每日

营业中

休息中

🇭🇰每日·之前我有朋友推介呢間既齋buffet好好味 所以我地就黎左😎·素食自助餐$138佢呢度野食既選擇真係好多 不過就唔係樣樣野都咁出色咁🤔·炸物 l 前菜我自己覺得佢炸物最出色 就算擺喺出邊都仲係超脆 尤其係佢個春卷勁有口感 之後炸蓮藕餅都好好食 佢中間個蓮藕蓉超級軟糯☺️佢啲前菜就麻麻哋啦 佢味道其實係好嘅 但係佢呢啲冷盤全部都唔凍 麻醬菠菜啊 涼拌木耳 青瓜 呢啲全部都仲係微熱🤔🤔·熱食 l 湯品佢熱食都幾多選擇嘅 最鍾意係佢個茄子 超送飯 菜心同露筍都好味 但係就冇一個特別有記憶點既送🤭同埋佢好多送都係豆乾 支竹嗰啲 食物種類就比較少😂😂佢個湯係胡椒豬肚湯黎既 個味超似 不過就偏辣少少·甜品佢呢度甜品選擇勁多 所以我本身滿心歡喜 但係我覺得佢啲甜品都唔係好啱我口味🙊佢最好食就係個拔絲香蕉 個香蕉好軟糯 個外皮都好好食 另外佢仲有純素雪糕 我地試左豆腐味 我覺得個豆腥味太濃 我唔係好接受到 之後佢其他糕點個味道都有少少奇怪 最後佢啲水果真係麻麻 佢個橙酸到完全食唔落 之後蜜瓜同西瓜都無味😂😂··📍尖沙咀山林道10-12號山林閣地舖

好好食呀~~~~~~~(淚奔)真係好食到爆,之前已經聽過屋企人對呢間餐廳讚不絕口,今日終於夾到時間嚟食,嗚嗚,真係好好食呀,我地一行三人2030到達,有預約,但唔馳等,食足90分鐘,然後發現自己重咗...(掩面)但值得的!!餐廳超有創意,完全顛覆食客對食物的想像,例如「咕嚕肉」,外表一如普通豬肉咕嚕肉,但一咬落去,原來是合桃!!!(老闆娘說是貴價合桃!),完全估唔到,好有驚喜,完全超乎想像;仲有「蘋果花生醬」,嗚哇,點解諗到呢種配搭??! 夾到暈!!好有創意!竟然有反沙芋!!!哇哇哇! 以為是鹹,放入口先知係甜,哇哇,好突破,好驚喜,每一啖都係surprise!!眉豆湯也很好喝~所有滷菜也很好食~ 黃芽白好甜好入味~~~酸菜類也很好吃~皮蛋酸薑又辣又酸,卻很balance,好好食~~蓮藕餅,椒鹽豆腐好食~沙律吧有個小小白白通窿的東西,不知何名,原來超辣!!今日先發現,原來五味甜酸苦辣鹹皆來自植物,肉本無味,又一個顛覆,一直的普遍印象是肉食較素食濃味,但還原基本步,素食才是至味!!!花茶/龍眼茶也很好喝,薄荷水就免了(個人不喜歡而已)香蕉糕好香好好食~(但朋友說太甜)旁邊的綠色餅也好吃,

一個人6點入座 ,職員話一個人就簡張雙人枱,ok 咁就簡左張雙人台, 之後出去拎野食, 番到位見到自己既私人物品同背囊比職員移左去第二張枱, 到底職員有咩職權可以係未得到物主同意下移動人地既私人物品？ 食左咁多間餐廳 從未試過有咁既情況出現, 移走物品都算 但當時係唔爆場無人等位, 純粹就係將我既物品由一張雙人枱移去另一張雙人枱, 咁到底係為乜？ ***如果餐廳係想客人坐到指定位置 唔該叫企收銀果個順便帶埋位 而唔係問都無問就亂咁移走客人既物品***個收銀係長頭髮 操大陸口音 態度惡劣想客人回頭幫襯？難啲囉再講食野 食物味道不過不失 只可以講係雞肋 畢竟係尖沙咀區內少數既素食店 偶爾也會光顧 6點入場都可以有咁半成食物係凍 仲要有啲食物睇得出係上輪食淨既野 擺番出黎 其實呢啲野食已經放係出面好耐 容易受到污染 係食物保溫同衛生方面 餐廳既質素有待改進題外6點入座前見到職員無帶口罩係店內周圍走其實職員係咪唔知餐廳有部份食物係無蓋掩住？係職員培訓方面 餐廳真係仲有好大既進步空間***無帶口罩既職員又係收銀果位 長頭髮 操大陸口音既女人 真係無回頭 寧願行遠啲去食六榕或者無肉食

同同學在每日食素自助餐今日還在休假中，約咗中學同學食午餐，因疫情同我都比較忙無咩時間休息，所以已經有一年無見，呢2年疫情比之前更忙，之前放假就一定約她，年頭前入咗佛好開心同我分享而家話去讀佛學，而家食素日子多咗又要上堂，今日先約到咁啱剛初一所以就同她出去食素，呢間同學話幾好食，她都食過幾次，但時間就好短每個時段75分鐘，咁約咗食11：30-12：45分，搞掂完家中各人出門清潔一下，準備好晚餐部份餸等老公放工就返熱同煮菜咁就出去，因為都要成個鐘先到去到早咗些少已經好多人排哂隊，夠鐘啲人好急，我哋入到去，見啲人已急不及待出去攞嘢食，當坐底洗埋已經過咗15分鐘，而家好明白點解啲人有位就立即攞嘢食，我就行咗一圏影下相順便攞咗碗湯同碟菜就返位，真係幾急2-3轉就夠鐘，12點半就通知差唔多夠鐘叫清理埋後出去埋單，之前去洗手間見到有咖啡機諗住一試，最後都忘記了，原來有好多都無試，呢間無咩特別無加特色素肉去煮，全部真係以菜去煮唔同味，我哋食11點半88蚊無加一，其它時段聽同學話有啲時間收費貴些少就會多15分鐘，我覺得有2個鐘會舒服啲，75分鐘實在太急，糖水，甜品同生果都無食，同學就諗尾好急攞些少比我一

一講食素食自助餐，我會去每日。試過好多間，都係呢間值得推薦。佢有好多涼拌菜，最愛是涼拌竹筍，可惜今日沒有。今日有拍青瓜，雲耳，酸蘿蔔，麻醬波菜，酸薑皮蛋。然後又有d好特別既小食，好似紫薯蓉波，花生脆蘋果，焗蕃茄。呢d都係d好有心思既素食，餐廳唔係求其煮就算，都有意思。好睇又好食啦。漢堡包，這個都幾好食。沙律牛角包，這款第一次見。好好食，又好睇。仲有呢度d煎炸物都好好食，唔會好油益。有炸芋頭春卷，炸雲吞，椒鹽粟米，炸豆腐，蘿蔔糕，黑椒薯仔，炸藕餅（唯一唔好食）沙律吧都有好多款式，仲有不同醬。有藕尖，有驚喜。甜品都好多款式，有綠茶豆沙餅，黑芝麻卷，斑蘭蛋糕，紅豆糕，楊枝金露，紅棗糕，薑汁糕，我最鍾意佢既香蕉糕。仲有綠豆沙，有湯，有胡椒枝竹咸菜湯，碗仔翅。其實仲有好多熱盤，不過我冇太大興趣，只係食左炒麵炒飯。，下午茶68蚊位。每日好在佢唔會刻意整d假肉去滿足素口唔素心既人。每款款式都係純素，冇假肉偽肉。唯一唔好既係位太迫，坐位同拎食物位置太近。

試過咁多間素食自助餐 最鍾意都係呢間上年已經食過兩次 今日下午茶時段再試下下午茶平日$68一位 用餐時間75分鐘 夠鐘會提你性價比超高食物選擇又多店內環境和諧 枱與枱之間有隔板 但都痴得埋一但人多 就好易撞到 但食過嘅素食自助餐 呢間出而夾野食空間算夠 款食又多佢有個位係自助回收區 比客人食完既碟要自行清理 所以無服務可言 我最鍾意佢沙律吧 夠多沙律配搭 今日就有水果就有西瓜 哈密瓜 新鮮 唔似浸過糖水 因為唔太甜仲有其他必食 椒鹽豆腐 真係做到外脆內軟黑椒薯仔 外皮香 食左超多花生脆蘋果 獨特嘅配搭 只可講花生醬配咩都好食炸雲吞 真心除左個餡唔同 應該係菇 比出面茶樓炸得好食 但可惜我入去 就夾左一次 無再見佢refill炒欖飯 做到粒粒分明 好香炒麵都唔油膩核桃咕嚕肉 真係勁似真既一樣 口感都差不多涼拌青瓜 茄子 南瓜 都整得好好食甜品比其他素食自助餐都多款 有楊枝甘露 綠茶餅 芝麻糕 紅棗糕 紅豆沙 薑汁糕 等等等 楊枝甘露就最好食最可惜既係 蘋果紫薯... 望落好正咁 但兩者唔夾 其他就普通正常 除咗紫薯外 都好食！下次想食素食 一定會再去

疫情下經巳有清晰的政策關於食客人數及枱與枱之間的距離，這店枱與枱之間只有大約 20厘米的距離，我們二人就坐在枱的左邊留下右邊避開在左邊的四人家庭，而我們的左手邊與鄰枱背著我們的食客有大約一尺的距離。吃到一半時四人枱中間放一塊比枱面長度小的膠板就安排搭枱而身邊有不少枱空著，向員工查問疫情下的政策時對方竟然說他們就是這樣的安排，另一個拿來藍子令我可以把放在身旁的袋放在枱下，我望一望枱下只有大大的枱腳時向對方查詢那裏還有空間放藍子，對方把藍掉在地上就走開了...... 隨便吃一點就走了！

我咁大個人，第一次食素嘅自助餐，位於尖沙咀的每日，好耐之前已經喺社交平台見到佢哋嘅廣告，廣告中相片非常吸引，一直都想去試，不過疫症下，不斷推遲。終於有機會去食啦，舖頭嘅環境好舒適，光線亦都好充足，俾人好有健康嘅感覺，不愧係食素嘅地方。六點一開始，食客蜂擁而上，佢哋嘅安全措施亦都好足夠，食物種類出奇地多，食材沒有重重複複的使用，調味料亦沒有重複。咁到驚訝的是，他們會有傳統嘅菜式出現但就走肉，味道同平時食嘅當然有分別啦，冇咗個肉香，不過亦都係好嘅嘗試。有一個例子，就是胡椒豬肚湯，沒有豬肚的湯，更能吃出胡椒嘅香味同埋酸菜仲有腐竹嘅豆味，仲可以配合油炸鬼同紫菜一齊進食，另類的享受。

這間店舖我非常欣賞，幫襯過很多次，首先環境衛生清潔，食物款式多，價錢合理，有湯，飯，餸，Pizza，生果，甜品。每次去吃都很滿足，所以一有時間就會去幫襯，店員有禮貌，最喜歡吃薑醋蛋，蘿白糕，紅棗糕，糯米飯，還有紅豆沙⋯等等。值得推薦！

本人並非第一次光顧，問心，食物環境都唔錯，但今日去食個lunch真係背脊骨落！話說本人以午餐收費入座，未開始食已發現隔離枱遲本人少少入座，收費竟然是下午茶價錢，再看自己張單，入座時間顯示1:58:33，我心諗，如果係2點開始下午茶，差一分半鐘都唔同我講？於是去問下收銀個個，下午茶幾點開始，她答我14:30，於是我問點解隔離枱已經收下午茶價？開頭她話打錯隔離枱張單，於是收返隔離枱張單，本來我都算，點知，係我夾緊菜時，發現周圍未夠2點半入座的人都係收緊下午餐價，真係火都黎，再去問收銀，她話有d黎食下午茶既人提早左比他們入座，我入黎時又無問，有d人遲過我入黎都係收緊午餐價，what?！即係鍾意點收費就點收費啦！態度仲要勁串，咁講咩打錯單姐！根本身有屎！亂收費仲要唔認賬！無良食店！

聽講呢度素食自助餐價廉物美，特地請左半天假同食素的家人嚟試吓。佢有幾個價錢，晚餐都只係180幾。聽說佢下午茶同午餐質素一樣，但平$20。咁就試下午茶啦。2：30開始下午茶時段，2：10已有約10多人的人龍。店子裝修有點日系風，如果人少少，在呢度食啲優質素食飲杯黑咖啡，望吓山林道的人來人往應該幾寫意。 瞄到收銀旁掛住一個牌寫住「開業以來，堅持不用仿肉」，不禁產生更大期望。店的防疫衛生做得不錯。每人要戴手套和口罩才可出去取食物。一開閘，90幾個人衝出去搶食。食物拎到返嚟，卻令人非常失望。 第一round出去，很多食物都明顯地是午餐的剩菜殘羹。很多都是凍的。炒豆苗太油膩。個素burger的餡是甜的不明物體，很難食。其他熱食也乏善可陳。本身有點期待的椒鹽粟米， 等左好耐都仲係無refill,到差唔多3：45，問個廚幾時會refill, 佢話呢個時間唔會refill了。 成餐我覺得個椒鹽豆腐，薑醋蛋同羽衣甘藍不錯，其他的，學我家人的講法「似食下欄」。我問心極不想寫衰呢間餐廳，因為我覺得佢尚算是良心經營，食物是不新鮮但也不是食到人滿口味精。不用仿肉的堅持我也是欣賞的。佢地已做好左基本，點解要在下午

近排母親大人想食素菜 ，而我咁啱上網見到呢間素食餐廳有香蕉拔絲，個賣相好吸引，所以就和母親大人去試試依間素食自助餐。餐廳環境方面:整潔，光猛，唔迫。但有點嘈吵。 食物補充方面都算快食物方面選擇豐富，中西菜式都有:熟食，甜品， 冷盤 ，湯，果汁，沙律等等……但我當日我食咗90分鐘都唔見佢有出香蕉拔絲，所以有點失望，但慶幸食物質素高，都令我開心番。花生醬脆蘋果: 花生醬和蘋果出奇地夾再配上一些脆脆的穀物口感豐富，但美中不足是如果放奈了蘋果會變淋。合桃古嚕肉: 外型神似，食落又唔覺油膩，健康之選。錦鹵雲吞: 炸得脆口再配上甜酸醬，味道一流，我都食左好幾粒。反沙芋:外邊比較少見外脆內軟 ，可以一試。餐廳的食物和環境整體來說都想令人再次幫襯。

環境方面：大致整潔、桌面好寬闊，可以放到每人三碟食物。在疫情期間，餐廳用咗透明膠板隔開座位，不過本人認為仍然比較擠迫，攞野食既空間都略為擠迫。食物好多種類，但可能空間有限，以長枱展現食物的方式營造西式自助餐風格🍽，同朋友、家人一齊夾食物覺得好溫馨。😍😊食物方面：沙津吧有豐富嘅水果例如菠蘿🍍、西瓜、蜜桃、蕃茄仔🍅、各種沙津菜，仲有羽衣甘藍！拌醬都有成5種，最後我地夾咗好多水果🍉，🥗沙津都可以食到半飽😋熟食嘅部分，中西意式的菜式都有，我試左個胡椒咸菜湯、炒麵、紅豆沙、津白粉絲煮豆卜、蕃茄焗大菇，仲有獨有小食👉🏻香蕉拔絲🍌，呢個帶有香蕉嘅香甜、炸過嘅咸香互相配合，好味、值得試下👅。總結而言，素食餐廳嚟講EVERYDAY的菜式算幾新奇又多種類，有興趣嘗試創意素食既你快d嚟試下！👍🏻👍🏻

可能真係人大左，漸漸都唔係想食咁多肉，真係會多菜少肉，就多咗留意齋，以前細細個見到齋都好驚，因為覺得冇肉食， 但越來越多新派齋菜，整得好靚，睇見都好想食，就漸漸越嚟越留意齋。今個星期問元祖師奶想食乜嘢，佢竟然想出街食，仲話想食齋嘅自助餐，即刻就諗起呢間，起碼食過知道一定好食，但係佢去食就唔使一齊中伏，一早就打電話去book咗位，安排好晒，咁就可以放心去食。其實我上次都食過，覺得呢間小店真係高質，所以今次帶元祖師奶過嚟食都好有信心，有我最鍾意嘅花生脆蘋果，反沙芋，咕嚕合桃，仲有好多菜，款款都好味，最緊要係，價錢又唔係太貴，假期嘅晚餐＄168 ，食自助餐呢個價都OK啦。元祖師奶首先去攞第一輪，好多嘢都啱佢食，我都放心啲， 佢話啲嘢食都OK，咁就安樂晒，最緊要係佢啱食 😌。嘢食嘅款式好多，有冷盤、沙律、小食、湯、小炒、糕點、甜品、炒粉麵飯等等，都真係好多嘢食，最緊要係見到每一樣個賣相都幾好，都想試咁，好似上次咁，我打算每樣試一舊都未試晒，真係大部份都好食，小食類的話佢都不斷會添加，所以都不斷有即炸、新鮮既野食。今次試多咗好多上次未試過嘅嘢食，胡椒味菜湯、綠茶芋餅、麻醬菠菜、都好食！而元祖師奶

試過不少嘅素食自助餐，但係每日係我覺得比較好食嘅一間。有時候素食自助餐嘅選擇並不多，而且味道比較淡，但係每日唔單止有一啲特色嘅菜式，例如香蕉拔絲，或者係紫薯波波，而且總括嚟講口味都比較近大眾嘅口味。甜品種類都幾多，有全素雪糕，楊枝甘露，同埋紅豆沙，仲有角色嘅糕點。熱食方面都有好多選擇，至於沙律啦，唯一比較少嘅就係新鮮水果嘅種類，但係都算驚喜係有比較少有既羽衣甘藍,同埋紅菜頭沙律鋸開職員refill都比較頻密，去到九點幾都仲有refill。