影片
更多
2013-05-12
25 浏览
近年有個現象, 就是部份茶餐廳開始主力sell炒蛋多士加粉麵的常餐, 澳牛華星龍鳳康年, 甚至連大家樂都有.一個簡單的常餐賣到三十幾近四十蚊, 因為"花款"不多, 所以質素十分重要.今日下午五點途經金魚街, 見到民華原來都主打常餐, 決定試試.揀民華其中一個原因, 就是環境不俗, 坐得舒適; 其次被那個常餐餐牌吸引.因為發現粉麵選擇都頗多元化, 除了一般的茄牛沙爹牛雪菜肉絲义燒火腿, 仲有少見的豬潤, 任君選擇.是次點了多士餐肉炒蛋配茄牛通.多士比想像中厚, 烘到剛剛脆, 不過個人覺得再烘多一陣會更好; 炒蛋亦恰到好處, 夠嫩夠滑, 有蛋香蛋汁. 餐肉則無特別, 一般的厚度.茄牛通的湯底不算濃, 但味道酸甜, 尚算OK醒胃, 可惜牛肉偏韌, 扣了點分數. 通粉OK滑, 無特別.奶茶方面, 茶味濃度夠, 滑度則差了一點點, 但仍是不錯的.一個常餐盛惠$35, 可以再來.NB. 另外一讚, 餐具的清潔度不俗, 以同類茶餐廳來講實屬難得.
一個簡單的常餐賣到三十幾近四十蚊, 因為"花款"不多, 所以質素十分重要.
今日下午五點途經金魚街, 見到民華原來都主打常餐, 決定試試.
揀民華其中一個原因, 就是環境不俗, 坐得舒適; 其次被那個常餐餐牌吸引.
因為發現粉麵選擇都頗多元化, 除了一般的茄牛沙爹牛雪菜肉絲义燒火腿, 仲有少見的豬潤, 任君選擇.
是次點了多士餐肉炒蛋配茄牛通.
多士比想像中厚, 烘到剛剛脆, 不過個人覺得再烘多一陣會更好; 炒蛋亦恰到好處, 夠嫩夠滑, 有蛋香蛋汁. 餐肉則無特別, 一般的厚度.
茄牛通的湯底不算濃, 但味道酸甜, 尚算OK醒胃, 可惜牛肉偏韌, 扣了點分數. 通粉OK滑, 無特別.
奶茶方面, 茶味濃度夠, 滑度則差了一點點, 但仍是不錯的.
一個常餐盛惠$35, 可以再來.
NB. 另外一讚, 餐具的清潔度不俗, 以同類茶餐廳來講實屬難得.
张贴
