每日

营业中

休息中

晚餐$138唔使加一食90分鐘，性價比真係好高。有前菜、湯、主菜、糖水、甜品，咖哩都有埋，死未！唔使加一係因為大家食完要自己執野，好似IKEA咁，都幾好。咁多野食實在不能盡錄，補食物仲補得好快。熱盤同甜品都好好食。反沙芋頭，好飽肚但太好味都食左幾舊。椒鹽豆腐：入面超嫩消，外皮夠晒脆，真心正！一定要熱烈推薦香蕉拔絲。臨走時咁岩冇晒，都要特登等佢十分鐘啪多幾舊先埋單溫馨提示佢開6點，如果平日6:45過後wall in都應該要等，最好打去book位先。另有lunch 同下午茶時段，更抵食！

今日和老媽做檢查，中途有兩個多小時空檔，便和她到這間鄰近的素食自助餐吃飯。其實我已對這一類素食自助餐沒多好感，但老媽喜歡，而且11點幾人應該不會多，座位安排應該不會混亂，食物也應該是熱的，所以帶她來試新嘢。但這些應該，除了座位安排沒出事，其他都不如所想。這裏11點多已經很多人，還好未迫爆。不過座位和座位之間一樣擠迫，拿食物的通道也貼近座位，人一多就危險了。環境裝飾一樣走文青風格，但我已經沒感覺。而食物雖然有保溫著，但不明白為什麼有部份還是凍凍地，可能今天太凍吧。不過這裏食物款式不錯，也算多樣和新頴。而且重添算快。味道也不錯，第一次吃素食薑醋，和平時吃的一樣味道。這裏菜的款式也多，大部份鮮嫩，只有極少數是差的。另外，老媽說綠豆沙好味，但我沒吃。餐具自己回收，但沒有放廚餘的桶子，吃剩的和垃圾一同倒在同一地方。午市$88，不收加一。我叫老媽自己和朋友早點來，但我應該不會來了。

今日中午2點試下依間新開店素食自助，2點去到，已經滿晒人。所以等咗15分鐘。.今次嘅素食自助，係拎咗野食先，之後比錢。而限時食用為90分鐘。而價錢係$108.而野食種類都好多，有冷盤涼拌丶粉面飯丶熱食丶炸物丶水果丶水果茶丶涼茶丶沙律丶糖水丶甜品⋯⋯.我揀幾款嚟講下。牛油果蒜蓉焗法包，麵包🥯鬆軟，麵包滿滿牛油果🥑，新鮮好食。而花生脆蘋果，依個配搭甜甜地，花生同蘋果都好脆口🥳🥳🤩。而芝麻醬伴菠菜，芝麻醬味好濃，而菠菜比較細條容易入口，而且佢無油，唔會覺得油膩。啲西蘭花🥦同 蕃茄煮得好入味。而沙律🥗水果區，好多選擇，而且好鮮甜。青蘋果🍏紫薯球都重紫薯味。楊枝甘露好重奶味，而且啲料都好足，西米唔會煮過火。沙芋都好甜甜地，好似食甜糖咁，但又唔會過甜。

星期日既下午同家姐去試素食自助餐。佢嘅自助餐嘅下午茶時間係三點開始，我兩點九去到已經見到一條長龍喺度等緊入座。等咗15分鐘好準時三點就可以入去坐，入面嘅座位都好多，有d迫不過都坐得舒服。裝修以小清新風格為主，木材，白牆同綠色嘅盆栽令人感覺好放鬆，門口仲可以打下卡㖭。佢嘅setting係餐廳嘅後半部分有長枱，上面有超過30款嘅食物 ，有沙律吧、熱盤、湯、炸物、甜品、水果、飯麵都一應俱全。整體食物都好好味， 而我自己最鍾意嘅有：椒鹽豆腐：外脆內軟，新鮮炸起,調味適中,我食咗成五六舊呀。 椰汁南瓜： 我本身就好鍾意食南瓜， 椰汁同南瓜嘅味道出奇地夾，兩者配合得好好，南瓜好林~炒雜菇：呢度菜式用咗蠔油去炒，菇類亦都有五六種，炒得啱啱好，好惹味好爽口。牛油果蒜蓉包：法包加蒜蓉牛油就梗係冇得輸㗎啦，牛油果味就唔係好出， 不過都好好味😋奶油津白湯芋絲：湯底好濃沃，啲津白好甜 ，連埋芋絲一齊食，索曬啲湯超正！花生醬蘋果：係新鮮嘅蘋果切片上面搽咗又幼滑既花生醬，加咗一啲穀物，感覺好清新。下午茶時段 88蚊 免加一 限時90分鐘，試下啲新派嘅素菜，性價比都好高，我會再黎！

聖誕新年多肉食，忽然想起可食齋，但傳統齋店多是芋頭魚，酸齋等等。 就上網睇下附近有咩齋舖，居然見到有雜誌介紹呢間，仲係自助餐形式，就同媽咪一齊去。店唔易搵，冇大招牌或門口企身廣告，易拉架之類，但入面係全滿。 入去收銀處同職員問有冇walkin機會，佢話有既。 等咗20分鐘就入得，非常靠近食物台。店內一切非常簡潔，很整齊，給人一個悠閒的感覺。食物種類多，全部不是大大盤，員工可以換上新鮮食物，佢地用電子熱盤，所以熱葷都是熱熱的，雖不是燙口，但那種熱度是恰到好處。但有兩點我感到失望就是場內顧客太嘈，大笑大傾令其他人食得唔夠舒服，食齋唔係應該心平氣和嗎？另外就是坐位，枱太密，有些位置密到人行不過。 幾好味，幾有心思既食物都會被外在或人為因素影響啦。

偶然喺IG看到介紹山林道新開咗一間素食餐廳有素食自助餐，這間素食餐由兩兄妹開的，妹妹是素食者，描述佢哋每天堅持用新鮮的食材製造不同種類的食物，希望多啲人可以食素，而且囗裨不俗，於是約咗友人今天下午去試吓。餐廳地方不算大，而且座位比較迫夾。中午12點已經有很多客人，幸好我們也能安排到座位，客人中有老有嫩，午市用膳時間只有75分鐘，每位$88，下午茶時段則每位$68，沒有加一服務費。食物種類繁多，有沙律、甜品、煮物、飲品、飯麵.....各類型食物的水準尚算唔錯，感覺沒有添加味精，味道清淡得來又不會太寡，添加食物速度也繁密，唯美中不足的是食物中沒有齋麵筋選擇，有啲奇怪！比較欣賞甜品，有青蘋果紫番薯波、抺茶竽蓉批、芝麻菲林卷...幾特別又唔太甜。這裏亦很講求環保，建議客人食幾多攞幾多，唔好做大唗鬼，而且還鼓勵客人把用過的餐具放到回收處。

這間位於山林道的素食餐廳是自助餐形式的，正好適合大食的朋友們這天我們來到吃下午茶時段的素食，一樣有好多種類的選擇，紅豆沙，羅漢果茶，芝麻卷，生果，例如原個蘋果和香蕉都有，菜都有幾款，，，，，，，，味道都唔錯呀！！！大家都食得好開心啊!!!!而且下午茶時段都有75分鐘時間食，店內環境小清新，顏色裝潢有少許無印x品的感覺，坐落都好舒服，店子不大，也不至於太少，在這環境用素都是生活裡一件賞心悅目的事情………………

元旦的晚上試過walk-in看看有沒有位子，但眼見很多人在排隊，所以便在翌日試了下午茶時段。說實話，甫進門口，你便會給reception的中年婦人侍應嚇呆，因為她的態度似是在呼喝你般，即使她聽電話接booking 也會態度很差地跟客人說：「你說完了沒有？我還有電話要接。」大概連人與人之間的基本溝通禮貌也沒有。沒關係吧！目的還是試試下午茶自助餐，68元在茶餐廳只可以吃一個套餐，性價比確是很高。這個是沙律bar，水果類有罐頭蜜桃，新鮮橙，西瓜，沙律菜，粟米等等凍飲有橙汁和水果茶，味道偏淡，熱飲有羅漢果茶等。炸物有雲呑，春卷。由於剛去了日本吃了大量炸物，所以筆者沒有吃。熱食還不錯，魚香茄子即使沒有了咸魚和豬肉碎依然很軟稔和很惹味。青菜的種類也很多，有薑汁芥蘭、豆苖、津白......椒鹽豆腐和羅蔔糕很惹味。甜品種類不多，但以68元來說已經很好，薑汁糕很「煙韌」，還有楊枝甘露、梛汁南瓜等但這種類型的自助餐還是可一不可再，整間餐廳擠滿了人，廚房一補充了食物，客人尤如喪屍般搶食。而且，有大概三成客人是大陸人，拿食物時甚至會提起手肘像螃蟹一樣搶食。我接受不了這種服務態度和餐廳環境，食物還可以吧！的確很

打電話問可唔可以book位，個女職員話可以，然後我話book2:30，佢就話你自己walkin喇！然後就cut我線！我完全唔知發生咩事！未食已經俾佢既態度嚇親，唔會去幫襯！

每個周未嘅下午三點，山林道都會出現一條長龍。食客苦候多時，就係為左以$88呢個價錢食到高質嘅素食自助餐。以下呢張係嚟自新假期周刊，就咁睇已經有好多款式俾食客選擇。雖然素菜嚟嚟去去都係麵筋、蔬菜、菇菌類，但Everyday提供嘅配搭就好多，包你唔會食到悶。有驚喜嘅係以下呢兩款，將花生醬塗左上薄薄嘅蘋果片上，再加上一點香脆嘅穀物，令口感同味道都更有層次。另外，唔好睇紫薯波望落平平無奇，但其實𥚃面有青蘋果粒，食落特別清新。Everyday仲有薑醋蛋，雖然冇左豬腳，食落無咁膠質，但整體嚟講，都係好食嘅。

從沙律﹑湯﹑主菜面飯﹑小食﹑甜品水果﹑飲品都有齊。菜式以原料為主，沒有扮肉的菜式，適合喜歡吃原材料，喜歡食扮肉的可能會覺得一般？店內整潔乾淨，味道如家常飯，人挺多的….推介青瓜﹑炸豆腐﹑蘿蔔糕﹑醋蛋﹑蛋白西"藍"花~~而紫薯就太甜…蘿蔔湯無味(可能人太多要不斷fill就加水) 飲品一般~~另外人多關係位置相對較窄看到有人帶b來吃，但b車沒什麼位放…而且走動有點尷尬…屁股貼著別人枱…人多菜去得快，補菜速度也追到~~

位於尖沙咀的「每日」自開業以來一直都人頭湧湧，十分熱鬧。香港的素食自助餐越開越多，「每日」有何獨特之處能保持高人氣呢？作為一間提供蛋奶素的餐廳，「每日」仔細將每道食物都標記好，純素菜式一目了然。食物當中約八成都是純素，不像部分素食自助餐會偏重蛋奶類，充分滿足純素食者。環境方面也比同業安排得好，坐位尚算舒適。食物款式多樣，不少都甚具特色，像是咕嚕合桃、蓮耦餅、生炒糯米飯和自家製什錦堅果。還有辛辣驅寒的胡椒湯、買少見少的芝麻卷、炸得鬆脆又不油膩的椒鹽豆腐，多款食物值得一再添吃。食物質素有保證，難怪店外總是大排長龍。Everyday located in Tsim Sha Tsui is always full since its opening. While there are more and more vegan buffet restaurants, what makes Everyday standing out from others?Being a lacto-ovo vegetarian restaurant, Everyday makes remark for each

x'mas 加 new year 再加冬至。。。。。呢排真係大魚大肉呀～所以朋友們一致應同要食下素今次搵黎呢間每日。。。位位168 吾洗加一之前其實我都食過好幾間任食素食 ，但呢間每日確實比到驚喜我首先佢竟然係有橙汁同 桂圓水果茶，其他素食餐廳都只水or薑茶， 有凍飲係值得加分其次係佢嘅沙律吧有好多生果， 所有嘅配料都好新鮮， 仲要有超多嘅醬汁可以選擇雖然我地食7點45分， 已經算係尾輪， 但係佢所有嘢都加得好快 而我個人認為佢嘅蘿蔔糕， 麻醬菠菜， 炒糯米飯， 芝麻糕， 綠茶芋蓉餅都做得 非常出色， 呢度係一間可以再嚟enore嘅 素食放題

每日是新派素食自助餐12:00 開始，還未到 11:45 分已人頭湧湧在排隊等候入座。🥢萍果花生醬殻米餅，青甜爽脆夾花生醬感覺特別。👍🥢炸素雲吞一點都不油膩仲好香脆🥢生炒骨用合桃夾脆醬炸，香脆有益又可口🥢木耳一改用醋食法，採用了西芹做香菜涼拌木耳，這個食法都幾清爽。🥢椒鹽豆腐，滑不留口🥢沙律是自己選擇材料，自己混醬，我最喜愛羽衣甘藍，有益又健康。👍🥢剛出爐熱辣辣反沙芋頭，外層給沙糖包得脆甜，內裡芋粉甘香。勁正！$108 位免加一👍大家要分一分清，茹素同食齋是有分別的，這裡有些香料是有別於食齋的朋友。

呢間素食放題，同事極力推薦，今日放早黎食，$88/75分鐘。唔好睇少地方細細，但都有唔少款式，大概都有廿幾款主食，十款左右甜點。只係每樣攞一件，喜歡既再追加，75分鐘一定捧住個肚走。但要兩個女仔慢慢傾計就有點兒趕了，如果過了繁忙時間可以多15-30分鐘便更好呢！記住：食完要自己清理餐具到收集箱啊！我們都差點兒忘記😝推介食品：咕嚕肉（個味好正宗，咬開先知自己食咩！）、炸豆腐（外脆內軟）、綠豆沙（係有海帶同臭草味咖👍🏼）、芝麻卷（堅有芝麻味）