民華餐廳

营业中

休息中

晚上來到太子，行街，太子左近一想便想到民華，之前下午茶吃過一次，認為不錯，今次朋友主動要再來一次，贊成，等了數分鐘便入座，本身兩女迫在一邊的四人卡位，感覺好迫，對面的情侶更迫，要求店員給我們卡位座對面，因我們看到在我們前一個進去餐廳時可要求二人座四人卡位，所以問一下，店家都好有順道安排了，可能不太多人，那時9時多，蠻滿的，如果繁忙時間會座得較迫了，選一個常餐，餐^_^牌簡單易明，最合我有選擇困難的我，經常要想食哪一種，火退炒蛋，多士，豬潤米粉，加多個凍可力，好快點了，上餐時間也快，見到店貼上溫馨提示，多士趁熱食，食物一到，一開始食多士，熱騰騰，牛油溶在當中，好鬆軟，好像比第一次來的進步了。火退炒蛋不過不失，主打朱潤米粉薑絲不少，好味，飲品足料，不會份量過多水和冰，環境光線夠，但有小許蚊子，冷氣好足，叫熱飲已經好快被吹涼了。下次會再來，32加凍飲2，有水準，平時的食的午餐比晚餐更貴呢

久不久都有幫襯,食物都算ok,只是座位有些迫,雖然加咗價,還可再幫襯.點知今次離哂大譜,叫咗個蕃茄豬膶通粉,啲豬膶少到嚇死人!問個伙記,佢話應有5塊,係就係有5塊,碎濕濕,加埋先似一塊正常size嘅豬膶,雖然食材係貴咗,但都冇理由咁離譜㗎,有圖為証!食水咁深!以後都唔使再去啦!

有時真係唔一定貴野先值得令人回味.果日去開旺角做gym, 又係時候吔飯, 喺花園街隔離呢條通菜街勁多食肆唔知點揀, 梗係上openrice check一check啦. 見到民華有鮮茄通, 係我哋既favorite, gogogo!間鋪喺門口睇都算幾新淨，我哋太娘了，好久唔出旺角一次，都唔知係咪新店。入去坐低一般茶記格局，卡位都幾迫，反正我唔係公主，餵飽我就ok望下餐牌，其實茶餐都好多選擇，茄通外，仲有較少有既豬潤，但係我哋2個都係難敵茄字。男人食茶餐唔夠飽，唔緊要！仲有點心、蒸飯，十零廿蚊。雞札就一般啦，鵪鶉蛋燒賣好得。唔知係咪宜家茶樓都小有，好耐無食過，彈牙既豬肉仲有隻小蝦仁，加上鵪鶉蛋好香，成舊啖啖肉，好過癮。吊起胃口，茶餐就上台啦，有牛油厚多士同炒蛋，我揀左午餐肉，多士焗得金黃色，已均勻地好牛油，從小處睇到呢間店有heart唔馬虎，午餐肉香脆，熱切期待茄通。果然無失望，湯底香濃而且味道適中，有茄茸唔係稀liao Liao, 這一次我差不多飲哂d湯。文華我都食過，但係寫呢篇食評時，只有民華既美食仍係我腦中徘徊。 （或者這是人稱的妹仔肚吧。） 

幫襯左年幾, 轉左工去第二區都少左黎一直都覺得常餐嘅:多士: 一樣咁厚咁好口感,軟硬適中茄牛通: 仍然頗有茄味而唔係茄膏味檸茶: 都唔洗講, 唔會似隔夜而苦過廿四味!!今次第一次叫火腿通出奇地鮮甜好味~~個人覺得好食過佐敦只做常餐嘅XXXX公司試過有D做旺左嘅餐廳水準下降但呢間暫時仲KEEP到不過呢...坐卡位冷氣出風位滴水囉...我見人地個台都有咁嘅情況.....快D整下啦~~

近年有個現象, 就是部份茶餐廳開始主力sell炒蛋多士加粉麵的常餐, 澳牛華星龍鳳康年, 甚至連大家樂都有.一個簡單的常餐賣到三十幾近四十蚊, 因為"花款"不多, 所以質素十分重要.今日下午五點途經金魚街, 見到民華原來都主打常餐, 決定試試.揀民華其中一個原因, 就是環境不俗, 坐得舒適; 其次被那個常餐餐牌吸引.因為發現粉麵選擇都頗多元化, 除了一般的茄牛沙爹牛雪菜肉絲义燒火腿, 仲有少見的豬潤, 任君選擇.是次點了多士餐肉炒蛋配茄牛通.多士比想像中厚, 烘到剛剛脆, 不過個人覺得再烘多一陣會更好; 炒蛋亦恰到好處, 夠嫩夠滑, 有蛋香蛋汁. 餐肉則無特別, 一般的厚度.茄牛通的湯底不算濃, 但味道酸甜, 尚算OK醒胃, 可惜牛肉偏韌, 扣了點分數. 通粉OK滑, 無特別.奶茶方面, 茶味濃度夠, 滑度則差了一點點, 但仍是不錯的.一個常餐盛惠$35, 可以再來.NB. 另外一讚, 餐具的清潔度不俗, 以同類茶餐廳來講實屬難得.

約咗個住旺角區的朋友食晏, 問佢有咩好介紹, 佢就話不如去茶餐廳丫, 心諗, 周圍D茶餐廳都係咁上下架啦~~ lunch都係食碟頭飯或者炒粉麵飯, 都唔會有咩特別架啦~ 不過是旦啦, 都係搵個地方食嘢見下面吹下水咁啫, 同埋佢去搵位, 咁就由佢話事啦~~都未去到, 離遠已經見到有好多人排緊隊, 入到去更加不得了, 迫到1個位都冇, 因為全部都係搭枱, 總之一有位就有人搭, 連1個位都唔例外, 我見到隔離張6人枱, 有5個人都係互不相識的, 全部都係1個人, 只有1pair係情侶, 估唔到咁多人幫襯, 莫非真係咁好食? 我見佢有全日供應的常餐、米線餐、點心、盅頭飯, 由於第一次嚟食, 樣樣都好想食, 但見朋友叫個常餐, 咁我又叫嚟試下先...................不過呢度真係多人到d伙計都唔得閒招乎你, 等咗好耐先有人理我地, 雖然我地已經坐响門口當眼處, 但佢到真係忙到唔得閒理你, 而唔係唔想理你............ 牛油厚多士+餐肉炒蛋 超厚的牛油多士, 烘得啱啱好, 脆得嚟唔會乾哂, 仲好鬆, 而d牛油又熔哂, 食起嚟好香口 餐肉冇想像中咁薄, 你知啦, 而家d物價

其實我成日行魚街見佢都開咗一段日子都無試，咁啱今日買魚糧餓餓地又見有位入去食啲嘢。坐底見檯上餐單有常餐同中餐兩種，中餐係啲點心加杯茶，常餐係麵餐通粉加火腿炒蛋加杯茶個種，都係一茶記個啲餐差不多，不過呢到只有餐叫就無其它茶餐廳飯食之類，全日都係呢幾種餐只係早餐時間收平啲其它時間收貴幾蚊。講番食物質素炒蛋係我覺得做得最好嘅因為軟滑有蛋香有蛋味Good，厚身多士OK脆口，火腿食落新鮮有啲似用金妹，麵軟硬剛好個湯底做得唔錯，我食嘅薑絲牛肉硬咗DD不過啲牛肉無死實嘅感覺。杯凍O茶係我最滿意夠清唔太甜Good。

看自己的食評，好像不怎麼出現港式茶餐廳一類食肆，始終出外吃飯就是要吃較少吃到的，茶餐廳到處也是，若沒有太大特別真的不大有動力會去吃。有天想要去旺角走走，就看看有沒有遺漏一些有名氣的茶餐廳，結果果然是有的。雖然過了午飯時間，雖然只有自己一個，但還是要等位的，超恐怖。不過茶餐廳人來人往也不會等太久的，除非是拉大隊入去吧。這裡的餐牌都嵌在桌面，問題來了，因為餐牌橫跨兩個座位，而旁邊的人都在吃，所以很難完全看到整個餐牌，運氣好的話應該可以從隔離枱看到另外的一小半的，那裡應該足夠點菜了。總之都是點例牌的常餐，即是早餐，又是午餐，亦是晚餐。選了火腿炒蛋多士，薑絲豬潤麵，熱奶茶。這裡你的落單時間可以長於十秒，但你的餐亦不會在一分鐘內送到。 多士的厚度夠厚，烘底後微脆而不失鬆軟，裡面還有邪惡的牛油更加香口。火腿都是買現成的，沒有甚麼可說，有輕輕煎過就已足夠。炒蛋就不能不說了，切開有不少的蛋汁流出來，吃下去當然夠嫩滑不會老，並不會比某極速茶餐廳差。不過兩者是有分別的，那邊的炒蛋更滑更香較有奶味，這邊則明顯蛋味較重，嫩滑度稍弱一點，但實屬平分秋色。薑絲豬潤麵用的相信是茶餐廳慣用的大光麵，麵質雖然是較硬一點

聞名而來。有人話，它好比澳洲牛奶公司。這句說話的確有名有實! 我所指的是「服務」。先講等位，等了整整40分鐘，確確實實的。向門口的店面查問時，他冷冷說一句:「等等吧!自己看看門口的號碼。」我知道門口有號碼，但我沒看見那號碼有跳動囉!男友人最終按耐不住，細問才發現他飛過了號碼 (汗)......場外人山人海，避免爭執，算吧.......坐下來，先點最出名的豬潤蕃茄面、友人點了米線、再加炒蛋、點心和飯。先說說座位，旺角地段租很貴，空間有限，所以座位很逼，我能理解，說實的，路還比牛奶公司難行-__-。等待時，有位待應問了我們2次叫什麼餐 原來他們根本沒落單，先前個待應都不見了，我想是下場吧.....食後感，豬潤很硬，米線奉勸請移玉步到南記或星林居，炒蛋與牛奶公司相似，炒蛋可以一試，點心蒸到有點過火了，燒賣的外觀淋淋的。後來， 友人告之， 民華餐廳與唐記包點是同一間公司。感覺差了，因為這裹的點心和飯比唐記更貴。明明就是非繁忙時間，飲品到我們吃完仍未到，旁邊比我們遲來到人都到齊了。實在不敢催單，因心知茶餐廳的「作風」。題外話，看到格離枱客人的行李被待應的熱奶茶淋濕了 -0-......待應大聲「

餐廳滿坐，但仍然很有條理從排隊拿單，安排入座，到落單，食物質素，員工態度均令人滿意食物質素如先前大家所言，推薦的食品是好的。午餐肉炒滑蛋牛肉烘底多士常餐，炒滑蛋，建議先吃，不要讓肉的味道遮掩了蛋香，入口香滑。午餐肉厚均，煎香，沒有一般茶餐廳的隨便，多了份口感。多士，我習慣放涼了和咖啡一起最後吃，放了超過半小時仍然香脆，可見烘底絕不求其。蕃茄湯豬潤面，湯底茄味濃郁，面亦有口感，但豬潤稍硬，可改善。不得不提的是這餐廳賣的雖然和牛奶公司差不多，但比牛奶公司多了份舒適，不會太趕，可以和朋友坐下來好好聊天，而家選擇也較多。總體來說這餐廳算是價簾物美，值得一來再來。下次試試點心好了^_^

民華餐廳雖然是茶餐廳佈局，不過主打竟然不是粥粉麵飯，而是米線、點心、常餐，感覺頗新奇。為了避開繁忙時段，我們大約六點半就來，果然不消一會，門外就擠滿人群。首先點了黑胡黑椒雞翼，一客有三隻，外皮燒得香脆，肉質嫩滑，黑椒味不會很重。再來就是鵪鶉蛋燒賣，鵪鶉蛋下面是豬肉碎，跟一般酒樓酒心無異，不過最想不到的就是竟然這裡都有。是次我們點了常餐，厚切牛油多士是即烘的，外脆內軟，不錯。雖然午餐肉是薄切，但份量不吝惜。最令人驚喜莫過於炒蛋，蛋炒得滑溜，夾雜著蛋汁，吃下去還有淡淡的牛油味道。蕃茄與牛肉，是一個頗佳的配搭。蕃茄湯吃得出是用了茄膏開成的，湯底酸酸甜甜頗開胃。牛肉則保留了應有的彈性，吃下去偏韌，至於通粉不會太淋就合格了。最後就是雪菜肉絲意粉，這個是朋友點的，沒有什麼特別，不寫也罷。

進入農曆新年第二日，在下仍然可以遲一點起床，在十時多便出門口往旺角覓食。在新春期間，少不免有些食店休息，於是在下見到民華照常營業，於是不加思索，便進入餐廳開餐。民華餐廳出名的是茄牛通和厚多士，可是在下於去年八月已經為民華的茄牛通和厚多士撰文，因此今次不是衝著這兩項而來，反而衝著而來的，是這裡的點心。在下曾經說過，第一次來到民華，是吃點心的，到了上次才吃茄牛通和厚多士。今次來到，就點選了一客北菇滑雞飯，鳳爪及熱咖啡。侍者很快的把盅頭飯捧上。北菇雞飯賣相對辦，而且薑已經切絲，冬菇厚肉而且蒸得夠腍，容易咬開，部份雞肉有骨，但亦不見太多，可算是啖啖肉。雞肉蒸得不嚡也算嫩滑，而飯也瞁粒粒分明，沒有爛飯和一嚿嚿，算是水準之作。今次鳳爪卻尔見得有任何椒絲，只是呈現紅色，賣相絕對對辦。鳳爪醃得入味，可是略嫌稍為鹹了一點，如果淡口一點會較為好一點，撇開這點，味道是可以的。至於咖啡，未喝已經有咖啡的香味撲鼻，呷一口咖啡，咖啡和奶調配適宜，亦見香滑且帶有咖啡的苦澀味道，也是水準之作。整體味道都令在下滿意的，只是鳳爪略為鹹了一點，不過在下認為這只是一時失手而言，希望下次可以留意一下。這裡的服務不會因為大年初二

第二次光顧，不點常餐，改為散點：大碗鮮茄膶牛通+西多士。果然有驚喜！大碗鮮茄膶牛通分量十足，湯底及鮮牛一流，膶一般貨色。西多士不用糖漿改用煉奶，正！唯獨座位峽窄，要親熱一點。

服務差到極點，野食又唔見得有幾吸引，一入到去，明明仲有空位，咁我地二人同行，見佢都未爆場，就揀個四人位無咁迫啦，之後諗住叫野食果時比呀姐趕走，趕去答枱，仲要好似食左霸王餐咁比人對待，差到離譜呀真係

《麥兜》這有名的港產漫畫，深具本土特色，老少咸宜，大受歡迎，更被搬上大銀幕，拍成一齣齣引人發噱，令人會心微笑的動畫電影。在多齣《麥兜》電影中，有不少情節都令自己留下深刻的印象，就像其中一齣電影中的一幕所設計的對白，道盡了港式茶餐廳每每「常餐即是特餐，特餐即是快餐，快餐即是早餐，早餐即是午餐，午餐即是晚餐」，不管什麼樣的餐，餐中的食品，無非都是大同小異，改頭換面，巧立名目的把戲而已。這一晚，老婆仔忽然想來這間曾被自己譽為深水埗「維記」與佐敦「澳牛」混合體的「民華餐廳」，吃它的嫩滑炒蛋與厚切油多。也好，反正也有一段日子沒來「民華」了，就去一趟吧！來到「民華」，必吃之選正是常餐即是早餐，早餐即是午餐，午餐即是晚餐，不論早午晚來到這餐廳都可點來吃的「滋味常餐」（早餐時段 $28，其它時段.$32）。雖然這常餐有不同的配搭可揀，但自己的心水選擇則是「即烘牛油多士 + 火腿炒蛋 + 薑絲豬膶麵 / 薑絲牛肉麵」。沒來一段日子，幸好這餐廳的常餐仍能保持水準，厚切油多烘得香脆，溶掉的牛油更添多士的美味，好吃。火腿雖是一般貨色，但伴以炒得嫩滑非常的滑蛋同吃，仍能像紅花旁的綠葉一般，合作無間，相得益