權發飯店 (已結業)

三月初我夫婦和朋友共四人晚上8時到北角分店吃晚飯,當晚因是星期日,所以十分多人,等了約半小時才有位,我們坐落後看見鄰桌客人已差不多吃完,但還有一個豆腐火班煲未到,客人催促數次後,伙記才送上該煲,但客人夾起兩塊豆腐吃時,發覺竟是凍的,即叫部長來質問,但部長來到時答道:不要多說,現有兩方法,一是我現在拿回去加熱,一是取消此煲,客人聽後更加憤怒,因該部長說話時十分輕挑,所以客人即時說取消埋單走人,而該部長即將那煲取走.說回我們坐落後,我太太便叫菜,當時叫了三個小炒,及一個支竹班煲,我即笑說：小心會拿回剛才的班煲來,但我太太及朋友說：不會的,因我們叫的是支竹不是豆腐,而我們見鄰桌有兩母子來到坐低,剛才的部長即來推介說:今天的豆腐煲靚呀！但兩母子說不喜歡,那部長才倖倖然行開,我們叫菜後不到三分鐘,怪事發生,要煮七八分鐘以上的班煲奇蹟到先到,但當我們一看,即時無名火起,那班煲竟是剛才客人投訴不要的凍煲,完封不動,那塊被咬過的豆腐橫在煲面,而那煲還是冷冰冰的,我們即刻叫那部長埋呢說:第一這不是我們叫的支竹班煲,第二這煲是剛才客人叫過,你們做飲食的竟不顧道德的拿給其他客人！但該部長詭辯說你們是叫豆腐雙

係呢到食過二次，試過燒乳鴿、炆班尾、生炒骨、冬瓜盅、龍蝦伊麵等，小菜嚟講水準真係十分ｏｋ，尤其是炆班尾幾出色，價錢唔算貴，都幾值得幫襯。

今天是本人轉新工的大日子, 新同事好好人, 午飯時帶左我去公司附近嘅權發飯店, 大約12:55 到達, 嘩!! 勁多人, 心想12個人點搵位? 我即刻同同事講不如去第二度食啦, 但個個堅持話等一會, 呢度係好爆, 好好彩, 剛剛有張大枱埋單, 我係新丁, 就由同事們點菜, 佢地一輪咀講左一大堆菜名, 我跟住問食午飯啫, 使唔使咁誇張叫到好似食晚餐咁? 全部小菜, 跟住同事們話呢度好抵食, 免茶芥免加一, D 餸同D 飯又大碟, 等左一陣, 食物陸陸續續到, 不禁再次由心裡嘩出來, D 餸真係好大碟, D 飯重誇張, 勁大碗, 我食完之後拿起餐牌望下咩價錢, 一看, 以為睇錯, 我地叫左8 個小菜跟飯, 1 ) 菜膽雞$ 38 , 好滑好有雞味, 2) 金銀旦莧菜$ 33 , 普通, 3 ) 蒜香骨$ 33 , 好好味, 唔乾身得黎又脆脆地, 4 ) 生炒骨$ 35 , 唔會好似出面咁樣林晒再加一堆橙色茨汁, 真係脆架, 5 ) 咸旦蒸肉餅$ 33 , 一般啦, 6 ) 粟米斑塊$ 38 , 魚一D都唔腥, D茨汁又唔稀唔杰, 剛剛好, 用黎撈飯, 正, 7 ) 海味什菜煲$ 33 ,

前日去咗朋友屋企,之後係朋友屋企附近間"權發"食晚飯,之前已從朋友口中得知"權發"出名大件夾抵食,呢晚即管去試試味道如何!同朋友一行十人入到去,飯店並無什麼華麗裝修,只係一般普通飯店樣,環境尚算ok。侍應態度都好親切(只係有個別比例冷淡)。我地一共點咗9個菜,包括:1)冬瓜盅($88),裡面有帶子(係真帶子呀,唔係假0架,仲幾新鮮呀),蝦(都ok0架)個冬瓜鮮甜,仲要每人都可以飲到2-3碗,好大個。2)蒜香雞(一隻好似$78)估唔到隻雞無雪味,唔知係咪新鮮雞呢?因為好有雞味。雞皮香脆而且唔油膩,雞肉咬落有雞汁出,蒜粒新鮮炸起。3)避風塘炒蟹(約$220)隻蟹足兩斤重,又新鮮,蟹拑大大隻,啖啖肉。可選辣度,是次食小辣,好惹味。4)黃金蝦球(約$70)每人有2隻左右,好好味,原隻新鮮蝦炸起,蝦彈牙,唔油膩,上面有咸蛋蓉做成嘅醬汁。食嘅時候要小心熱。值得一試!5-6)大班兩味($168)包括炒班球﹑炆頭腩,魚新鮮即場劏,所以炒的班球好鮮甜。7)香草羊扖($78)唔知係味羊扖新鮮定係佢地醃得好,羊肉完全無羶味,朋友當中有人唔喜愛羊肉都話好味。值得推介。8)蒜蓉白菜($38)好大碟,菜新鮮,油唔

今晚同爸爸食晚飯，選了近屋企的這飯店。環境絕對不是賣點，服務都ok。食物份量很足，大大件價錢算抵。叫了酒煮蜆、XO醬田雞、魚湯4寶。蜆好大隻，都有鮮味。XO醬田雞同魚湯4寶味道麻麻，XO醬田雞好似無XO醬噤。

早幾日試過啦! 真係好平, 食物ok, 服務呢, 其實唔可以expect太好. 但係我又唔覺得佢地態度好差喎!經理又好, 老闆又好, 或者d 侍應姨姨, 個個都好helpful呀! 但係個別有d 粗聲氣d, 但相信係習慣而唔係故意.我地一大班同事去食晏, 點左六個小菜, 落單阿叔仲提議我地唔駛要例牌, 因為貴d. 佢話我地要午市小菜size就夠啦. 咁又係呀, 我地五個女同事加兩個男同事, 夠食有凸啦!佢每款小菜都跟一碗勁大的白飯. 我地叫佢唔好浪費, 比四碗我地夠啦, 但係最後都係食唔晒!阿叔推介生炒骨, 我地就覺得麻麻. 反而個蝦仁炒蛋就唔錯. 芥蘭肉片好油, 但係鹽焗雞同埋粟米石斑就ok.個個都食到好飽, 負責埋單嘅同事收番我地每人三十蚊. 佢話只係蝕幾蚊比我地. 咁真係抵死爛啦!

尋晚除夕夜適逢家父家母結婚周年紀念日, 唔想同人迫於是放棄喺銅鑼灣食, 諗住喺北角可以食得舒舒服服, 點知....早喺一個星期前已經訂定位, 訂咗6點14位, 訂位嗰時都冇話要限時交枱, 點知尋晚6點準時去攞位, 點知個類似經理ge人已經話7點半要交返張枱. 我地當時只到齊3個人, 梗係冇可能啦, 咁佢就話8點啦. 我當時不置可否話"盡量啦吓".過咗10分鐘家母再同多3個朋友到, 知道件咁ge事都好慶, 但係諗住算啦, 人地都係做生意, 就諗住點定菜但等齊人就可以即刻起菜, 慳返D時間, 點知嗰個經理ge物體聽到我地話要等齊人先起菜, 即刻黑起塊面話"吓, 唔係吓話, 未入得單住?.....(後面仲講咗D嘢, 但係好細聲聽唔清楚, 但肯定係話緊我地).6點半齊人即刻叫起菜(仲敢遲咩, 唔怕俾人加料呀), 我哋總共叫咗10個菜, 唔駛40分鐘全部起齊, 食到咁上下覺得唔係好夠, 於是點多咗個排骨, 又係嗰個經理嚟落單, 聽見我哋話要加菜即刻黑起塊面, 唔通依家真係要貼錢買難受?!!到7點40分我哋D菜上齊, 已經有伙計埋嚟叫我哋埋定單, 我哋因為唔想再睇人面色, 唯有乖乖埋單.無可否認

之前都試過到過權發位於西灣河及西環的分店覺得佢地都有一定的水準得悉權發加開分店當然要去試下估不到換來一肚氣首先我地早三個星期就訂左十六位並指定要一張大枱 收訂時佢地誓神劈願話無問題點知去到等左半個鐘都未有枱之後重話俾分開一張大枱 一張細枱坐重要一張係東一張係西隔開成個海我地堅決唔肯最後遲左成個鐘先入座張枱都未set好人都未坐齊我地都未話起菜佢地已經拿拿聲上菜講真唔知係咪俾佢地激到成肚氣食的野都唔得好味份量又不及其他分店有個餸重要煮唔熟不過佢地都肯認錯並換個碟最後叫佢地上甜品叫左四五次到無上見佢地d工員係咁掛住執野以為佢地跟進梗等左好耐都無就搵個好似比較高級d的問下佢先回覆話甜品送哂要我地白等差不多半個鐘我地唔係希罕你地送的爛鬼紅豆沙但你地係咪有責任通知聲客人呢每人約$120 價錢OK 但咁服務超唔值囉最後臨離開去洗手間時發覺佢地個廚房無遮無掩地下污穢不堪(見圖)但廚工就咁係地下處理食物OH NO! 要我再黎, NO WAY!

28/11(二) 6:30pm早已聞說此家小菜館出品不俗,是日適逢其會,放工後電召男友跨區覓食.才6時多,食客僅僅三兩臺,典型舊式小菜館格局,沒甚花巧豪裝,環境總算光鮮整潔.我倆點了梅菜扣肉煲$49,生炆生頭腩煲$65,沙鍋雲吞煲$70,還點了由那位辯稱是仗義幫忙的男士強烈推介的炸蟹鉗$40四隻.梅菜扣肉煲--份量實在不少,扣肉可做得腍身及鬆化點,而且味道稍甜,有點失色!生炆生頭腩煲--份量慷慨,頭腩爆得不夠香及惹味,布包豆腐味道帶微酸,幸而頭腩富一定鮮度.沙鍋雲吞煲--4-6人份量的雲吞雞被端上時,有點不知所措!8粒雲吞口感屬細緻爽口,外皮薄薄,餡料亦屬新鮮.湯底用上大量津白熬製,味道清甜!炸蟹鉗--$10隻可說是超值,體型巨大飽滿,炸至外皮脆身而不油膩,咬落啖啖鮮香的蟹肉,蘸上甜酸醬,水準之作!(打包了2隻給兄長作夜消,見兄長吃得非常滋味)菜式賣相粗枝大葉,份量用料相當慷慨,我倆花盡九牛二虎之食力也得拿著大包小包回家.服務方面侍應們待食客親切有禮,讓人吃得開懷滿足.此店沒收加一茶芥,只收現金.以$239這價錢,其實足4人享用!值得試試!

落雨濕濕，阿爸阿媽都話唔煮飯，所以決定出街食，本來想去筲簊灣的權發，最後去了這間權發！今次叫左一個翅，一個東瓜盅，仲有大班兩味，權發d野真係幾大碟，食唔哂要打包，食物都算不過不失，最正的是東瓜盅，又大個又落足料，有蝦、瑤柱、廋肉煲到剛剛好，好食，好都係88蚊，會再黎食！

同兩位女仕去食飯，忽然想起權發，在沒有人異議之下就去了。餸菜好多選擇，但兩位女仕都好細食，加上我亦唔係食得之人，所以只叫了一個涼瓜牛肉(跟飯)和雪菜肉絲窩米。涼瓜好正！好有味但又唔會太苦，牛肉都炒得夠淋，一流！雪菜肉絲窩米也不錯，材料又足，又幾好味。間中有杯茶飲下感覺好舒服。同埋佢免茶免加一，仲要一毫子貼士都唔收，真係抵到爛。要密ｄ黎食先得。

今日順路去左食quick lunch，平時都係晚飯時幫襯筲箕灣店。今日食左泰式炒金邊粉+ 蝦醬通菜炒鮮魷，味道ok份量足；不過覺得筲箕灣水準高d，可能食慣左。呢間新店環境唔錯，坐得舒服好多。

下兩天到了這間權發吃晚飯，都不算太多人，原來這間還有泰式食物選擇！今次叫了泰式咖哩炒蟹、泰式肉碎生菜包、一碗雞絲翅、豉油王鵝腸，泰式都算幾好食，不過生菜包好辣，雞絲翅好大碗，最好食係個蟹，蟹好鮮好食，咖哩汁仲帶左翻屋企撈飯食！碟頭size好大，雖然三個人食其實可以叫多一兩個人食，不過覺得貴左少少，蟹要138、翅要98，不過其他菜價錢不算太貴，格局就係平民化的酒樓，賣單要370，值得一提既係酒樓加一同茶錢都全日免收！都算食得過既

我同屋企人一向有幫襯開西灣河同筲箕灣o既權發, 最近係七姊妹道(健威後面, 即好耐好耐以前東潮原舖)新開一家, 當然要捧捧場.嘩, 成條街都係食店, 但晚飯時段間間都唔多好景...點知一上到去, 人山人海, 彷彿係另外一個世界. 證明大大大件夾抵食係成功的經營策略.講真, 份量大價錢又平, 唔能夠要求山珍海錯, 但一班朋友可以盡情大魚大肉一番, 亦係一種享受. 例如炆斑尾、斑翅只賣$105, 唔通想要生猛海魚咩. 但魚唔會腥, 味道都唔太差㗎, 算食得過. 不過, 暫時水準好似未能拍住西灣河喎, 請加緊努力. 不過今次食咗豉椒炒蜆, $58, D蜆大得好犀利(見圖), 食得好爽好過癮, 值得推薦.可能店尚新, 運作未全上軌度, 食客又逼爆, 人手顯得有點不足, 宜加改善.