段純貞牛肉麵XChatime (如心廣場一期)

营业中

休息中

見佢好似幾出名咁，就破下界食小小牛，因為人大左，真係食小左肉👆🏻嫩五花牛肉麵😻嫩五花牛真係好滑口，咬落完全冇筋，但唔係出生粉那過個個feel, 而真係牛如其名，嫩個種feel，湯底好飲，飲完係唔口渴，真係好香，我擇左配手工麵，索曬d汁連埋湯同牛一齊食，係正既👆🏻麻辣蒜味臉腱心牛肉麵😻佢牛肉同上而個碗唔同，牛肉係大大舊，炆得好冧個種，都一樣冇筋，牛味比上面濃，反而個湯底驚喜到我，蒜味勁香，仲有時咬到炸蒜，麻辣唔算好辣，而係有層次，係口度痹痹地咁，今次加埋幼麵食，索索聲，口感都唔錯，不過麵就比較普通👆🏻胚芽珍珠奶茶😼奶茶茶味唔濃，普通野，珍珠都係街既垃圾珍珠，過下口癮就算👆🏻紅油炒手😼炒手唔算好辣，面頭加上大量芽菜，佢個花生烤過好食，夾埋一齊都感覺不錯

見咁多好評，於是一早去排隊食，都排左十分鐘以上,要人齊才可入座，其實都有D吉枱，但不即時比人入，寧願D客在外排吓隊，叫了三款不同湯底的麵試吓, 結果冇評價講咁好味，可能真係各有各口味，但環境整潔,侍應有禮, 但試一次便夠。

台灣過江龍牛肉麵。講真，之前過來香港開的都未能留下深刻印象，今次依間剛剛不用排隊就決定一試。正常坐低落單，但落單後不夠2分鐘麵已經可以上我就知道唔對路。1碗湯是暖的，1碗直頭係室溫。我唔係幫襯快餐，你唔駛咁快，1碗麵第一口就是湯，湯唔熱再好食都冇用。餃子也是不熱，點解咁有心機攪個湯底，炆個牛肉，但唔注意吓最基本的上餐溫度呢？講真，牛肉係超級啉，原味湯底還可以，但麻辣的那個不麻辣。整體還可以，但如果不改善湯底不熱問題，只怕沒有第二次。我也留意其他食客，也是2分鐘上菜，所以不只是我這一單是這樣，是穩定地犯錯。最後，我有一個建議，麵條是偏少，食完都唔飽。其實麵唔貴，點解唔俾多少少。如果成本問題，可以給客戶多一個選擇，加5蚊，10蚊，加麵底。

段純貞牛肉麵係源自台灣新竹市著名嘅牛肉麵店，唔少香港人遊台，都會抽時間去食番一碗，兩個月前喺荃灣如心廣場正式開業，相信對於成年無得去台灣嘅香港人嚟講，係一個大好消息！創辦人樊廣志為咗紀念佢嘅已故嫲嫲 - 段純貞所創立嘅餐飲品牌，昔日嫲嫲喺國共內戰嘅時候搬咗去台灣，由於煮得一手好滷菜同甜酒釀，就以新竹為基地，以單車售賣各式自家製嘅家鄉豆辦醬、泡椒等佐料幫補家計。新店主打木系古風裝潢，一入門口就見到大大個紅色牌匾寫住段純貞三個大字，牆上有字畫簡單介紹段純貞牛肉麵嘅故事，坐位濶落舒適。三寶麵可以同時試勻牛腱心、牛肚及牛筋。先試一啖湯，入口湯底溫潤香醇，食落油而不膩。原來餐廳對於湯底嘅製作非常認真，唔會好似坊間嘅牛肉麵店咁，用現成桶裝牛脂嚟做牛肉麵湯底，而係堅持以新鮮肥牛提鍊出天然牛油脂肪，熬製湯底用上咗牛大骨，加上喺牛骨湯底裏面加入咗四川郫縣豆瓣醬同高雄岡山豆瓣醬，以天然牛脂、八角、老薑、紅蘿蔔、白蘿蔔以及23種中藥材、香料等慢火熬製8小時，絶對係功夫菜。麻辣蒜味腱心半筋半肉麵，牛腱心肉切至厚身，油脂呈花紋狀，肉質軟腍，肉香醇厚，食落完全唔韌，並帶有花椒同醬香，每隻牛只得兩塊嘅牛腱心，一隻牛

#段純貞 1.三寶麵 細麵$88牛肚牛筋牛腱心，一次過滿足哂所有願望。細麵吸湯，湯底夠味。2.麻辣蒜味腱心半筋半肉 手工麵 $84腱心係重點，牛肉中有筋，手工麵長到似一條過，粗身滑。湯底蒜味濃，但可以再咸少少，同埋麻辣度都高，愈食愈辣。3.滷水拼盤 $78牛肚/牛展/滷蛋/豆干/鮮菌台灣風味，隻蛋流心，其他都好入味。4.冬瓜薏仁檸檬特飲 $30淡淡檸檬，清新。5. 桂圓蜂蜜薑母茶 $28薑味不算特別濃，桂圓甜。#荃灣台灣菜 #台灣菜

今日約左朋友去荃灣行街，行街前一定要食飽飽先有氣力行晒荃灣甘多間商場。係如心廣場見到間有得食台灣麵和飲珍珠奶茶既餐廳，立即同朋友入去試下新野。打開餐牌，見到有兩款麵條選擇，一款係粗既手工麵和一款細麵，我地一人選擇咗一款麵：手工麵感覺有點似刀削麵，而細麵就會比較彈牙一點。三寶麵有腱心、牛肚和牛筋，肉質軟腍，而且十分入味。燉濃湯雞麵，個湯底好好飲，有好香濃既雞味，雞腿以慢火烹煮，肉質香滑。仲有滷水拼盤，鮮菌好好食，完全吸收左滷水既香味，落好爽口。

🙋🏻‍♂️餓底探員今日去荃灣調查呢間台灣過江龍牛肉麵🥩🍜三寶麵 $88📸表示呢個三寶麵有腱心，牛肚同埋牛筋，份量唔算多，每樣都係得一兩嚿，有少少失望，個手工麵厚薄唔均勻，外形幾特別，好有驚喜🙋🏻‍♂️表示個湯底用咗二十三種獨門香料熬制而成，味道濃郁，個after taste仲有微微嘅辛香，手工麵軟硬適中，整到厚薄不一除咗令質感上有唔同層次，同時可以吸收更多湯汁，掛湯力強，至於三寶方面，腱心肉炆到好軟腍，但唔會一夾就散，牛肚爽口彈牙，牛筋食落軟腍而且有豐富嘅膠質，整體都算唔錯，如果三寶嘅份量多少少會更加好📈吃貨指數😋好味度 8/10🔙返啅度 8/10

好耐都冇出過街食夜晚，想食好西唯有提早出發！上次經過荃灣，見到好多人排隊食嘅牛肉麵，因為今日提早咗，終於可以好快入座！牛肉湯都有好多種可以選擇，我哋就叫咗一個兩隻辣椒嘅麻辣蒜味腱心牛肉麵配手工麵朋友唔係太鍾意食牛，所以就揀咗一個燉濃湯雞麵配細麵有兩種麵類可以選擇，我哋今次試晒兩款蒜味爆得好香，一拎上枱面，完全係味覺同視覺嘅享受！因為兩隻辣椒嘅關係，都見到佢表面有啲辣油，但係完全唔影響佢香濃嘅牛肉湯味個湯都真係幾辣，食咗幾啖就開始感覺到舌尖發麻，配左粗嘅手工麵，感覺剛剛好，少量啲湯汁掛咗喺面上面，粗麵嘅口感剛剛中和返個辣味另外一個雞湯面，睇落就清淡好多，佢嘅雞湯係好鮮甜，唔油膩，就算飲晒成個湯都唔會覺得膩俾咗兩個好大嘅雞髀，雞皮都好爽脆感覺上呢個麵配細麵更加適合，因為個麵質可以吸收到更多嘅湯，啖啖清甜！最後仲叫咗個滷水小食拼盤，樣樣都非常好食，牛展同牛肚果然入味，但估唔到杏鮑菇好油驚喜，平時好少食滷水菇，但估唔到食落似肉類！兩個人食咁多會食得好滿足，順帶一提佢嘅酸菜都非常好食，但食都唔會覺得鹹，不過就唔知有冇得refill

❐ 麻辣蒜味腱心半筋半肉麵(幼麵/手工麵) $84評分 ▮ ▮ ▮ ▮ ▮ ▮ ▮ ▯ ▯ ▯ 💁🏻‍♀️值得試不過建議叫唔辣❗️⟰ 湯底濃郁蒜味十足可惜偏咸同麻辣味蓋過原本牛肉湯鮮味及層次感，食落似濃縮麻辣湯，而且湯面實實實在太油！⟰牛筋牛肉份量超足！牛腱心似厚版牛𦟌，厚切大件啖啖肉，脂肪分明均勻軟嫩又入味，淋得黎又唔會散開哂，牛筋煮到軟淋滑溜啖啖骨膠原仲好入味！⟰手工麵屬闊身，不規則又滑嘟嘟麵條口感滿分，煙韌得黎每條都掛滿濃湯，麵條幫忙中和左湯既咸度，手工麵加分！❐ 台式香腸蝦肉蛋炒飯🍚 $84評分 ▮ ▮ ▮ ▮ ▮ ▮ ▮ ▯ ▯ ▯ ⟰炒飯粒粒分明唔油膩又充滿穫氣，讚！⟰配料十足，蝦粒彈牙唔腥，台灣腸配蛋炒飯好似好頹但味道的確不錯，略嫌切片台灣腸可以先烤香就更正！❐ 鹽酥雞🍗 $48評分 ▮ ▮ ▮ ▯ ▯ ▯ ▯ ▯ ▯ ▯ ⟰炸粉較厚不鬆化肉質較硬不夠嫩滑多汁⟰整體較淡鹽酥味不足不夠惹味🍚推介指數☻ ☻ ☻ ☻ ☻ ☻ ☻ ☹ ☹ ☹ (10為最高)

掛住台灣掛到失心瘋啦🥲好彩我仲有對腳，早排行完山去食番碗牛肉麵補補寶寶嘅弱小心靈🤪😍招牌三寶手工麵三寶係指腱心、牛肚、牛筋😗 今次仲唔可以品嘗牛嘅唔同部位☝🏻😌原來每隻牛有一個牛腱心，經牛骨湯炆煮，牛肉與脂肪平均，肉香彈牙；牛肚爽口入味，牛筋炆得軟腍不爛。手工麵掛滿牛肉湯汁，滿是牛肉香，而且麵質Q彈，口感豐富，我鍾意❤️！唔講唔知燉煮紅燒牛骨湯底，以20多種中藥藥材，鮮肥牛同上牛骨等食材燉煮，香而不膩，入口舒服唷！滷水拼盤不得不提佢聽日滷水評判裏面有豆腐、牛肚、腱肉、糖心蛋、菇片！佢嘅糖心蛋滷水得入味之餘，仲蛋香味濃，齒頰留香！滷水菇片少見可以食到嘅口感爽口清甜，特別推介！檸檬薏米水清甜解渴，味道唔太甜，清香嘅檸檬味，香濃嘅薏米味，比平時飲嘅檸檬薏米水更加足料！冷泡茶味道清香不太濃，解渴一流。新年去唔到台灣，食住先都唔過分🤪......#chantaljj荃灣#chantaljj台灣菜 #荃灣美食

星期六1點左右去度，有人龍，但大家食碗麵都好快走，等左20分鐘入得。排隊嘅時候可以睇住menu先-紅燒腱心半筋半肉牛肉麵$84 兩件腱心肉兩件牛筋，腱心肉身幾厚，但咬落依然好軟腍🐰💞略嫌少左d jelly嘅部分。湯底係有藥材味的牛骨湯，伴隨少許豆瓣醬的辣味，辣而不嗆，幾好飲🍜-經典紅燒牛肉麵$80湯底係一樣，有三塊牛腱切片(牛𦟌)，肉質都係軟腍🧏🏻‍♀️但就薄身左d，呢個價錢性價比就低d-兩碗麵都揀左手工麵🥢係粗身寬麵，面積大而且有厚度。條麵淥得唔夠，有d硬，吸收唔到湯又好難成條麵掛湯，食落好寡😣如果想食得濃味d，細麵可能會係更好嘅選擇-鳳梨乳酸特飲$28非常之甜，就算冰溶哂都依然係甜到嘔-店員服務態度良好，雖然人流多，但都無做到暴躁。

去行Donki 肚餓，經過如心廣場時見到好多人排隊就試下。排左15分鐘到有位，地方都大。感覺好乾淨。牛肉麵手工口感幾彈牙，牛肉勁足料，個湯底都夠濃味，唔錯。蕃茄都咁大個。雞麵就俾好大隻脾！個湯底我感覺上冇乜味精因為我飲落去都唔覺得口乾。抵食，推薦。（我最後飲晒個湯🤣🤣🤣🤣）豚肉鍋貼好夠肉汁，煎得脆啲啲會仲好，但整體都係好好味。香芋奶茶以為會有香芋粒，有少少失望。我估計叫正常嘅珍珠奶茶會好啲。

過年前最後一個weekend出黎辦下年貨，突然好想食台灣野！搜尋附近食肆竟然見到呢間台灣過江龍段純貞係如心開左分店即試啦～～三寶麵(牛腱心，牛筋，牛肚)牛肚好入味，彈牙牛筋係全筋部位，好夠軟稔，帶點爽口，正重點推介牛腱心！！！質地係超嫩滑，牛味重，油脂味香濃，係超級驚喜麻辣蒜味腱心半筋半腩牛肉麵有幼麵同粗麵揀原來粗麵係手工麵～～我見到隔離枱食先知下次一定要試番！右面都不過不失，有粉麵香，都幾Q彈呢個酸菜係跟麵餐嘅好夠酸好開胃滷水拼盤牛展嫩滑軟稔，完全唔痴牙好好味滷水糖心蛋熟度適中，食到蛋汁香味，正冬瓜薏仁檸檬茶呢杯特飲相當推介薏仁味濃，配以檸檬清甜，超級清新，微甜，解渴消滯酸梅湯酸酸甜甜，提神醒胃，唔錯

食厭左愉景新城，路德圍同荃灣廣場之後，近期小金繼續向住荃灣西站一路殺(食)入去🗡🗡🗡今次唔講海之戀，講間近小小嘅-位於如心廣場一期嘅新餐廳，亦係台灣過江龍嘅段純貞🎉🎉🎉紅油抄手$48🥟咬落好足料，好滿足嘅口感😚幾juicy但唔太辣滷水拼盤$78🍱(有牛肚，牛𦟌，滷蛋，豆干，同雞脾菇)牛肚超級正，勁juicy。牛𦟌好稔。豆干亦好入味。滷蛋不過不失啦。唯一要彈嘅就係係菇，真係硬過我條命😭呀姐我食到牙痛，我啲牙都幾貴下，所以我試左一舊就放棄左🤐但整體係入味，juicy同性價比高嘅👍🏻珍珠奶茶$26🧋叫左少甜之後都覺得可以再少甜啲😂茶味幾濃，係幾好飲嘅😋紅豆奶茶$26🥤朋友話嗌左少甜之後味道唔錯嘅下次餓啲先再佢地主打嘅牛肉麵😛

在荃灣辦完事搜一下看到這家新餐廳，店員有禮，聞到香味就進去吃了。朋友點的三寶麵（$88）有腱心、牛肚及牛筋，選了手工麵，朋友大讚湯濃郁，全部配料都很入味，說很久沒有在香港吃過這麼好吃的牛肉麵呢！紅燒腱心半筋半肉牛肉麵（$84）相對辣一點，但其實也就是非常的溫和，味道濃郁，腱心軟腍入味卻一點也不鬆散，太好吃了！整碗輕易KO！香麻醬涼拌豆腐（$48）屬濃味小吃，有很多豆芽，口感豐富，不過相對地沒有牛肉麵那麼驚艷。秘制酸梅湯（$28）酸酸甜甜，桂圓蜂蜜薑母茶（$28）感覺養生又足料，都好喝！