武館 (已結業)

之前同老公anniversary去武館食過一次, 真係超好食, 加上鋪頭細細由武師傅一手包辦好有人情味, 所以決定搵晚包場同朋友盡慶一晚.良朋相聚開左好多支sake, 武師博雖然個人唔係好鍾意笑, 但都同我地一齊飲埋一份一齊吹水呢, 呢種人情味真係香港好少見.食完呢餐朋友都話好正, 無介紹錯.唔計酒錢就千幾蚊一個人啦, 唔平架, 但出去食餐好少少既都要呢個價錢, 尤其是食omakase, 貴唔緊要, 最重要既係係武館食得開心食得值, 食材有質素.

非常有質素的Omakase❤️❤️看得出武師傅很用心製作，很專注地為食客製作每樣食材，堅持為每個食客提供最新鮮有質素既食材，而且每款食物都會細心講解，仲要全部都係當日日本空運到港的時令食物，象拔蚌同石垣貝上到台時仲係到郁緊嫁，所有海產都超鮮味，真係食到回味無窮，真心推介。😋😋😋當晚食得好開心，同武師父同一大班食客一齊嘻嘻哈哈，打成一片，仲痴左唔少酒飲😂😂😂，好有氣氛👍🏼👍🏼👍🏼👍🏼餐廳得十令個位，但就係咁樣，大家先可以熱熱鬧鬧一齊大吃，一齊大喝，一齊大笑。🤗🤗🤗食完先發覺原來食左3,4個鐘，開心既時間真係過得特別快。☺️☺️食過d 咁好味既海產，會唔會返唔到轉頭食唔到其他野嫁🙈🙈是日廚師發辨 (可能寫少到，因為掛住食😂😂😂）海鰻魚海波蘿松川蝶伊佐木劍魚腩珍寶牡丹蝦深海池魚金木鯛金線魚紫海膽Toro 紫菜卷特別訂左愛知縣象拔蚌美奇蠔沙甸魚山藥北海道鮮帶子壽司石垣貝壽司皮剝魚壽司象拔蚌燒內貝肉壽司特濃魚湯手打烏冬 (用當日的魚骨熬製而成，非常鮮甜）山形縣哈蜜瓜說真的，食左十幾廿樣野，全部係日本唔同地方飛回來，食材咁新鮮，食得咁開心，真係覺得抵到爛

家姐又請食飯啦👍🏾👍🏾。佢食過多次。成日聽佢講有幾好食幾好食。我同媽咪終於食到啦。鋪頭細細但坐得舒舒服服既。服務都很好。經常留意到我地要唔要加水。老闆都很耐心解說食材。感覺很用心。款式好多。樣樣都新鮮好味。每款菜式食落去都覺得好幸福既感覺。最愛秋都魚刺生 😻😻雖然細細碟。但大食既我都覺得好飽🤤🤤🤤又會關心我地夠唔夠飽。最後個烏冬就算幾飽都一定要食。因為堅好食。飯後還一起飯酒吹吹水。期待下次再來😸😸

第一次食Omakase，靜心等候廚師用心的製作。與身邊人邊傾邊吃，慢慢暢談同時感受食物的美味，在繁忙的生活可以放鬆下，拾回久違的恬靜。 刺身新鮮、爽口，簡直讓味蕾飄上雲端，每吃一道菜，都滿足地與友人對望而笑。 武哥還會細心地用中文及日文介紹每道菜，更關顧每位客人既喜好同感受。順帶一提，武哥知道友人不吃魚皮，細心地為他起魚皮。食物既美味加上貼心的服務，讓我們渡過了開心的生日晚飯。 P.S. 武哥問我有無怕網上既負評，我心裡想: 自己的味蕾才是皇道

Book咗6點左右，p.s.係黎之前係要俾定晒訂金嫁，準時地早到，入到去的第一感覺係，麻雀雖小，但五臟俱全。首先，會有個前菜，普普通通啦。整體壽司同刺身都好新鮮跟住，上咗4款吾同的刺身好怪的味道，食吾慣比起我之前係日本食個d軟身d依個味道麻麻地，友人同我一致認同個帶子都幾大，應該係珍寶新鮮又鮮甜，海膽係唔計起個餐入邊，要另外加錢架。 整體都算滿意多謝你$1200 一set。而原隻海膽係要另外加錢嫁。環境幾乾淨，為一係坐得吾太舒服，太逼啦，出出入入可能要起一起身讓人過

今次第一次幫襯，樣樣都好好食，食返我喺日本食高級刺身的感覺，1200一位另加一廚師發辦餐。不過如果叫酒就另計有我最喜歡的大拖羅及「茅」丹蝦，今次額外柯打了一雙象拔蚌，由於以前食切片多，今次切到一條條好似蝦條咁相當有口感，最後魚湯加了稻庭烏冬，老闆師傅也相當健談，如果唯一要找缺點恐怕是座位比較窄，因小弟肚腩有鄭則士咁大

由開業到而家食左不下五次，每次都覺得無師父盡心盡力照顧客人 ,而且仲可以用大件夾抵食來形容，好多度omakase 1200 set 可能只有十道野食，但次次黎都只少有12/3 道以上。上次生日去仲請我飲sake tim😍

店主態度極差，啲食品又唔乾淨，地方非常細小，連坐既地方都冇，有啲朋友要企住食，絕對唔值過萬蚊埋單，而且上菜太慢！平圴半小時先上一碟，捉捉浪費無地三個鐘！保證永無下次！

這是朋友向我推介的一間食肆，我抱著平常心去一試，結果令我喜出望外。食肆面積不算大，只能容納十一個客人，很像一些家庭式經營的感覺，這樣反而令我感到有親切感。我一面品嚐新鮮的食材，每一款都是可口美味，我覺得要是我在酒店享用，一定要付出多幾倍價錢。除了食材新鮮，招呼周到，地方清潔(包括洗手間)，因為我通常不敢去細間食肆的洗手間。這一晚，我吃得十分滿足和滿意。下次我出外晚膳便多了一個選擇，無論食物和價錢都是物超所值。

食物質素平平，絕對不值過仟的價值.最令人心痛的是吃完飯後數小時，因為食物不㓗，我兩個朋友肚㵼不止要凌晨兩點入港安醫院就醫.真是貼錢買難受！更不值的是店主的傲慢態度！講明包場，為什麼包場的價錢後還要加一服務費？為什麼？男店主還要惡人惡相反問?"邊度吃飯唔洗加一呀"!!!! 大哥，你知什麼是包場嗎？你可以一早說明要加一，我們不會反對，但事後才說要包場總數後加一,就沒道理了！兩人經營的小鋪，最重要留住客人的心，沒有客人，你會有生意嗎？請自我反省！絕對沒下次光顧！

自武館開業以來已經幫襯過無數次 喜歡店既食物新鮮之外 亦喜歡跟老闆飲酒交流下吃喝旅遊心得 武館返既魚除左不時不食 仲每個月有特別既驚喜 例如今次有葉血引 赤羽太 鷹羽鯛 都係外面少見既品種 但都十分新鮮好食今次我地一行四人 加左隻北海道活松葉蟹 $1600 一隻 師傅推薦蟹腳做刺身蟹身用來蒸 隻蟹黎到仲識郁好少食到唔係雪藏既蟹 呢隻好食到喊 好鮮好甜蟹蓋仲要爆膏師傅會上碟前用手拍下每一件貝類既壽司 因為貝仲新鮮 咁樣做會令佢既肌肉收縮 咬落更加爽身

首先，店舖面積太小，太狹窄，完全坐唔落，全部親友要逼住坐，有啲仲要企係度。店舖位置已十分偏僻，要找到的確要花一些時間。主要想講的不是以上，而是男店主態度極之惡劣，成程黑口黑面，說話句句窒住曬。貌似女店主的女人成晚同男店主講悄悄話，極之冇禮貌。本店的食材一般，份量已不多，完全食唔飽，服務態度以及食物質素完全不值此等價錢。另外，又原本說好包場的價錢（不需加一服務費），變成飯後的昂貴加價再加一。如果螢幕前喞你如果考慮緊呢間日本私房菜，懇求大家不要嘗試，此等價錢完全可以在更舒適的地方享用更美味的佳餚，我現在非常的後悔，因此忠告大家不要墮落這個陷阱。呢個係咁多年食日本菜最錯誤喞決定，真係呢一世都冇下次。

環境ok,少少日本feel,師傅夫妻言談親切攪笑,最重要係食物,師傅每落一道刺身,都會介紹原產地,品種名稱及其部位,等你知道食緊咩,讚!食物全部來自日本,新鮮好味,大概十幾樣嘢,最記得d大拖羅,一試難忘,岩蠔肥大,海水味重,珍寶牡丹蝦,真係勁鮮甜,仲有白只,海菠蘿,関伊佐本等等,出面好少食得到,中間有講有笑,又唔會趕住做第2輪,可以慢慢傾,正。

朋友介紹話Omakase好抵食，所以就訂位試下。當日星期一好好彩一打電話就訂到位。唔駛好似出而等幾個月。武館廚師發辦得一個set，$1200一位，算平，最特別之處係set入面刺身為主，食左成廿款野都唔覺頂住個肚，仲可以追加食物（但本人比較大食）。全部都非常新鮮，亦有多款較少見既款式如針魚，鯛魚白子同關伊佐木。特別一提時令既原隻紫海膽同埋生蠔真係極品，食左真係翻唔倒轉頭！加埋黃金粟米做總結，實在完美。

大角咀都有一流壽司店住左係度咁耐先行過博文街見到武館 見到食評吾錯生日就使多小小黎試下 廚師發辦盛惠1200一位 特別推薦大拖羅同埋原隻海膽 拖羅油香好重 加埋紫菜同大葉中和返油利感 正 原隻海膽係日本食過都臭臭地 可能遊客區 估唔到係度食到隻好新鮮好甜 女朋友讚不絕口 另外鯛魚白子都係人生第一次食 女朋友聽到係魚精嚇左一嚇 但試左之後覺得好濃好好食 除左座位吾多其他野都好好 一定會再黎食武師傅手勢