歷山餐廳

营业中

休息中

第一次來到歷山酒店食自助晚餐，一入內就見到歐陸宮廷風既裝潢，樓底頗高，位置寬敞，適合同家人朋友聚餐。近期推出海鮮盛宴有「買2送1」優惠，圍返都係$550/位 ，幾抵，快啲睇下我有咩推薦啦！🤍回本菜推薦新鮮生蠔：當日係愛爾蘭同美國生蠔，肥美飽滿，新鮮帶海水味🤩鱈場蟹腳：肉質鮮甜飽滿 刺身：當日有帶子、牡丹蝦、油甘魚、吞拿魚、赤貝等 都幾新鮮皇帝蟹芝士通粉：濃郁芝士掛滿通粉 蟹肉頗鮮甜皇帝蟹茶碗蒸：嫩滑蒸蛋，餡料豐富奶油焗卡邦尼鮑魚：幾特別嘅款式 香濃奶油味，搭配鮑魚又幾夾鮑魚海鮮粥：鮮甜海鮮粥，啱晒食完冷盤暖一暖胃羊肚菌花膠響螺燉雞湯：特別推薦呢個湯，我飲咗兩碗，滋補養生，味道鮮美。慢燒美國頂級西冷牛扒：切開肉質鮮嫩，肉味幾濃郁，可encore!Movenpick雪糕： 有六款口味 相比其他自助餐都幾多款 和風松葉蟹蓋炒飯：入面釀左蟹膏 連埋沙律醬撈飯好香避風塘炒皇帝蟹及軟殼蟹： 賣相吸引 ，炒得好惹味蟹皇粉絲蒸蟶子：鮮美的肉質，粉絲吸滿蟹皇醬😋香煎鴨肝：即場香煎，入口即化，好邪惡！👏🏻包括無限暢飲精選紅酒、白酒、啤酒、汽水、果汁

歷山餐廳的自助餐, 在開將不久已經可以說是負評如潮, 除了食物的質素和價錢不成正比外, 金碧輝煌的餐廳裝修用色也是復古得來格調比較低, 甚至有人說連茶餐廳也不如, 連負責人也會說改善和更換團隊, 經過一段時間後, 來吃這裏的半自助午餐, 質素還可以, 至少不是之前批評的一文不值. 半自助餐的主菜出奇地有酸菜魚, 角肉的份量不少, 而且肉身厚實, 不會一夾就散, 酸菜沒有刺鼻的餲味, 酸度和辣度中規中矩, 就是可以不太難受地飽肚的質素.西冷牛扒肉質和肉汁出奇地好, 加上表面深刻的烤紋, 借俾處理自助餐菜式更花時間和心思, 薯條香脆, 整體同樣合格. 當然半自助餐的頭盤相對較少, 但如果純粹用來為午餐中加點蔬食, 質素還是勉強可以接受, 再加上甜品的Movenpick原盒雪糕, 功能性OK的.

呢排勁多開心果產品，Kiwi我都順應潮流係炮台山歷山酒店book咗個開心果tea set先唔理好唔好食，酒店裝飾超豪華唯美，佈置金光閃閃加上水晶吊燈盡顯奢華氣派，環境已經加曬分食物方面本身冇乜期望反而好有驚喜，鹹點帶子酥盒同三文魚班戟都好香好出色，甜點西多士啱曬我平民口味，芒果同開心果奶凍口味都幾夾，仲有必食軟心撻同拿破崙，甜度剛好又唔膩鹹點：黑魚子醬鴨肝慕絲泡芙椰香帶子酥盒挪威煙三文魚開心果忌廉芝士班戟炸意大利飯波釀芝士開心果甜點：英式鬆餅配開心果醬及牛油忌廉咖央西多士配開心果醬雜果仁開心果芒果意式奶凍開心果慕絲蛋糕開心果忌廉泡芙開心果軟心撻開心果拿破崙除咗送紅、白酒、氣泡酒或香桃梳打一杯，仲有無限添飲即磨咖啡或自選茗茶價錢方面原價$468兩位，如果經agent平台訂平日$400都唔使真係勁抵

老婆大人最鍾意食海鮮！如果淨係我哋兩條友食嘅話一嚟唔食得多二嚟都好重皮下㗎！醒目嘅我梗係搵可以無限任食海鮮自助餐就最啱合尺。搵咗呢間我第一次嚟嘅歷山酒店，佢嘅CAFÉ A呢期做蟹同鮑魚主題價錢超級抵食，我喺酒店嘅網上訂枱俾埋錢就有七折連埋加一折實都係$550位，可以食足三個鐘真係好嘆㗎。行到酒店大堂估唔到咁金碧輝煌，感覺好瑰麗啱晒啲靚女喺度打卡。呢間就係CAFÉ A歷山餐廳地方唔算好大，但係食嘅選擇都幾多同埋好啱我胃口。一入到餐廳就見到呢個甜品櫃入面擺滿咗蛋糕甜品！有栗子忌廉蛋糕、藍莓芝士蛋糕、抹茶戚風蛋糕、抹茶栗子慕絲蛋糕、彩虹啫喱、抹茶牛奶布甸、栗子木糠布甸、柚子啫喱同埋楊枝甘露布甸，淨係呢個櫃已經鬼咁多嘢揀。最令我感興趣嘅就係呢個抹茶蛋糕同埋楊枝甘露布甸，老婆大人一眼就昅中個栗子忌廉蛋糕，相信今晚嘅甜品時間應該會腥風血雨哈哈。唔好以為剩係得個櫃行入啲仲有好多甜品！好似有即製㕴窩夫、焦糖燉蛋、芒果拿破崙、蛋撻、自助班戟機、麵包布甸、糖果曲奇、椰汁西米露同埋新鮮切件生果。雪糕佢哋係用Mövenpick都有五隻味揀㗎！有士多啤梨、椰子、咖啡、雲呢拿同埋朱古力味。男士們最鍾意嘅生蠔一樣有

海鮮迷喜訊🥳🥳Hotel Alexandra Hong Kong歷山酒店✨CAFÉ A✨全新推出「蟹逅· 鮑魚海鮮盛宴」之海鮮主題自助晚餐💕有齊阿拉斯加皇帝蟹、鮑魚、即開生蠔等🤩🤩加上蟹粉、蟹黃、蟹肉及各式海鮮，真係諗起都流口水‼️‼️今晚可以同好友們大刷一餐，超滿足😚🔥🔹冷盤前菜👉🏻芝士拼盤有多款唔同嘅芝士，各具特色～無論係濃郁藍芝士、香滑車打芝士，甚至係細膩瑞士芝士都有，每一款都好吸引！👉🏻凍肉方面，有巴馬火腿配蜜瓜、煙三文魚、雜凍肉拼盤等，味道鮮美，肉質嫩滑，搭配芝士一齊食，口感層次更加豐富。呢個冷盤好岩做開胃前菜，仲非常適合同朋友開心分享～🔹即開生蠔有美國同愛爾蘭生蠔可以選擇，無論係生蠔迷定初試者，絕對可以盡情享受～👉🏻美國生蠔肉質飽滿，口感Creamy，味道較為濃郁；👉🏻愛爾蘭生蠔則更加清爽，帶有淡淡海水味，回味悠長，絕對係生蠔愛好者嘅天堂！🔹刺身刺身方面嘅選擇非常豐富，有吞拿魚、三文魚、帶子、紅蝦、油甘魚、赤貝等等，每一款都係新鮮得令人驚喜！👉🏻紅蝦肉質鮮甜、帶子滑嫩、吞拿魚鮮味十足～每一片刺身都切得好精緻，展現出廚師嘅用心！此外，仲有👉🏻各式壽司同卷物可以選擇，無論係經典壽司

大家應該都知道我是一個不折不扣的海鮮迷！尤其是螃蟹跟我像有仇般碰面便要幹掉它，好友約飯聚提議去吃海鮮主題的自助餐，可以慢慢傾慢慢食我當然舉腳贊成啦。餐廳是位於Hotel Alexandra Hong Kong歷山酒店的CAFÉ A，之前已經在此品嚐過CP值超高的下午茶，今次再來吃自助晚餐不知是否同樣有驚喜呢。到步後再次忍不住在這金碧輝煌的大堂拍一張美照。CAFÉ A剛於10月才推出這個「蟹逅· 鮑魚海鮮盛宴」自助晚餐！以阿拉斯加皇帝蟹、鮑魚、蟹粉、蟹黃、蟹肉及各式海鮮作招徠，光是這個陣容已經非常合我胃口了。甫踏進餐廳便見到甜品櫃！內裏放滿多款精緻的蛋糕甜點，當中有栗子忌廉蛋糕、藍莓芝士蛋糕、抹茶戚風蛋糕、抹茶栗子慕絲蛋糕、彩虹啫喱、抹茶牛奶布甸、栗子木糠布甸、柚子啫喱及楊枝甘露布甸等。甜品櫃後面是現場即製的窩夫檔，緊接著還有焦糖燉蛋、芒果拿破崙、蛋撻、自助班戟機、麵包布甸、糖果曲奇、椰汁西米露及多款新鮮水果。自助餐供應雪糕迷非常愛戴的品牌Mövenpick，總共有五款口味包括士多啤梨、椰子、咖啡、雲呢拿及朱古力雪糕，當中的椰子口味真是坊間少有。吃自助餐有即開生蠔當然是最開心，而且有美國

無可否認，一大班人約食飯，吃自助餐係最適合，唔使擔心這個那個口味，又不用等來等去，食住等就最好。是日朋友揀的歷山酒店，我從來未去過，有興趣去見識下。聽朋友說酒店唔易搵，其實只要在炮台山B出品上天橋，一路跟著指示就可以。酒店處處是打卡位，影相呃like無難度。今題餐廳做緊蟹和鮑魚海鮮主題，出去兜個圈，的確盡是海鮮蹤影。凍海鮮是基本，鱈場蟹腳、凍蝦、青口及翡翠螺等，自然不會缺少。最受港人歡迎的，毫無疑問係生蠔，每次可拎三隻，後生既我一定會走幾轉食足一打，不過今時今日既年紀，三隻已足夠，還要預留食力予其他美食呀！幾款Cold Cut，海鮮沙律，泰式無骨鳳爪可作間場，小驚喜是遇上阿枝竹，朋友連吃幾轉。這裡的熱食比我想像中豐富得多，西式的皇帝蟹芝士通粉、奶油焗卡邦尼鮑魚等都是坊間較少見的款式，師傅是花過心思的。中式既蒸魚做得很好，肉質嫩滑，而且是有補貨，唔會話慢一步就只能吃魚骨魚頭。鵝掌與及蝦籽柚皮都是皆屬自助餐的稀客，其中蝦籽柚皮，我是第一次在Buffet桌上見到，仲要好有水準，大家記緊要試。仲有自助餐必備的燒牛肉、羊架，呢度更加有叉燒，吃中吃西悉隨尊便。燒烤項目還有串燒牛肉、大蝦、雞翼，同埋

也有一段日子沒有吃自助餐了，難得好友相約，便找到這間位於炮台山地鐵站附近的「歷山餐廳」，內部裝修非常華麗，樓底高，帶有歐洲宮廷式的設計，尤其是進入酒店的大堂，更是令人眼前一亮！🤩原來現在正推出這個「蟹逅· 鮑魚海鮮盛宴」，價錢非常超值，兩位預付費成人可享7折優惠、兩位成人帶一位11歳以下小童，小童則可免費享用 及 生日買五送一優惠。網上訂位：bit.ly/蟹逅鮑魚海鮮盛宴最重要這盛宴包含大量蟹肉及鮑魚的菜式，有避風塘炒皇帝蟹、軟殼蟹、蟹皇粉絲蒸蟶子、蟹粉鮑魚海鮮粥、皇帝蟹茶碗蒸、南瓜蟹粉素翅羹、鱈場蟹腳、奶油焗卡邦尼鮑魚、皇帝蟹芝士通粉、蟹肉伊麵 和 風松葉蟹蓋炒飯，最喜歡當中的海鮮粥、茶碗蒸、鱈場蟹腳；菜式以不同方式烹調，帶出不一樣的口感和滋味，當然肉質新鮮，自然特別好味。🤔其它熱葷還有香煎鴨肝、實雲酥焗羊架、西班牙黑毛豬叉燒、慢燒美國頂級西冷牛扒、燒排骨、印式咖喱牛、泰式香茅海鱸魚、黑松露薯蓉、羊肚菌花膠響螺燉雞湯、蝦子柚皮、黑醋咕嚕肉、避風塘炒雙蟹、鮑魚汁扣鴨掌、清蒸沙巴龍躉、蘑菇忌廉湯、 串燒蝦、豬、牛雞翼及燒菠蘿，喜歡喝湯的我，總共飲了三大碗燉雞湯，超級滿足！😋冷盤有鮑魚牛油

今次去咗位於炮台山嘅歷山酒店下午茶，酒店位置好便利，離炮台山地鐵站只需3分鐘步程❣️酒店設計以歐式宮廷風，感覺華麗有氣派😍大堂同餐廳環境好靚 打卡一流🥰清涼蜜語下午茶套餐 HKS 468（兩位用）鹹點💗SAVOURIES✨炸杏片雞翼釀荔枝✨煙三文魚泡芙配三文魚子熱情果忌廉芝士✨香煎帶子椰香菠蘿啫喱✨無花果鴨肝慕絲脆香牛角酥✨鮮蝦春卷青檸醬鹹點方面我自己覺得無花果鴨肝慕絲脆香牛角酥幾有驚喜😍牛角酥外脆內軟，上面加咗鵝肝慕絲口感柔滑，配搭無花果嘅清甜味道，中和左鵝肝膩感，味道好夾🥰甜點💗SWEETS✨英式鬆餅配橘子果醬及牛油忌廉✨熱情果意式奶凍✨神石榴慕絲蛋糕✨菠蘿瑪德蓮蛋糕✨桂花荔枝水信玄餅✨芒果拿破崙甜點方面我最喜歡芒果拿破崙🥭香脆嘅酥皮，中間夾住香滑雲呢拿吉士，酥皮上再放上微酸嘅新鮮芒果肉🥭中和甜膩食落香甜酥脆而不膩❤️▪️咖啡☕️或自選茗茶🍵及指定精選紅/白酒/ 氣泡酒/ 香桃梳打兩杯下午茶套餐性價比好高😍今次呢個下午茶仲用咗幾款水果入饌，有助水潤皮膚😍而且食物賣相精緻，味道仲唔錯❣️飲品方面選擇都幾多☺️ 茗茶仲可以無限refill 餐廳環境好靚好舒服🫶🏻好啱同閨蜜或者朋友嚟聚會打卡當日仲見

幾年前試過歷山酒店嘅下午茶，當時覺得味道一般🥹 但其實一直都俾佢宮廷風嘅靚靚環境吸引住😍 最近知道佢哋換咗大廚，所以再去食，味道真係比以前好味左👍🏻「清涼蜜語」下午茶 🫖 （週末$468+10%for 2，仲有八折🫶🏻）鹹點✨炸杏片雞翼釀荔枝✨煙三文魚泡芙配三文魚子熱情果忌廉芝士✨香煎帶子椰香菠蘿啫哩✨無花果鴨肝慕絲脆香牛角酥✨鮮蝦春卷配青檸醬大部份嘅鹹點都好好食，我自己就最鍾意無花果鴨肝慕絲脆香牛角酥，濃郁嘅鵝肝鹹香味配上香酥嘅牛角包❤️甜點✨英式鬆餅配橘子果醬及牛油忌廉✨熱情果意式奶凍✨神石榴慕斯蛋糕✨ 菠蘿瑪德蓮蛋糕✨桂花荔枝水信玄餅✨芒果拿破崙而甜點我就最鍾意芒果拿破崙，層層香脆嘅拿拿破崙配上香滑嘅吉士🥰飲品香桃梳打茶/咖啡嗰餐仲包咗兩杯飲品，其中一杯就係香桃梳打，顏色好靚，裏邊仲有粒粒嘅生果肉，好啱夏天飲❤️

首次踏足這趟下午茶的酒店給我的感覺像去了秘密花園一樣，在那兒享受午後時光真的非常愜意，加上絕美的性價比真的沒辦法不叫好。這天嘆下午茶的地點正是位於Hotel Alexandra Hong Kong 歷山酒店內的CAFÉ A歷山餐廳。餐廳以維多利亞宮廷風示人內裏還有璀璨耀目的水晶吊燈，奢華中的雅緻裝潢傾刻迷惑了我的眼睛。於綠意盅然的環境包圍下享用這清涼蜜語下午茶套餐，身心也得到慰藉實在太寫意了吧。品嚐下午茶的同時可於紅酒、白酒、氣泡酒及香桃梳打中選上一杯來享用，好友喜歡午後微醺感覺所以選來氣泡酒陶醉一番。身體剛好痊愈的我則選了香桃梳打，口感清爽迷人而且不過甜喝得身心舒暢。率先品嚐五款美味的鹹點，每件也非常有份量吃罷真的可以省去晚餐。香煎帶子口感彈牙味道鮮美，以椰香菠蘿啫喱來襯托來突出海鮮的迷人香氣。煙三文魚泡芙配三文魚子熱情果忌廉芝士！煙靭的泡芙內放滿了鹹鮮的親子三文魚，吃下有脆卜卜亦有香軟的口感，加上酸酸甜甜的熱情果忌廉芝士味道出色吃得出師傅的心思。無花果鴨肝慕絲脆香牛角酥充滿口感！酥香有質感的鴨肝慕絲味道香濃，配襯香口的Croffle味道吸引。最後兩件鹹點也是滋味之作！熱騰騰新鮮炸出