影片
下午茶:叫左两个餐.烧鸡凯撒沙律, 以为系烧春鸡或烧鸡扒, 但是原来是我想多了, 实际上只有鸡粒.烟三文鱼白汁碎蛋沙律牛角包, 估唔到系得两件牛角包仔, 包细料自然少. 另跟左几件冻左既薯角。饮品就正常既。
继续阅读
呢间小型街坊西餐厅杯咖啡有惊喜，够晒香炉又唔会带有酸味。其余嘅出品中规中矩啦，讲紧平均每人唔使40蚊就食到一份早餐，算系物超所值。第一份早餐就系火腿螺丝粉牛角包配一只煎蛋，味道正常，份量畀想像中多，牛角包系普通细细个嘅迷你版，35蚊一份完全冇投诉。另一份就叫咗蕃茄汤底嘅火腿螺丝粉，嘢食可以拣煎蛋炒蛋火腿肠仔任何两样，我就拣咗招双蛋，佢个蕃茄汤底唔失礼㗎，真系落蕃茄落去整，唔系净系得茄蓉。佢本身仲跟一个牛油方包，不过惊食唔晒所以走包。
继续阅读
谂住门口都有人排下队，以为差极有限，价钱唔平，平均$75左右一个餐，但食两啖之后先发现完全冇味，份量少，嘢饮亦都冇味。服态度又唔掂，个个侍应赶头赶命，叫左几次想要辣椒仔都无比，最后同我讲话冇晒真系食一餐都谷鬼气
继续阅读
已经唔止一次… ！本人为餐厅半个常客，不下一次见到餐厅男主管责备职员，明白职员可能有错，但可以细声啲或者企系旁边讲。作为客人，并唔希望一直听到责备声、重复又重复大大声讲一番说话。此举动令餐厅客人包括我都不间断地注视男主管及职员，真系非常反感！
继续阅读
今日嚟到大埔大元邨1间几多差评嘅食店试吓，显然街坊没有因为评价而却步，奇怪是坐无虚席。店内2边是卡位，中间是长方枱，今日被安排坐收银台面前，近门口的坐位，由于近门口，自动门常开，难免感到有些炎热。我点了两个午餐，黑松露野菌忌廉汁猪扒煎蛋饭和和风照烧汁美国肥牛手打乌冬。虽然价格只需＄55，但品质却略为一般，未能突破＄55的水准。猪扒煎蛋饭的黑松露风味不太明显，忌廉汁也略为稀薄。而美国肥牛手打乌冬的乌冬略为过软，加上照烧汁略嫌单一，牛肉也鞋口，咬劲十足。冻柠茶个茶底不够浓。无论是食品定饮品，份量都系几大份的。值得一赞是服务态度，门口带位的阿姐，亲切主动。收银那位未知是否老板，每位客人离开，经过收银台，他都向客人一一道谢。
继续阅读
您可能会有兴趣的...