正宗山西刀削麵皇

营业中

休息中

平時呢間刀削面店門口成日都有人排隊, 想試好耐, 見仲未到晚餐時段冇人排就入去試試。座位有限, 所以需要搭台。 一入到店舖入面就見到師傅削緊面條, 好期待食新鮮既刀削面喔。睇完餐牌, 問店員口水或紅油有咩分別, 店員話紅油香d, 所以最後叫左一個口水牛肚刀削面, 一個口水雞刀削面, 加$4配豆漿, 另外仲加左個炸餃子。刀削面如期待中彈牙, 份量都算大, 美中不足湯底沒有其他湯底或辣度選擇, 只有清湯, 至於牛肚和雞味道都不錯。炸餃子配沙律漿, 不過炸餃個皮較硬。食完門口已有人龍。是羊群效應嗎?

呢間野已經食左十幾年 由細食到大不過我多數去另外一間分店食咁岩今日行過見到呢間有位就入去食因為當時得卡位就直接去坐 我地有兩個人 由於繁忙時間就要坐埋一邊嗌左豬軟骨刀削麵同飲豆漿 呢個係我黎親都食既 我都有幾個月無食 原來佢已經轉左快餐模式 落完單1分鐘內已經煮好個麵俾你豬軟骨有三舊有一舊完全未腍 舊軟骨係硬既 另外兩舊都算接受到但豬軟骨就超入味 如果腍既話就好正食食下就有人坐左係對面 原來張枱都好細下 對面個個人隻腳會掂到 或者佢隻腿太長😂所以都會想快快食完快快走

上午工作後，下午請假不用回公司，就在荃灣搵野食。荃灣米線街試過了，就想試新野，走著走著，就見到呢間刀削麵，叫得麵皇，心諗應該ok啦。之前在元朗食過刀削麵，覺得刀削麵夠彈牙，希望呢次唔好令我失望。店內座位其實幾窄，4人卡位男仕坐的話會好迫。可能要用盡空間，結果變到咁迫。點了麻辣豬扒刀削麵，麵同餸係分開上。麵唔算太差，但又唔係十分好，有咬勁但冇之前食過的咁彈牙，咁都叫刀削麵皇，言過其實囉。湯亦都好鹹，其實我冇乜期望，主要麵好食就得，湯反而次要。冇期望之下，中規中矩已覺滿意，可惜真係鹹。麻辣豬扒反而ok，夠麻夠辣，豬扒亦好香。總算幫個麵拉番高d分。係份量略為少左d。結論係ok，麵一般，湯唔得，麻辣豬扒出色。不過試左一次就夠，除非佢刀削麵可以更好啦。

一行八人由於唔想分開坐，逼埋一張枱坐都幾逼。叫左一人一碗然後share餸食，有蒜泥牛肉、醉雞、蒜泥薰蹄、口水手撕雞等等。啲蒜泥又辣又酸，食完個口臭幾日。不過配埋啲牛肉同薰蹄幾好味。口水手撕雞都幾搶味，而醉雞相比之下個味冇咁搶。講返碗刀削麵先，個湯底清清地幾好味，同埋個麵幾彈牙。追加左個小籠包同煎包。小籠包有湯汁正常味，不過太飽所以冇試到煎包。食完餐飯，口渴左成晚，味精都好勁......

放假特登入黎荃灣搵野食，晏晝去左食ALL DAY BREADFAST仲飽飽地，所以夜晚唔太想食飯類，記起之前睇電視金剛小儀介紹過荃灣既刀削麵，一直未試過，經開荃灣，是日晚餐就決定吔佢。可能開飯時間都9點，門外0人排隊(見到有個圍繩係殊，相信晚飯黃金時段一定超多人排隊)，直入，兩個人仲有4人卡位坐。餐牌有個$47餐同$50餐，開頭都摸不著頭腦有咩分別，原來係分麻辣($50連飲品)同清湯($47單拼連飲品,$50蚊雙拼連飲品)，分別就係有無果PAT麻辣醬，原來係精髓，既然係精髓又點可以唔試呢。皆因老納係重口味人士，所以揀左麻辣貪佢惹味香口，分別麻辣金錢肚刀削麵同豬頸肉刀削麵。不出3分鐘麵已上，湯好滾熱，湯底好味，啜每條麵都有飲啖湯既程度而個麻辣醬撈得真係好香好惹味，大大PAT蒜蓉加重刺激味覺，不過就偏向稍辣(唔記得左問有無得可以少辣)，要飲凍飲抵抗一下既程度。呢個餐真心抵(配豆漿都係$50)，不過又話係凍豆漿，完全無雪過既溫度。性價比極高既晚餐，又抵又飽。

由於呢兩個星期太多節日，個人都食到飽飽滯滯，攪到無咩胃口，只係想食粉麵既野，所以是日黎到米線天堂既荃灣，不過唔係食米線，而係食刀削麵見D食評話晚市好多人排隊，所以本身都有排隊既心理準備。點知8點黎到又無人排隊喎😯…擔心係米中伏，不過竟然黎到就頂硬上啦😶同朋友二人，點左兩個麵一個小菜熱拌豬軟骨刀削麵 ($55) 包豆漿豬軟骨有成4大件，件件都好厚肉!!😍 不過肉質較鞋，並唔係軟淋款；軟骨位亦都似雞軟骨咁，硬身D，有點失望😣但少辣既肉醬加上少許既豬軟骨汁撈麵卻好好味😋，而且刀削麵煙韌彈牙，正!!口水手撕雞冷刀削麵 ($55)雖然賣相乾真真，比人鞋烚烚既感覺，但原來加左唔少既”口水汁”，令到個麵好開胃、好MATCH。雞絲吸汁力強，吸滿醬汁，一D都唔鞋唔乾，仲好Juicy添~😘冷刀削麵比熱拌更煙韌更彈牙!! 估唔到一個外表平凡既麵卻如此美味，呢個真心推介🤗花雕醉雞 ($48)我見食評話呢個好食，加上朋友中意食醉雞，所以點左一碟望落分量唔少，仲要係脾位添~~  花雕酒香濃，食落口真係有醉既感覺!!😏雞肉入味、雞皮滑但未夠彈牙；我地兩個都嫌花雕酒味太濃，濃到有D苦，如果落番少少冰糖會更好 (都係自

一直以來都有光顧 差不多光顧兩年(不知道算不算熟客) 但係每次越食越退步 連朋友都係咁講 唔知係咪因為換咗新師傅關係 ( 以前係見到兩個好多紋身師傅) 希望店舖好好把關品質今日同朋友點左二碗拉麵我點左 雞翼豬大腸拉麵朋友點咗 口水雞拉麵習慣地都係飲淡湯先 一入口淡淡香味 都ok跟住食一啖麵 一入口個面好鹹 淨係個面鹹 唔通個面加咗鹽？ 以前都唔係咁跟住試下雞翼同大腸 雞翼鹵得入味 入口幾香大腸肥美 入味朋友講口水雞 太鹹 太重花生醬味 退步不少同埋未食完就想收左碗面 好似趕你食完一樣我同朋友都講 如果品質再係咁 我諗我哋會減少光顧

豬軟骨刀削麵🐷($40)肚子實在太餓了，匆匆拍完照便狼吞虎嚥🙈豬軟骨炆煮得入味鬆軟，滿有肉香，且帶點肥膏， 吃得滿口豐鮮，可惜軟骨位膠質不算重。手打刀削麵麵質爽身有韌性，若只配上湯汁來吃已經好吃😋手撕雞是另外必點的小食！辣度恰到好處！即使每次大排長龍，也值得為這道菜到訪☺️味道 ⭐️⭐️⭐️⭐️服務 ⭐️環境 ⭐️⭐️價錢 ⭐️⭐️⭐️⭐️地址: 荃灣沙咀道245號坤德樓地下 #HkgoodeatsTseunWan

呢間荃灣刀削麵小店之前都有食過，間唔時都會食下。😋今日同朋友食飯，佢本身鍾意食麵，又鍾意食下內臓，加上未食過呢間，咁一定帶佢黎試下啦。👍🏻平時食，午市晚市都經常要排隊，等10-20分鐘左右，今日夜左少少黎食，不用等就有位。刀削麵果然係招牌菜，煙韌彈牙，麵條厚薄長短不一，令每一口麵的口感都有獨特性。再配上蔥同清湯，齋食麵都覺得好味。😋😋😋不得不講佢d麻辣/泡椒，真係好辣，但有不能抗拒！喜歡麻辣，一定要黎試下！

今次黎到荃灣食呢間小店，聽講午市晚市都經常排長龍，所以今次我就下午茶時間黎食，等左一張枱就有位🤘🏻－先講下佢個招牌刀削麵，口感煙韌彈牙，配上牛蔥清湯，可惜麵條厚薄長短不一，所以有啲較厚身麵條食落有啲未熟透既感覺🙄，而且麵條掛唔到湯，唔太入味，有啲失望☹️－配菜方面，手撕雞同燻蹄份量都唔少，仲有，佢個秘製麻辣醬真係要大力讚👍🏼👍🏼，有一種會令人食上癮既獨特味道，麻香辣三樣有齊，再加上大量蒜頭，真係重口味得黎又勁好味！🤤🌶

平時喺peak hours，門口會有長長嘅人龍。。今日tea time去，唔洗等位，就食番平時叫開嘅麻辣豬扒同麻辣手撕雞。。麻辣配上蒜頭，辣得好過癢，強烈推介。。鐘意食刀削麵嘅人應該會幾滿意：“)菜飯就普普通通，冇咩特別，裏面有菜同冬菇，味道較淡。。宮廷餃配埋煎蛋，熱辣辣，唔錯唔錯美中不足係人多要撘枱，坐位較窄，想舒舒服服食餐飯嘅朋友就未必岩食喇

小籠包差咗好多, 一D都唔掂以前在此区工作经常过来吃,為何連基本功都失埋, 口水雞無乜味道, 都好失望, 希望該舗装修後能保持水準, 否則難以幫襯, 细舖吸引之處是味道較好, 改善之

哩間餐廳間口貼晒明星合照，平時經過見好多人排隊，見下午茶時間冇乜人就走入去試下睇下係咪真係咁好食。一入去已經感覺到伙記哥仔態度其差，可能真係多生意到唔憂做吧。叫左個東坡肉刀削面，伙記哥仔好侮氣咁將碗面掟左落黎。湯味道一般，舊肉有啲硬，啲面刀功一般，時厚時薄，有啲仲厚過我塊面皮，咬落去你會食到中間嗰啲面粉味。我本來都幾肚餓，但食左兩啖就已經冇晒胃口。下午茶時間食個面連飲品要成$50，仲要睇伙記面色，應該有更好選擇吧。

見好多人都介紹過，所以去試下，點知一入到去服務態度已經唔好，衛生唔好，好多蚊滋飛黎飛去。分別點左菜肉雲呑刀削麵、東坡肉菜飯、小龍包、兩杯豆漿，食物價錢正常價，但食物質素無我想像中既咁好。刀削麵湯底幾好，雖然啲麵係彈牙，但有點兒硬；菜飯同東坡肉既溫度只係微暖，東坡肉清潔得不乾淨，以及係揀肉既時候明顯地無下功夫，三舊東坡肉有兩舊係硬既；小龍包外表細小，皮太厚及重粉味，餡小、內冇湯汁流岀，溫度只是暖，明顯覺得係預先蒸好。唔會想再幫襯。

光顧了幾年 雖然加咗價 但食物都keep住有水準 我比較鍾意佢地嘅辣椒醬 愛辣者必試 但今晚去食嗰時 有位職員好粗魯咁放碗麵落嚟 搞到枱面濺到湯汁 而且仲落錯單 又西口西面 唔會經常去