段純貞牛肉麵XChatime (如心廣場一期)

营业中

休息中

過江龍系列–段純貞💚近年過江龍食店大行其道🧐今次又一新作🇹🇼主打台灣牛肉麵據經理暗示🤫CWB好快會有分店------------------------------環境: 剛剛開張既新店裝修新淨👍🏼環境淨潔座位用料氣派🤑坐得好舒服------------------------------食物: 紅燒腱心半筋半肉麵($84)🍜湯底比想像中既淡😦香味亦唔算強基本上感受唔到餐牌形容微辣🥴牛肉牛筋份量唔錯🥩件件都大舊肥瘦都好均勻😋肥多小小就更好麵(幼麵)完全過哂時☹️淋到似麵糊口感非常差🤐大大扣分燉濃湯雞麵($78)🍜湯底清淡,未去到濃雞既感覺大大隻雞脾🍗啖啖肉成碗麵比較清淡😅突出雞既雪藏味麵(手工麵)一樣偏淋身🤐紅油抄手($48)👍🏼比主食出色,個醬汁非常好味辣度岩岩好🌶️皮薄涵多醬炒青菜($48)味道正常😥份量太小------------------------------服務: 店員好好人咁安排坐係附近👨‍👩‍👧‍👦態度都好好😃不過比較多甩溜岩岩新開張👌🏼未係好熟手------------------------------環境: 7 /10食物: 5 /10服務: 5.5 /10

今日終於試到係荃灣如心廣埸開張左幾個月既台灣餐廳，係門口排左大約十分鐘就有位了!我地試左同，簡左幼麵好有咬口感，一黎到已經聞到有好香濃既牛肉湯味道，先試一口湯，有多種香料既味道，我估有花椒、八角、丁香等等，雖然濃郁但又唔會咸，係真材實料!牛肉好稔好大舊，完全唔會有渣，牛筋好軟入口即溶，好有膠質!比想像中大份量，色澤好靚，炸到金黃色夠曬脆，食落都無千年油既味道，相對平時食到既無咁咸，可以食到雞肉既香味。係用一個玻璃樽上，好有特色!茶味清新唔算好濃，食完啖鹽酥雞飲啖茶就岩岩好!都唔會太甜，亦都係走清新路線，食物水準高，店員親切友善，環境舒適，仲有好多特別既裝飾品，係一間走高尚路線的台灣餐廳，值得支持!!

段純真都開左好一段時間次次經過都係大排長龍今日見唔係好多人排就去食點左個紅燒牛肉麵 要手工麵牛展好林個湯 聞落有少少藥材味不過食落又唔覺個湯 真係幾好味架不過麵嘅份量就少左d我叫手工麵好似得幾條咁幾啖就食晒如果有得加底就好啦

因為疫情關係 我今次選擇了以外賣形式吃牛肉麵上一次我吃的時候是堂食 體驗非常好環境非常潔淨服務也非常好所以今次我也擔心外賣質素會變差 因為我會很害怕食物的溫度和質素會因此而有影響不過今次外賣的質素也非常好食物的溫度很夠熱牛肉麵和湯底也是分開擺放 所以麵質沒有任何影響紅油抄手也是很好味 皮夠薄 醬汁也很濃味 不過我認為質素沒有牛肉麵那麼高 可以有改善空間而且正當我等待外賣時 即使有很多人等外賣 但等待外賣的時間也很快 所以體驗也很好

過左開店熱潮呢間人氣店舖仍然非常熱門😍我地12:30等都等左有25分鐘到！而入面裝修十分有弄堂風味 食野都格外有feel兩碗麵到都會伴隨著一小碟酸菜 我地都覺得偏甜 不過浸落牛肉湯入面就好有滋味！🍜招牌紅燒腱心牛肉麵💰84同三寶麵唔同之處就係呢碗麵只係得腱心！而兩碗麵都有一條好大棵嘅菜🤣腱心有小小牛筋係入面同時肉係可以一條條撕落來 夠曬軟淋😉整體成碗湯偏黑 可能係豉油配方！🍜三寶麵 （腱心、 牛肚、牛筋）💰92有三種牛配料嘅牛肉麵口感會更加豐富！牛肚可以話浸到好淋好入味 牛筋我冇食到但係媽媽話唔錯🧋抹茶珍珠奶茶💰32叫左少冰都係覺得好多冰粒 而且一開始飲一啖覺得超甜 好後悔冇叫到少甜😥但係抹茶味都好出 珍珠同春水堂似似地偏細 好煙韌！冰融左D之後就覺得冇特別偏甜 但係仍然係超出正常範圍🤣推薦大家飲少甜！整體來講個坐位我地好滿意！面對著一塊隔板而且又特別有懷舊風味嘅裝修食飯都特別舒服😙

餐廳整體環境舒適，而員工的服務態度亦友善食物味道比上次有所改善但是仍有不足之處麻蒜湯底夠麻辣，但蒜味不濃，湯底亦十分多辣油，太過油膩原味湯底則有改善，上次來食的時候，湯底都淡而無味，而這次味道則鮮味更出而非如上次的淡而無味牛肉則肉質不錯，但依舊牛味不夠濃，比較淡味細麵夠彈牙，而手工麵則能夠掛湯，可惜油比較多導致麵都掛油居多，粗度則太厚，頗影響口感整體而言比上次來有大幅改善，期待下次再食可以再改善更多

第二次光顧，員工服務依然良好，是次外賣要求麵食不用分湯，員工細心解釋為保持麵條質感，堅持分湯。感覺對食品質素有要求。雖然因我外賣只在停車場進食最終波有分湯，但員工細心的解釋亦令我感到餐廳對食物的要求。但當進食時，感到大失所望，麵條質地依屬中上質素，酸菜為上品。但湯底令人感到失望，原品湯底味道清淡，感覺像鹽水。麻辣蒜味湯底還好，但兩個湯底吃完均感非常口渴。最為失望是紅油抄手，內餡若不是太碎就是太多粉，豪無抄手的質感，像吃粉圑，感覺餐廳水準不平均，出品亦不穩定。

整體而言，服務體驗良好，但食物出品有待改善，食物溫度非常夠熱，麵條質感良好，筋肉亦不錯，但湯底需要改善，因為飲過湯底後非常口渴，但藥材風味偏淡。有待改進。湯會分開包裝，湯份量亦不會太少。而且真的很熱，即使同麵混埋一齊亦完全唔會凍，不過我都只係過左五分鐘已經食份外賣。鹽酥雞亦需改善，雞塊過大，味鹽不夠。外賣包裝穩妥，感覺到是有心思準備的器皿。我認為最需要改進的是湯底。飲後好口渴但味道又不算香濃。眼看餐廳內部坐位亦算寬闊。

之前每一次都食外賣，今次終於都食到堂食la😆今次叫左滷水拼盤同原味牛肉麵試試佢😋滷水拼盤入面既蛋同豆乾都非常入味，五會太鹹，絕對食得過😋平時就食開紅燒牛肉麵，今次就一於試佢個原味牛肉麵仲配左細麵添😝牛肉都keep住有水準👍🏻，細麵好入味，個湯都好濃，怕紅燒牛肉麵辣既朋友就可以叫原味牛肉麵食la🥰一樣甘好味架😍

早在一月我跟車爸爸已經來了這間台灣過江龍段純貞朝聖，吃不到牛肉的我反而是為了這兒的雞麵而來！這天幸運地我們等了約10分鐘已經可以入座，還未試的朋友可以考慮在平日約12點來，應該不需排長龍便可以吃到！安座後看看餐牌我們很快已經選擇到今日要吃什麼，尤其是我見了食友Anthony介紹的雞麵已經蠢蠢欲動要來嘗試，所以我目標明確所以不作他選！！下單後不消一會我們的麵食亦已上檯了，看那吸引的賣相口水已流了我唔客氣要開動喇！車爸爸選了紅燒腱心半筋半肉牛肉麵＄84，湯頭香濃惹味在微辣中滲出香氣不錯不錯！牛肉麵還跟上爽口的的醃菜，配合濃香湯底一起品嚐能帶出一絲清爽！腱心我無緣品嚐了但我倒試了一件牛筋，炆得軟綿又煙韌而且非常之入味十分合我胃口呢！而紅燒腱心也得到車爸爸的歡心，據聞肉質富彈性之餘又夠淋身，味道比牛筋更加入味呢！車爸爸選了細麵吃下咬口也挺佳，伴隨濃郁的湯底共嚐很是和味喔！而我則是為了這碗燉濃湯雞手工麵＄78慕名而來，看見那黃油雞的色澤已教我十分興奮又期待。呷一口燉濃湯味道香醇鮮甜天然，最重要吃罷絕沒有口渴的感覺很讚耶！！雞髀肉質更是皮爽肉嫩又Juicy而且富有雞的鮮味，我認為這一碗雞麵已經對得

荃灣真係有好多好嘢食，台灣新竹市最人氣嘅牛肉麵餐廳 「段純貞牛肉麵」都揀係荃灣如心廣場開首家香港分店，今日瘦編就去咗試吓。😋-首先叫咗個牛肉三寶麵，香港店沿用台灣總店秘方製作所有麵食，包括最正嘅牛肉麵牛骨湯底。牛肉湯底有明顯嘅花椒香氣，有少少辣度，但好少only，味道好濃郁，少少偏鹹。三寶包括牛肚、牛腱心同牛筋。牛肚炆到好軟滑，越嚼越香。牛筋都好好食，煙韌度岩岩好！🐮-另外唔想全部都食牛，都可以試吓燉濃湯雞湯。個雞湯本身濃而不膩，望落乳白色，好吸引，望落都好滋補，仲有大大隻雞髀，肉質鮮嫩，好大件。小吃方面叫咗個滷水拼盤有牛肚、牛腱、滷蛋、豆腐乾及杏鮑菇，全部都好口味，好有水準。😍-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 段純貞牛肉麵 (荃灣)📍 荃灣楊屋道8號如心廣場1期1樓105-107號舖

我知台灣呢間已有十多間分店的人氣牛肉麵店，段純貞過江龍到了香港啦！我去了幫襯了，最使我感動的是味道和台灣食到是一樣的！水準甚高呢！我最愛招牌紅燒腱心牛肉麵，特別採用了腱心肉，長時間烹煮出來又軟又濃香牛肉味，聽說每隻牛只有五碗份量腱心牛肉比較珍貴，半筋半肉的口感一流！而我都欣賞牛肉麵湯底選用牛大骨和23種中藥材慢火細燉下出爐！配上手工麵味道真好！還有鮮雞手工麵、紅油抄手、藍莓乳酸特飲和冬瓜檸檬薏米特飲等都是充滿台灣特色，噢使我又再一次滿滿的掛念台灣了！段純貞牛肉麵 荃灣分店：荃灣楊屋道8號如心廣場1期1樓105-107號舖

經過荃灣，突然好想食台灣嘢，醒起有呢間段純貞牛肉麵，就又嚟食個晏啦。1點7去到門口，都仲係一堆人排緊，問返職員先知道，原來要係跟規定坐得一半位，變左有枱都唔放得人，咁無計唯有等一陣啦。好彩都算快，等左十幾分鐘就入得，唔想等太耐下次真係要早D嚟。排緊隊嗰時，已經見到門口嗰Menu有D變化，精簡左少少，變成主食只有賣麵類，上次見到唯一既炒飯冇左(本身想點嚟試下)今次就想嗌D熱門以外既，一開始點拌麵，結果話要過兩日先有，紅燒湯底上次又試左，咁就叫另一個推介既燉濃湯雞麵。問左員工呢個配細麵好，就跟佢嚟嗌，點知最大驚喜係到嘢食好快上枱，都有跟一小碟酸菜開胃，先試湯底，相當鮮甜既雞湯，亦都做得好清，麵底掛湯效果幾好，結果食埋我連湯都飲晒。一碗會跟一件雞件同一隻雞脾，都煮得幾嫩，不過比起牛肉麵既肉量就少DD。台灣菜緊係要嗌返嗰常見小食，鹽酥雞啦。份量唔嘢少，有8大塊，炸得外脆內軟，夠Juicy，調味都夠正宗。飲品就叫左金橘蜂蜜綠茶上枱就一壺跟隻杯咁上，一壺可以斟到兩杯，茶味啱啱好，唔會太澀，金橘味都好出，反而係蜂蜜味淡左D。

好少去荃灣，經過如心廣場見到段純貞排排好長龍，感覺應該幾好味；加上好耐無去台灣旅行😭😭好掛住台灣野食，於是就試下啦。雖然好長龍，前面有大約20個人，但排左15分鐘就有位，侍應好快亦安排我地入座，都算快。如果有得派籌就好喇，咁我可以把握時間去行街街🤣🤣總體黎說，味道好好，啲餸好足料，手工麵滑得黎夠彈牙，不過麵的份量偏少，男朋友食完唔夠飽。但荃灣仲有咁多美食，當留肚食下午茶☺️另外，珍珠奶茶同仙草奶茶好好飲，好夠茶味🤩值得一試！

经过如心广场，看到段纯贞牛肉面多人排队。今天刻意带老婆来试试。点了一个招牌三宝幼面和一个麻辣牛腱手工面。首先说说麻辣手工面，这个面是完全不及格的。一碗面最基本是温度够热。连热度都不够，导致手工面粘在一起。这是非常失败的。手工面和刀削面都是面条下热水锅煮，煮好马上上枱，才不会面条粘在一起。可是这碗面明显是预先煮好加上麻辣汤就上枱。面条粘在一起。要用筷子把面条一条一条分开。在沙嘴道吃一碗22块的牛腩面也不会这样。再说这个麻辣汤底，说老板是四川人，我看四川人的脸都给这个麻辣汤丢光了。麻辣汤味道好坏当然跟温度有莫大关系。先不说温度，光是汤底的粘度，油份和麻子。完全没有麻辣的香味，麻的口感一点也没有更不要说辣了。再说说牛腱，牛腱焖得算是很冧。粘牙度是零。完全不粘牙的牛腱哪有牛肉的趙头。更不用说有肉汁和香味了。另外一碗三宝幼面。算是勉强可以接受。同样是不够热。可能幼面比较容易吸热。没有手工面粘成一块的现象。牛肚也是过冧，没有爽口弹牙的感觉。牛肚也是基本功了。所有牛根牛肚牛腱放在一起煮。这是不成的。牛的不同部位。煮的时间长短都不一样。汤汁算是可以。不太咸。但是香味也不是很突出。服务环境算是不错的。肚