每日

营业中

休息中

位於尖沙咀， 地理位置十分方便， 佐敦出口會較好。外觀及裝修有文青感， 以木為主體. 感覺好舒服.比起旺角的素食自助餐店感覺會更好.侍應職員都好有禮貌.款式都多價錢算貴（本人看得）， 不過係旺區又要地鋪都好難怪. 食物都覺得新鮮，salad bar 好多選擇，甜品都係. 款色都幾特別，又唔會係好甜.而且我叫佢refill都好快，成是會留意住邊到冇就即刻拎出黎.每樣野都中規中矩， 又唔話好想再食多一碟，又唔會覺得唔好食.不過有機會都會再黎的.=）

呢間係我強烈推薦俾身邊朋友嘅一間素食Buffet，環境好食物好服務都好，平日$138晚餐時段Buffet，由生果，沙律，小食，冷盤，主食，熱食，湯，甜品，飲品一應俱全😂而且每樣都好好味好好味(利申非打手)，完全估唔到會食到反沙芋，真心無乜餐廳會整，仲有素嘅胡椒味菜湯，佢地用咗好多蔬菜熬到啲湯變乳白色，好甜好夠胡椒香，仲有姜醋真係估你唔到囉，樣樣味道都好好，變化好多，種類都好多，但係我遲咗一步試唔到生炒糯米飯同拔絲香蕉，好失望呀😭好彩佢哋送咗個超甜爆汁嘅提子俾我哋食(係假日buffet先有㗎)

訂枱食飯，被安排坐較近門口位置，向店員查詢可否坐較裡面既座位，女店員粗聲回應張枱夠大比我地坐。但其實裡面張枱同較近門口位置張枱係一樣大，都係四人位，只係想坐入面d，門口位多人出入，只係見裡面同樣仲有4人位，所以想問下可唔可以調位，女店員其實用不著粗聲粗氣回應⋯⋯ 及後發現人數一樣（都係3人）都可以被安排坐較裡面既座位⋯⋯未開飯就已經有點掃興，感覺就好像要收店員氣咁⋯⋯ 食物ok，價錢平，但沒甚麼意欲試多次，或者下次要有心理準備不可以向店員問多句。優點：價錢平，食物味道相對地就叫唔錯服務：冇好印像，麻麻地環境：中間一排近門口位置好迫下（狹窄），我被隔離枱撞到幾下，對方仲要不是動作大，只係太迫太窄。

琴晚6點鐘walkin入好開心有位，因為打電話去book成日都唔聽電話。終於食到啦！環境好舒服，有竹炭的餐具仲有光猛燈光下係幾寫意，簡單白色為主嘅裝修係令好多途人透過落地大玻璃駐足察看係咩類型嘅餐廳，達到宣傳效果。講番野食，好多素菜嘅選擇，炸物中喜歡焦鹽豆腐，偷望隔離枱個男士拎咗十幾舊就知好食。另外有甜品嘅部分都幾多，亦都係我中意嘅地方。不嬲食自助餐食食下就會食咗甜品先嘅我就開始落手沙律部分，雖然有啲係罐頭菠蘿，水蜜桃，但選擇都係多嘅，有粟米，班籣蛋糕，桂花糕等。另外我自己就食咗楊枝甘露同陳皮紅豆沙（雖然寫咗係綠豆沙），總括而言係比較多水而少料。總的來說都係多選擇嘅素食自助餐，員工都好好未拎到餐具回收區時已主動從我手中递過餐具。唔知係咪主打素菜為主，扮肉嘅素產品就無啦！宜改善嘅係液體嘅飲品好似溝咗水咁。

今天特別來試！舒適的環境（如果少人的話）後來lunch time 超多人。清新素食，很多很多選擇，湯都有兩款，甜品及沙律都多，有羽衣甘藍及椰果，又有紅菜頭，所以真的算唔錯。熟食最特別的是估嘍合桃，估唔到可以咁配搭，效果亦十分唔錯。其薑醋蛋都好好食，甜品中的腰果餅及蛋糕都十分啱我口味，這餐隨了胃口大開，亦心情舒暢。唯一係實在有D多人，如果時間及環境可以充裕些就更加好了！

「每日」這間素食自助餐曾經看過介紹也覺吸引，因友人要過健康生活，提議到這裡吃，就可以一嚐了。本訂了一點，店員致電問可否改一點半，後來睇食評見到原來有分時段，好奇為何訂座不告知呢？一點半左右來到，人好多，嘈吵程度似街市，我們被分配到等候區用膳，或許是樓底矮，地方狹窄，頭也暈了。後來，人少了一半，調到正常座位，感覺才舒服些，可以享受一下。蔬食自助餐選擇也多，前菜、沙律吧、炸物、和風燉食、湯品、新鮮水果、素甜品。環保餐具，結賬前自助回收餐具，也是良好的態度。紫薯青蘋果沙律球，樣貌吸引，是我喜歡的紫色，可惜味道不合我心意，紫薯和青蘋果不太配。沙律及水果專區。炸物有錦鹵雲吞、香芋絲春卷、椒鹽豆腐等等，椒鹽豆腐最好吃，外脆內軟。熱食有素燴雜菌、炒麵，炒菜、茄子、薑蛋醋，各式各樣、種類繁多，可惜食物不夠熱影響了食物的質素。素甜品有腰果酥、綠茶餅、芝麻卷、薑汁糕、紅棗糕等等，可惜失望沒見到西米布甸和拔絲香蕉。還有湯、糖水、普洱茶、水果茶。很喜歡小店的小清新，簡單的佈置，特別喜歡店外的長櫈，面對熙來攘往的馬路，卻有一點寧靜的感覺。

第一次打電話去訂枱，問佢今日幾錢位同仲有冇位，個阿姐啲態度極度惡劣！訂枱都咁樣，不敢想像入咗餐廳後啲態度仲會有幾差！再睇返open rice 啲comments，先知原來都已經有好幾個人話佢態度差！有錢都唔想俾佢賺，食都唔想食喇！

這個地點方便, 菜式選擇多, 服務員態度親切 , 座位雖然不是很寬敞, 但很貼心地提供籃子給我們放手袋, 食物種類多, 有飲品提供食物不算很油腻, 味道也較為清淡, 會讓我再來的一間素食館

之前經過山林道時，這店開業不久，很喜歡其簡約的設計，已打算來試試。今午再經過，原來加設了下午茶時段（2:30-4:00），收費比午餐便宜$20。剛好尚未吃午飯，便進去試試。午市應該接近滿座，現在食客開始結賬離去，環境比較清靜，坐得更加舒適。加設下午茶時段實為明智之舉，因為這是延續午市自助餐的，可以把剩餘的食物找個銷路。正因如此，大部份食物都不再補充，而熱盤內的熟食，也只是微溫。食物的種類算是豐富，前菜的水果沙律吧有十數款、炸物有六款、熱盤十款、炒飯和米粉、素甜品接近十款，還有熱湯、冷熱飲品和糖水等。即使每樣只試一件，未試勻已經很飽了。我較喜歡的，有椒鹽豆腐粒、炒菜心、炒米粉和素甜品。覺得有些食物味道過濃，如咖哩雜菜太辣；有些食物則稍淡，例如羅漢果茶和蘿蔔糕。雖然每個人的口味不同，不過有那麼多選擇，定會找到自己喜歡的。以$68這個價錢來說，可以任吃1.5小時，怎計也是划算的。

早前在網上發現這間餐廳，剛巧今天要到附近，便順道誘拐肥爸在這兒用餐🍴肚餓的肥爸先出去取餐，我則坐在一旁等他～我們的座位坐近門口，這裏的裝潢設計簡約，我覺得坐在這裏挺舒服放鬆😌肥爸拿了這些，他最喜歡那道南瓜🎃及茄子🍆南瓜很creamy；茄子軟滑👍🏻我覺得炸物不俗；而素咕嚕肉原來是合桃，頗為特別😋；黃耳薑蛋醋亦跟醋腳薑的味道相差無幾👍🏻這兒還有沙律自行配搭，但我沒太大興趣😅肥爸反而喜歡取水果粒吃😂另一邊是甜品區，種類繁多，看到我眼花撩亂，每種都想試🙈糕點味道紮實；腰果酥鬆化；紅豆沙亦夠綿滑順口，但我最愛吃是綠茶芋泥餅，芝麻夠香，外脆內軟😋我很愛吃這裡的甜品呢！行過看見紫薯青蘋果沙律球，也取了一粒品嚐，口感挺特別。愛吃甜的朋友請注意這個反沙芋頭⚠️芋頭軟熟，外面包著一層砂糖，好吃😋吃完一輪，肥爸都飽了，並表示想不到素菜也能如此多元化🤣如果想初體驗素食的好滋味，不妨來這間較貼地的素菜餐廳吧！

平日放假，同屋企人食個long lunch，媽媽一值都想試素食buffet，感覺食好西之餘，又食得健康啲，所以book左“每日”試一試。Lunch Buffet 75分鐘，每位$88，價錢合理。店舖空間不算大，但簡約設計令人感覺舒服。食物款式比預期多，熱食、冷盤、甜品、水果、飲品，共約60款。熱食沒有太多花巧調味，反而食到食材的鮮味，姜汁芥蘭、咕嚕肉、椒鹽豆腐十分推介。咕嚕肉有驚喜，以合桃扮作肉食，味道同口感出乎意料地夾。另外水果茶同羅漢果茶也是健康解膩之選。

第一次食素食buffet,好有驚喜🤗同男朋友同埋男朋友mammy一齊去食lunch,我地食2:00雖然有好多再無refill,但係反而覺得唔浪費食物！紫薯青萍果沙律，反沙芋，楊枝甘露同埋有個咕嚕肉（合桃），沙律吧竟然有羽衣甘藍😱，兩款果茶都唔錯！另外薑醋蛋都要試！其實仲有好多野未試，甜品都算多選擇！auntie食開素都讚賞！值得推介！環境好文青feel!員工有禮貌！價錢合理！一定會再黎提提大家要自己收執餐具！

-🦄每日-午市自助餐 Hkd88Rating🌕🌕🌕🌗🌑-呢間每日既素食自助餐店都係開左唔係好耐🤔趁著有時間就去左試下😋睇啲報導都好似幾吸引咁-琴日大約13:30既時候就入座🕜個陣唔係好多人 唔需要等位👍🏻😬但可能午市都開始左一段時間😂食物唔係好齊全 有啲盤係吉既冇野食既😅紫薯青蘋果沙律係我最愛🍏食左一次之後係咁Encore另外有個芋絲津白砂鍋都唔錯架👍🏻🍲熱辣辣既津白加埋雜菌同芋絲浸左係啲好清甜既湯底到 相對食落比較清淡但味道又唔錯😝蒜蓉粉絲勝瓜都encore左幾次啲勝瓜面頭全部都係蒜蓉🤩個陣蒜香味真係重到癲左-另外熱盤既蔬菜選擇都幾多下🧐🧐菜心 青菜 四季豆 芥蘭 豆角 茄子🍆比較推介既係素蟹柳西蘭花🥦好合我口味 有啲特別啲既熱盤好似係咕嚕肉同椰汁南瓜咁🎃但呢2樣我就冇食到喇😂😂-沙律區方面選擇相對少🥗有啲失望😭紅菜頭食落味道有啲怪😅😅然後選擇真係少左啲 都簡唔到想食既款式🙄甜品同飲品就相對地多選擇喇🤗幾推介佢既羅漢果茶 好清甜👍🏻另外是日湯水係合掌瓜蘿蔔栗子湯🌰🥣又係好清甜 飲落好舒服好滋潤🍂-總括來講 呢間餐廳食物選擇款式一般般啦 唔係好多但質素方面 味道同賣相都唔錯既👍🏻👍🏻而

身為素食者，知道有新開素食店，急不及待去試，開業期間，這店食物味道和店員招呼都超讚，我不停請朋友去試，近幾次卻感到失望。8月朋友生日，三人訂位，壽星女因交通阻塞而遲到，吃了15分鐘，侍應來趕人，我們解釋朋友遲到，會盡快交枱。卻一再被趕，掃興離場。提議：過時加費，一般人不會特意拖延，可是個別情况也可有點人情味啊！上星期，我11：30去電訂12：15，2人。有之前經驗，等齊人才進場，12：20到，居然說以為我們不到，沒留位給我們了。訂位時是有留電話的，而且遲5分鐘…沒遇過食店那麽緊！而對方鐵着臉，沒有請我們稍等，連基本待客的禮貌都欠奉。昨天去電訂位，店員表示新制，只吃75分鐘，而且限三場，第一場是11：40，我反映時間太急，而且有那麽多限制…，店員回應從沒客人反映時間急，有些只吃半小時便離開，真不知好氣還是好笑，我不是客嗎？不是正在反映嗎？素食者都是心平氣和的，也希望素店生意興隆，以上意見，希望“每日”可改善。辦素食除了為賺錢，也應有推廣素食的使命感，更要講求人情味！態度不佳，有損辦素食行業一直努力建立的美好形象。

訂左枱話冇訂, 重要説冇辦訂法. 而我們這日也不是第一枱客這樣. 安排運亂, 大家記住早一日打去確定比較好. 雖然不能享用食物亦不知食物如果, 但職員態度可見是需要改善的一環