每日

营业中

休息中

早前媽媽的朋友推薦呢間素食自助餐，一早⭐️mark 定要試！我諗有不少食開肉類的朋友同我嘅第一個諗法都係一樣：素食係咪會食唔飽/無飽肚感/易肚餓？答案係：你個肚會好滿載而歸 🤪 (當然自助餐都唔建議為咗「抵」而毫無節制咁食，要以健康為前提 & 適可而止 😉)食物款式有生果、沙律、湯、涼菜、粉麵、小菜、小食、甜品...；中式、西式、日式、港式...；蒸、炒、煎、炸... 選擇很多, 某些款式都好特別，食物口感和味道都有驚喜！必食蓮藕餅, 椒鹽豆腐, 薑醋蛋 & 花生脆蘋果 🤤 唯一係飲品有啲遜色，幾款特飲都無咩味...假期下午茶時間$98/位，不需加一；隨意坐，食完才結帳～使用環保餐具，需自行收拾和分類，但收拾完後無員工抹枱 (當時全店只有一位員工)... 感覺不太衛生 🤭 因疫情問題食客需戴手套使用夾/羹取食物，但個口罩又要除又要戴, 而每次出去都用同一隻手套... 😑

前日同朋友去左呢間長期排隊既素食自助餐🌱，唔好睇佢鋪仔細細，但其實入面好多唔同款式既野食！🤩🤩我地揀左下午茶時段去，每位$78，款式好多，由其係❣️避風塘粟米，❣️素付皮卷，❣️炒番薯苗，❣️芝麻卷，❣️椒鹽豆付，❣️牛角包都好好食😋😋餐廳環境都好好，用素色同木系設計，令全個感覺都好soft😍如果大家平日有時間建議可以下午tea time來，因為唔太多人之餘，野食都會不停refill,原來餐廳都有外帶餐盒，一人可以外帶5個餸，加1個湯👍 $58@ 佐敦區黎講都算抵食

✨呢間素食自助餐我都已經嚟過幾次 最欣賞係佢地嘅食物都唔會用到仿製肉👍🏻佢哋有幾個時段 大家可以上網睇吓～😎平日最早開始嘅時間都係11:30am 每次黎親都爆曬場😂好多人～所以大家記得要預早book位～✨因為疫情關係佢哋都會準備左即棄手套 每次都記得帶咗手套先好去夾嘢食啊🫶🏻呢度嘅食物選擇都唔算少～不論沙律 水果 炸物 涼拌菜 粉麵飯 甜品糕點都有👅✨大部份食物質素正常 冇話邊款菜式特別伏 整體環境都幾舒服 雖然到75分鐘 但都絕對夠食 而且只係$98 性價比高 對素食自助餐有興趣嘅都可以試吓呢一間～🍴11:30-12:45 (75mins) $98/人📍 每日🔍 尖沙咀山林道10-12號山林閣地舖

最近好忙好忙 忙到唔想寫post了🥹 搵返之前食過嘅一間素食自助餐寫嗰度環境舒適有好多唔同種類嘅數菜式主要就係中菜為主 最好味有南乳齋 同埋椒鹽豆腐 大部份嘅食物都唔會過濃味 仲有值得一提嗰度有反沙芋頭好多地方都冇得食了 你話佢啲嘢食算唔算好好味～？ 我俾唔到一個確實嘅答案你地 😂 都係咁試下啦～Overall 我覺得嗰度坐得舒服 自助區唔算大 但係佢價錢夠平 如果咁啱嗰日想食素菜呢個絕對係好選擇👍🏻👍🏻環境：☁️☁️☁️抵食指數：🐷🐷🐷

屋企人生日嚟咗呢度食自助餐食第一輪需要排隊食物選擇好多食落去亦都唔似食緊素幾吸引亦都係食完之後要自己有手尾去放碟素食嘅雪糕都好好味好似某幾間素食店都係用呢個牌子仲有一啲好似炸香蕉咁嘅食物都幾好食甜品同埋鹹食都好出色

「每日」我諗佢既原意就係希望我地可以每日都食到好味嘅飯菜，同埋愛上素食，鍾意到每日都食❤️😋👍🏻呢間任食係我平時做yoga對面既餐廳🍴次次假期放學都會見到大排長龍😳唔單止係上左年紀既中年/老年人，仲有好多後生仔支持～我本身個人就幾鍾意食素食，不過依家好多都執咗笠😢或者係用植物肉扮肉😖我好唔鍾意⋯但「每日」係大大隻字寫住不用假肉，我欣賞👍🏻👍🏻一入去，餐廳中間就係拎野食既地方，周圍都坐滿人，位置比較逼夾🙈但好衛生，因為佢地要求所有人拎野食要帶手套🧤👍🏻👍🏻啲碗碟不準重用，自動波拎去回收箱🥰食物種類繁多😍我最鍾意食水果🤣蜜瓜好甜，西瓜好爽，橙都好甜🤤次次都食幾盤😛佢嘅楊枝甘露勁正！甜品區包羅萬有👍🏻👍🏻次次都食唔停😆最誇張仲有杯裝雪糕任食！晚市先$138@ 冇加一 食2個鐘（但多數都唔會趕人，任你食❤️唔好浪費呀記住）有咁多野食真係好抵🙈🙈🙌🏻主菜有好多，refill 得好快，所以啲嘢食都保持到溫度👌🏻椒鹽豆腐最好味😋仲有關東煮🍢羅漢齋、炒麵炒飯，真係講唔曬🤣拎到成枱野，勁滿足😆😆食完記得要執枱，拎去回收站就得👍🏻🥰好鍾意個老闆娘，好温柔，會問你好唔好食，夠唔夠，所以我都幫襯左好幾次了😛✌🏻

人大左口味真係會變😅，以前喜歡大魚大肉，依家反而會想食下素🌿🌾，發現原來素食都可以有好多選擇🥰。呢間 “每日” 素食自助餐，之前都想試好耐，不過成日都好多人排隊，所以無緣食到😔。估唔到原來正價時段係可以預約既🤩，就喺初一黎試下先。呢度食物選擇真係好豐富😋，不過出面拎野食既地方太窄，所以一開始太多人既時候真係好逼😅！要等人潮散去先可以拎野食🤭。先講下食物質素，我覺得呢度好用心制作，每樣素食都食到原味道之餘，亦覺得煮法好新穎👍👍。好似前菜有款切片萍果，加上混合穀物脆脆既花生醬，好清新爽脆😍。紫薯蓉加入萍果粒，做成半圓形狀態，甜甜既紫薯味道，好特別😋。胡椒蘿蔔湯，清甜中帶有辛辣味，好似飲緊胡椒豬肚湯既感覺，好搞笑🤣。仲有咕嚕肉口感真係好似，味道啱啱好。食物選擇好多，我覺得樣樣都好出色😝，其實食素一D都唔悶，值得推薦🤗。.

細妹就快生日，為咗滿足佢嘅生日願望，請佢&Joey妹一齊去食佢哋誠意推介嘅素自助餐！復活節假期第二日，細妹預約下午11：30時會，每位$118，可以食90分鐘！款式頗多，尤其甜品；熱葷方面，我最愛嘅蟹柳西蘭花同紅燒豆腐；其他如炆雜菇同炒炆茄子都好味！關東煮亦有誠意，竟然有芋絲！見之前有食客推薦花生脆蘋果，我食咗一件 ，係用花生醬黐啲穀物脆粒喺蘋果面，鹹鹹哋又甜甜哋，蘋果亦爽脆，OK好味；但我更欣賞佢嘅綠茶芋泥煎餅同芝麻卷，前者外皮脆芝麻香芋泥甜甜哋熱熱哋，好味！後者係我兒時最愛，肥媽以前成日買俾我，好濃黑芝麻味，勾起好多回憶！最後要激讚同我食咗三碗嘅係我嘅至愛甜品紅豆沙！同樣係以前肥媽成日煲俾我嘅美食！紅豆綿，糖水甜度偏淡少少，但我好鍾意！大家如果有時間，可以去埋我個Fb Page：小北斗的夜空，感受呢餐素自助餐背後重要嘅意義！多謝大家！

如果鍾意食素嘅朋友呢一間餐廳一定唔可以錯過。有一日經過山林道排晒長龍，唔知發生咩事？望一望原來係素食自助餐，於是同自己講點都要搵一次嚟試吓，終於今日唔使排隊，晏晝食每位只係$98，性價比非常之高，最特別嘅係款式幾多，再唔係以前我哋食嘅齋菜，而係好多新款好特色嘅菜式，例如有pizza、合桃做嘅咕嚕肉、錦鹵雲吞、春卷、漢堡包咁嘅形狀三文治、煎蓮藕餅、豬腳薑嘅蛋當然冇豬腳薑啦！又有好靚嘅沙律、水果、甜品、飲品、湯、糖水、冷盤，總之係好開心嘅一個過程，令你好滿足好滿足咁走，鍾意食蔬菜嘅我真係超開心，一定要去試吓啦！

平日嘅午餐$88, 唔使加一食物選擇都算幾多, 大部份都係食蔬菜嘅原形 (即係唔會扮肉😂), 個人幾鍾意💛有多款嘅蔬菜, 凍熱都有又有甜品同埋唔同嘅飲品, 例如羅漢果茶😋我幾鍾意呢度嘅薑汁糕同埋紅豆糕薑汁糕口感煙韌, 薑汁味都幾濃🥰紅豆糕入邊好多紅豆👍🏻仲有佢嘅綠豆沙都唔錯👍🏻整體來講我覺得都幾抵食, 想食下菜嘅朋友可以嚟😊 不過留意番座位比較逼, 加上有好多好進取嘅公公婆婆姨姨嬸嬸😂 同埋限時食60分鐘, 想relax就唔好黎呢度🤣

可以訂位七點入座，可能平日坐到最後最後，十點後離開不覺有加工素食，即面根，豆類系製品蔬菜就是蔬菜喜歡以下幾款：1）咕嚕肉以為是面根原來是以脆的合桃加炸粉做成好味😋2） 蘋果紫薯半球是前菜，沙律盤半球的啖啖薯肉，真材實料3）前菜，小食青瓜苗，一條條比尾指還幼的青瓜條丫。還有黃色白小花好食，爽爽的如果第一次來要留意👀餐具，碗碟也是自取，自收的⭕️進店前量度體溫 ⭕️入場必須使用提供酒精搓手液 ⭕️座位間有透明膠板相隔 ⭕️使用手套🧤拿食物夾，夾食物

之前我食過下午茶，價錢都ok.只不過夜食有啲凍同無再refill.性價比都可以，可惜上星期日食夜晚竟係沒有太多分別，但價錢就貴好多，好唔值，大家小心中伏，首先講服務，我哋七點十分去到，內裏有位，有個長髮女人企喺收銀既就叫我地喺外用等到七點半第二輸啲人走先入去，甘我就喺外面長櫈坐，眼看個女人不斷看手機沒有再理會我哋，等下等下過了十幾二十分鐘，還沒有叫我地入去，怎知有另外一兩pair人walk in入去問就即刻帶位俾佢地入，我哋見到就走入去問為何唔帶我地入，佢無出聲就，我地同佢講坐個邊，之後就示意我地自己入去坐，究竟係咪甘對客，入到坐低開始拎夜食，啲夜食好似食剩，又無refill甘，啲菜你喺見到梅架好似放左好耐浸左好耐甘，啲熱食係凍既，炸夜又係凍，好後悔入去食，食夜期間聽倒啲職員鬧交好大聲，究竟點解好似同我去既無肉食呀，走肉朋友差甘遠。最後結帳同一似男人應該老細，同佢反應意見問點整啲夜食同下午茶一樣又無refill,佢就話今晚啲客少，但有新嘢加落去，就係有個圓筒下面有個扭制扭啲nuts出嚟，真係多謝晒，絶對唔建議朋友去，

我相信大家都知道餐廳一向都分兩輪入枱。我分別都幫襯過佢好幾次午餐同下午茶，建議各位如果食唔到第一輪，就索性唔好食第二輪，午餐都還好啲，下午茶就不敢恭維。我15:30入座，見到好多野食都係大概得一半，有啲連四份一盤／碟都無，除左青菜類有機會餐員會Refill外，其他眼見根本都無補過，啱啱嗰次我忍唔住問職員，而答案係唔想浪費食物（當時係15:50）。（註：食物質素我係欣賞嘅）

之前睇食評見咁多好評，所以見今日去開尖沙咀，就打算試吓呢間嘢，過去之前見還掂都晏左，就諗住不如食下午茶時段，於是打電話睇吓有冇得book位，打到去話冇得book位，叫我早少少去等派飛，於是我做完嘢過到佢剛剛2:00，佢哋下午茶2:30先開始。去到見到門口已經有點嚇親，長長嘅人龍，不過既然到左就等下啦，等極都冇人派飛，又熱又多人，咁樣喺門口排隊，其實已經影響晒心情，亦對呢間嘢印象大打折扣，終於等到2:30有個人出嚟問排隊嘅人幾多位做登記，不過重話要等多10分鐘先入得，咁就唔係電話講嘅派飛等位啦。終於⋯又一次終於⋯等到入得，入到去，其實已經好想即刻走，亂到唔識形容，一邊好亂咁安排人入坐，另一邊果張細細張放食物嘅枱，已經有一大堆人堆砌滿果張好細好細嘅食物枱，好冇乜秩序咁攞緊嘢食。算吧⋯總叫終於坐低左，安頓好，又用消毒紙巾抹好晒枱，但跟住果兩個超超超冇禮貌，超超超黑面嘅侍應，指住已經坐低左嘅我，「你三個坐入去」「我已經坐低晒抹好晒枱」「大把兩位等住你張枱呀」，其實平時去其他餐廳食嘢要顧客調枱好常見，但如此咁冇禮貌真係恕我少見識，我真係第一次見，最後當然已經即走，唔想再食，雖然價錢唔貴，但也唔應

記住，記住，記住，一定要預約。我12:00去差不多滿座，好彩仲有幾個位剩，我係一個食自助午餐，都可以安排入座。款式多，量夠細件，可以試勻全場食物；每樣食物有顯示名稱。大部份食物偏微暖或凍，未能保温，有d失望。桂圓果茶甜到漏，薑汁糕及千層糕欠甜味。日式豆腐花(忘記名稱)超好食，似杏仁豆腐。蘋果片夠清香，好食。紅豆糕多豆，甜度剛好，好食。馬蹄糕加入桂花夠清香，好食。薑醋蛋夠入味，好食。芝麻卷唔太甜，好食。糯米飯炒得夠入味，好食。