正宗山西刀削麵皇

营业中

休息中

之前去兩次都係去荃興徑分店.今日黎左呢間.朋友話因為呢間啲冷刀削麵比嗰間凍！8點左右晚飯時間入面滿座,響門口等10分鐘左右入座,繁忙時間一定要搭枱.而我地都冇咩所謂.但張枱係有啲細同迫.點左麻辣鴨腎冷刀削麵同口水豬耳冷刀削麵.兩杯凍豆漿.10分鐘內到.刀削麵份量充足.而且真係好夠凍！我自己食得辣都覺得個麻辣有啲辣.口水就冇麻辣咁辣.朋友唔大食得辣都頂得順.豬耳同鴨腎都夠爽口.不過最大問題係食完之後個口有好勁嘅蒜味.所以一係唔好要蒜.一係自己帶定香口膠啦.😄提外話.如果唔鐘意搭枱嘅朋友.最好唔好繁忙時間去/湊夠人一張枱先去.

星期日的下午 睡醒先食野的節奏與友人來一碗刀削麵吧！這是我們常吃快餐的地方！友人由於太餓先叫了一碗手撕雞撈刀削麵。這是麻辣的。吃得耐d 麻得《變厚 哈哈！我看著這頁想了很久啊最後叫了水餃湯刀削麵。刀削麵真的很QQ 只吃麵也值。水餃沒有特別，就是一粒水餃小店，很值得支持

麵質非常之滑 粗幼都好平均厚薄就條條都有少少唔同有啲就比較厚湯底有淡淡嘅薑味分量超級多食咗一半已經好飽大腸好入味 麻辣味都調得好好 唔算係好肥Rating: 7.5/10

裝修後， 座位窄 ，價錢貴，環境差 ，有最低消費每位30元，水準不夠以前好， 本來想開開心心去食山西刀削麵 ， 但真係好失望 ， 以前好好食，但冇想過裝修後，就麻麻地好食，冇下次， 還好香港仲有好多山西刀削麵.

普普通通食碗魚蛋粉都無咁嬲，專門食麵嘅鋪頭啲麵唔好食都有咁多人排隊，荃灣係咪真係咁無啖好食？啲麵又粗又硬，咬到牙較軟都未食兩三條。啲湯同麵嘅味係完全分開，一啲都唔入味。份量係ok多，但唔好食要咁多黎做乜呢？

我叫左豬軟骨刀削面，麵既份量都幾多，同埋睇得出真係現成削出黎，每條既厚度長度不一，但又唔會差太遠，湯底十分濃郁，不過略油，但飲完都唔會口渴，豬軟骨好林同都大舊，而且好入味，整體感覺唔錯，食完真係好飽，好抵食

老板在路德圍時已經常去，我叫佢啲拉麺做“感動麺”. 各樣都好食。可惜，今日幫襯，冇咗手拉面，餸又少咗，味道整體差咗。裝修係靚咗，但味道消失咗。食完覺得好可惜，原來好好的，出咗名啦品質反而下降咗。難得今日一個人食晚飯，想一個人好好享受，難受啊。

套餐包凍豆漿，所以唔使加錢。有豆味而且不會過甜。麻辣手撕雞$30，兩人就叫細份，雞肉撕成一絲絲，吸哂麻辣醬汁，味道不重，少少麻加微辣，岩返香港人口味，仲夾著爽脆有咬口的青瓜同食，又可中和麻辣味。金錢肚豬大腸刀削麵$46，金錢肚鹵得夠入味，彈牙好咬。豬大腸處理得好，沒有怪味，大腸肥美又香口感豐富。刀削麵好煙韌有咬勁，雖然吸唔到湯汁，但連湯汁食好順滑。牛腩豬肚刀削麵$46，牛腩炆得鬆化，好淋身。豬肚好嫩又冇腥味。刀削麵加埋蔥花好香，湯頭味道咸香，清晰冇肥高而味道濃郁。兩餸套餐包飲品，好抵食。

電視都有介紹過 荃灣都好出名下咁就要試過東坡肉刀削麵 $40碗內有三舊大大舊既東坡肉望到都不禁露出滿足而邪惡既笑容東坡肉肥膏好大舊 入口即化不過肉既部位就有少少實 少不免會有d韌講講麪方面 的確係刀削的 但偏向短的而且較厚身 橫切面係等邊三角形 食落更有嚼口但個人鍾意偏既等腰三角形 已經夠嚼口 又有不同口感湯底豬骨味唔突出 豉油老抽感覺比較重麻辣豬軟骨刀削麵 $40先講湯底 竟然是不同的黎個湯底係少少麻但唔辣 三個湯底中最濃最鹹豬軟骨比較碎 應該係因為有脂肪 軟骨位好軟入口即融但唔近個d比較實 會"涉"牙菜肉雲吞刀削麵 $38湯底最清 唔咁鹹雲吞大大粒雲吞味道都幾濃 同湯底有對比菜都幾多 肉味濃郁配合上味覺刺激較多唔知係咪因為係閒市肉普遍都有過韌既感覺同埋特別在每碗個湯底都唔同鹹度但感覺屯門的比較好

本著嘗試一下期待已久嘅（正宗）山西刀削面，點知見到師傅的刀削麵手法不是用門口招牌照片上的專用刀，而是用一個批薯仔皮的刨，一條條刨出來，麵條由上而下跌入鍋中，（正宗的是由後面飛去前面的）感覺並不是傳說中的（正宗）二字。有D失望。而且刀削麵 麵皮有D硬且唔夠熟，店員態度一般。

好耐之前就已經好想試一試哩間刀削麵，終於有機會經過荃灣，試一試哩間麵館。佢地大部分食品都係以麻辣為主，岩曬重口味人士。選擇方面都好豐富，我揀左手撕雞冷刀削麵同埋蒜蓉燻蹄～ 冷麵上面滿滿既雞絲，料多，辣辣地，好惹味！雞絲亦完全唔會鞋口～刀削麵麵質厚身非常有嚼口，非常Q，有驚喜！燻蹄既蒜蓉好新鮮，夠曬辣，燻蹄有好香既煙燻味，唔會太鹹，肉質清爽唔油膩，好好味！總括黎講，哩間店有驚喜，食物份量好足，希望店家保持水準！

排哂隊仲要齊人先入得。叫左個雞奕刀削麵雞奕略嫌細隻同太太太淋，但幾入味。算叫做可接受。湯係普通清湯，麵質就個人覺得太硬，削到一舊舊好大舊（我覺得）每啖都係食一條。食食下淨係覺得食緊麵粉味，好dry，要加啲辣先可以繼續食落去

多年前深水埗的 大家食 開張，我三日唔埋兩日就去食刀削麵，可惜，慢慢地佢地的質素開始唔穩定，我就唔再去食了。之後都無係香見到有岩口味的刀削麵😖前幾日同朋友講起，佢話屋企附近有間食刀削麵的老店質素不錯，提議我去試下，就此成行💕好彩平日去，重要係下午茶三點三時段，唔使等位✌🏻️✌🏻一打開menu, 嘩，超多款式❤️選左好耐先決定到😜我係喜愛食辣之人，所以叫左個麻辣金錢肚。先講下個麵先，店家好貼心禁將啲'青'用個湯匙分開上，就算你唔食又大頭蝦唔記得講，上到黎你都可以分返開👍🏻飲啖湯先，湯底有淡淡的牛肉味，而且無油。好開心，終於有麵家唔係一上檯就油光滿面👍🏻👍🏻👍🏻麵質軟硬適中，咬落重有少少煙un 見到真身，見到禁紅，而且勁多花椒子，重以為會好辣添，點知食落反而蒜蓉味重啲，然後啲麻辣味就跟住黎。不過啲花椒子太細，我自己都唔覺意咳左兩下😜😜😜朋友叫的五香牛肉麵，牛肉好淋好入味最正係跟餐送豆漿❤️❤️❤️禁熱的天氣真係救星

有一排冇食，今日中午行過入左叫左個拉面食. 一黎到夾上手，覺得奇怪，點解拉得條條差唔多，仲要幼左. 唔理咁多食左先. 一放入口咬左口. 點解淋左咁多. 完全冇咬口，冇趙頭?!? 唔通以前即拉既面變左廠既來貨.....仲要收返同即削既刀削面既錢一樣....以前都叫有條生菜...依家又冇左.....唔抵....好失望....

因琴晚電視介紹山西刀削麵里間平靚正，我同個Friend山長水遠來到荃灣區，系因為食一碗Handmade 刀削麵，果然不枉此行。麻辣豬手少少辣配一碗刀削麵野味得來吾油，再食埋青瓜雞絲，一句來形容，清爽好味。