正宗山西刀削麵皇

营业中

休息中

香港刀削麵唔算出名。我小時候係深圳食過。印象唔錯。今次住係荃灣既朋友帶我試好野。"山西刀削麵皇"只有兩間。而兩間都位於荃灣。入座方式為排隊,必須要齊人先可以入座,因為等朋友,等左幾耐下所以大家去有冷氣既地方行下街先,齊人再行去等~加上餐廳內既坐位並不多,我地4個人都一齊坐係一個U型既卡位,另加一對COUPLE幸好流動率高~正宗刀削麵,麵身有一定既厚度,口感煙韌,十分飽肚口味主要為兩款,麻辣&口水夏日炎炎,我地都揀左冷刀削麵,降降溫~上: 麻辣鴨賢冷刀削麵 。下: 口水豬耳冷刀削麵加+$4跟餐有豆漿(凍/熱),加$6跟餐配其他另外兩個朋友叫左麻辣手撕雞冷刀削麵 & 口水手撕雞冷刀削麵我自己平時好少食辣野, 又唔太食得辣但個冷刀削麵好正~我好中意個口感,因為平時出街食野都唔會點見到有刀削麵食佢個隻辣係令你一直想食~分量好夠,女仔可能食唔晒而配料俾得好足,唔似出面得dd

講到荃灣食咩好 第一時間我親諗起呢間山西刀削麵 因為我本人中意食野有有口感啲 所以佢啲刀削麵真係岩曬我 湯底唔錯 都幾夠味 仲有佢個自家制麻辣每次食完都好想再叫多碟 總之食過番尋味啦

專登去荃灣食刀削麵。麻辣豬頸肉刀削麵 ($42)麵好像牛肉麵嘅湯底，濃但不太咸。刀削麵非常之煙韌彈牙，好好味呀！麻辣味刺激，好辣豬頸肉厚切有咬口。廚房係用玻璃隔住，可欣賞師傅熟練嘅刀功。唯一缺點就係餐廳比較擠迫，即使已被安排坐卡位，仍然覺得坐得唔舒服。

回頭指數 🌕🌕🌕🌗🌑一直知道荃灣這家刀削麵很出名，平常都要排隊不過六點前來會比較保險，不用等太久座位的確是有點擠，繁忙時段四個人一齊真的超擠進來之後能看到這個半開放式廚房裡面有很多大隻帥哥削麵😂😂😍😍雖然看價錢牌真的不便宜，但是一上菜就知道份量大，給料也很足這麼大一碗麵我是真的吃不完的麻辣things是我摯愛，這家也做得相當出色而且還有生蒜蓉，非常惹味真的很好吃，但又真的吃不完真材實料是手工的削麵煮的軟硬度也正好，麵也算滑而有彈口湯底清得來味道不錯，不是那種調味料很多的如果不是總需要排隊的話真的會把這裡當飯堂的

寶貝陪梳乎厘去荃灣買點東西，買畢後約六時多，剛好路過這間《正宗山西刀削麵王》，寶貝很喜歡吃刀削麵，便嚷着進去試試。店員安排我倆坐在卡位的一邊，枱與椅的空間很狹窄，非常有壓迫感，當店員再安排其他食客坐到對面時，和他們簡直是膝貼膝。豆漿有點豆香，也不會過甜青瓜海蜇冰涼爽脆，醋的份量有點過重，比較搶喉，還是非常開胃的前菜。醉雞酒香稍為欠奉，雞肉肉質較韌和瘦削。麻辣金錢肚刀削麵麻辣又香又有勁度，金錢肚切得太幼，少了一份口感，刀削麵是剛中帶柔的口感。梳乎厘選了有湯的刀削麵，湯的味道清甜，麵的韌度剛好，相信如果選擇涼拌的話，麵度有可能會過硬了。食到中段時，對面的食客不斷咳嗽，它有盡力用紙巾蓋着口，但感覺由於空間真的太小了，假如下次想吃，只會是買外賣了。

之前食過荃興徑果間刀削麵, 覺得好好食, 不過就坐得比較逼, 所以今次就試下呢間有咩分別! 星期六晚上7點黎到已經要等位, 要人齊先入座, 不過都明白宜家好多餐廳都有呢個要求, 不過大熱天時要媽媽企係馬路邊等真係唔係幾好感覺上荃興徑果間排隊都舒服D XDMENU 其實同荃興徑果間係一樣, 今次就叫左2個刀削麵, 1個口水雞, 1個煎小籠包~牛腩刀削麵($45):牛腩都幾淋, 麵質一如既往既彈牙好食, 不過硬係覺得個湯淡過荃興徑果間豬大腸五香牛肉麵($48):豬大腸好淋, 好入味, 牛肉一片片所以都唔會un, 不錯!口水雞($48):其實係呢到叫小食係唔係好抵食, 但係真係食唔到咁多麵, 口水雞咁岩比左雞脾位, 所以淡淡肉, 可以再辣少少就perfect!煎小籠包($60):純粹覺得呢個幾特別所以試下, 其實只係加左雞蛋係個pan, 比蒸既乾身同油, 唔會話好驚喜但可以一試題外話: 呢間店既員工都比較心急, 成日過黎收野想趕人走咁, 就連未食完既麵都想拎走, 令人食都食得唔係幾舒服總括黎講, 同家人都覺得下次再食都會番番去荃興徑XDDD

前排見荃灣一田大減價，所以就兩口子出一出荃灣。係血拼之前，當然要醫一醫肚先有氣力搏殺。山西刀削麵多年前食過一次，今次心血來潮就翻一翻兜佢。我就叫左麻辣刀削麵套餐+麻辣金錢肚+凍奶茶，正好50元正。面條厚度恰當，略有韌度，湯底香濃帶點甜。最出乎預料既係碟金錢肚，金錢肚上面鋪滿一層辣椒醬同蒜粒，香辣惹味拎滿分！熱辣辣既天氣再飲一啖凍奶茶，幸福就係咁簡單。另一半就叫左刀削麵套餐+香辣豬軟骨+凍華田，同樣50大元。相比起金錢肚，豬軟骨就失色不少，雖然肉做到淋既效果，但味道一般，香味不足。整體黎講，推薦大家一試，麻辣金錢肚絕對係上上之選，其他就等大家話我知。

以前成日覺得刀削麵啲面都好淋，同埋好多麵粉，但係今次食呢間完全改變左我嘅呢個睇法。原本係朋友介紹話呢間好好食，於是特登由粉嶺入咗荃灣食，個湯好香好清甜，未黎之前已經聞到陣味，最好食係個麻辣魚腐，份量都唔少，重點係上面啲辣椒有好多，好夠味，可以試吓頭幾啖淨係飲個清湯，然後加啲辣椒入去即刻唔同晒！

來到荃灣，想食刀削麵，不得不來這間刀削麵皇，地方唔大，經常排隊，因為佢真係好好食！試左個麻辣豬頸肉刀削麵，刀削麵厚薄適中，軟硬度剛剛好，爽滑有口感，豬頸肉爽口又夠味，湯底香濃，味道一流！

本身都唔知有依間嘢，係見openrice個分幾高就行完街試下咁果然唔錯的我見啲刀削面係真係好似電視入面咁個廚師攬住一大舊面粉然後攞把削的唔係機整，幾有誠意今次又係同男朋友兩個黎，一人叫一份我叫左一個口水汁豬耳冷撈刀削面男朋友就叫左個熱拌菜肉雲吞刀削面但兩份都勁大份兩個女仔share一份都夠男朋友清完佢自己嗰兜都已經飽我嗰個豬耳冷撈面味道係唔錯的👍🏻👍🏻👍🏻👍🏻👍🏻個汁幾有花生味，如果多少少蒜蓉就正啦不過都幾辣，雖然本身已經叫左杯豆漿，但都唔夠要叫多杯豬耳份量係勁多，好有煙韌感嘅，唔係一咬落去就係骨美中不足嘅係啲面韌左啲，我諗煮耐多少少就會好啲可能係因為我碗凍食關係，男朋友兜熱拌個煙韌度就啱啱好男朋友碗面呢就普普通通咁個汁無我碗口水汁咁有層次好似得個辣字咁，但又無我嗰個咁辣不過佢嗰碗比我多左啲芫茜，唔錯唔食蔥同芫茜嘅人可以走青，因為係另上的雲吞係上海雲吞，有四粒，但有少少散，不過可能係佢筷子功嘅問題總括黎講係唔錯的大食人士值得一試不過如果繁忙晚間走入黎的話可能要搭枱

一直都十分喜歡食這間的刀削麵。裝修前，可以不用排隊，隨時可以坐下。裝修後，經常要排隊，都不減我繼續經常光顧的意欲。麻辣好吃不在話下，今次嘗試了紅油溫泉蛋木耳花生刀削麵，也不令人失望。紅油是這碗麵的亮點，令湯更香濃，有一點微辣，麵也更野味。木耳本身沒有什麼味道，但紅油令木耳好像炒過一樣香。另外，溫泉蛋滲透入紅油的香味，使溫泉蛋味道更豐厚。刀削麵也削得粗幼適中，軟硬恰到好處，吃起來既有口感，又不覺得太硬。

日式拉麵長期受到追捧，但其實中式麵食都可以獨當一面，但做得到嘅店家就真係買少見少。之前黎嘅時候試過冷麵，但對於我黎講雖有咬勁但就有點過硬，今次就點左熱拌試下。自家製嘅菜肉雲吞夠晒多餡，菜同肉嘅比例都好好，菜夠多，亦唔多覺有肥肉，啱我。豬軟骨唔肥，又夠腍，仲好入味。麵上有d醬拌黎食，蒜香十足，辣辣地，加埋d蔥花真係好好味呀！加上今次d麵軟身少少，啱晒我！麵嘅份量都幾大，對於女仔黎講多左少少，下次會叫少麵唔浪費。熱豆漿都幾有豆香，少甜，都唔錯。

每次去食刀削麵都會食口水雞，我覺得就算係正宗的川菜館，貴的平的，都無佢咁好食。口水雞辣度適中，雞味濃郁，又夠入味，連骨都入晒味，而且次次食親Ｄ雞都同樣嫩滑，配上香脆花生同芝麻，又多一層口感。最重要係雞皮，凍食雞皮既爽又不油，而且超嫩滑，實在忍不住會食晒全部雞皮。至於，刀削麵略嫌太粗，雖有口感，但因太粗，感覺有少許硬，不夠軟滑。而個湯比較清，配上刀削麵同口水雞，正合適。如喜歡吃麻辣，很多食客喜歡把分開上的麻辣餸放入湯麵中，即時變麻辣湯麵，亦十分美味。

平時多數鍾意食米線，但係一嚟到荃灣就一定會嚟食刀削麵。 因為全港淨係得呢一間食正宗刀削麵。鋪頭入面有師傅即場做麵 ，呢度除咗刀削麵，另一個特色係麻辣，所以就嗌咗麻辣豬扒刀削麵。 麻辣好惹味，豬扒炸得夠香脆，刀削麵又爽口又彈牙，真係超正！！！！

很早已經想試試呢間啲刀削麵㗎喇，但無奈每一次行過都係已經食飽咗或者約咗朋友喺附近食飯，同埋每一次想喺荃灣食飯都唔記得有呢間野。今次都係原本想食狗仔粉同碗仔翅，但又怕唔夠飽。突然靈機一觸諗起呢度所以就黎咗喇。去到門口前面得2個人，等咗一陣後面即刻黎多3、4個人，勁好彩～入去後被安排坐卡位嘅一邊，座位唔算屈質同埋因為上菜速度快，坐得冇咁舒服我其實唔多介意。叫咗碗牛腩雞翼刀削麵，女友的係魚腐雲吞刀削麵。一上菜先醒起女友係唔食青蔥同芫茜，所以我果碗變相有雙倍「青」，食落其實一羹「青」已經足夠了，再多只會改變個湯底嘅味道。個麵望落去份量唔多，牛腩有4舊、雞翼有兩隻… 但我哋都被個賣相呃咗，原來碗野有好多、好多麵。可能因為啲湯底同啲腩汁撈埋咗，所以望落唔覺有幾多麵。望下四周，都有唔少單身男士或者三五成群咁，可見份量都唔少。啲麵食落好有「趙」口，又或者學台灣人講，好Q… 而且口感幾好又飽肚，所以女友都俾咗好多麵我，飽死…牛腩唔算好「淋」，但勝在夠入味，雞翼都係，可惜就細隻咗啲啲。女友叫嘅雲吞幾好味，雲吞皮索咗好多汁、啲肉都幾爽下，但啲魚腐就冇乜味，似係雪藏貨色。整體黎講，以$48換來一碗咁大碗嘅刀削