正宗山西刀削麵皇

营业中

休息中

食午餐時間去左荃灣一間正宗山西刀削麵店，可能平日的十二點無甘多人放飯，所以不用排隊，自己喜歡食辣叫咗麻辣牛肚刀削麵，個麻辣汁一般但係刀削麵好煙韌又有 咬口，重好大碗再加多杯豆漿套餐，吾錯！

今晚同朋友出開荃灣，見到有間叫正宗山西刀削麵皇的食店。晚飯時段，都有人龍排隊入座。本人一向是山西刀削麵的喜愛者。就當然要排隊等入座。等了约10分鐘，被编往4人坐位。由於店內地方不大，個人認為坐位好狹窄，坐得不太舒服。店內冷氣也算涼。食完留着汗。麻辣刀削麵套餐。每款$50元。還有多款食物供選擇，包括有牛肉，大肠，豬耳，東坡肉，豬脷，鸭腎和牛腩等，最後叫咗個少辣金錢肚和少辣豬頸肉餐，再配凍奶茶。金錢肚口感幾好，味道都算入味。但份量一般般。豬頸肉也很爽口，幾難忘，味道好食。個人認為少辣都已經很辣了。奶茶尚算冰凍。但奶茶味道一般，算好飲。綜合各方面包括食物質素，味道，價錢及店內環境，個人認為這家食店還是可以接受的。

一個人食晏最好就梗係食番一碗快靚正既蘭州拉麵，今日叫咗碗五香牛展牛肚拉麵，湯底香濃，麵質彈牙，香醇美味! 呢間街坊小店成日都要排長龍，尤其是食飯時間，門口都會有10幾廿人！唔想排隊就應該避開食飯時間啦，間小店喺荃灣值得推介，不過好似加咗價拉麵套餐加杯凍飲要$52

因為住得近，好多時候都會係食飯時間經過呢間嘅時候入黎食，當然，食物嘅質素都係好重要嘅考慮因素啦！我鍾意食呢間嘅刀削麵，因為好煙韌，又有咬口。不過好多時候都多人，未必有位。但湯可能有落味精，次次食完都好口渴～

《正宗山西刀削麵店》 #食在荃灣📍荃灣荃興徑15號地下-🔹麻辣大腸米線 $50 凍飲+$2麻辣大腸係另上 有大量辣椒同蒜頭撈左好多辣椒落碗麵到🤣味道提升🆙大腸煮得幾淋 幾好味👍🏻 難怪我食果時仲有幾枱都有嗌啦除左刀削麵 都可以轉拉麵/米線/年糕都幾多款 有機會可以再試下其他不過個檸茶茶底就唔好飲啦

依間面舖係荃灣都頗有名氣，一試便愛上，成為我其中一個飯堂之一😋😋😋餐廳好快就安排我地入座，但係裏面坐得比較逼。今次我叫左水餃刀削麵，刀削麵真係好彈牙，又唔係好厚，好鍾意個口感👍🏻👍🏻水餃都大大粒，皮薄，餡都好足料，食完成碗真係超飽！朋友就叫咗一碗麻辣豬扒刀削麵，麻辣真係做得好出色👍🏻👍🏻👍🏻讚！佢麻味比較重，唔會得個辣字。所以依碗麵會越食越開胃，正！下次都會叫麻辣系列嘅刀削麵😋😋😋

已經食過好多次，呢間麵店佢個湯底一定要加埋麻辣先正，佢個麻辣係跟埋蒜蓉粒，仲可以叫姐姐添加咖 面有得揀拉麵或刀削麵，刀削麵我嫌佢有啲厚，但係原來聽到隔離枱姐姐可以order 時叫佢批薄啲，(小客嘅時候師傅會幫你做)， 我覺得食拉麵啲湯比較入到麵味啲! 雞翼香濃入味，另一推介係豬耳， 晚飯時候通常有人龍，不過唔好排好耐!!

成日去荃灣大鴻輝食野都會經過呢間刀削麵，今日終於有機會黎試啦😎入到去已經坐滿人，可能因為價錢平民，所以吸引左好多人黎食lunch。坐底即刻二話不說點左呢度既招牌水餃刀削麵😛首先，真係要讚店員好細心，會將葱同麵分開，令人選擇落既份量。刀削麵湯底濃郁，但不會膩，係啱啱好既感覺，終於試到啲麵，爽口彈牙，係口中要咀嚼幾回先食到，要一讚既係友人去完廁所，麵條都冇變淋，食落仍然彈牙😍麵館另一賣點一定是這個😀你可以看到師傅將一條條麵切出，真是賞心悅目😋😋😋

成日過門而不入，今日就去試一下。點左個水餃刀削麵配熱豆漿...有驚喜但都有失望，每樣分開講。首先講湯底，濃郁好味，而且濃得恰到好處，唔會令人覺得膩。再講刀削麵，超令我驚喜！雖然即叫即削要等一段時間，但都係值得！麵極為彈牙爽口，配湯完全一流，而且唔好睇少一碗份量...極為飽肚，我最後係食唔哂...到餃子...哇真係非常失望，皮極厚，厚度同麵麵差唔多，而餡料非常乾好似無肉汁咁，同味道太淡，我每一啖都要加湯先食得落，真係...食完浪費我胃quota。熱豆漿不過不失，很淡的豆味，偏水而淡，到俾我揀我會揀熱檸水。總結而言，麵係好味湯係正，可以一試，但餃子同就唔好啦...

The noodles here are wide and chewy... so satisfying to eat! The meat that comes with it is also good, we got some pork belly and pigs ear to go with our noodles. Pork belly was soft and fatty... a little goes a long way! Pigs ear was crunchy and delicious. Wish they would open a store near where I live so I could also order this on food panda! So good.

刀削麵係即叫即削即煮嫁！見到廚房師傅抱住一大舊麵團削麵條，感覺好正宗、亦都好有誠意，起碼唔係買現成貨黎應付客人。口感超正！每一條都好有咬口，就算浸耐左，刀削麵既質感依然保持有嚼口，唔會因為湯既熱力變淋，非常好！而湯底係較清，冇咩油脂，試左一少啖，味道都唔算太濃郁或油膩，但配麵食就好好味，我真心覺得可以唔洗要餸，直接食一碗清湯刀削麵都好滿足👍🏻清淡既湯底用左蔥同芫茜吊味，夾埋一齊食，好正嫁！下次要記得嗌多蔥多芫茜><刀削麵份量十足，食左好耐都仲有，但因為煙煙韌韌既口感，我都慢慢食曬麻辣手撕雞好油。手撕雞浸係用左大量辣椒油、麻油加醬油整成既醬汁到，吸曬油，每咬一啖手撕雞個口就有一種被油漿住既感覺，個人不喜歡手撕雞冇咩肉味，就算有都比生蒜同辣椒蓋過；因為撕得太細，冇咩口感，但可以食得出肉既質地唔係淋身既，都可以接受。麻辣手撕雞入面拌左青瓜同生蒜，青瓜清新，起解油膩既作用。生蒜令辣勁更強。麻辣醬都幾麻下，唔係我中意既味道。麻辣手撕雞份量適中，因為我麻麻地咁油同辣，所以覺得食極都有。食完仲有口渴既感覺，無下次整體而言，刀削麵有驚喜，餸較失色單就刀削麵評分，我會比五粒星一定會因為刀

晚餐7點已經要排隊，好彩等左唔駛5mins就有位。要有心理準備，多人時間要搭枱。叫左豬軟骨刀削麵($50)，雙拼(豬手豬大腸)刀削麵($50)，跟餐叫連飲品，凍飲加$2。豬軟骨刀削麵一上枱，超級開心，竟然有3件大大件既豬軟骨，再加3件細細地既(係大大件既一半)，佢既細件，已經比食過其他餐廳既大，真心係良心店鋪，用料足，價錢仲要平。豬軟骨炆得入味，唔會"鞋"，而且肉質嫩，有肉有軟骨，軟骨咬落脆卜卜聲。最重要既係，件肉唔會散/碎，因為之前食過某餐廳，竟然俾豬軟骨肉絲/肉碎。鍾意食豬軟骨既朋友，一定要叫。刀削麵由師傅即場削，望住師傅不停削，每條既長度厚度幾乎差唔多，好巧功夫。而且麵條唔會過軟，一碗有好多麵，女仔就一定食唔哂啦，男仔食完實飽。豬大腸亦煮得入味，特別在於，平時食開既豬大腸，個樣已經扁哂，但尼到仍保留住佢既外形，但又唔硬，已經"林"身，大腸亦洗得乾淨。而豬手既量亦有3件，唔會太多肥油，充滿骨膠原。加埋湯底甜甜地，食完唔會口渴。跟餐有飲品，熱豆漿係真係熱，食哂d麵先飲，都係熱，好值得讚，冬天飲一流。整體，雖然要搭枱，不過空間都ok，亦唔會趕你埋單，服務友善。

一點度係附近似乎得依間排晒隊 好彩都入得快只係等左五分鐘度 有辣有唔辣有湯有撈 餸款都多到揀好奈點左一加湯麵加底同一份煎餃小籠包 兩個人食夠晒 (其實兩個女仔食既唔加底都夠)麻辣豬軟骨 牛脷 刀削麵 加底 $70先上麻辣豬軟骨同牛脷 鐘意依度既餸同麵分開上 唔會浸淡左麻辣/整油晒碗麵 豬軟骨好淋好入味 牛脷就太淋 不過重點係麻辣好香好濃 加上好多蒜粒 好惹味! 麵有少煙韌 唔錯生煎鴛鴦 $60鐵板上枱香煎味好吸引 加左蛋底避免痴底之餘聞落更香 不過食落就普通喇 小籠包黎講我就鐘意蒸既 保留到最精華既肉汁 依個就太乾身 似細版餃子 而且頂頂個皮厚 乾身既就有d實

自從鄰居帶我食完第一次，就忘記唔到呢間刀削麵。所以睇戲前帶個朋友嚟試下，估唔到星期日兩點都仲咁多人等緊位😱東玻肉刀削麵@我今次試東玻肉刀削麵$45，加$5有杯凍豆槳麵條呢下真係親自用刀削嘅刀削麵，所以每一條麵厚薄都會唔一樣，非常滑溜湯底依然同平時一樣濃得嚟又唔油膩東坡肉份量頗多，吃上來肉質也不錯，但可以更滑嫩，味道頗為入味而且沒有因將其浸在湯後，浸走原本東玻肉嘅味道刀削麵麵質非常好呀，一條條彈牙得來又吃到手工制的感覺

好耐無食啦，記得以前一星期黎食兩三次，由學生時代食到出黎工作，由舊店食到新店，師父都轉埋。裝修後門面靚咗，但無得係門口睇師父整刀削麵，記得第一次黎食，坐門口位置，俾師父大力掉麵團落枱嘅聲嚇咗一跳門口好多明星相，師父轉咗喺入面煮。黎到一定要食我最愛嘅麻辣手撕雞刀削麵先黎杯豆漿，味道較淡。我最愛嘅手撕雞刀削麵唔鍾意食蔥，可以叫走青。手撕雞加上青瓜絲，手撕雞嫰滑，青瓜夠清新，清甜嘅青瓜可以幫助減低麻辣感，加埋生蒜嘅辛辣，一齊食口感豐富辣度方便都可以選擇小辣。刀削麵兩邊較薄身，中間厚身，好有咬口，會食唔停個湯都好清甜一定要撈埋刀削麵一齊食設有最低消費。水準保持到，仍然係以前嘅味道以前試過冷刀削麵，不過用麻辣醬，唔係湯刀削麵嘅麻辣油，相對無咁好食，湯刀削麵係首選