殿 大喜屋

营业中

休息中

做冬唔想喺屋企煮，出街食就最方便！鍾意食日式放題，乜都有得食，呢間除咗日式料理，仲有中式菜式，花膠呀鮑魚啊炸乳鴿啊都有得食！呢度食物款式都比較多，出名嘅有松葉蟹腳🦀、避風塘炒蟹🦀、醉鮑魚🍺、皇牌炸燒乳鴿、巨型牡丹蝦、火炙和牛壽司、西京燒等貴價美食！落咗單之後可以去自助區揀吓小食，一於食住等，白灼蝦同大青口都算新鮮嘅！灼蝦幾大隻下，爽口鮮甜，青口就係大隻嗰啲中國青口，又係爽甜！刺身夠晒肥美，食落口感都好新鮮，一定要試日本直送金槍魚腩（拖羅），超肥美，算係比較貴價，食多幾嚿回本！😂三文魚、希靈魚、牡丹蝦、甜蝦、螺肉、北寄貝、吞拿魚…..款式多，三文魚腩都好肥美，松葉蟹腳鉸剪剪開，淡淡蟹肉，入口清甜！熟食方面，即叫即炸乳鴿夠嫩，醉鮑魚略帶酒香，有香濃嘅甜醬油燒鰻魚同埋西京燒，火辣惹味避風塘炒蟹，仲有膠原滿滿嘅冬菇炆花膠，樣樣都好好食呀！