段純貞X日出茶太 (MOKO新世紀廣場)

营业中

休息中

有日收工去咗MOKO試呢間段純貞台灣牛肉麵，知道呢間係台灣過江龍，本身有好大嘅期望。我就點咗紅燒牛肉手工面，女友點了麻將雞絲伴麵。首先是試左啖湯底，味道濃郁，帶點微辣，合格的。可惜牛肉份量太少得三舊牛肉，其中有一嚿仲要係煮得唔夠淋食落去好煙韌，好難咬開，有點失望。手工面條粗身，容易掛湯，麵粉味挺重。雞絲伴麵係用幼面，配上麻醬炸蒜香口，雞絲正常發揮都幾嫩滑。飲品點了厚奶，重奶味係幾Rich，味道偏甜，同街外嘅珍奶係飲得出嘅分別，可以一試。

叫左擔擔麵，滷水拼盤，燙蔬菜。擔擔麵味道唔差，冇咩挑剔，約50蚊，加一後約55，唯一係覺得湯汁太濃稠。滷水拼盤非常令人失望，78蚊，加一後8X蚊，得3片細牛輾，4片牛肚，之後係4片滷水豆腐，一隻溫泉蛋切一半，數片雞髀菇，份量小，味道食唔出滷水味，真係好失望，「X 水 X 」做 得比你更好。之後係燙蔬菜，要40蚊，又有加一，但只係一小碟椰菜，係普通既水燙椰菜呀，即係某中式點心店叫蒸飯免費有既椰菜，我俾4x 蚊食呢d? 仲要冇特別既風味，普通霎菜，有d仲硬硬地，感覺超失望同唔抵。見人地叫左手工麵果d 我睇到呆左，人地話似好粗既餃子皮，到底食緊咩？ 我感覺超唔抵，差唔多食左200蚊，我到底食左咩，去第二間食會滿足好多，好失望，唔想再去，嬲嬲地唯有上黎寫下食評。

今日去到旺角MOKO買嘢，行冇幾耐已經到了午飯時間，便睇吓有乜嘢食肆未曾食過，見到段純貞是以食台灣牛肉麵為主，便排隊試吓。店舖不算很大，座位有D密。牆壁設計除了介紹段純貞及其牛肉麵外，亦加入好多中國原素，感覺淡雅。雖然它以牛肉麵為主打，仍有很多其他選擇，如水餃、炒飯等，亦有台式飲品，珍珠奶茶等，容易搵到心水食物。我同老公不太肚餓，便叫了一個鹵水拼盤（$78）、紅燒腱心半筋半肉牛肉麵（$88）、及雞湯炒手（$48），由於不太喜歡台式奶茶，沒有叫飲品拼盤先上，份量不多，但款式多。鹵蛋是流心蛋，咬落蛋白彈牙，好香鹵水味。蛋黃仍然好流心，可以在口腔內滑行，濃濃的蛋味，好滋味。牛肚及牛𦟌煮得夠腍，鹵水入晒味，冬菇亦一樣，無論口感同味道都很有水準。Yummy! 👍🏻👍🏻👍🏻牛筋腩麵一上枱已聞到好香，試一啖，很濃的牛肉味，完全係台灣果隻。牛筋同牛腩燜都好腍好入味，麵條幼滑，加埋小棠菜，完全是一碗完美的台式牛肉麵，齒頰留香，就好似自己去咗台灣咁。😍😍😍鷄湯抄手猶如我們的雲吞，它的湯底清甜，雲吞皮薄，餡料足，很有肉味。👍🏻👍🏻👍🏻總結而言，段純貞絕對是台式牛肉麵的好選擇。

今次叫咗個紅燒腱心半筋半肉牛肉麵細麵，另外有個期間限定嘅牛肉湯高麗菜豚肉湯餃（8隻），再加多個小食香麻醬涼拌豆腐。呢間係X日出茶太，所以要叫埋杯芋頭特調飲試試 😊 叫咗少甜少冰，味道可以😌紅燒腱心半筋半肉牛肉麵細麵，個湯好夠熱，幼麵就唔夠彈牙，半筋半肉牛肉都好夠淋，整體都可以。期間限定嘅牛肉湯高麗菜豚肉湯餃, 真係好一般，高麗菜都唔俾多幾條😬啲餃子味道都係普通。香麻醬涼拌豆腐 - 呢個好味，幾惹味，少少微辣，幾開胃😌整體都可以，環境都唔錯，坐得舒服，有水提供，服務都快👍

唔知點解一到午市時間台式餐廳就大排長龍, 究竟香港人有幾鍾意食台灣野排咗好一段時間, 終於可以入咗啦<紅燒腱心半筋半肉牛肉麵>好耐都冇食過紅燒牛肉麵, 今日就嚟一碗啦半筋半肉可以一次滿足你兩個願望軟爛而充滿膠質嘅牛筋, 配搭入味嘅牛腱心同有咬口嘅手工麵, 令人又飽又滿足紅燒牛肉湯底睇落好似好濃郁, 但實質又唔係好濃, 重口味嘅朋友可能覺得有啲落差<鹽酥雞>鹽酥雞酥酥脆脆, 肥而不膩可以外賣多一份<日出烤奶>最重要嘅莫過於呢一杯心心念念嘅日出烤奶大家記住記住記住一定要嗌3分甜少冰, 如果唔係就會甜到漏

和銅鑼灣總店質素差太遠！麵份量少！牛腱唔淋，分量少. 不會再光顧！失望！😣 希望之後會有改善！the quality is bad & tiny portion! Hope the quality can be aligned with all the shops!

12:10經openrice叫外賣自取，明明寫15分可以拎得，但最後到12:40先有得取餐。叫左2杯沙冰飲品，眼見5分鐘內其實已經整好放左係到，所以杯野飲到我手時已經有少少溶同擺左係走廊位好多人行過都唔衛生。想要求重新做過但比收銀同事拒絕及堅稱少少溶係正常，經爭論後先黑面及通知飲品部同事馬上做過，但我竟然聽到佢地話有冇搞錯同埋一定唔會即刻做返，叫我慢慢等下。我當下覺得唔想做嘅都冇必要係客人面前當面比說話我聽，我作為顧客感到非常難受。再者如果我飲完有任何唔舒服好似佢哋唔需要負責任咁。唔希望類似情況會繼續發生係其他食客身上，如果有時間先好叫外賣。

適逢MOKO商場有kanahei 展，身為兔兔迷當然要過去朝聖一番。朝聖完便打算上去樓上醫肚。餐廳位置方便，順着扶手電梯踏上便能夠到達。星期六下午不算多人，餐廳內大約坐了半滿左右。在餐廳外等了5分鐘進去。台灣本店是做牛肉麵起家，所以便叫了一碗三寶面。牛肉麵份量對女生來說足夠，三寶材料不算多但也可以，價錢也還好，味道一般。但吃到一半已經覺得很口渴。不知道台灣本店是否也是這樣。同區來說吃牛肉麵阿木的牛肉麵會較對我口味

台灣新竹著名人氣過江龍牛肉麵店 🍜香港已有幾間分店 每次經過 𝙼𝚘𝚔𝚘 都見到大招牌標榜選用高質的 🐂 牛腱心湯底用 𝟸𝟹 種不同 🧅 香料藥材熬煮而成既過江龍終於搵到時間可以去試一試呢間分店係唯一聯乘台式茶飲品牌「日出茶太」實不相暪 👧🏽 讀書時都係一名兼職茶太妹-🐃 招牌紅燒腱心牛肉麵 $𝟾𝟺牛湯味道好濃 隱約飲到藥材 🌿 味道腱心牛肉肉質軟腍 但可惜唔夠入味手工麵是粗身麵 口感有韌性 但掛湯力唔高🫣🐖 酥炸排骨麵 $𝟽𝟾雞湯底味道似鹼水 🤮 細麵浸得腍哂成碗麵無咩點食過 有啲失望酥炸排骨炸到外脆內嫩 可惜無咩味道😨都係食左兩舊就就放棄了 呢𝚜𝚎𝚝野完全唔合格👎🏻🥟 新鮮豚肉鍋貼 $𝟺𝟾不過不失🧊 香麻醬涼拌豆腐豆腐口感偏硬身 配上芽菜酸菜辣椒醬辣味食到尾先發出嚟 🌶 好惹味🍫 頂級可可半糖加布丁🍮 甜度剛剛好入口仲有濃濃朱古力味 👧🏽 很喜歡💕🧋 宇治金時奶茶少糖後 仍然都係好甜 可能本身有紅豆🫘成杯俾紅豆搶哂味 茶味會比較淡👦🏻 再另加滑捋捋仙草 十分飽肚#段純貞除左台式飲品會想再回頭幫襯食物質素真係大跌眼鏡 可一不可再😅-整體 𝟻💓滿分味道 ❤️🧡💛價錢 ❤️🧡💛服務 ❤️🧡💛💚

小妹經過新世紀廣場，見到呢間來自台灣新竹嘅過江龍牛肉麵😍 今次仲聯乘台式茶飲品牌「日出茶太」，就一於試吓🤤 環境舒服，店員服務亦都非常殷勤👍🏻🐮🍜三寶麵呢間餐廳既麵分為手工麵/ 細麵，手工麵係粗身，食落幾煙韌彈牙，幾有口感😚 而細麵係幼滑，基於小妹冇食過細麵，所以味道就不能評論啦🤫 手工麵好掛汁，湯底好濃🤗 呢碗三寶麵分別有牛腱心、牛肚及牛筋；牛筋幾大嚿，食落唔膩；牛肚幾彈牙，且唔痴牙； 牛腱心肉質軟腍，食落幾入味~加上每碗麵跟酸菜，小妹幾欣賞呢款開胃菜🤭🐖🍜酥炸排骨幼麵（雞湯底）呢個麵一上檯，小妹第一件事梗係試下飲吓個湯底先啦🤩 湯底超香濃，飲到雞味，且油分唔會過重，即使食到尾唔會覺得好鹹😋 而酥炸排骨夠脆口，食到肉汁味，唔錯🥳🍵抺茶拿鐵呢杯抺茶拿鐵暖暖哋，飲落好舒服😝 仲充滿抺茶及奶香味，飲完當堂開心唒😆小妹幾喜歡呢間餐廳既裝修，且坐得舒服😌無論聚會/lunch time都絕對唔錯😘

朋友同我都分別食過《段純貞》嘅將軍澳店同荃灣店，印象不錯，(將軍澳店仲食過不下5次添～）呢日去咗花墟買花～知道旺角開咗分店，去試吓水準一唔一致先～之前都係食湯麵，呢日想試吓乾拌麵，可惜店員話當日乾拌麵沽清 🤷🏻‍♀️🔸麻辣蒜味腱心半筋半肉麵朋友好辣，試唔到”青花椒香手撕雞乾拌麵”，唯有食番”麻辣蒜味腱心半筋半肉麵”補數朋友報告🫡 ”湯底嘅蒜味特出、麻辣味欠奉；麵條軟硬度適中；半筋半肉正常發揮”還是懷念將軍澳店開店時嘅期間限定”老火鍋腱心牛肉麵”，辣得嚟有層次感～🔸紅燒腱心半筋半肉牛肉麵我唔好辣，叫咗”紅燒腱心半筋半肉牛肉麵” 結果… 比較失望😔麵條煮過火，淋咗湯底普普通通，唔惹味牛肉唔夠腍，食到黐牙牛筋夠腍，但冇乜味道呢碗招牌麵比起預期有啲落差🤦🏻‍♀️🔸鹽酥雞鹽酥雞係我喺《段純真》每次必叫嘅小食炸得酥脆，雞肉保持嫩滑，帶著輕輕的鹹香，size 都大大哋，一件要分兩啖食㗎！配埋薄脆嘅九層塔，喺台灣夜市掃街嘅回憶即刻返哂嚟💬💬～ 🤩🤩旺角分店cross over 日出茶太，當然要試吓佢啲嘢飲啦～🔸日出奶綠（熱｜30%糖）碗湯麵好失望，好彩杯飲品唔錯暖暖哋，少少甜，奶味香飲咗開心番啲呢次經驗令

外賣自取試新野見呢間話過江龍餐廳諗住試下叫咗嫩雞煨麵麵有手工麵同幼麵揀揀咗手工麵但食落好厚一舊麵粉咁😑😑份量又好少 細食啲或者夠 男就一定唔夠飽🙁雞淡淡地冇乜特別湯就史xx清雞湯味但有少少酸，唔知酸味邊度黎反而個酸菜ok街市買鹹酸菜整黎食咁上下，唔會伏最失望係個燙蔬菜😒😒有啲似平時餐廳食個碟頭飯啲配菜仲要好硬 大xx啲配菜都好食啲但依家要俾成幾十蚊買…鹽酥雞都唔鹽又唔酥有啲好唔均勻既辣粉咁服務態度都唔好俾漏咗餐具返轉頭攞仲俾人黑面好肚餓但都幫唔到佢失望，完全唔值冇下次

期待很久，過江龍牛肉麵叫左兩個餐麻辣蒜味健心半筋半肉麵後悔冇叫原味，變左好似食緊慎味菜，肉都夠淋，可惜嘅係麻辣味蓋過晒湯底味道不過就變得平凡，感覺周圍都有，不一定要到台灣麵台去食酥炸排骨麵（雞湯底）呢個大件事，排骨太乾身，口感極差唯一要讚係炸粉厚薄剛好總計，食物質素係合格，但不算好但問題最嚴重係服務店內座位不多，但係服務質素係完完全全失敗首先點餐，服務員就咁扔（唔係擺底），就咁扔底個QR code 叫你自己落單最終問題係，澳牛咁嘅服務，剛剛食完個麵 就已經埋黎收你個碗，連抖都未抖就已經要你張檯乜都冇，好似好趕時間做生意咁其實已經係下晝3點，唔算多客人等位，有必要咁？茶餐廳都不如！趕客嘅態度，沒有下一次！

晚市唔係太多人好快有位，坐底叫左紅燒牛筋牛肉麵和青椒雞肉乾撈，和紅油抄手。牛肉麵叫左粗手工麵，麵條真係極粗，相對份量亦比較細，牛肉同牛筋都幾淋，又入味，係唔錯。相反乾撈真係出曬事，撈麵並沒有太多醬汁，本身以為在碗底，但一撈時並沒有醬汁，麵條全部痴埋一齊，好難撈，食落其實味道不錯，但實在太乾，好似就咁食緊分湯既麵條咁…中左伏。最後紅油抄手辣味都幾突出，餡料十足，係幾好食，但整體而言都麻麻地，食過一次就夠。

之前一直想試過江龍餐廳；奈何次次經過舖頭都大排長龍，三日連假又連埋媽媽節，去咗帝京酒店staycation，周圍餐廳都好多人亦都多人喺出邊排隊，上OpenRice見到可以外賣自取仲有優惠有8折☺️（其實當我去到攞外賣嘅時候發現其實餐廳門口都講咗外賣有八折）😂😂😂😂，不過我有OpenRice平台優惠，所以全單八折之後再可以減$6，網上付款我用咗Alipay本身自己又有兩蚊優惠，不過值得一讚OpenRice落單方便快捷完全係佢電郵時間內可以攞食物👍🏽今次我叫咗📍紅燒腱心半筋半肉牛肉麵揀咗手工麵目測手工麵有2cm闊🤣🤣🤣個湯好香牛筋好彈牙👍🏽👍🏽📍燉濃湯雞麵呢個揀咗細麵個湯好香好滑飲完唔會口渴細麵同平時陽春麵差不多不過不失反而個雞真係食到舔舔脷完全係滑雞 一隻雞髀再加一件雞胸雞胸肉都唔係唔鞋食到美人照鏡有機會下次一定要試吓堂食