檳城小屋 (已搬遷)

When you are claiming yourself as Penang food, please behave like a penang-ite, or at least your food got to be taste like (or similar) like one. The char Koay Teow, I rather call it soy sauce blend okay teow, it tastes flat, and ordinary. the teh tarik... so call milk tea.. taste like water. The prawn noodles..... disgusting . shut it down, or maybe get your name change, remove the word "penang" l. Dont lie and jeopardize my beloved home town. …查看更多

今天閒來到紅磡檳城小屋，竟發現小店會經營到二月中結業，老闆娘話好難請人，已經營了十數年都無辦法，有緣來到一定要食一餐。既然係蝦麵之王，當然要點，叫了魚片蝦摻摻，即米粉加麵，湯底蝦味濃郁，一定用了大量蝦頭熬製。檳城炒粿條，鑊氣夠，芽菜還炒得脆脆的，足料包括坊間少見的獅蚶，海南雞飯飯香雞滑，醬汁亦好正宗，聽說老闆娘係檳城人，經常會到老家入貨。斑蘭咖央多士亦沒有令我失望。只是每食到對胃口，有誠意的小店，本應興奮的心情，無辦法不因為知道只有多一星期就結業而感到可惜。香港有良心，有誠意，有實力的小食店，還有生存空間嗎？…查看更多

多得臉書，才從食友的post中得知這家在崇潔街開業十多年的小店，下月要關門了。我和鬆弛間中都會到崇潔街覓食，但就一次都沒有吃過這家店，沒想到第一次來，就可能是最後一次來。周日的午餐時段來到，客人只有半滿，門口和店內都貼著餐廳將於二月中結業的紙條，還有門口也有金剛和小儀來採訪過的易拉架。餐牌上的食物類別不算多，反而覺得集中做好某些東西更好。食友介紹了喇沙，這個肯定是必試的，另外還點了自己和鬆弛超喜歡的檳城炒粿條。記得第一次吃是在檳城，吃罷 覺得非常非常好，上年到沙巴的時候幾乎天天都吃。在香港也有這種炒粿條，不過會稱為炒貴刁，但河粉的口感、粗幼度以及味道都和在檳城吃到的完全不同，所以 看到這裡稱有炒粿條時（牆上的照片寫著粿條，餐牌上就寫著貴刁），無論如何都要點一碟試試。桔仔冰。鬆弛超級愛的馬來西亞飲品，味道和在當地喝到的一樣，鬆弛遇說早知道這裡有的話，他必定會間中來的。傳統馬來雞絲豆卜喇沙。傳統的欄目中有雞絲或魚片配豆卜，鬆弛要了雞絲，可是雞絲一點也不能稱為絲，是無骨的雞塊吧，所以吃起來有點嚡。麵底可以選油麵、米粉或摻摻，摻摻即是油麵和米粉雙併，我們要了摻摻，口感也不錯，但最喜歡的還是新加坡喇沙的米線。喇沙可以點小辣、中辣和大辣，鬆弛想也不想就要了大辣，大辣其實也不算很辣，因為湯底裡面加入了大量的椰奶，所以喝起來是偏向香辣，不會辣得嗆喉，算是頗有水準。檳城炒粿條。一上檯就覺得非常對版，除了份量比在檳城吃到的大一點外，顏色與香味都很吸引。吃一口，真的不得了，心裡想為何那麼愛吃炒粿條，卻一直沒有留意到這 裡。炒粿條夠鑊氣，新鮮熱辣，裡面加了獅奄和豬油渣，又有爽口芽菜和蛋絲，除了油多了點之外，真的很好吃。如果可以提供馬拉辣醬而不是用本地辣醬會更美 味。班蘭咖央多。落單時店員會問你要不要牛油，雖然要控制飲食，少吃牛油，但吃咖央是不能沒有牛油。咖央多相對地比較普通，多士烤得不夠香脆，大概是因為在香港也吃過兩家水準不錯的咖央多，所以這裡的並不算特別出色。看似是老闆娘的人說餐廳只做到二月中，問她會否再開，她也說不知道，待去完馬拉回來再算。吃過一次炒粿條已經令我心癢癢要再來吃，希望在結業之前有時間可以再來多吃幾次。…查看更多

今天跟朋友去電視介紹＜小儀，金剛＞的餐廳食lunch, 我們比人蝦，我們叫二個不同套餐諗住一齊食，問老闆攞二隻碗，她說：要收我哋14元。我們問點解?她沒有禮貌地說：妳攞二隻碗，仲貴過洗碗人工，最低工資都要三十蚊。再極度之不禮貌地說：妳哋係咪要呀，妳比錢咪比妳囉。連旁邊食客聽到說：以後唔幫襯。…查看更多

入OPENRICE, 選用”地址”搜索, 打入”崇潔街”, 共兩頁, “檳城小屋”排在最尾, 之後就是(已結業)的店了. 排得係”最頭”或”最尾”的店, 必要有翻咁上下”勁”啦… 排得最頭, 就係有翻咁上下”好”, 排得係最後就梗係有翻咁上下……… 心照啦.. 網上找到介紹這店, 經營了十多年, 人稱”肥媽”的曾太, 出生於馬來西亞出, 看到其介紹的”嗜辣不可不試”的”檳城辣笑阿媽飯”, 網頁所記載:“記者只試一口，確是辣到笑，不嗜辣的請考慮其他。”以”蕉業”的長方形膠碟載上, 餐牌上沒有寫明有甚麼材料, 在介紹檳城小屋的網頁內有說明: “白飯, 炸豬排, 馬拉魚乾, 雞蛋, 花生.” 白飯, 話有椰味, 但食唔出. 炸豬排, 唔肯定係未即炸, 因入口唔太熱, 但太乾身(不排除係翻炸, 令水份盡失). 馬拉魚乾, 係一般的”銀魚乾”, 唔使買馬拉入貨, 香港都大把, 西環間間海味鋪都有, 而且靘過馬拉好多, 半隻拾蛋, 好! 花生粒夠脆呀, 加了些所謂的辣醬, 辣醬中有兩三小片洋葱, 入口, 真是… 笑鳥…, 不過係”甜”到笑. 正所謂一山還有一山高, 強中自有強中手, 如果你天生犯濺(我估計我都有些少), 一日唔比人鬧過都唔安樂既話, 咁…你就一定要嚟呢間試一試喇, (但我覺得...我好似...同佢賣緊廣告…:(), 這店與其他服務差的茶餐廳是分別的, 就是, 你永遠估佢唔到既就係, 你問咩嘢問題 會刺激到”士頭婆”鬧你呢? 而我的大發現係, 其實你問“士頭婆”咩嘢問題, 佢都係會鬧你! 或串你!由入門口的一刻, 已經聽到”士頭婆”鬧緊位外賣客人: “錢都比咗, 重想改食物, 梗係唔得啦!!!” “士頭婆”鬧完人之後 重要不斷自言自語, 表現出好不滿既樣子. (應該係:"被迫害妄想症")我們坐下後, 又聽到”士頭婆”大聲喝另一檯客人 (因那檯客人自己轉位, 尚未落ORDER, 我心想, 如果已經落了ORDER, 應該更精彩…), 以命令的口吻叫他們不要把餐牌放在檯上, 因為未清潔檯面會整污衊個”餐牌”. 另一檯客人, 坐低後不夠一分鍾, “士頭婆”又使出佢既”連環問”: “要咩? 要咩? 要咩?....”, 那檯客…當然答唔出啦, “士頭婆”於是又面黑走開, 之後見佢地想落ORDER, 都專登唔理佢地, 由佢地等... (原來, “小氣”與年齡係無關係嫁…)於是, 我與友人, 你眼望我眼, “顫顫驚驚地”完成了我們的午餐, 走時, 門口看到”士頭婆”與佢”老公”的一張照片, 友人立即感嘆地說了句…..”我老婆…如果……唉…..幸福係無必然既..…” 哈哈…查看更多

只此一次，千秋萬世都吾幫襯!1）入去叫餐，向老闆娘指住menu上的圖片，話我要：「xxxx麵底跟尼個（摻摻），吾識尼個字」她即黑面要我讀出該菜的摻字，老闆，斜啤我諷刺地：「讀出來拉，吾讀出來鬼知你要咩!讀出來!!」「......」2） 當我問佢餐廳收唔收信用咭，老闆娘二話不說：「咩話!我都吾知你up嘜!] 「可以用信用卡嗎？」「咩話！冇架，即係冇$啦！」快快手收番我地的餐具（其實也只不過就是2對筷子甘大把）。睇到我同老公眼都突埋。一直冇出聲的老公情不自禁問：「做咩呀？D筷子...」「吾系外賣咩?走拉!」我：「食埋，系度食埋先，夠現錢」「要$xx wor?」「夠架，我地有」佢才死死地把兩對筷子放回原位，但一路白眼一路口𥄫𥄫。跟手大聲跟廚房講：「佢地冇錢wor!冇錢卑wor!]在老闆娘的嚴厲監視下，我地快快手吞左D野落肚去買單。見到門口果張聞名不如見面的報章：「無笑面不開門」😱😱😱😱😱😱😱😱😱😱😱😱😱😱😱😱😱…查看更多

嬲到食完野即刻返屋企開account打食評!!因為未見過一間服務咁差! 不值一去!今日我同媽咪, 嫂嫂, 侄仔去食.下午十二點半行到門口, 餐廳裡面得兩個人用膳, 我地已經覺得唔多妥, 呢個lunch time無理由咁少人.但因為呢間係崇潔唯一一間星馬菜餐廳, 我地都想試下,結果就行入去食.入到去, 冇人招呼我們, 都冇所謂,我地搵張枱坐低, 突然有個女仔(應該係老闆娘個女)走過黎放低餐牌,咁我地睇餐牌既時候, 侄仔(一歲都未夠)就好開心咁用手仔拍下拍下,拍到幾下張餐牌, 之後老闆娘用唔好既語氣走過黎話:"唔好整爛張餐牌呀, 一張68蚊架!".佢仲重覆左呢句"一張68蚊架!"兩次, 驚死我地聽唔到咁!我地當堂打左個突試問一個幾個月大既bb點會咁大力整爛你張膠質餐牌呢?!叫左"叻沙"麵, 炒貴刁, 咖哩飯, 同埋海南雞,全部都唔太好食, "叻沙"麵既海鮮唔生鮮, 湯底唔夠椰香味;炒貴刁除左得兩隻蝦ok之外, 成碟貴刁既唔香口又唔夠鑊氣, 明明叫左小辣, 都係一d辣都冇;咖哩飯就不過不失;海南雞既飯, 佢冇用黃油整, 實在係敗筆!之後媽咪想俾侄仔飲啖水, 問侍應俾杯水, 個侍應話: "要水就4蚊杯!" 一杯水都要4蚊?! 有冇搞錯! (初時入黎坐已經冇供應水俾我地)就算有人俾錢請我去, 我都唔會再去! 因為呢間檳城小屋既全部侍應服務奇差, 尤其係個老闆娘, 一d都唔識做街坊生意,連杯水咁既人情牌都唔識打!!!呢間檳城小屋唔應該再係香港呢個講求服務態度既地方生存!!!…查看更多

坦白說, 這間是我生平第一間見過最差的店 ! ! ! ! ! 當天中午與我女友去食妟, 當日見舖內雖然都多人, 但仍有位, 就入去試下, 原來點知........我們叫左兩個$39既餐, 講真, 呢個價錢雖不算話好貴, 但係呢區黎講都絶對不平, 佢斜對面既加太賀食一個定食都是比多幾蚊咋, 食物黎不算太慢, 但份量真算少.....:(而且真係好普通, 香芧雞翼飯.......平心而論, 真係冇乜香芧味, 不是難食, 而是食左都唔覺得有咩好食嗰種如果$29還可以接受, $39就絶對不值了! !:(係我地食緊既途中, 隔離枱有班男女的, 其中一個女仔叫一個侍應阿姐, 問佢想拿一隻碗仔, 當時個阿姐既表情真係......好似問佢攞張身份證黎睇咁 ! ! 佢係咁連續問幾次, 問個女仔要黎做乜, 個女仔既反應係.....估唔到對方有咁既反應, 個女仔重未識答, 重呆緊既時候, 個阿姐就叫個女仔自己問事頭婆攞, 個事頭婆聽到好快已一路大叫過來, 係好大聲好粗魯好威嚴咁質問!! 呢啲語氣我聽得最多就係睇戲啲疑犯被警察盤問既時候, 個事頭婆又係連續咁問 "你要黎做咩呀 ! 要黎做咩呀 !" 好明顯當時個女仔係嚇傻左, 口窒窒咁.... 佢隔離另一個女仔就幫口出聲, 話因為碗野太辣, 想要隻碗仔分開啲麵, 個事頭婆聽完後竟然話唔會比佢地! ! 之後佢大既既意思係話個個咁問攞多隻碗攞多對筷子, 咪要有好多野要洗!! 事頭婆重好豪氣咁大大聲對住佢地咁話 : "你地入得黎就要跟我規矩, 如果你地唔鍾意可以唔好入黎食!!" ! 佢地成班男女即刻變左好似小學生咁只懂點頭, 都唔敢再出聲....我以為德發小廚個肥哥廚師老細已經夠差夠睇唔起人, 點知.............真係唔好用 "多唔多人" 黎作為"好唔好" 既標準......係唔準的 ! !…查看更多

我從未寫過食評，真係忍唔住要寫一寫，呢間餐廳星期六晚上七點晚巿當旺時間都冇客，應該知咩事！錯在我貪唔洗等位，係我傻！一入去個老闆娘已經好黑面，餐牌上乜都冇，問佢啲食物辣唔辣又寸寸貢，落單又超級冇禮貌，問佢攞多對公筷又話每枱限一對！睇得出佢真係好唔想做生意！貼到成牆都係老闆娘同名人拍照，應該係佢淨係想招呼名星，唔想招呼普通客人！全間餐廳得我地一枱客佢都甘唔願招呼，我真係覺得好神奇囉！檳城風味炒貴刁: 已經叫左佢少油, 但仍然非常油膩馬拉盞雞: 味道太咸馬拉盞通菜: 少少辣, 都OK肉骨茶煲: 甘多樣野入面最好食, 都算幾多肉骨, 味道唔錯, 但$128得好細煲…查看更多

老公見好耐無去紅磡，咁就去吓啦，之前係同一條街都食過其他食店，感覺都幾好，見呢間有肉骨茶就碌入去試吓啦，嗰時只係7:30其他食店都有幾枱客，但呢間就得一枱(其實嗰枱係老闆娘自己食飯咋),入到去心知不妙啦。。但係算啦，可能時間仲早姐，無任何招乎唔緊要，眼神接觸都無，心諗係咪今日唔做生意㗎？多口句“仲有野食㗎呵？“老闆娘串咀話有，拎住筷子指住身後道門張A4紙寫，落場3:00-6:00，又話如果唔係我地入嚟就唔做啦。。。。依依我我一陣又走咗去。。心諗“問吓姐？唔洗咁呀？“好啦到睇餐牌啦，一心想食肉骨茶，所以叫咗個細($128)，仲有薄餅($20)，芭蘭咖吔多($18)同桔仔酸($19)份量少都算，味又唔係真係好，肉骨茶啲排骨係林，不過其他肉類就係韌嘅，多士薄餅都幾好。一定夠熱，杯桔仔酸就夠凍對佢地服務都無要，人地又唔係賣笑，唔對你笑都算啦，識得自動拎兩隻碗比我地都過得去，但係大家如果真係要去嘅話，請將自己對其他食店服務態度嘅要求降到最低就好啦。:(環境。。。一入門口見到嗰面牆有裝飾之外，其他都係嗰啲同名人影嘅相同剪報，又寫咗幾張不負責任嘅紙，最經典都係同前一持食評一樣嘅剪報，大大幅標題寫“無笑面不開門“ 哈哈。。。…查看更多

話說好耐冇去崇潔街食飯，今日心血來潮想去細個成日去既加太賀食晚飯，於是行左去崇潔街。入到崇潔街，見到呢間野上過小儀金鋼既節目咪入去試下囉...點知...:(一坐低1分鐘都冇，我地都未睇得晒佢果4頁MENU，個老闆娘就行過黎勁問我地食咩食咩我地話未睇完一陣先嗌，個老闆娘就黑面走左去之後想ORDER又叫極都唔過黎由於佢得3頁食物，1頁飲品，冇咩選擇，我地首先嗌左3樣野食先，諗住一陣唔夠再嗌，於是叫佢唔好收個MENU，KEEP住先，但個老闆娘話唔得，一定要收囉我地話想再睇下ORDER D咩食，個老闆娘就已經收起晒2本MENU入去廚房，仲話D MENU一定要放響廚房佢間鋪得果幾張檯，當時晚飯時間，但係得2,3檯客，佢又唔係唔夠MENU用，都唔知佢咁急收起D MENU做咩?!有生意唔做?!定係驚我地COPY佢本MENU??!當我地等梗食物黎既時候，隔離有一對男女ORDER完食物問個老闆娘要2杯水，點知就俾個老闆娘鬧個老闆娘講左一大輪野，又話水都要錢，洗杯唔洗錢咩，食物又加價我加得你地1,2蚊都冇得賺呀....之類一大揸野最後佢話佢呢度要ORDER野飲，冇水俾，一杯水要收2蚊，2杯水要4蚊結果果對男女就ORDER左一杯野飲同一杯水。等左一陣有野食喇，D食物水準普通...賣相普通...喇沙有少少辣,都OK我地打算SHARE人個喇沙，勁有禮貌地問老闆娘:「唔該，可唔可以俾隻碗我?」老闆娘俾左2隻細碗我地，咁我分左1碗俾我FD，另一個碗咪放左D蝦殼上去囉...點知俾老闆娘見到我放蝦殼落隻碗，佢又鬧我一輪，又話洗碗唔洗錢咩，食物又加價我加得你地1,2蚊都冇得賺呀....之類一大揸野之後又話唔好張檯面，放響張檯面污糟，做餐死.....最後佢話要返我地一隻碗2蚊於是我fd就好嬲，就串佢叫佢收返我地錢，2蚊隻碗啫我地仲俾得起!沙嗲個樣同我響吉隆坡食果D差唔多，味道就不太好，重點係個SAUCE唔得，唔係人地沙嗲個SAUCE。馬拉盞炒通菜得個辣字，完全冇馬拉盞味因為個馬拉盞炒通菜辣，見到隔離檯對男女ORDER水都俾人鬧，又話要收錢，於是ORDER左杯荔枝特飲。本身我地2個女仔食量一般，食晒吒3樣野都唔夠飽:(本來想耍嗌野食，但係真係食到一肚氣，佢D野又唔係話好食，於是我地走左臨走果陣我同我FD見到佢有張剪報貼出黎有老闆娘個樣，份報導寫住「無笑臉不開門」我同我FD即刻大笑左出黎!…查看更多

經過祟潔街看到一家貌似很多明星光顧過的馬來小店就決定試試看菜單的馬來食品應有盡有, 唯一些要提早預約點了蝦麵與叻沙蝦麵有甜味卻少了蝦本身的鹹鮮味, 湯底味道十分單薄, 有愧「蝦麵之皇」之名叻沙沒香味沒椰味, 只有辣得不尋常的紅油油麵吃得出是低檔次的, 尚未點菜, 老闆娘以經站在身旁,'食咩食咩??????沒有服務 沒有質素 沒有環境那...還剩下什麼~…查看更多

難得約埋舊同事一齊食午餐, 當然要搵好野食啦.我地一行 8 人 下午12:35分到達賓城小屋後便馬上拿 menu 睇吓食乜 ..負責幫我地點菜個阿姐已經寸寸地咁同我地講 " 你地要快落單,唔係一陣人多左冇得追 ! "最初都以為落單個阿姐只係出於善意提醒我地, 點不知跟住佢真係越來越過火 ... :(以下 4 段令我地 " 冇名火起 " 對答 ...1) 我地落單已經講明要雞同牛串燒各半打, 阿姐好 "友善" 咁回答 即唔係雙拼啦, 你地自己唸啦 相拼每款得3件咋 ..佢又真係得意喎 , 我地都已經清楚講明要雞同牛串燒各6件, 咁可來要求雙拼 ??? 2) 薄餅有特別優惠 3 客送 一 .. 我地由於擔心會因為食唔晒浪費所以只 order 左 2 客, 而 " 友善" 阿姐 居然同我地講你地唔好後悔呀, 一陣唔好要我幫你地加 … :(電視都買緊廣告要節約, 唔通要我地明知食唔晒都要照叫 ?? 3) 食到中途我地再加單叫其他食物, 這位 " 友善" 阿姐已經唔係好耐煩 ＞＜”我同事拎住份 menu 問其中某食物可唔可以跟餐, 佢竟然咁答 " 份 menu 已經寫晒, 個個都係咁睇, 係得你睇唔明囉 .. 簡直離晒譜 .. 我地真係冇唸過佢可以咁 .... 超激氣 !!!4) 我地係12:50分 落單叫左碟炒通菜 , 但去到接近 1:30 分都未到.. 我地都冇去追單, 反而" 友善" 阿姐 竟然係我同事身邊同佢地自己人講 " 快手出埋碟菜比 果 8個人,等佢地快趣情食完快手埋單唔好阻住 .. 我相信你開得食店都唔會限制你午餐時間唔可以超過6 人以上進入咁有趣 ... 最好笑係佢地係食店重貼左一份聲明 " 由於我們是用心為大家做出美食, 所以客人請不要隨便滋擾,以免影響做菜者心情 .. 如貴客等候時間不許可的話就請移玉步 … 這是我們食客的聲明 " 我們都是開開心心出嚟食飯, 希望貴店員工可以態度正確地接待, 以免影響客人用餐時的心情 .. 要知道我們食客也可以隨時選擇其他 .. :)當日我地 order 左以下食物 ..炸墨魚卷 --- 味道都唔錯同好彈牙:)喇沙海鮮摻摻 --- 摻摻就是麵+米粉,配料有蝦,青口, 豆卜, 魚片, 十分普通，味精極濃海南雞飯 --- 雞肉尚算不錯, 可惜味飯一般 :(炒貴刁--- 炒到好碎濕濕無特別.配料只有三四隻小蝦, 芽菜和蔥及之外, 便無其他餸 海鮮炒大碌麵 -- 其實只係將小量蝦, 肉, 魷魚再加芽菜和蔥炒烏冬, 味道平凡沒什麼騖喜 :(雞亦飯 --- 雞亦炸得都 ok ..馬拉盞炒通菜 --- 炒得有獲氣同帶少少辣, 可惜太老雞肉沙爹串燒 --- 雞肉燒得有點乾, 沙爹醬味道都 ok ..牛肉沙爹串燒 --- 燒燶咗 重以為食緊午牛肉乾 薄餅配有咖哩醬 --- 好手抓餅感覺, 如果淡番啲都唔錯 惹米水--- 不願置評，比清水還要清 希望貴店明白必須依靠店內食物和人都有好嘅質素先可以成為 一間成功嘅食店, 而不是但靠20多分電視宣傳同雜誌幾幅相片就得 .... ><…查看更多

這間開在崇潔街內的馬拉小店，已營業了一段不短的日子。曾有一天來自檳城的前度師母告知小弟說這兒的喇沙一點也不像樣，自己知悉後開始時也有一些懷疑，心想這裡的出品一向甚有口碑，應不會如她說那樣差吧，怎知今天有機緣下一試，竟發現一件事實，那便是老行尊的說話，是必定要聽的....海鮮喇沙本應是我的首選，但立時便想 : "若海鮮不對版的話那又如何? "，於是腦急轉彎，要了蝦加豬頸肉喇沙摻摻....喇沙的靈魂當然是湯底。這兒號稱用的是蝦湯底的，先飲一口，有甜味，但鮮味方面卻一點也沒有，而且感到這種甜有些假；再過多一陣子，喉頭有些異樣，眉頭登時大皺。"師傅"到的感覺，真令人難受:(....配料內的蝦隻一點都不新鮮，肉霉得很；豬頸肉一向是味道最穩陣的食材，就算落入庸廚手中也不會太難吃的；滲滲麵底內米粉的比例比油麵多，更不是吾之所好:( (因本人是一個不折不扣的油麵狂)....看到店內牆上寫着有斑蘭牛油多士供應，本欲一試，但看見招牌喇沙的水準已是如此，也犯不着以身犯險了吧....…查看更多

一入鋪只看見老板娘貼滿與多位名星合照的照片, 以為可能會有些驚喜.... 點知......1) 老板娘態度惡劣, 我們坐低未夠30秒, 即不耐煩地追問: "食乜呀, 食乜呀? ? !"2) 我們想叫加也多士做甜品, 問老板娘可否稍後才加單, 她回答說: "一張單落晒! 唔係你一陣催都無用! 有人等了個半鐘都未有! 我無所謂架, 你有時間咪等囉!" 咁都忍你, 看埋食物質數仲精彩....(看下列):(3)叫了4樣野, 但無樣掂:魚腐叻沙麵 -- 湯底紅油多過乜, 面得個一住仔,魚腐兩塊仔, 盛惠差不多四十大元!炒貴刁 -- 大火得濟, D河粉兜到起一舊舊黑色窿塊, 老抽味太重, 味道像豉油王炒河!馬拉盞雞 -- 用deep fried斬件炸法, 味道淡不特只, D雞韌道要大力咬, 食到勁黐牙!!加也多士 -- 這樣算是最好, 雖然D"加也"薄得可憐, 但塊多士總算熱熱地!4)還有, 餐廳牆上貼了大字報, 告訴大家該店沒有水或任何免費飲品供應, 要飲水就要幫他"買"! 可以杯裝或支裝! 勁攪笑! 如果自己帶水就要罰錢! 如無記錯好似是每位十大元!我們是特登坐車去幫襯的, ! 對於這樣的食物質數, 這樣的生意態度, 真是覺得非常後恢和失望!…查看更多