權發飯店 (已結業)

懶得煮飯，所以去了食權發。權發出名抵食夾大碟，所以人少既話，真係好難叫餸，叫3碟，一定食唔哂。今次好醒，2個人都忍得住手，只叫了2碟小菜。(1)蒜子莧菜﹕好香好有鑊氣，蒜子仲有消毒的功效。(2)菠蘿生炒骨﹕生炒骨又香又脆，甜甜酸酸，十分開胃。

權發出名抵食實惠，今日和同事行過權發樓下，決定上樓試試。午市有碟頭飯供應，只需二十餘元。而我們選擇的小菜亦不過是三十餘元一款，連白飯一碗，抵食。梅菜蒸鯇魚：鯇魚味唔算好濃，反而梅菜撈飯好食。鹹魚蒸肉餅：肉餅口感鬆軟，只是鹹了些少。西檸雞：炸粉太厚，唔夠脆身；西檸汁OK；整體一般。鮮茄豬扒：同樣鹹了些少，普通。時菜炒魚鬆：普通。雜菜煲：普通。

我是午飯常客. 之前.日日午飯都到唔同餐廳試吓. 終於比我哋揾到我哋的午飯飯堂.雖然權發無裝修, 勝在真才實料、好味道、底食. 我最鍾意食班腩/班球飯. 連茶. 都是$32-45. 任坐.

9/3(一) 4:30pm翻查食誌,方知已有三載沒拜會過此店.適逢其會,下午茶時段跟同事S點了特價粉麵:魚香茄子肉鬆炆米$23及干炒牛肉飯$23魚香茄子肉鬆炆米--帶微辣的炆米入口略有濕氣而入味,而茄子肉碎味道沒想像中濃烈,油份也較輕清.干炒牛肉飯--炒飯誠然乾爽,口感也對頭,敗筆處乃其味道清淡,菜心粒及牛肉粒吃落不夠傳神.沒加一茶芥的收費,換來的是侷促的環境以及灰頭土臉的面口.

　　今年公司聖誕聯歡並沒有如以往一樣在公司舉行大食會，改到酒家吃晚飯，這夜選定了在公司附近的權發飯店，貪其就腳，食完可繼續開工，亦聽聞此飯店抵食夾大件，為免人多意見多，決定了$1888全包宴。　　白灼海中蝦、四喜拼盤、冠軍蒜香雞、鮑魚菇掌翼、海皇魚翅羹、頭腩兩味、翠瓜翡翠蚌、伊麵及炒飯、甜品……　　這幾道菜，個人最為欣賞就是四喜拼盤，所謂四喜就是：脆膳、墨魚打成的片、蜜餞合桃及豬頸肉，四款小吃非常惹味香口，特別是墨魚片非常彈口；而頭腩兩味也造得相當不錯，非常夠火喉，上桌時熱騰騰，魚片炒球啖啖肉，對懶人一族的我最適合，魚骨炸炆也不錯。　　這家飯店經常客滿，同事還告知平時午時所提供的碟頭飯也相當抵食，價錢也很合理。唯一需要留意的是，這裏只收現金，不設信用卡付款，一定要多帶點銀彈，否則非常狼狽，就像這頓飯，到了結賬時侍應告知「只收現金」，於是唯有幾個人夾夾埋才能結賬，他們還說很多食客也需要落街到櫃員機提款才能結賬，其實現今社會又點會銀包有幾千元呢！係咪要考慮下多元化付賬，迎合大眾。

同個friend 補祝生日,一行6人去0左呢度食飯~~~上到去, 差唔多都係坐滿哂人,好彩咁0岩有人走~~~有檯jei~~~我0地叫0左total 5個餸~~~石班分兩味,一個蒙古烤羊扒,一個避風塘炒辣蟹,仲有一個xo 醬炒牛肉粒~~~最先上係兩味石斑,石斑肉夠嫩滑, 好新鮮,唔錯唔錯~~~因為兩味都用0左唔同0既菜墊底,可以唔駛另外叫菜都ok~~~之後0黎0既係xo 醬炒牛肉粒,用0左榛子同翠玉瓜0黎炒, 幾得意~~~0的牛肉粒好好食呢~~~不過牛肉粒少0左0的,翠玉瓜略為多0左0的~~~因為加0左榛子, 食起0黎更加香口~~good~~~終於等到我最想食0既避風塘炒辣蟹,好多好多蒜泥, 好香, 不過唔辣,如果可以辣返少少, 會惹味0的,不過到時可能叫多兩隻都唔夠~~~haha~~~我0地一人都係分到一至兩件蟹腳,呢個餸如果4個人or above食可以叫兩至三隻,如果唔係會唔夠喉~~~最後係蒙古烤羊扒,呢個呢.....都好食, 可能我見佢用"蒙古", expect 0左會係幾多香料去整la~~~食落冇羶味, 不過就唔夠香, 多0的香料就好la~~~總括0黎講都ok, 6個人食都係百零

天氣轉涼，開始入冬，我突然想食羊腩煲，所以就接完女友收工後就提議去食，女友亦是鍾意食羊，當然贊成，於是就去女友經常提及的權發飯店。女友擔心“權發”可能會無羊腩煲，我就安慰女友說「這種天氣，中式食肆又怎會無羊腩煲呢？」。來到果然沒有令我“跌眼鏡”，每個$118，就來一個。可能我們來到已經是九點半過後，所以人客不多，格局是一般街坊飯店。不消五分鐘，羊腩煲、gas爐和附送的生菜就先後上檯。上檯時煲是沒有蓋的，因為一看就是很足料，連蓋也放不了。待羊腩煲滾起，我和女友就立刻夾了來吃，很入味，而且不是太肥，肉質鬆軟，不韌，略嫌羊肉不夠羶，但依然很好吃！這個羊腩煲很大，吃到一半女友已經轉注吃枝竹、馬蹄和生菜，我亦很努力地“清理”羊腩，幾經辛苦，我倆才吃掉一個羊腩煲，很飽，很暖和很滿足。這裡是不收加一的，可能正因如此，服務也別樹一格。話說羊腩煲滾起時幾乎滿瀉，女友覺得煲身放得有點歪，便要求侍應把煲身移正，結果阿叔祇是將gas爐連煲移了位90度就“解決”了問題，果然夠“專業”！不過我們應該會再來，試試其他小菜。

聽聞權發甚抵食，兼夾大件，一大棚人拉隊來試試。雖是閒日，約七時半，祇剩兩張大檯，其餘也有八成滿。坐下開茶後，註場生力啤小姐來推廣，叫了兩支，另外點了八個菜：金牌蒜香雞 -- 皮脆肉香，但用雪雞，無鮮味美極炸脆鱔 -- 送酒一流，用多了美極，成反效果蜜椒骨 -- 炸得很香口，沙汁大蝦球 -- 蝦頗大隻，這道菜不錯中式牛柳 -- 不太螢光，OK墨魚餅 -- 變成墨魚球，也算合格八珍豆腐煲 -- 無特別難度鮑魚菰扒生菜 -- 鮑魚菰切得很薄，與真鮑魚像度真有九成，汁茨味道也恰當各碟的份量頗太，送紅豆糖水，連十三個白飯，埋單$789，都算抵。服務也算不錯，介紹的菜式，我們一個都無要，也無面黑，建議傳菜亞姐用蓋蓋好食物才送出來，因她又喜歡一路行一路講，有點礙眼。

最初試權發也是被它「免茶芥、免加一」的優惠所吸引，第一次試過還有意外發現，除了每一碟菜份量足夠之外，還挺有「鍋氣」，賣相不錯，鹹淡適中，味道挺好！厨師果然有一手！最吸引的是大快朵頤之後，價錢合理，有一種吃得痛快之感！特別要介紹的是權發肉類的確有一定水準，像香橙骨、沙拉骨、京都骨，肉質鮮嫩而又保持外層稍用油炸過的香味，再加上醬料，真的很可口。還有老干媽涼瓜炒瓜，用了很多蝦米，可能加一些XO醬，有一點兒辣，但感覺很特別，和平時吃的炒涼瓜很不同，值得一試。哦！對了，點菜時記得要說明是老干媽炒，不然的話就會變成一般的炒涼瓜啦！至於服務方面，我覺得還可以，不同的價錢就會不同的要求，以權發的收費算可以。我試過幾次侍應生服務態度還可以。好像在通漲的壓力下，菜式的份量似乎沒有明顯減少...還行！平時一家人吃食真的可以試一試，多點一些不同菜比較比較。

15-06-08 Sun Dinner一大班親友吃飯, 點了良朋歡敘精選1)蒜茸開邊蒸游水中蝦2)碧綠蠔皇花膠海參3)西蘭花帶子花枝片4)鮮蟹肉大生翅5)蒜香脆皮燒雞6)清蒸游水石斑7)蟹子海鮮炒飯8)上湯水餃敬送甜品(沒有, 沽清)超值$1288(6-9位用)1)蒜茸開邊蒸游水中蝦: 蒜茸很多, 很香. 蝦肉爽脆, 一陣陣的鮮味2)碧綠蠔皇花膠海參: 真材實料, 生菜, 蠔油, 花膠, 海參. 如果加上冬菇更好花膠膠質很重.3)西蘭花帶子花枝片: 花枝片爆得很香, 西蘭花也很爽口, 帶子亦很新鮮4)鮮蟹肉大生翅: 蟹肉不多, 翅亦不多, 湯夠濃且香5)蒜香脆皮燒雞: 一向也覺得這種燒雞不是太生便是太熟, 這裡的熟了一點點肉鞋了一點點. 算幾入味, 皮也香脆.6)清蒸游水石斑: 6-8人的份量來說也不錯了, 石斑很新鮮, 沒有蒸過火, 魚肉嫩滑7)蟹子海鮮炒飯: 蟹子不多, 只能說蟹子是一點點點綴. 飯炒得不夠香, 但幾夠乾. 蝦仁很爽, 食落索索聲8)上湯水餃: 韮王湯餃, 味道一般. 叫多枝酒, 2 支蘆薈汁, 識人冇加一, total $1380.Total 10 個人食, 不過

呢次係第二次幫襯丠角呢間權發。貪佢地大件夾低食, 當然味道都唔錯。 今次我地8個人去, 一壺香片,一壺 滾水加點左6樣餸。有魚頭煲, 西蘭花炒花枝片桂花蚌, 馬介休炒通菜, 西檸雞等。壺香片無乜味, 又無乜色, 睇到D茶葉係"茶葉"。食物味道, 份量而言, 可算係一間值得一試嘅餐廳/飯店。服務方面, 先說一下點菜和上菜。 其實, 上菜同點菜, 同"一般茶餐廳"無乜分別, 都係叫侍應埋黎, 點菜及上菜, 其間並無任何說話, 即係無人話我地知上緊咩菜, 只係我地自己估, 所以正如上文講 - 同"一般茶餐廳"無乜分別。 其間有試過上錯菜, 但侍應並無任何反應, 無講出餸菜名, 當我地討論緊果碟係咪我地ORDER的餸菜時, 侍應生只係即刻睇一睇單, 然後攞走碟送, 並無同我地講任何野。其實呢D都唔係咩大問題, 只能話佢比茶餐廳服務更普通。令人髮止嘅問題出響埋單度。 埋單時, 侍應好大聲同我地講 - "免茶介, 免收加1 誠惠$449"。當時我地並無為意, 因為有幫襯過, 知道佢地唔收茶介同加1 , 同去茶餐廳無乜分別, 正! 我朋友埋單比左 $460, 佢地找 $11蚊, 我朋友攞左$10蚊走

剛看了其他網友寫的食評，讚多過踩，主要是抵食夾大件，我亦同意，論價錢，相對大 + 樂 / 大﹙塊﹚活還要平，論質素及服務，亦不比其他快餐店或茶餐廳落後，本人覺得似一間四、五星級酒家，起碼有 "靠背椅"、枱布、地毯等，不是每一間飯店都有。粟米石斑塊 --- $70 相對同區的明星酒家，明星只賣 $48，而份量及味道亦相若，ok!菠蘿生炒骨 --- $55 待應勁推介，本人要求唔高，好味﹗西蘭花大蝦球 --- $85 嘩﹗好名貴呀，平日家常便飯好少叫，見幾十元，便豪一次，爽口彈牙、足夠好味，夠大件。炸蠔餅 --- $68 熱辢辢，相對份量不算多。豆腐生菜鯪魚球煲 $58清清淡淡，至啱爸爸媽媽。白飯 $7沒有糖水送免茶芥加一

自從搬左黎北角之後,我地發現左好多好野食.權發係其中之一.係呢到食過二次,試過:- 椒絲腐乳通菜: 勁大碟,菜好爽脆,但係唔夠椒絲無乜辣味;- 污遭雞: 其實係上湯蒸雞,不過撒左d黑胡椒係面,仲有d紅棗,連"偶"配底. 我地覺得普通左d;- 辣酒煮螺: 勁好味,夠晒辣同埋d螺好爽口,推薦!- 炸蟹鉗: 只係$10隻炸! 皮脆而唔油膩,啖啖蟹肉,水準之作! 原本一碟有8隻,但係可以叫半份;- 紅酒燜牛肋骨: 少少辣,有d似羅宋湯味,d牛肋骨好"林"好入味;- 炒聖子: $68例牌,勁大碟但係d聖子有d腥腥地,同埋有沙,下次唔會再叫;因為我地次次都好夜去,二次都食唔到燒乳鴿,香草羊扖同豉椒炒蜆,好可惜! 希望今個星期日食到啦!P.S.如果你勁介意環境唔乾淨同埋服務麻麻既話,咁就唔好黎啦. 呢到唔係酒店,而係一個家庭式飯堂,大件夾抵食個種!

我相信妳攪錯咗啦!北角權發都無點心食,何來妳見到的情況呢?

上星期五跟友人到此店晚飯,當晚叫了西蘭花炒班球,椒鹽骨&沙鍋魚雲煲(全是我朋友點的).每個餸 來的時候都熱辣辣,大件又抵食(並不代表好好食,只是OK吧!)沒有異樣.但看罷對上一位食友的遭遇,我也不覺出奇!我爸爸也曾親眼看到酒樓的點心師父拾起已丟到地上的燒賣再放會點心蒸爐中...眼不見為乾淨.但食友描述此店的行為確令人齒冷,簡直當你失去味覺?!我以後也不會再光顧此店.