殿 大喜屋

营业中

休息中

午市時間過左黎尖沙咀品嚐殿既滋味，對比其他日式放題，殿真係特別高質，無論係環境、衛生管理、員工服務至到食物質素，真係出意料優秀！最重要擁有過百款食物選擇、貴價食材等等，性價比非常高！午市仲可以慢慢享受3小時既樂趣！最大優勢，呢度既刺身款款都好肥美，拖羅仲可以無限任食，肥美魚香再係舌頭上既餘韻，真係好幸福！特別推薦其他必食獨特食物：避風塘炒蟹 Fried Crab in Typhoon Shelter Style鮑魚蟹膏雪昆布山壽司 Abalone Crab Paste w white Seaweed魚子醬龍蝦沙律多士壽司 Caviar Lobster Salad Toast清酒啫喱吞拿魚壽司 Sake Jelly Tuan一品花膠盛 Maw黃金焗廣島蠔 Golden Baked Scallop海燕窩椰汁燉木瓜 Stew Coco Papaya w Bird Nest

媽媽生日沒有出街食慶祝，我決定訂媽媽最愛的日本放題，因為媽媽喜歡食放題，所以香港好多間都食過，我自己覺得殿大喜屋的食物和性價比是較為出色的！餐廳好大，自取區不會太擠迫！主要分飲品區、前菜區、熟食區、甜點區、雪糕區！飲品區真的超讚！因為有冷熱清酒任飲，還有梅酒、白酒、真露！愛飲酒之人相信會樂而忘返！還有其他汽水、茶、啤酒等等！頭盤拎了一些海鮮，都好新鮮！大喜屋定期都會update餐牌！所以每一次佢都有驚喜！今次見到有拖羅、鮑魚、和牛任食！第一round點了刺身，拖羅絕對沒有「揸流攤」，入口肥美無渣！其他刺身例如三文魚、帶子、牡丹蝦等等都很出色！另外還有放題很少見的池魚！鮑魚壽司很特別，可以一試！之後有燒物，點了燒雞軟骨、牛舌、菠蘿、羊架，羊架encore了好多次，好腍好惹味，菠蘿也很讚，切了皮，又超級甜！燒鱈魚干都好好食，好似薯片卜卜脆！和牛薄燒也是必食推介！油脂分佈平均，沒有筋，肉質腍，好香！還有炸蒜，高水準！另外有兩樣食物好驚喜，第一就是避風塘炒蟹，海量的炸蒜，不算辣，蟹都好大隻，媽媽大讚！第二驚喜就是醉鮑魚！鮑魚有咬口又腍，淡淡酒味好香！好滋味！天婦羅炸蝦大隻，炸漿薄，夠脆！最後還

今日放假講起好想食壽司，之後就諗起之前黎過殿大喜屋呢間唔錯，所以就出左去食個lunch放題😆♥ 午市放題 $298 （88折）出面自助區分別有飲品、熟食、生果、甜品同雪糕櫃，飲品都有多款種類選擇，有果汁 、 汽水、紙包飲品、樽裝茶、咖啡，連啤酒🍻sake同梅酒都係無限飲呀😱平時食放題真係好少‼️熟食區有酸菜魚(又唔錯喎)、咖喱魚蛋、蔬菜同湯。另外仲有salad 加生果同甜品區，芝士蛋糕~木糠布甸全部都細細件唔會食完就滯左🫣刺身超過十幾款，全部都好新鮮且肥美鮮甜，拖羅同三文魚等都勁厚切‼️😍平時食壽司🍣就最鍾意火炙😍估唔到呢到仲有左口魚，~創作壽司都幾特別，有鮑魚蟹膏昆布、七彩鵝肝帶孓~壽司細細件都唔會食到好飽，仲有quota繼續食😆熟食方面依加有和牛薄燒‼️，呢個推介必食😍我都encore左幾份嚟食🙈 和牛味濃且肉嫩，仲有花雕醉鮑魚，淡淡酒香鮑魚爽口😆另外我仲食咗兩客黑松露蒸蛋，啲蛋好滑。最後仲嗌左個肥牛鍋，壽喜燒湯底豆腐菜同埋肥牛都好入味😋😋😋炸物方面我好鍾意嗌d食完會勁膩嘅芝士年糕、香芋圓同埋榴槤炸彈😂食完戰鬥力已經冇晒😂😂個榴連係勁香同埋好流心㗎🤤甜品除左出面甜品櫃之外仲有海燕窩椰汁燉

當大家都無idea想食乜嘅時候，最好就係去打邊爐或者食放題，今次食呢個放題好有驚喜！因為居然有鮑魚，而且好好食！第一個推介，係佢哋呢個"醉鮑魚"。雖然呢個係冷食，佢有少少酒浸住，但食落鮑魚本身係有少少甜味的，爽口又唔韌非易入口。第二個推介，燒薄牛肉片。可能師傅燒嘅手勢非常好，連續叫咗幾碟來食，差唔多碟碟可以keep住到燒致八成熟，有口感之餘也不會韌十分易入口，如果夾埋碟面嘅炸蒜片一齊來食的話會更加好味。第三個推介，清酒係自助嘅，如果鐘意當水飲嘅朋友，終於可以杯接杯，唔洗浪費時間等人送過來啦！🤪👍另外，如果鐘意飯後甜品嘅朋友仔，記得！記得！記得一定要留少少肚，佢哋d蛋糕都十分有水準。雪糕有三款，分別係自助軟雪糕、韓國雪糕杯及Mövenpick雪糕杯。

食物：高質，款式豐富2小時唔夠時間食刺身十分新鮮炸物高質有花膠鮑魚等高級食材飲品多樣有特色好多款雪糕甜品都唔夠時間食環境：因人多，比較嘈吵幸好人多坐大枱，被安排坐到盡頭服務：無人輪位但夠鐘也被催離座

午餐好抵食，大約$80 元，有8 舊壽司。一個烏冬。仲有任食前菜、湯、熱盤、飲品。壽司係比較細粒，但好好食，我通常叫火炙壽司嘅餐，會有幾款魚，火炙燒到香香的。雪糕好似可以任食，每次問都唔同答案，未試過。

屋企人話想食放題其實本身本人唔太好放題總覺得質素欠奉但屋企人有人好堅持想去試左揀右揀最尾揀左呢間諗住咁多好評應該無伏？伏都唔會太過份掛？點知錯到七彩😂😂😂😂人類總要犯相同的錯誤入座book六大一小去到入座得六個位同返餐廳講問佢點解book七人但得六個位？侍應態度奇差話今日無枱架喇🤷仲屈我地入場前有講係得六個位但根本無講過預約呢個功能請問係擺好看的嗎個細路唔係人？收費架喎？😂😂😂最尾同佢地乞討到張小圓凳覺得去食飯好似個位都要同佢乞咁食物普通質素淨係求其影左刺身其他都係來貨無乜影相既價值費事系統話無圖唔貼求其塞張圖上錯左一大盤唔係我地叫既壽司我地人多就以為係對方嗌點知唔係我地既😂😂😂但都食左一兩舊就算啦勁難食 全部一早整定啲魚肉 霉既 飯係變左一團團你食唔到飯粒忍唔住要掉晒啲飯難食到樓本放唔入口最尾食完痾左四五次痾住寫食評反正係廁所無野做🙂感覺二千幾蚊埋單沖左落咸水海

大喜屋系列我差唔多都食均曬啦，今次食埋依間殿‧大喜屋就可以集齊成個系列。一如其他大喜屋一樣，都無令我失望。殿‧大喜屋可以話係大喜屋當中最高級既一間，食物款式種類非常之多，而出面熟食區仲有非常新鮮既熟蝦、凍青口、熱湯，仲有好多款飲品、啤酒同雪糕，而最令我驚訝既係有清酒呀！食日式放題都係例牌野，一坐低緊係瘋狂叫左刺身先啦，咁我地就毫不思考地叫左兩轉刺身，然後再叫下熟食。殿‧大喜屋既熟食都係永遠唔會令人失望既！臨尾記得拎埋甜品雪糕。最後重左成幾斤先走。哈哈

好多時生日飯局一話想食放題都一定係擇大喜屋，係我最愛嘅放題首選❤️今次食朋友生日飯，預早打咗電話訂位，生日優惠係送薄荷味千層蛋糕🎂依舊用QR code落單，上菜速度快，食物款式比以前多咗，樣樣高質，正！🔸新鮮刺身🔸海膽手卷🔸花雕醉鮑魚🔸海燕窩椰汁燉木瓜🔸鱆紅魚薄切伴海膽醬油自助區有凍盤、小食、燉湯、飲品、甜品等等😋今次試吓自家製泡泡茶，茶味偏淡，絕對唔會有苦澀味，適合平時鐘意飲淡茶嘅人！

好耐冇食過放題啦前段時間呀媽生日去左尖沙咀食😙😙😙咁啱嗰日放寬勁多人🤣好正，海膽壽司😋😋😋😋大大隻鮑魚我好鍾意食呢個唔記得咗叫咩名避風塘炒蟹竟然有Häagen-Dazs雪糕仲要係任拎仲要係抹茶味😳，如果有埋乳酪雪糕就好啦😋😋😋😋

經朋友推薦黎食，發現食物質素同其他放題店無咩差別。第一輪食物1230先上台，一係唔上一係一次過上曬，成台食物無位放。仲要店員只派食物見張台無位都無人收吉碟。第二轉叫野食出得慢，仲要上台啲野食涼曬。原來午市放題為3小時，訂台時店員無通知由3小時改2小時。1點就要我地埋單同講1330 last order比我地食到2點，真係多謝晒。走去問店員，居然話最近改左午市變兩場，1200-1400同1400-1600，下星期先做返3個鐘午市。明顯係最近多人訂位臨時改左，仲要無通知之餘，個價錢都無改平啲。三百零蚊午市放題真係食個吉。

殿大喜屋喺放題界來講算係數一數二，見星期一至四做緊優惠價，268元就可以放題兩小時（5:30至7:30PM)，梗係唔會錯過呢個機會啦！環境裝修高級，空間闊落，乾淨企理！🥳🥳食物種類超級豐富，刺身、小炒、小食、甜品、飲品、雪糕......五花八門，完全值回票價刺身款式好多，無論魚類同貝殼類都一應俱全，仲要提供貴價刺身食材如:拖羅，拖羅油脂豐富，入口即溶。仲要有帶子，鮮甜美味！整體來講，刺身爽口好味，而且無論嗌多或小，餐廳都會以冰陣送上，確保刺身新鮮！😋😋壽司/卷物/軍艦款式多，花多眼亂，有花之戀、加州卷以及吞拿魚蓉小卷，而且非常鮮甜！賣相又靚！超級推介燒左口魚壽司，油脂豐富，入口即溶！大家記得排隊攞手握海膽手卷，海膽新鮮，每人只限攞兩件，去到記得排隊拎啦！小食都好多選擇，有麻辣小龍蝦、涼拌、炸春卷等等，連涼拌款式都有6樣咁多。隔離仲有沙律吧，蔬菜同新鮮生果款式齊全。仲有冷盤（青口、鮮蝦等等），好吸引！炸物都好多款式，例如：榴槤炸彈、芝士年糕……芝士年糕超級好食！天婦羅都炸得啱啱好，南瓜天婦羅用日本南瓜，好香甜！燒物都好多選擇，燒菠蘿超級好食，非常Juicy！燒和牛片必叫！ 牛肉好嫩滑，油

💎總評分：8.0/10-小編向來對放題無咩興趣，不過因為寶貝喜歡，呢日見到出名食物多選擇嘅「殿大喜屋」做緊優惠🤑，星期一至五全日或星期六/日2PM後都有88折🌟，就決定平日嚟食個lunch。可能因為做緊promotion嘅關係，都幾滿座下🙇🏻‍♀️，唔想失望而回的話建議大家先做booking。🚗 大廈本身無停車場，等唔到咪錶最近停車場係The One。1️⃣ 自助區步入店門已經見到飲品區，除左果汁🍎、汽水🥤、啤酒🍺、紙包飲品🧃，咖啡機，仲有sake梅酒無限飲呀🍶！小編Lunch都冷熱各飲左一壺，值回票價👏🏻。熟食區有炸物、蔬菜，仲有意想不到嘅酸菜魚，椰子雞湯都好足料👍🏻。另外仲有salad bar同甜品區，多款雪糕雪條仲有Häagen-Dazs添啊🍨！2️⃣ 刺身&壽司刺身15款以上，唔太好澱粉嘅小編基本上試晒，所有刺身厚切新鮮🐟，推薦劍魚腩、toro、油金魚！壽司多達30多款🍣，當中5款創作壽司，細細件一試無防。 3️⃣ 料理&燒物炸物串燒、天婦羅🍤等加起上嚟都有成二十幾款，一品料理都好多選擇，推介花雕醉鮑魚，淡淡酒香彈牙有咬口，仲有避風塘炒蟹🦀不過太飽試唔到。和牛薄燒切片比較薄身🐮，記得要趁熱食

預約左19:00黎到殿大喜屋 18:50到已經好多人，入座用手機落單，刺身好快就到，多款魚生任你點，上菜快，收碟都好快👍🏻炸物有炸榴連，炸竽波😂😂😂好味壽司🍣啲飯淋左啲，不過好彩夠細細件鮑魚壽司你食過未😂不過佢包住個個紙 我唔敢食 海膽手卷係出面排隊取，每次每人限取兩件，好快就包好，出面仲有啲雞翼，炸餃子🥟食，飲品同雪糕都多選擇。叫左兩個鍋物，牛肉鍋啲牛好好食，但個鮑魚雞粥就普普通通但有鮑片食。燉木瓜雪耳糖水 椰汁🥥味重 都幾好食，淋多少少就更正。飲品方面仲有白酒，清酒，梅酒，白酒少少淡，最好飲係清酒👍🏻👍🏻👍🏻

大喜屋香港都幾多分店 今日去左尖沙咀店入面環境空間幾闊落 門口有自助區海膽手卷 海膽大嚿 但如果可以放滿啲會好啲熱盤區 有烤腸 豬手 炒青豆 炸雞 炸餃子等等飲品種類幾多 茶 酒 汽水都有前菜冷盤 有中華沙律 泡菜 生果之類除此之外仲有雪糕機 有唔同配料俾你落雪糕雪條任拎 雪條都係偏貴嗰隻 唔係雀巢仲有一個甜品櫃 有20多款甜品但Häagen-Dazs 就限1特別既仲有木瓜糖水入座掃QR code落單刺身 燒物 天婦羅 壽司款式選擇都幾多燒牛舌 幾爽口 燒菠蘿 都Juicy醉鮑魚 酒香偏淡 但計落抵食 平時街市自己買都貴神奇地 今日放題冇漏單 埋單有八八折 體驗唔錯殿 大喜屋 (尖沙咀)尖沙咀金巴利道26號1樓