歐陸冰室

营业中

休息中

諗住食個下午茶 叫左個 煙三文魚白汁碎蛋牛角包 餐具成堆飯痴住都算點知 個餐一嚟到我同我老公兩個都啞左 o左嘴塊煙三文魚細到好似平時食3蚊一舊壽司上面果塊三文魚咁 咁細塊！我問個職員 ：「唔該我想問個煙三文魚係咪真係得咁細舊 」個職員話：「系呀 」我話你哋早啲講係咁細舊我就唔會叫你呢個餐啦

一份所謂既厚切豬扒出前一丁，點估到得5mm，仲薄過薄切牛扒，同menu寫既厚切好有出入，同預期個落差有啲大，超級失望，以為係廚房俾錯扒。同侍應反映過，佢地話一向厚切係出呢款。。。想話俾各位食客知，下午茶就唔好叫呢set ，希望日後唔好有人同樣咁樣中伏。。。差評

價錢可以餐湯有樣無畫面主菜晚餐EHG黑松露忌廉汁無甜味鴛鴦扒有口感無味焗三文魚飯無芝士味有魚腥味有腸有飯有菜有雞有樣無味道泊車優惠3小時結論，如果無位泊車，要買餸，可以光顧

第一次幫襯，諗住衰極有個譜，點知望住啲員工封完張枱唔抹就比人坐，咁我就唯有叫佢地抹番啦，好啦坐低，叫左個lunch豬頸肉飯加左8蚊要個湯同蒜蓉包，味道正常啦，之後有個員工黎收野，親眼望住佢將放包個籃無拎去洗放番去原位，隔左一陣佢地又將果個籃裝包又比第二個客食🤦‍♀️大佬，知唔知咩叫衛生呀，個飯一黎到又唔係我叫果個，搞左一大輪原來比左個錯既餐牌我，唔緊要啲飯爛既，叫左杯熱野飲隻杯都係爛既，餐具又污糟，食左一半嬲住埋單走，等執啦

落完單等左15分鐘 追問有冇落單 d侍應諗有 之後發現隔離枱都有得食 之後再追 發現原來冇落單 落完黎到仲要係錯 要凍檸茶 比錯華田 小冰 就超多冰真係唔係做生意 侍應態度差 食物一般

《歐陸冰室》大埔街坊帶路，嚟咗大元商場呢間Piglet Cafe 食下午茶，一入去就俾特別嘅枱面瓷磚吸引，感覺好有特色！.🍝黑松露三文魚粒伴野菌忌廉意大利飯上枱時熱辣辣，三文魚雖然切成粒，口感方面有少少失色，好在食落有陣陣三文魚香，加上creamy嘅醬汁，成件事配合得唔錯，以$46嘅個價錢，我覺得收貨喇👍🏼.作為屋邨裡面嘅餐廳，食物水準都符合預期，整體印象唔錯，有機會可以再試！.🔺🔺🔺🔺🔺🔺🔺🔺🔺🔺歐陸冰室 (大埔)大埔汀角路10號大元商場F5號鋪🔻🔻🔻🔻🔻🔻🔻🔻🔻🔻

看室內的裝潢以及桌面用多款四方形階磚砌成的圖案，還有餐牌的設計，令我想起他挺像沙田定荃灣都有分店的那間大一冰室。還以為會像點西洋風？其實入到去人流旺盛，幾乎座無虛席，即使比你有幸找到卡位，其實也挺擠迫。以魚柳來說，這個吉列魚柳，沒有什麼質地，只覺得魚柳非常滑身，沒有什麼味道的，我上次在青衣泳池旁邊olbye 餐廳吃過那種吉列魚柳相差甚遠，不過就夠熱，外皮夠脆，溫度夠熱，內裏夠滑。而薯仔沙律，就普普通通，因為都只是將大大件薯仔混入沙律醬，放在旁邊，其他的沙律菜苗也沒有什麼特別 咖啡相信是即磨咖啡，味道還好，還是中式餐廳的咖啡杯子都是一間在大元邨的普通港式西式餐廳而已，上班一族來吃頓午餐還好，如果住附近，可能吃回明新較貼地抵食夠飽

最近又有啲事經過大元上次食左呢間既午餐今次就試下佢既早餐早餐($34)我叫了沙爹牛肉螺絲粉配雞湯，牛油麥包配香草碎蛋沙律，茶走首先說一下沙爹牛肉螺絲粉配雞湯沙爹牛肉是較平常茶記香濃因為本身食沙爹牛肉就是希望濃味所以都很合本人口味它的雞湯是忌廉雞湯掛在沒有味道的螺絲粉上剛剛好把沙爹牛肉拌勻後更有多一份沙爹味 很不錯另外是牛油麥包配香草碎蛋沙律有別平常茶記用麥包給人一種比方包更健康的感覺牛油也是全塊塗滿 加分但那個香草碎蛋沙律很令人失望應該是因為事先做好再放入雪櫃的關係所以帶上一陣雪味 扣分茶走 正常 沒甚特別$34來說都算性價比不錯

大元邨街市平台上面的一間茶記少少歐陸風裝潢入去既時候正值午餐時間人流比較多叫了一個午餐B炸魚薯角($49) 配凍檸茶少甜(+$3)炸魚完全感覺到佢係好新鮮熱到辣嘴咬落唔算好juicy不過不失薯角正常唔算太重味 不過食得出係急凍貨再炸番起最大的不足之處是顆計搞錯左我杯凍檸茶少甜上枱前已經問左我同同枱友人邊位要少甜但係一飲就知佢調轉左 so sad整體來說不過不失屋邨商場舖頭仔 $50左右一個lunch set都可以接受

今日上左大元邨美食平台揾早餐食，於是就試下呢間餐廳嘅早餐好唔好食。 職員叫我地坐張剛有客人離座嘅座位，但上一位客人食完嘅碗碟未有職員執走，隨即有位職員過嚟執枱，但我眼見佢係徒手攞住上位客人用過嘅紙巾去扔，全程執枱都係用手，無戴仼何手套🧤，而且清潔張枱亦無用仼何清潔用品之類，用一條不停重用無洗嘅毛巾抹枱，再用番對手攞餐具俾我地，疫情下我覺得個人衛生就一般般，睇下大家接受能力有幾高。 講番食物方面，我叫我左茄蓉湯腸螺絲粉，但嚟到我唔覺得係茄蓉，而係蕃茄粒湯，湯底亦無嘜味道。 不過最驚喜係有兩條腸仔，而且唔係難食嘅腸，似係好好味廚師腸。 牛角包🥐鬆軟，而白汁蛋沙律🥗都好味，不過份量就少左D 。

歐陸式嘅裝修，喜歡枱面嘅磚裝飾。食物質素好，蕃茄蓉湯底夠濃，碎蛋沙律，竟然仲有牛角包🥐選擇。每人大約36蚊，好抵食。在大元街市樓上，食完去買餸，地點方便。👍👍

21/4是政府禁聚令仍然生效，要求食店只能提供正常一半的座位，而且要枱之閰相距1.5米，但此店完全無視此要求，仍100%座位開放，而且為了利潤，四人檯安排坐三人，二人認識，另搭一个單人。二人的要求轉檯老板即黑面，在員工面前說单打客人說話。這樣的店全完以利為先

工作原因黎附近搵食，上去大元邨商場望望下睇到尼間出面都有唔少人排隊，人群效應覺得尼度應該唔會伏，所以入左黎食。首先環境係幾有特色，兩面牆係唔同既風格，一面工業風，一面歐陸風。上餐速度因為繁忙時間所以有啲慢，菜品都ok，叫左個忌廉意粉，一set 有曬所有嘢，湯，飲品，麵包。麵包麻麻，湯酸酸甜甜都算開胃，凍飲同熱菜蜜加3蚊。意粉都幾creamy，味道濃郁，很香！套餐54蚊，性價不錯，下次可再試其他食物！

經過街市樓上 見到呢間餐廳門面唔錯 餐牌圖樣顏色先鮮明 就比個機會距啦 第一次食 感覺幾好 唔會好飲茶餐廳禁逼 餐廳既枱幾特別 係由彩色不同圖案合併而成（附圖）好有歐陸風情 唔知係咪襯返間餐廳名早餐時段 服務員唔算多 但點餐到上餐時間都合理早餐選擇唔算多 2款-但有唔同既配搭可以簡一款係平時既常餐款 一款係歐陸款 今日叫左歐陸款- 炸魚柳 睇落好似好乾身 但食落完全另一回事 係鬆軟既 （加分）配菜就正常款 最抵既係+8配迷你火腿絲通粉 一d都唔迷你 比連鎖店果d份量多好多 成個餐食曬 lunch都唔洗食啦

第一次寫食評，因為真係覺得太過份行過見到個餐牌上既野食唔錯，所以入左去食，叫左個菠菜蜆肉大蝦忌廉意粉，碟野一上枱只係見到菠菜+意粉+少少洋蔥等配菜，大蝦同蜆肉搵極都無問個侍應，侍應居然話我記錯，我就話對廳牌，佢地先至死死氣問廚房，廚房就大大聲話無蜆肉呀麻，咁我再問“咁蝦哩，碟野無餸架喎，無蜆肉至少有蝦掛”，跟住佢地先死死氣地換第二樣野食最後要我催野飲先話無落到真係太過份😡😡😡絕對無下次