歐陸冰室

营业中

休息中

下午茶:叫左兩個餐.燒雞凱撒沙律, 以為係燒春雞或燒雞扒, 但是原來是我想多了, 實際上只有雞粒.煙三文魚白汁碎蛋沙律牛角包, 估唔到係得兩件牛角包仔, 包細料自然少. 另跟左幾件凍左既薯角。飲品就正常既。

呢間小型街坊西餐廳杯咖啡有驚喜，夠曬香爐又唔會帶有酸味。其餘嘅出品中規中矩啦，講緊平均每人唔使40蚊就食到一份早餐，算係物超所值。第一份早餐就係火腿螺絲粉牛角包配一隻煎蛋，味道正常，份量畀想像中多，牛角包係普通細細個嘅迷你版，35蚊一份完全冇投訴。另一份就叫咗蕃茄湯底嘅火腿螺絲粉，嘢食可以揀煎蛋炒蛋火腿腸仔任何兩樣，我就揀咗招雙蛋，佢個蕃茄湯底唔失禮㗎，真係落蕃茄落去整，唔係淨係得茄蓉。佢本身仲跟一個牛油方包，不過驚食唔曬所以走包。

諗住門口都有人排下隊，以為差極有限，價錢唔平，平均$75左右一個餐，但食兩啖之後先發現完全冇味，份量少，嘢飲亦都冇味。服態度又唔掂，個個侍應趕頭趕命，叫左幾次想要辣椒仔都無比，最後同我講話冇晒真係食一餐都谷鬼氣

已經唔止一次… ！本人為餐廳半個常客，不下一次見到餐廳男主管責備職員，明白職員可能有錯，但可以細聲啲或者企係旁邊講。作為客人，並唔希望一直聽到責備聲、重複又重複大大聲講一番說話。此舉動令餐廳客人包括我都不間斷地注視男主管及職員，真係非常反感！

今日嚟到大埔大元邨1間幾多差評嘅食店試吓，顯然街坊沒有因為評價而卻步，奇怪是坐無虛席。店內2邊是卡位，中間是長方枱，今日被安排坐收銀台面前，近門口的坐位，由於近門口，自動門常開，難免感到有些炎熱。我點了兩個午餐，黑松露野菌忌廉汁豬扒煎蛋飯和和風照燒汁美國肥牛手打烏冬。雖然價格只需＄55，但品質卻略為一般，未能突破＄55的水準。豬扒煎蛋飯的黑松露風味不太明顯，忌廉汁也略為稀薄。而美國肥牛手打烏冬的烏冬略為過軟，加上照燒汁略嫌單一，牛肉也鞋口，咬勁十足。凍檸茶個茶底不夠濃。無論是食品定飲品，份量都係幾大份的。值得一讚是服務態度，門口帶位的阿姐，親切主動。收銀那位未知是否老闆，每位客人離開，經過收銀台，他都向客人一一道謝。

星期日中午同亞媽食lunch, 我哋叫左午市套餐，有餐湯，包，主食，飲品。飲品方面叫左特濃熱谷咕，當時侍應冇特別提點係要額外加錢。雖然唔係多，只係加3蚊，但擺明係搵笨。餐牌冇講飲特濃谷咕要加錢，只係寫左凍飲加3蚊，而且落單時又冇人講過，到左俾張單你個人刻先知中伏！到左主食上枱，我食左一舊薯角，然後發現隻碟有隻細昆蟲，馬上通知侍應。佢即刻拎返碟野入廚房，然後唔洗一分鐘再拎返碟野俾我。好明顯佢只係換咗隻碟，裡面既食物完全冇換過！好明顯呢間餐廳處理食物衛生方面係好有問題！呢間餐廳之前已經俾人投訴過佢既外賣呃錢啦，而家又故態復萌，影衰曬香港既飲食業。

星期日本來諗住嚟下午茶，點知發現午餐只係貴下午茶少少但係又有湯又有餐包，所以揀咗午餐。餐湯只有羅宋湯一款，不過都幾足料，入面好多蔬菜粒，又有啲西蔥喺面，味道都OK。跟蒜蓉包一塊，都有焗一焗有少少熱架。三色芝士鮮茄蓉豬扒焗意粉份量都幾多，又唔會好似網上啲人話份量好少咁樣，味道比想像中好，始終都係d屋邨街市樓上靚少少嘅餐廳仔，可能冇期望反而有驚喜。蕃茄奶油吞拿魚螺絲粉都唔錯，個樣比想像中無咁hea，味道亦算ok。杯凍咖啡有驚喜，咖啡味好香。

下午茶等左30分鐘先到 追個待應追左十次又話跟緊簡單一個公仔麵餐都整成30分鐘 似係夾單一齊做岀菜好慢 等到枱枱都好鼓譟但岀面個待應又不停接散客做死廚房 永冇下次 大家千祈唔好幫襯

【大埔區】【歐陸冰室】近排大埔有間餐廳，因為「蠱惑餐牌」事件令到佢喺網絡上面引起咗幾大嘅迴響。事緣係事主去呢間餐廳食飯，埋單先知原來星期六日及公眾假期要加 $10，睇返餐牌先見到原來有勁細粒字係有寫仲要相當唔顯眼加埋甩色。事主將呢件事放上網之後都有唔少大埔友關注，都講話呢間嘢嘅服務已經有前科。例如慢火煎牛排要等一個鐘、牛扒過韌、茶走得濃茶、齋啡但又有奶。食物以外，店員態度差、老闆用粗口大鬧員工、上錯餐但鬧食客等指控。咁我又唔係嗰種「人哋話佢做得唔好，我又走去起哄埋一份」嘅人。咁樣做太過「港鐵新動力」，唔係好妥當。所以搵日假期特登走入大埔會一會佢，睇吓係咪真係咁差。去到發現佢都幾 full，卡位已經坐爆晒人，得返一兩張枱揀。叫咗個 $78 嘅「紐西蘭精選烤西冷」，都預咗係茶餐廳薄牛扒嘅厚版，紅酒燒汁冇特別，冇期望就冇失望，生熟度冇揀到但佢預設咗七成熟。薯菜係薯角加沙律菜，都可以。前菜佢又係自動上咗紅湯同勁細塊蒜蓉多士，一般。嘢飲方面，加 $3 飲嘅「凍唂咕」反而唔錯，幾濃香，吹佢唔漲。最後我仲補多 $28 叫個「朱古力窩夫」，係一塊窩夫餅加啲朱古力醬上去，都幾流吓。夾埋成餐飯係用咗 $1

星期三下午去食lunch，想食個快靚正平嘅飯。其實今次唔係第一次食，門口侍應一樣咁好人同有禮貌親切。我地兩個人，大概12:00都有卡位坐。之前好多人，侍應唔多夠人手，但係今次好唔同，好快有人落單，野食又快到，幾好，有改進👍🏻食物方面，我地每人揀咗一個餐。我係泡菜意粉，有羅宋餐湯，蒜蓉包，同埋餐飲。朋友係牛扒意粉走汁，同埋餐飲。兩個餐分量都好夠，牛扒亦唔太鞋，幾十蚊算係咁啦。總括，親民價錢，正常味道。

今日11:47 落單，叫左個lunch set 鐵板餐，侍應姐姐話等一陣，見佢檯檯都咁樣講，原因係：早餐午餐轉緊menu，好啦咁就等，坐坐下，不時都聽到其他檯既客人催單，聽到有D話等左20分鐘、有d就半個鐘⋯ 仲有檯客係等緊個「早餐」😨到12:23 ，足半個鐘頭先黎個湯，味道同溫度係ok既👌🏻到12:30 個主菜都未到⋯ 杯檸茶又未到，呢下唔關早餐轉午餐事啦掛？😓因為太餓，望左好幾次出菜位，留意到廚房出菜位有碟野，放左成10分鐘都無人拎，再請侍應跟跟單，結果原來就係0個碟！足45分鐘，個鐵板餐終於黎到，個黑椒汁又無左⋯ 蘿蔔仔係凍既？😨咁唯有食返塊扒，食鐵板，舊肉都可以係唔熱既？？⋯真心食唔落，侍應都爽快地肯void 單，再諗一諗，咁容易就肯void？咁到底之前發生過幾多次同樣既事情呢？ 如果唔介意等45分鐘食凍既鐵板，可以去既⋯ P.S. 辛苦哂幾位落力維持樓面情況既侍應🙏🏻管理層問題黎，祝幾位早日轉到去更好既餐廳🙏🏻

今日同屋企人兩個人諗住簡單食個午餐，點左手切西冷配意粉 （$52），屋企人點左精選午餐（D)黑松露焗豬扒飯，另加兩份餐湯及蒜蓉包 （$8/份）。等左約10分鐘就上左西冷意粉，個意粉同牛扒係完全唔熱，食野我都唔算腌尖，味道我覺得好個人，但起碼最少d食物係要熱，跟住再黎個焗飯係和暖，其實當時我有同送湯同埋餐飲果兩個待應反映個西冷意粉唔熱，但兩個待應聽完就算，真係對呢間野完全失望，唔會再有下次😡😡

因為想去的寵物餐廳倒閉，無乜選擇於是揀左呢間，貪佢有室外位置。二人餐結帳三百多元，食物普通不過不失。菜湯ok, 不稀，菜不少，酸甜對版，好似係全餐最喜歡嗰道。天使面普通，料下得好少，面條還好，不太淋。牛扒唔似五成熟，個汁可以，肉質不錯，但無肉味。加的小食魷魚圈宇宙最細，又乾又縮水，差。菜蜜正常味道，大大杯。咸檸七好難5正常，冰凍～甜品等幾耐，黎到咁雞，窩夫又薄又細唔好食，將價就貨。招呼幾好係真，不過食物純是冰室，唔需要專登去食。

今日係大埔中心諗唔到食咩，去到大元行個圈，見呢以前都幾好食，咁就入去食個lunch啦！點知伏到一個點......叫咗個波菜龍脷柳焗飯，凍超濃谷咕，最先黎係杯野飲，明明無叫少冰，黎到杯野係無冰，飲一啖已經放棄，只係一杯有顏色既水，再黎個湯同蒜蓉多士，明明見到塊多士係個爐到夾出黎，唔明點解唔熱，成個餐個湯就係最好，最後個飯黎啦，個樣唔差既，點知整開d汁，超級多飯😶食一啖心諗都放棄吧啦😵‍💫個汁無波菜，d汁味道正常，魚食到最後有d怪味😭

本來諗住食下大元嘅日本野 但上到去見到呢間裝修好似不錯 有露天卡座就入咗去 叫咗西冷牛排意粉加湯 首先個湯等咗勁耐都未上 上到嚟凍曬 稀過餿水 又話意大利菜湯 一舊菜都冇 飲落口就喊到傻咗 唔講飲紅色鹽水 都嬲嬲地 個蒜蓉包仲勁 牛油都未溶嘅 食落口好似拍牛油咁 即刻想嘔出嚟 最勁係個侍應拎走我個包竇之後咁放返原位 又見到佢哋枱唔抹就擺餐具比客坐 衛生超級差！個包同個湯仲要加$8 完全零性價比然後個西冷薄到成張紙 個意粉完全冇味嘅 白雪雪 但係見到隔籬枱同一個餐個意粉就有晒茄蓉 話紅酒燒汁 但個汁冇紅酒味冇燒汁味 得怪味 我朋友個蔥油豬扒 蔥油汁係酸㗎 出品監管呢？聽一齊食個朋友講 個老細仲要日日喺度鬧人搞到啲客食嘢都唔可以安安靜靜個扒餐餐牌上$52 勁細隻字寫假期加$10 真係。。呢間舖頭真係一生黑