檳城小屋 (已搬遷) 新店位置

第一次來崇潔街搵食，之前有網評話呢道喇沙出名，入到店內看菜牌竟然發現沒有喇沙（當時已經懷疑，「摻摻」就是指喇沙，但小弟一向隨緣，沒有問清楚）。結果最後點了乾咖哩撈麵和荔枝冰。乾咖哩撈麵：乾咖哩香口惹味，好有口感，油麵都幾爽口。配菜主要是芽菜、蛋和蝦仔，蛋ok，但蝦仔肉梅又癡殼，顯然不新鮮，失色不少。碗底的醬油有很多咖哩油，所以食到尾段會成口油，失了乾咖哩的特色。如果乾咖哩係即炒，再減少醬油的份量，及採用新鮮蝦相信會更加好味。荔枝冰：糖水加兩粒大荔枝，以十蚊一杯來計，如果有三四粒荔枝就好喇！整體來說ok，有網友話呢度喇沙抵食過廚師好多，小弟未試過不敢下評，擇日再試。但如果材料好似D蝦咁細隻之餘又唔多新鮮，咁平貴就見仁見智，任君選擇。不過呢度坐位環境都好過廚師好多，當然也是考慮因素之一。

今晚係我第二次來這裡，真係好好正!!!之前在這裡都看過很多comments, so i think i must drop a few lines here!That's what i feel tonight ~~ 係香港真係好難可以食到咁好味既炒粿條，即係香港人叫既炒貴刁，好少油又夠乾身又香又有螄蛤，又有馬拉既胡椒粉，加埋爽口芽菜，咁先至係真正authentic! U know what? I tried the Asam Laksa last Sat., It's really gorgeous!!! Penang人最愛既阿參喇沙，真係全港邊到都搵唔到，可惜只係星期六日供應，趁機會結織老闆娘，hope she can make Asam on week days..but 阿Beh 話因為太少港人喜歡吃而會於lunar new year後stop供應.....唉..... 而咖喱面(星人叫咖喱喇沙)，亦係我既另一最愛，真係可以將所有湯喝光~~ the taste is just the same as the one i had in malay ~~ oo... i real

尋晚9點鬆d, 肚裡的下午茶豬扒包消化得七七八八, 橫風橫雨在紅磡, 停低架車過來睇下有乜食. 見到招牌, 想起看過cheap兄食評, 就入來了. 檳城蝦海鮮麵唔辣, 原本是叫比唔鍾意食辣的男友的, 不過2個麵上台後, 佢\對我個有椰味的喇沙海鮮麵有興趣多些, 我們就交換了. 蝦湯麵湯底帶甜味, 都算香, 蝦仔都有蝦味但蝦肉就黐殼, 叫錯了麵底, 所以整體欠左d野咁. 飲完個甜甜的湯底, 又喝了2啖喇沙湯底, 相對覺得咸左少許\, 但都幾香, 本身應該幾好味的. 另外叫了一個馬拉箋通菜, 不過當晚通菜賣晒, cutie的妹妹店員提議我們改食甜菜, 落單後原來甜菜又賣晒,所以變左馬拉箋莧菜, 辣辣地都幾好味. 臨走聽到離台有個靚妹問店員\"點解我同佢\同一碗麵, 我冇左d蝦? 我走辣唔係走蝦喎!\" 又幾搞笑!

檳城小館搬了去隔離大舖, 地方大了又多了野食...今次去唔再只吃蝦麵, 吃了老闆娘推薦的奶油蝦, 炒甜菜, 沙爹雞, 薄餅, 福建炒麵...炒甜菜短短, 爽爽的, 未吃過, 不過就甜爽脆, 是一種好吃的菜。這裏的沙爹是燒的比一般別處的油炸沙爹, 更香更好吃。薄餅是酥油的, 伴一小碟咖哩汁吃, 福建炒麵都是水準之作。是晚主菜的奶油蝦一上枱就發覺跟店門的照片不大相同, 賣相比照片靚好多, 陣陣奶油香但是蝦又是乾身的, 不見有汁液, 老闆娘話記得要把香香的蛋絲一起吃, 才知那但酥香碎碎是蛋絲... 不消一會便整碟蝦吃掉。這裏不會給你好多的菜式選擇, 但是老闆娘話一定地道。由老闆娘親自下廚, 個人覺得確實帶點住家風味, 吃後就只有"好吃"可以說出感受。

食左個海鮮蝦麵(摻)....摻=油麵+米粉.....都算幾多料...青口三隻...蝦5隻等等....個湯都好味....(同蝦麵店比..各有千秋..但個人偏好蝦麵店...濃味D..)..我成碗飲哂....另外要左半打牛肉沙爹....唔鞋口....不過味道麻麻地....咖喱一上檯時好香....小辣....味道唔錯....成間餐廳選擇唔多....海南雞又只在星期二供應.....星期六晚都只得一檯大檯同我兩個人....呢間野都值得一試既....起碼我仲想試佢既喇沙....

試左個豬扒蝦湯麵，湯底有好鮮既蝦味，可惜太甜，感覺上似蝦味糖水，豬扒味道幾好，但係份量得掌心咁大，又薄，蝦好細隻（手指尾咁大），蝦肉又霉，油麵份量又少，食晒成碗麵都唔駛三分鐘。地方乾淨簡潔，招呼態度亦好好，不過價錢略貴。

之前已幫襯過幾次檳城小屋。呢間鋪由老闆娘親自坐陣﹐基本上水準好穩定。前晚同太太再訪﹐要左一個蝦豬頸肉麵﹐一個蝦豬扒叻沙﹐馬拉盞雞同埋白咖啡。呢度的蝦麵﹐其實算係做得唔錯﹐湯底跟出名專做蝦麵的“蝦麵店”相比﹐係味道唔同﹐但我覺得係平分秋色﹐各有各好。蝦麵店的湯底係以蝦味作本錢去吸引客人﹐如果你係蝦痴﹐去蝦麵店就一定無錯。而檳城小屋的湯底的蝦味雖略不及蝦麵店﹐但整體上味道會比較平易近人﹐除非係無蝦不歡一族﹐否則檳城小屋的蝦湯底相信都會合口味。麵的配料有已去殼(只留殼尾)蝦肉﹐雖然唔係大蝦但數量都唔算少﹐亦算新鮮﹐絕對唔係雪藏蝦仁一類的貨色。豬頸肉份量亦足﹐但豬頸肉入湯做配料始終不及燒烤來得香口。下次或可以試試其它的配料。湯入面仲有生菜﹐芽菜同乾蔥等等。呢度的叻沙可選擇大中小辣﹐我食過兩次﹐覺得中辣係最好味的。湯底的咖喱同椰漿配合得好好﹐非常惹味之余亦不失椰漿的香滑口感。如果只論叻沙湯﹐檳城就做得比蝦麵店出色了﹐因為我試過蝦麵店的叻沙湯﹐咖喱味係重左少少﹐雖然都算好味但就似咖喱湯麵多過似叻沙。配料方面﹐有蝦湯麵一樣的蝦﹐份量一樣地足﹔豬扒則炸得剛好﹐但味道無甚特別﹐算過得去吧。而其它配料如上

1. 冬菇蝦魚腐laksa﹕湯底遠不及灣仔「蝦麵店」的濃郁、蝦只用了蝦仔、冬菇醃得過甜，唯魚腐不錯，幾軟滑。2. 香茅豬扒﹕豬扒炸得太乾。

專程去食肉骨茶,另叫牛肉沙爹,雞喇沙麵,凍薑茶.叫先至有杯水,兩個人俾一杯,唔掂.沙爹先來.牛肉有咬勁,汁味道匹配,正.薑茶太甜唔夠薑亦唔夠凍,尚可.雞喇沙麵,喇沙夠香唔夠濃唔夠辣,麵一流,唔錯.肉骨茶,藥味不足,肉唔夠肥,排骨內臟都唔入味,湯撈飯仍ok,整體頗失敗.油條過晒氣,舖頭細無辦法,好在唔油膩尚算乾爽.

自己幾鍾意食星馬菜, 知悉這家小店己久, 終於湊到幾個人(好試多些菜式嘛), 專程跑到紅磡一試.晚飯時間顧客也不多(整條崇潔街也是如此), 大家捧著餐牌研究期間, 老闆娘主動走過來協助. 老實說她並非對客十分有禮那種, 但態度亦算親切, 也頗健談, 對菜式有什麼問題可儘管問她. 餐牌上有部分菜式需要預定(如rojak), 或只在某一日供應. 我們點了:墨魚餅----簡單無花巧的一道小食, 勝在墨魚味濃.馬拉薄餅----有點兒像油酥餅, 蘸附上的咖哩汁吃, 酥軟惹味.串燒雞肉----雞肉普通, 但沙爹汁夠辣夠甜.砂煲肉骨茶----材料有豬肝和粉腸, 不吃的話可轉魚腐(多麼新奇的配搭!). 雖然用小爐及砂煲上, 賣相不俗, 份量也大, 但藥材味多於一切, 欠缺甘味和甜味. 不肯定正宗的可是如此, 只知不是我喜歡的肉骨茶之味.椰漿飯----餐牌上的名字又長又難記, 但大致上應是椰漿飯. 這道菜我沒有細嘗, 記憶中跟在別家吃的差不多.喇沙摻摻----可選擇辣度, 我們要了老闆娘建議的中辣, 摻摻即油麵及米粉兩溝. 主角湯底果然香辣, 跟在星加坡吃到的差不多, 不錯~~ 如果有我朝思暮想的那種香

12月13日要在紅磡見工,時間關係,因此見罷才去吃午餐,似乎見工成功在望,當然要找點好吃的來打賞自己,又不知甚的,這幾天也想吃海南雞飯,也想吃Nesi lemak,於是想起兩款也有供應的餐廳,對於紅磡並不熟路的我,相信很難找到崇潔街,雖則之前看過地圖,知道加太賀就在這裡,並得悉是隱藏在工廠區內的橫街,但也要花了一點時間才找到.時間已是三點多,四時許了,午餐已過,晚餐又未至之下,店內空空如也,店內燈光昏暗,看餐牌也有點困難,心多之下,好不容易才叫了:Nesi lemak:有一個很可愛的中文譯名===>辣笑你阿媽,其實即是椰漿飯,伴吃的有水煮蛋、青瓜、炸花生、炸江魚仔,以及任擇雞翼或豬扒.在蕉字頭的集團星馬店吃過此飯兩次,一直以為是那兒所下的椰漿份量不多,因此只是滲出淡淡的椰香,以為這裡的會較香濃,怎知也是差不多,或許道地的出品理應如此,但若椰香,再香濃一點,我會食得更加開心的.炸花生好脆,一點油溢味也沒有.青瓜、雞蛋也是食開那些,不用詳述,炸江魚仔雖是凍的,但是香脆得很,雞翼也只是微暖,但外皮也帶點脆,而雞肉也很滑溜,兩款肉類也伴了甜得來帶點微辣的馬來西亞辣醬,個醬好好味,嚐辣的

當日我同家姐同埋佢男朋友去食晚飯，分別叫左兩個乾咖哩炒麵同埋一個炒貴刁~兩樣都好惹味，不過乾咖哩炒麵即使加辣都唔覺得辣，但味道不俗，而且好香!最好味既係白咖啡，我平時都唔飲咖啡，因為怕苦。但依到既白咖啡，不單止唔苦，而且又香又滑，掂!

粉絲皮春卷好食, 蝦湯麵又好香, 魚腐都好正.試過肉骨茶煲, 好有藥材味, 幾特別!乾咖哩麵要少辣, 但都好辣!又平又抵, 服務唔錯, 會再去!

尋日遊行完﹐成個散晒﹐沖完涼諗住出街食飯,又唔想去太遠﹐於是諗起崇潔街﹐因為我就住紅磡區。但去到﹐又諗唔到有咩食﹐見到一間“檳城小屋”﹐印象中好似未幫襯過﹐一於試下。一入店﹐聞到近門口一檯客剛上的蝦麵﹐香味唔錯呀。打開菜牌﹐見到除左有蝦麵類﹐仲有我最愛的喇沙(LAKSA)﹐個心即刻十五十六﹐兩樣都想食﹐唉﹐點解我只得一個胃呢﹖結果因為之前聞到香味﹐始終決定食蝦麵﹐選了“海鮮蝦麵”+ 辣。喇沙﹐下次我先可以試了。另外點了滷水豬頸肉及炸墨魚餅。蝦麵先上﹐一片血紅色的油浮在湯上﹐先飲一啖湯﹐熱辣辣的確係唔錯﹐但稍稍不如先前想象中香﹐但都已經算好好味。配料則有幾塊魚片﹐3隻青口﹐5隻蝦﹐豆卜芽菜等﹐都算好足料。麵質亦算唔錯,可以配合到個湯底。而個加辣湯底都算幾辣﹐唔食得辣的就唔好要“加辣”了。至於小食﹐滷水豬頸肉乃水準之作。肉質無用多講﹐如果豬頸肉都可以煮得韌的話﹐間鋪頭可以執笠。而檳城小屋煮得夠軟之外﹐亦滷得非常入味﹐可算佳作。炸墨魚餅一碟四件﹐有少少似巨型炸墨魚丸﹐味道唔錯﹐但質感不夠實淨﹐而且炸得都幾油﹐不過點甜酸醬食就會好好多。埋單都只係幾十蚊﹐絕對抵食﹐估唔到又找到一個好地方食馬來麵

乾咖哩撈麵: 雖然(食送)唔算多, 但味道不錯, 幾香幾辣...炒貴刁: 炒得好香好惹味, 比平時食到既好味好多另外叫左兩個飲品(玫瑰飄香/荔枝冰), 唔駛加一, 埋單都唔駛$100~~