好彩都算快，等左十幾分鐘就入得，唔想等太耐下次真係要早D嚟。
排緊隊嗰時，已經見到門口嗰Menu有D變化，精簡左少少，變成主食只有賣麵類，上次見到唯一既炒飯冇左(本身想點嚟試下)
今次就想嗌D熱門以外既，一開始點拌麵，結果話要過兩日先有，紅燒湯底上次又試左，咁就叫另一個推介既燉濃湯雞麵。
問左員工呢個配細麵好，就跟佢嚟嗌，點知最大驚喜係到
嘢食好快上枱，都有跟一小碟酸菜開胃，先試湯底，相當鮮甜既雞湯，亦都做得好清，麵底掛湯效果幾好，結果食埋我連湯都飲晒。
一碗會跟一件雞件同一隻雞脾，都煮得幾嫩，不過比起牛肉麵既肉量就少DD。
台灣菜緊係要嗌返嗰常見小食，鹽酥雞啦。
份量唔嘢少，有8大塊，炸得外脆內軟，夠Juicy，調味都夠正宗。
飲品就叫左金橘蜂蜜綠茶
上枱就一壺跟隻杯咁上，一壺可以斟到兩杯，茶味啱啱好，唔會太澀，金橘味都好出，反而係蜂蜜味淡左D。
