正宗山西刀削麵皇

营业中

休息中

聽人話呢間D刀削麵幾好，一個人開飯，就算中伏，都係一碗姐！試下無妨！一個人開飯勝在易搵位。十二點幾來到，已經有幾個人在等緊位，我得一位即刻有，唔使等！叫了個豬軟骨刀削麵+熱奶茶$46豬軟骨用鹵水炆，炆得又“林”又入味，軟骨爽脆，真正連骨都食埋。湯底味濃。刀削麵，麵底唔錯，又多又大碗，食完超飽！坐底到食完離坐，都係半粒鐘，正宗快、靚、正！不過呢間真係好旺，差唔多一點已經見門口大排長龍喇！要黎試呢間的話，最好避開煩忙時段好D！

今日坐巴士去荃灣見到呢間麵店宣傳緊，見佢下午無乜人咁就入去試下喇因為平時夜晚又有好多人排隊㗎見到餐牌上有溫泉蛋呢樣野喎梗係想試下喇，但結果係8成熟嘅糖心蛋囉而且牛腩有點奀不過個刀削麵都好有咬口再配埋個好濃厚嘅清湯底就啱啱好呢個除左個麵係得之外，個麻辣豬肚絲就無乜味只係有少少麻嘅辣椒油加蒜容，蒜容味重，麻辣嘅味道就唔係幾食到，大致上同巴士上宣傳嘅差不多但係我們食個兩碗就無菜嘞⋯⋯

點左2個雙併麵首先預期要排隊，好幸運地一到就有位不過座位好逼，唔太好坐點左2個雙併刀削麵 湯底幾濃郁 好味刀削麵 一般般4樣餸入邊豬手讚好 其他都一般般最難食係水餃個皮又厚又粉是次進餐唔夠20分鐘已走

聽聞這間山西刀削麵很久，今天難得來到荃灣便順道一試。晚市時間雖人龍不斷，但在外等候十多分鐘便有座位，排隊等候時已忍不住偷看坐近玻璃的食客點了什麼，看來麻辣應是主打吧。 蔥和麵用匙分隔開，照顧到像我這不吃蔥的人，值得一讚！豬腸滷得入味軟腍，清洗乾淨沒有異味，最怕就是吃到那些內裡全是肥膏沒有處理好的臭大腸...另拉麵普通，沒有特別彈牙。 雖說是麻辣金錢肚，卻完全吃不出麻辣的麻，只有蒜辣味。金錢肚上鋪滿一大堆蒜，吃後那味道久久未能消散，如閣下之後有重要約會建議選擇別的😂但以味道來說其實頗出色。刀削麵不會因浸湯時間久了而變腍，吃到最後仍然有咬口，唯一覺得分量太多，建議兩個女生吃可share不要浪費！

今日 去開荃灣 女朋友大人 係開Open Rice 到睇開有咩推介就會去食 咁岩佢就話呢間 好多人食 想去試下 咁就 泊低個坐騎 係荃新天地 行去會一會佢啦去到門口企左兩三分鍾 先有人理 問我地幾位入座 後 其實d 位好 迫 強烈建議唔好係繁忙時間去 一定坐得唔舒服咁到點野食 我就點左個花鵰醉雞刀削麵個花鵰醉雞 花鵰還花鵰 雞還雞 唔夠入味但係公道d講 幾十蚊 係咁上下 都可以接受麵就都可以…………大人就點左個牛肉大腸刀削面佢就話普通，名過於實，啲面厚身似食面粉牛肉夠淋都ok

佢算荃灣名食店之一，好彩避過米芝蓮，唔係可能好似生煎包同佳佳咁被加租迫遷。新裝修無耐，門店變得時尚木色, 店內有大吊燈，但卡位係懷舊硬膠粉藍色，只可以講，室內設計嘅嘢，識條鐵咩?睇返openrice內嘅舊餐牌，五年間個麵餐加咗$10，由三字頭變四字頭，比起其他區內街坊粉麵店，算不上便宜。招牌刀削麵，煙韌有咬口，慢慢食都唔會漲唔會淋哂，啱哂慢食主義者(預計康熙食家胡天蘭應該會喜歡)。鼓油湯底夠味，不會過咸，食完唔會口渴。水餃質感似荃灣另一名店民豐，餃皮煙韌，餡料調味豐富，但餃子賣相外形不一，有幾粒扁撻撻。

以前經常吃，現在偶爾才來!今日感到凍得勵害，便想吃碗熱的面，刀削面不二之選!我叫左麻辣薰蹄刀削面蒜頭好多呀，但俾我整走曬，面身厚，有咬口，湯清清地，令人係甘食!我仲叫左小食麻辣大腸滷得大腸好入味，變曬黑色甘👍上面加返辣汁蒜頭，夠曬味呀！同埋呢到服務算係茶記黎講幾好，會主動介紹野俾你食，豆漿太熱又肯幫你加返凍既，變到暖!仲要甘忙都冇怨言，仲笑住甘👍👍

-麻辣金錢肚牛欄刀削麵（加餸+8蚊，共54蚊）-麻辣五香牛肉豬手拉麵（雙拼如加辣+4蚊，共46蚊）-涼拌海蜇（40蚊）刀削麵一流！好彈牙，軟中帶硬. 拉麵都好有咬感。餸好入味，有風味！我食得好辣，麻辣味道岩岩好，唔會太麻，唔會過份辣，唔夠辣可自己加。涼拌海蜇，好有醋味，酸酸的好開胃，唔食醋的可能會覺得酸左D。

初時對食麻辣刀削麵好有保留, 因為自己雖然鍾意食辣, 但對“麻”就唔太接受到, 但見咁多好食評, 就即管試試。星期六中午黎到, lunch時間排左十個人左右, 但好好彩好快有二人枱。坐低叫左一碗紅油牛肚麵, 同一碗麻辣手撕雞併大腸麵。 份量足, 湯底甜, 麵in un。 麻辣比紅油辣, 好香好正, 絕對會再黎。

早排經過"正宗山西刀削麵皇"次次都見好多人排隊~之後講左好多次..話搵日去試終於依日真係去試下! 食店唔大~座位好迫又窄..仲要搭檯但依然好多人排隊等食一定有原因~食店設有最低消費:$30/位我地點雙拼套餐..餸料有17款選擇~另配..刀削麵/拉麵/米線/湯年糕"五香牛肉拼紅燒豬手刀削麵"($46)五香牛肉好好味+好入味紅燒豬手燜得好腍身~肉質軟腍..好入味+好惹味落order前..我先問問阿姐~個湯底係用牛/豬淆製?佢話用豬~可以安心點個"豬大腸拼滷水雞翼刀削麵"($46)先試一口熱湯~超濃郁味道..不過食到尾後就覺得有點鹹豬大腸滷得非常入味..口感軟綿綿~完全唔肥膩亦無異味滷水雞翼又係滷得好入味~肉質結實刀削麵..標榜即叫即削~麵條厚薄條條一樣麵質有咬口帶點煙韌~味道帶點點微鹹麵粉味整體刀削麵真係好好味~由其餸料入色入味又惹味套餐配豆漿/咖啡/茶等~凍飲(+$2)..改凍檸樂(可樂檸底)(+$4)我點熱咖啡(少奶)..另一半要豆漿~豆漿味都幾濃..甜度可以咖啡一般~個味濃得滯"口水雞"($45)隻雞酒味好濃~似用醉雞加麻辣醬但醬汁味道唔突出~可能酒味蓋過晒但雞肉好嫩滑~花生新鮮脆口

星期日晚上，我，男友和朋友專程去這間餐廳吃刀削麵，雖然很多人排隊，但5個人等了15分鐘左右便能入座。環境方面，餐廳內十分擠迫，坐得完全不舒服。我叫了金錢肚刀削麵(走辣)，我男友叫了手撕雞刀削麵(走辣)。味道方面，原以為這麼多人排隊，刀削麵應該很美味，不過竟然很難吃!金錢肚刀削麵方面，金錢肚沒有什麼味道，很淡，刀削麵更加沒有味道，湯底的味道完全不能滲入刀削麵中，而且湯底味道一般，整碗刀削麵很難吃!手撕雞刀削麵方面，手撕雞都是沒有什麼味道，雞肉又好(鞋)，十分難吃!刀削麵都是淡而無味，very bad！另外，我朋友叫的口水雞和豬軟骨都是味道一般。飲品方面，我們叫了凍豆漿和熱豆漿，豆漿完全沒有豆味，好像加了很多水，很淡，很難喝！價錢方面，金錢肚刀削麵有套餐，連豆漿$43，手撕雞刀削麵$48，另加豆漿$4，即是$52，2人總共$95，價錢不算太便宜，而且這麼難吃！我寧願吃譚仔算了！總結來說，這間餐廳的刀削麵一點都不好吃，真的很失望!！

好味既野緊系要系度介紹俾大家😚幾乎每日lunch都會黎，只因佢既麻辣令人食過反尋味😋😋自家製醬料再加上滿滿既蒜頭真系無得頂。而且又有多款餸任你配搭。除左刀削麵之外，佢依度既菜飯都好足料，有滿滿既菜，仲會加入少少既香菇系裡面。再飲埋一杯豆漿，即刻有哂力氣繼續工作💪🏻💪🏻

作為一個荃灣人，呢間野由細食到大，間唔中食一次真係好正 上次食就叫左我最鐘意既麻辣手撕雞冷刀削麵，手撕雞惹味得黎又夠哂份量，撕得細細條,容易食得黎又有咬口，真係講起都流口水。最重要都係個冷刀削麵，煙煙UNUN既惑覺真係食到唔想停。唔食得辣既朋友都唔緊要,因為都有清湯嫁!另外都可以試下其他小食,有蒜泥燻蹄,醉雞等等都好好食!

裝修後首次光顧，現在十二時正已有人龍在外，幸好吾等人已齊，等了不消十分鐘便入座。裝修後較亮堂，但往往失去昔日情懷。甚至創造出面壁位，如非一人用膳，其實面壁座位相當別扭。以往 ，師傅在門口位置打麵，又大聲又有氣勢，現在只見店員在旁邊走來走去。刀削麵好像越來越少，以往吃極都吃不完，現在份量少得多，可能午餐吃完三四時又肚子餓了。至少，麵質依然煙韌、彈牙、爽口。豬大腸夠腍，但中間未挑乾淨，如能挑乾挑淨才上碗，定必加分。當天有點病，想吃清淡點所以點了水餃，吃了第一隻始記起這兒的水餃欠佳，皮厚而粗糙鞋口，肉不鮮美，內裹亦沒汁。凍檸茶較昔日的濃，可能點了少冰的關係，更能飲到茶味，有進步。因此，傳統店子還是不要太出名，一出名就排隊，名氣提升又可能擴張、裝修、開分店，輕則質素下降、收費提高；重則被加租以至結業收場，或大排長龍，一小時才能入座。

Lam脷: 3/5抵食:4/5相機: 3/5Vi 今次黎到荃灣，平時成日聽朋友講話呢度有間刀削麵好出名，所以就黎排隊試試喇 黎到時前面有7,8個人，排左15分鐘左右，比想像中快一入到去，本身都諗住唔會好寬敞，點知係細到坐得好辛苦Vi友人比較肥，佢仲話食到好想快D走添 裝潢係新淨既，但間隔好一般好啦介紹番Vi 今次食左D咩喇首先係上海水餃刀削麵！麵質不錯，幾有咬口，刀削麵都算係有水準！但水餃唔好食, 皮好厚，唔建議大家試呢個性價比一般，38蚊算係咁，不能夠期望過高之後再黎口水手撕雞刀削麵，手撕雞幾辣，如果大家怕辣就試其他款吧！手撕雞味道唔錯，夠濃味，可能切得太細件，口感有點欠奉總體黎講佢地要係菜款既加番下D功夫先得