每日

营业中

休息中

好友上星期牛一，近年被高血糖困擾我打聽吓有長輩同事介紹嚟呢度素菜自助餐。看食評知此較受歡迎我特意早點到等位。唔知店員定老闆招呼我 入去先坐非常體貼。餐廳裝修光猛雅致緻係新派健康素食。好評!

上星期六去咗呢間餐廳食下午茶時段既素食buffet每位88蚊，唔知同疫情有無關係，一人派一隻手套比你挾食物時用食物既調味唔錯，唔會因為係食齋會覺得好無聊。尤其佢個胡椒咸菜湯，雖然無豬肚，但飲落口都非常似出面平時食既胡椒豬肚湯。另外我最鍾意係佢個炒麵，炒得唔會太乾又唔會太濕，味道十分香口有啲鑊氣，鹹味岩岩好！除左一般比較常見既齋例如豆腐，菜之外，佢仲有個漢堡包同pizza，望落去幾吸引。我食過個burger，但都唔知中間菜之外既係乜野，都唔錯。我朋友食過佢個鮮果pizza話好好味，但我真係太飽啦，好多野都試唔哂！

其實成日大魚大肉，週末都會想食下菜清腸胃，突然醒起依間素食，「每日」出名新穎啲嘅素食餐廳，而以往經驗呢依間餐廳一定會排長龍，所以我今日呢喺前一日已經book位，12點，食90分鐘。不過可惜我哋遲咗，12:15先到，職員都同我哋講1:30要交位喇，咁我哋都體諒嘅。依間素食餐廳俾我以往食（大約半年前）嘅水平仍能保持的，雖然質素無變但食物種類亦都冇變。熱菜依然以羅漢齋、菜心、西蘭花、雞髀菇、茄子、蘆筍、蘿蔔、豆腐、節瓜為主。熱盤有炒飯、炒麵、黑糯米飯、亦都有四至五款湯類（胡椒豬肚湯、花生眉豆湯、紅豆沙等等）清得黎有味道好好飲必飲！另外我最推介就係豬腳薑嘅雞蛋同薑好入味，雞蛋好彈口唔會太實！冷盤當然係沙律但今次冇羽衣甘藍，不過平時嘅配料有齊。甜品，依間餐廳放切甜品好仔細，將甜品都cut成小塊，令客人每一個甜品都可以嘗試下，最鍾意佢嘅薑糕夠彈牙、香蕉糕夠香蕉味！依間餐廳特別嘅地方，有（唔知芋頭定蓮藕）漢堡包、用合桃整嘅生炒骨、十足十似胡椒豬肚湯嘅湯。唔好嘥胃位食物有：芋頭春卷（炸到好硬無特別）

在這相機📷食先的年代，這間食店是蠃了的。是勝利的。林羅品種的食材吸引了我的味雷。在這不屬於正常人吃的（我們會和朋友一邊吃一邊傾談的啊）75分鐘我只是影了二張照片。其他用來品嚐他的炸物和甜品🍮。75分鐘本來就是沒有時間的啊。😪 是友人介紹我的。多謝🙏🏻Frankie 。它的洗手間🚻是我最愛的。有Jazzy音樂做背景音樂🎵。香噴噴的Incense Wood Stick 和 香薰精油。愛。

食過幾次，今次第一次寫食評！之前同朋友食，三大一小，勿勿忙忙75分鐘食完交台，食就食到飽，但連傾計都唔夠時間。 今次閒日放假，打算一個人慢慢食。我理解呢個價錢（$88/lunch) 的buffet, 係香港地搭台是必然。但台與台之間真係好逼，加上餐廳唔大、樓底唔高，當有成台人大聲傾計，成間餐廳就會變得好嘈。所以無論上次同朋友來定今次自己來，都有一d唔太滿意的地方。講返野食先，性價比的確係高！不得不讚其中三樣，我係有encore再食！ 1/ 椒鹽炸豆腐，外脆內滑，好好食2/ 椒鹽香辣栗米，好惹味，同埋係一小枝一小枝，唔係粒3/ “咕嚕肉” 係用合桃代替肉，good choice, 好香！煎炸野似乎係重點，又有春卷、炸雲吞、煎藕餅等等仲有好多不過我都怕熱氣冇試哂咁多款。我仲好欣賞佢地既薑醋蛋，my favourite! 至於甜品我就試得好少，淨係食左個”楊枝甘露”, 用左d黃色蒟蒻絲代替芒果，呢個價錢可以理解。至於其他沙律我就冇食過，唔太吸引。$88我一共食左三個盤野，飲左湯同羅漢果水，飽到上心口。不過由於個環境唔算舒服，食完都係拿拿聲走人。如果重點係CP值而唔係要食得舒服或者可以同朋友慢

今晚專程帶媽咪到尖沙咀試呢間素食自助餐，我哋6:30到達，應該係剛剛開始晚市，所有食物都好新鮮熱辣👍🏻😋，非常多元化，炸物很好味，飲品湯類都有選擇，很值得推介給朋友嘗試，會令朋友改變吃素的想法😃

現在香港人越嚟越健康，如果有一啲健康嘅食物大家都開始越嚟越接受。今日食咗一個素食自助餐，佢嘅煮法同埋煮法和傳統嘅中式自助餐完全不同，令你感覺新潮好多。如果有機會嘅話我下次都會再食。

之前係度食過一次晚餐覺得唔錯，但果次無影相所以無寫食評，今次就試下午茶時段，無左我最鍾意既香蕉拔絲同雪糕，但係都仲有好多野食選擇，只係75分鐘食得有少少趕，如果想同朋友邊食邊傾計就rush。衛生方面，探熱消毒做得足，如果要出去拎野食就一定要戴手套同口罩，所以都唔擔心交叉感染，環境都乾淨，位與位之間都有透明膠板分開，所以都放心用餐。食物方面，今次好欣賞佢個蘋果脆片、藕餅、香蕉糕同楊枝甘靈（重點：應該落左唔少花奶所以好好味），比較可惜係食唔到碗仔翅（我見無哂之後無fill，所以應該75分鐘得一round?）。但野食真係搵唔到唔好食既，結論是88蚊有得食正餐同甜品以尖咀黎講是抵食的。

今日難得老公主動話想試呢間素食自助餐我即刻舉腳贊成😂之前同朋友食過下午茶晚市就第一次唔夠6點就去到意外成為第一枱客人除咗炸物外 其他食物都加上蓋更加衛生仲派左手套俾每位客人出去拎嘢食嘅時候戴好貼心即刻分享吓食咗乜先:炸物整體都好出色一啲都唔油大推藕餅！超好食老公話個避風塘粟米都好好食椒鹽豆腐超好食😋外脆內軟 個味較得好好冷盤個梅子苦瓜真係有梅子味又唔會太苦老公話個荀絲好好食 爽脆個咕嚕肉其實係合桃！好特別見到鋪頭入面有海報話絕不用彷肉呢個堅持真係好值得欣賞👍🏾個炆茄子超好食！好入味雖然好油😂不過炆茄子就係要油先好食另外個南乳齋都好入味Encore咗2次甜點我就覺得稍遜眉豆糕同桂花馬蹄糕可以試吓兩樣都好香至於個香蕉糕就真係麻麻地😂好彩細細嚿唔洗浪費平時我唔會食炒粉麵飯但老公大推所以就試吓😂個炒飯真係好好食！好乾身！但糯米飯同炒面我就唔係好覺得有乜特別素湯超甜平時無湯飲嘅朋友可以飲碗😂呢個係用豆奶整嘅雪糕好滑 好香豆腐味仲要香港製造晚市先有㗎👾要試！個橙好甜😂同埋本人好鍾意食罐頭生果雖然人哋本來係for整沙律但我覺得就咁食開心啲(老公在旁表示不解）-總的來說每日係一間有心整好每道菜嘅素食店

是日朋友介紹一起去一間她已光顧多次嘅TST 一素食店食午市Buffet 。平日$88/位。衞生乾浄，味道不錯。素食愛好者又多一選擇。只是疫情下，每次出去取食物也要帶手套及口罩。所以會有些麻煩，不過為了大家健康著想，無計啦！（⚠️注意：用餐時間真的有限，75分鐘，便會提你要交位，因為下午茶$68/位，已經有人排隊了！）另外，食完也要動一動身，自行處理回收食具！如果同朋友很久沒有見，又要行來行去，時間又咁有限便非必合適了！

食物質素尚算錯，款式和份量都好多，我最喜愛的就是雪糕，七種不同口味，每個味道各有特色，甜品也有很多選擇，另外薑醋蛋都好好味、胡椒支竹湯味道夠濃，好有胡椒味，其中一款鮮蘋果+上面鋪滿花生醬及脆粒，好特別，味道也很夾，衛生也做得很足夠，每次出去取食物都要戴上口罩及手套，雖然有點麻煩，但確保衛生……整體感覺滿意，下次會試試午餐去食，感覺好似抵好多。

素食自助餐越開越多，真係令人花多眼亂。最近疫情影響下自助餐都大受打擊，所以「每日」都因應疫情做左啲措施，除左量體溫依啲基本野，仲會要求客人攞野食果陣要帶口罩同埋手套，令大家安心啲。一黎就食下啲炸野同小食先！Burger仔塊扒竟然係塊蓮藕，估佢唔到。最鐘意係果塊唔知咩名既綠色餅，好香口又唔會漏。椒鹽粟米幾特別，切到細細舊咁方便入口。㑼欖菜炒飯整得好好，以前自己整過好油淋淋，但依個炒得好乾身，啲飯仲粒粒分明。依度啲蛋糕多數都有蛋奶，好彩有啲中式糕點都叫做有甜品食，個薑汁糕好正，超煙韌同埋薑味好足。飯後果都有唔少選擇，啲西瓜略嫌切得太大舊。純素雪糕唔多，同埋都唔平，估唔到依到有得任食。依個牌子未見過，味道都唔算出色，但有依個選擇提供都已經好好。仲有個碗仔翅同胡椒蘿蔔湯唔記得影相，但兩個其實都好正！星期五六日晚市168蚊一位，耐唔時一次都唔錯。

為避免母親節當天的擠擁，我決定提早一天為媽媽慶祝，所以帶她來到Everyday吃午餐｡ 餐廳以素食為主，是自助形式的。白色門面加上大大的落地玻璃窗感覺開揚，配上淺木色枱櫈令餐廳感覺休閒時尚，店內採光度十足，深受時下年青人及素食人士歡迎｡進入餐廳後，店員會安排座位指示拿手套的位置，因為每次出去拿食物都要帶上手套，確保衛生｡ 食物品種繁多，食材新鮮，有多款冷盤，前菜，炸物，沙律吧，熱盤，飯麵，湯品，糕點，甜品及不同的飲料等等。有些菜式烹調方法新穎又特別，一定能滿足食客的視覺及味覺｡ 雖然餐廳堅持不用仿肉的素食材料作烹調，但有些菜式含有洋蔥，食齋的人士未必適合，要留意｡※ 糕點的甜度適中，不會過甜。※ 餐後可喝杯薄荷葉檸檬水，能幫助消滯及清新口腔｡餐廳整體環境寬敞，注重衛生，用環保物料作餐具。提供午餐，下午茶及晚餐，可以預先訂位，價先合理。用餐後的客人需把用完的餐具放到回收處分類。我也欣賞餐廳在餐具回收處旁安排一個盤子放廚餘，是一間有心又具環保概念的餐廳。

今次係我地第一次黎食呢間素食自助餐，地點好方便，位於佐敦。仲要係我地去食既時段係下午茶時段，每人只需要hkd68就可以食到素食自助餐，正！雖然我地係下午茶時段，都仲好多款食物可以選擇，啱晒唔同既人群，老少咸宜！有老火湯，有生果，有沙律bar，有班蘭蛋糕，有好多款炸物，有中式糖水，有中式糕點：紅棗糕同薑汁糕，有糯米飯，年糕，有好多時蔬。。。真係任君選擇！仲有好多創意小食，都係第一次見，例如紫薯青蘋果波波、花生醬穀物蘋果片、炸蓮藕餅👍🏻👍🏻👍🏻性價比超高既一間餐廳，好推薦中意素食既朋友黎試下！

已來過四五次，每次都無失望，保持水準。今日特別要寫食評，係發現佢地對食物品質真係幾有要求！次次黎，都係平日下午茶時段，都好旺，食物去得快又fill得快，尤其炸物好多時都新鮮炸起,特別出色。今日去，疫情關係人數大減，第一輪出去見盆椒鹽豆腐明顯放左一排，睇得出皮已淋左。但既然人客咁少，亦屬正常。點知我食第二輪果陣發現換上鮮炸的！（之前果盆一定唔會係被食晒而refill)真的很驚喜，亦感動店方係呢d時候都咁堅持質素！真係好難得！加油！會繼續支持💪🏼💪🏼💪🏼💪🏼💪🏼（btw成條山林道勁多吉鋪😔)