每日

营业中

休息中

網上寫1小時30分鐘中午自助餐,去到是1小時15分鐘,實在太匆忙了,未能完全品嘗食物味道,更不是與好友相聚的好地方,這可能是試業期間的安排,不知日後會否改善。食物質素很好,食材新鮮,最欣賞是沒有用仿葷加工食物,純天然材料又能製作數十款食品,不過黃耳薑醋蛋,完全找不到黃耳。

本人媽媽先前係佢地度食左一餐，本身諗住再幫親，因為當時未經歷呢件事。經歷完就確定唔會再推介俾任何人。媽媽幫佢地訂左兩盒月餅，個負責人話9月1号後黎拎就可以啦。點知今日專登黎到，佢竟然話叫我地去隔離舖，又唔講去邊度，等我地盲中中，再反去問佢，跟住咁岩有另一個所謂嘅月餅負責人話suppose要訂，不過都話唔緊要今日都俾到我地。之搞等左10分鐘，又話幫朋友deliver又話等人覆。搞黎搞去，又話check唔到訂左第二盒，又叫反我地去另一邊，如是者，兩個所謂負責人就係你前面整黎整去做戲咁，浪費我地好多時間，俾n咁多個excuse，真係嬲嬲地。最後其中一個就去拎左兩盒月餅過黎，我地以為終於搞掂，點知佢反口，話周圍都有得賣，退反錢俾我地，話唔賣俾我地，仲要講到自己好委屈，冇收過個朋友一蚊。咁嘅服務係點。

午市用餐時間為75分鐘，本人入座時間為12:08  分，食到中段時間餐廳職員通知要一點交枱，我說不是75分鐘嗎，他回應時黑面跟住說，咁  1:10  交枱然後黑面走咗！服務態度差而且與表上的時間不符！差差差！

又有新開業的素食自助餐店。晚上與爸媽、弟弟夫婦一同在這裡吃晚餐。預祝爸爸農曆生日。這些素食自助餐廳都是想以優惠的價錢，讓非素食者嘗試以不同烹調方式製作的素食。推廣素食的變化多端、不單調的味道、不油膩的口感。 位於尖沙咀山林道的每日蔬食自助餐，面向街道的一邊有落地玻璃窗。可以採光，也增加餐廳的空間感。 玻璃窗窗框是淡色木頭物料。室內的餐桌椅也是木製品。天花沒有特別的裝潢，採用原本的設計。牆壁鬚上白色油漆。地板是淡灰色石磚。整個感覺是自然、舒適。 中間是放置食物的地方。餐廳的最後面、靠牆的位置也設有長桌子放置食物。 這是靠近街道右側的座位。 我們坐在左側，從座位拍攝後半部份左邊的座位。雖然到達餐廳時還沒有開始晚餐時段，但已有十人左右進入餐廳等候。所以，我不便向著客人拍照。假日的自助餐是$168。沒有加一服務收費。限時九十分鐘。 這是吸引我來吃自助餐的食物。一球球鮮紫色的東西，是紫薯青蘋果沙律球。特別在於加進了青蘋果汁。 這種顏色也顯示紫薯用量不少。紫薯的味道確實濃郁。口感軟滑。聽聞青蘋果汁的酸味影響了味道。可能是客人反映後有改進。我只嚐到淡淡的青蘋果味。而且，並不酸。但確是讓紫薯有一點點清

為左呢間餐廳，我決定寫第一次食評，仲要係負評。一開始我地一行9人book夜晚7點，book既時候接聽電話既丫姨話ok，食90分鐘，然後佢話6點開始，問我地想吾想6點食。我話我地人多，難得約左時間，改吾到，對方都話ok，就收左線。跟住今日晏就突然打黎，問我食7半o吾ok，9個人真係好難突然揾地方hea，而且我地一早約好左。聽落我估到其實佢地應該做緊一場6:00，一場7:30，當初為左做我地生意，所以承應我地7:00開始食。其實我地時間就吾到，吾食呢間冇咩所謂，仲有好多選擇，而且一開始佢地冇說明分兩場食，之後要我地就番佢，真係理解吾到，道理亦吾響佢到，所以我堅持食7點，對方就好冇禮貌咁cut左線。我地準時到達，食到最後15分鐘，響門接客果位丫姨(同電話把聲一樣，係同一人)不斷圍繞我地張枱，直視我地食完未，真係有被人監督既感覺。然後有個staff問我地可吾可以早10分交枱，其實講到出聲咁問真係好煩嫌，早走係人情，準時走係道理。自己下巴輕輕想做盡生意，但冇諗過其實根本handle吾到，態度同時間都掌握得好差。最後我地頂吾順丫姨監視既目光早走左，食品味道同價錢都中規中矩，但未去到我願意受住氣黎食

同舊同學聚舊，有人不太食肉，並提議呢間，價錢親民，位置方便，近地鐵站，店舖裝修簡約，坐得舒服，但只有90分鐘用饍時間就短左少少。食物選擇亦算不少，沙律，湯，冷熱飲品，甜品，糕點，前菜，熱食，炒飯炒麵具存，但味道普遍偏向清淡，時間所限未能品嚐所有食物，但個人較喜歡的有：紫薯蘋果沙律球，啖啖紫薯香，帶點蘋果清新的口感，波菜薯蓉餅，並不太脆，但幾特別、反沙芋，芋頭夠粉，但糖厚了一點、炸雲吞配甜酸汁，香脆、紅棗糕，不太甜，紅棗味濃、椒鹽豆腐，味香豆腐滑、楊枝甘露，好味。

星期六打電話book 已講明兩個大人一個三歲半小朋友, 歺廳話五歳以下唔收費星期日午餐時段入座率大概一半 俾左梳化位四人檯我地 ..食食下又多左人入黎但都只係入左六七成左右仲有好多位有位女職員立刻走過黎話如果一陣滿座仲有人等,我都要俾返小朋友個座位佢,再加一句 “你知我無收你小朋友錢𠺢可?” 好似我地拿左佢著數請問我地如何抱住一個三歳半小朋友食飯？小朋友都三十幾磅四十磅佢絕對需要自己坐一個位...一係你標明要收錢,大小同價定點收你喜歡但無可能咁樣講野加上你要做生意都唔差一個位啦，我地無出聲但如果真係要我俾返小朋友個位佢我會直接講我俾多一個錢講返食物,我覺得ok唔會好油 價錢108可接受 我不是素食者但希望間唔中可以茹素但真係無下次 唔係因為食物唔好但做生意不需要賺到盡

看到廣告介紹...文青的素食！立刻跑來試試！ 乾淨衛生的環境不錯！ 就是枱太密集...做生意呢！ 看到枱面款式，跟現正新式素食自助餐餐廳沒太多分別！ 但有些驚喜是不停有其他新款式食物端上，是否可用推陳出新來形容呢只有限時1.5小時！有點不夠時間吃呢！

兩個星期前已經預訂座位，今晚六時在門外排隊入座，竟然沒有記下我的預約。當時店內沒有坐滿，店員安排我坐在近門口的長桌，最後也有安排坐在裡面。以蔬菜類為主，食物不太油，可惜不夠熱。大約六時十五分，西米焗布甸出爐，亦好快給拿光。Refill也好快，來來去去也是這些。大約吃了一個小時，鄰座的陸續已經結帳了。

第一次吃了午餐，星期五lunch,因為等開門，排長龍都係等一陣就有位。味道清新，冇味精，多是新派素食，是不錯的用心料理。頭盆5、6款，沙律水果款式多而新鮮，main有成十二、三款，有炸物，飯麵，有湯，有冷熱飲品，有多款甜品，感覺好豊富，賣相亦吸引。員工說一個月會換一次餐牌，但每日新鮮做，不留到明天，晚餐會多3、4款主菜。午餐$88，晚餐$138。只開了一個月，地方清雅舒適，洗手間也乾淨。服務是自助形式，不要預太多服務，但員工友善。好旺場book枱穩陣啲。推介。

有時食得太多肉都想轉下囗味食下多D蔬菜令個人健康D！最近發現尖沙咀沙林道有間裝修白色簡約風嘅餐廳🍴⋯⋯好似開業仲未夠一個月但已經有好多人排隊等位～當時我同朋友六點過去以為無人，點知都有好多一早book定位嘅食客已經不急及待入去拎野食～（建議不要walk-in ，因為一定會等好耐）今晚餐廳有好多合家歡一家大細嘅食客，反而少有後生80后90后一族黎食～入到去食物位～眼見都幾多款式～主要中式為主⋯⋯平時少食素食嘅我反而覺得今次自助餐好有驚喜！因為留意到餐廳食具都好環保👍🏻有時最怕D碟太重～用竹製餐具感覺易拎又時尚!同埋食物賣相很不錯！早前有睇其他食評話食物補給慢但今次好快速，服務員不時都check住食物情況～相信開業了一排送菜補給情況已經漸漸改善！而大部份口味都算清淡唔太濃味！感覺都幾健康！由於選擇多～我食完一round之後，已經搵到其中6款係我再encall要食嘅野：1) 鮮椰汁焗南瓜🎃椰汁配南瓜食落香甜，比我想像中又唔太漏：）2) 綠茶芋泥餅賣相夠新𩓙！～未食前仲以為只係綠茶餅～咬落原來有薄薄嘅芋泥蓉餡喺入面，而餅邊鋪滿左芝麻所以整體味道非常香口～我食左好幾塊都唔覺得太漏👍🏻 3）香蕉

姊妹飯局相約在山林道新張不久的「每日」，是姊妹好介紹，大夥兒吃$168一位的素食自助晚餐，來到地舖看見全玻璃牆幾特別，看見室內光猛整潔。先來個大巡視，發覺冷熱盤、湯、甜品、炸物、沙律....素材多，賣相也吸引！而且有蛋冇蛋都標明，品類也很多！我唔客氣，開餐啦！紫色是沙律球，反沙竽頭凍了！有點兒硬！皮蛋夾爽脆開胃酸薑！豉油王炒麵雖然是油膩咗却很美味！節瓜夾著是葱菜蓉好惹味，不過多吃會好鹹！很喜歡蛋白西蘭花，但油份較多，淺嘗好了！沒有豬腳的薑醋蛋，原來都不錯！腰果酥可惜腍了！否則一定很美味！右上角的炸物，竽頭粒很可口，炸物始終多油，吃一件好了！楊枝金露和拔絲蘋果，挺好的味道！吃埋生果我已經飽飽了！

今天我和仔女12左右已到發現好多美食在前…紫薯蘋果沙律球好好味熱食和炸物好平均兼有水準水果粒粒都清甜果汁好特出(蘋果橙)飲完再添紅豆沙好熱兼起沙飯有個叫(雜糧飯)超好吃我為他出左去好多次我首次到安排左張好好的枱更仔女吃得開心加上店長親切有善(沒收我仔女錢只收大人)那店好吃過無肉食!我和仔女會再來。

入座時太混亂，要排隊等候但入座並不是跟排隊入座，環境差，嘈雜，食物一般一般，第二輪枱食第一輪剩下食物，上菜太慢，再添加時只是炒麵及油炸食物，其他份量都少，湯料無味，水果茶太淡，糖水唔夠熱。但服務態度算好，有禮貌。因剛開始試業，希望有改進。

一家大细，有老人有小孩，一早訂了枱12:00-1:30， 仲要前一天本人再打去確認多次。点知去到，他們話没有記錄。還叫我們稍等，待所有人入座後，根本就没有空位，不只我一家，共有3家人也沒有枱。之後店員對另外兩家人話-'他們是book了1:30pm那時段。當然他們即時的反應是“ 有冇攪錯？我們是book 12:00㗎”。真的不知他們是怎運作的，連最基本的訂枱服務也如此劣等。就算價格合理，這種情況怎會使人可再次光臨呢！