影片
更多
2007-05-11
前日去咗朋友屋企,之後係朋友屋企附近間"權發"食晚飯,之前已從朋友口中得知"權發"出名大件夾抵食,呢晚即管去試試味道如何!同朋友一行十人入到去,飯店並無什麼華麗裝修,只係一般普通飯店樣,環境尚算ok。侍應態度都好親切(只係有個別比例冷淡)。我地一共點咗9個菜,包括:1)冬瓜盅($88),裡面有帶子(係真帶子呀,唔係假0架,仲幾新鮮呀),蝦(都ok0架)個冬瓜鮮甜,仲要每人都可以飲到2-3碗,好大個。2)蒜香雞(一隻好似$78)估唔到隻雞無雪味,唔知係咪新鮮雞呢?因為好有雞味。雞皮香脆而且唔油膩,雞肉咬落有雞汁出,蒜粒新鮮炸起。3)避風塘炒蟹(約$220)隻蟹足兩斤重,又新鮮,蟹拑大大隻,啖啖肉。可選辣度,是次食小辣,好惹味。4)黃金蝦球(約$70)每人有2隻左右,好好味,原隻新鮮蝦炸起,蝦彈牙,唔油膩,上面有咸蛋蓉做成嘅醬汁。食嘅時候要小心熱。值得一試!5-6)大班兩味($168)包括炒班球﹑炆頭腩,魚新鮮即場劏,所以炒的班球好鮮甜。7)香草羊扖($78)唔知係味羊扖新鮮定係佢地醃得好,羊肉完全無羶味,朋友當中有人唔喜愛羊肉都話好味。值得推介。8)蒜蓉白菜($38)好大碟,菜新鮮,油唔
同朋友一行十人入到去,飯店並無什麼華麗裝修,只係一般普通飯店樣,環境尚算ok。侍應態度都好親切(只係有個別比例冷淡)。我地一共點咗9個菜,包括:
1)冬瓜盅($88),裡面有帶子(係真帶子呀,唔係假0架,仲幾新鮮呀),蝦(都ok0架)個冬瓜鮮甜,仲要每人都可以飲到2-3碗,好大個。
2)蒜香雞(一隻好似$78)估唔到隻雞無雪味,唔知係咪新鮮雞呢?因為好有雞味。雞皮香脆而且唔油膩,雞肉咬落有雞汁出,蒜粒新鮮炸起。
3)避風塘炒蟹(約$220)隻蟹足兩斤重,又新鮮,蟹拑大大隻,啖啖肉。可選辣度,是次食小辣,好惹味。
4)黃金蝦球(約$70)每人有2隻左右,好好味,原隻新鮮蝦炸起,蝦彈牙,唔油膩,上面有咸蛋蓉做成嘅醬汁。食嘅時候要小心熱。值得一試!
5-6)大班兩味($168)包括炒班球﹑炆頭腩,魚新鮮即場劏,所以炒的班球好鮮甜。
7)香草羊扖($78)唔知係味羊扖新鮮定係佢地醃得好,羊肉完全無羶味,朋友當中有人唔喜愛羊肉都話好味。值得推介。
8)蒜蓉白菜($38)好大碟,菜新鮮,油唔多!
9)椒絲腐乳通菜($38)好大碟,菜新鮮,火喉剛好,菜仲有d脆口。
今次所食每人都只係一百蚊到,仲有佢地唔收加一茶芥,可以講真係幾抵食,份量又大,一大班朋友食剩D餸都好飽,而且用料新鮮。佢地而家仲有個$999海鮮餐,今個星期日母親節同媽媽去食最好,又抵食,味道又ok!不過最好book定位囉,佢個度好似幾多人,我閒日去都多,假期唔知會唔會仲多人呢?!
另外,收銀姐姐好好人,笑容親切!比個GOOD你!!!
张贴