蕃茄碎粒，不過我就想佢咸一點。薄身的豬膶好硬，煮得太過火了。通粉食落去有點粉粉地，個人就不太喜歡。柚子蜜杯底有不少柚子絲，不過可能下得不夠蜜糖，好似飲柚子沖水一樣。雖然伙計經常都匆匆忙忙，不過服務態度都不錯，如果食物可以再做好一點就更加好了。