檳城小屋 (已搬遷) 新店位置

6-8-2009有事要到紅磡一趟, 落巴士先食個 lunch, 嚟到多嘢食又無咁多人的崇潔街. 記得之前見過有間食馬拉嘢的, 幾有興趣, 避開一眾港式日本料理嚟試試.先飲杯凍薏米水 (跟餐凍飲 + $2): 上凍下暖, 真係 記得喺新加坡飲的係煲到 d 薏米溶晒, 所以杰撻撻的, 呢度的就「米水分明」, 味道清甜消暑, 薏米煙煙韌韌, 其實比新加坡的更對口味. 主食揀了「檳城蝦海鮮摻摻」($35), 一眼睇晒有蝦, 青口, 豆卜, 魚片及「搭」的生菜, 及米粉 + 油麵兩溝: 湯底頗濃蝦味, 不過我覺得稍鹹, 比灣仔嗰間 (http://www.openrice.com/restaurant/commentdetail.htm?commentid=1908230) 稍遜. 配料認真麻麻哋 -- 5 隻無頭蝦殼腍肉更腍, 3 隻 (雪) 青口無味又偏韌, 3 件豆卜離奇帶點青檸味 (!?), 可幸 (港式) 魚片正正常常無驚無喜. 兩溝麵底叫做無咁悶, 不過油麵淥得太生, "al dente" 口感其實唔係太好食...環境乾淨, 2:30pm 幫襯變了「包場」, 招呼亦不錯

見到門口張貼了大量雜誌的廣告，店內亦貼滿了藝人光臨的合照相片。相信食物會有一定水準。店內座位十分十分迫狹，MENU很DIRTY。晚上八點左右去到，共埋我們只有兩檯客。ORDER 了炸豬頸肉，喇沙海鮮摻摻，薄餅，魚腐XXX面飲品係白咖啡同檸檬惹米水白咖啡幾好飲，唔會太甜，又有濃的咖啡味。惹米水不願置評，比清水還要清。店內沒有免費茶水， 凍水 $2，熱水$3，茶$4 @杯 , 因為物價高漲WOR.. 這店的確幾識做生意!喇沙海鮮摻摻 : 十分普通，味精極濃，摻摻=米粉+油面炸豬頸肉 : 一般啦，香口野。薄餅 : 一定要趁熱食，味道尚可不過再光顧，唔抵食，唔好食，加上兩位太子女冷冰冰的面孔

其實我每個星期六日都四出搵食..因為懶, 所以好耐好耐都無寫過食評喇……今次因為實在太怒, 所以一定要寫去到呢間話食馬拉野既餐廳, 環境一般, 6點幾入到去只有一枱客, 仲有好多位, 想自己揀枱坐個老闆娘又俾面色我同男友睇, 叫佢俾水, 佢話唔會供應, 打開本menu, 連馬拉出名既rojak都話要預訂, 叫咩馬拉餐廳呀, 真攪笑, 無乜選擇下唯有叫左雞豬扒喇沙摻摻, 墨魚卷2樣先 諗住遲d再叫, 咁諗住留番一本menu係枱, 點知個老闆娘話 “唔可以放menu係枱”, 又黑面, 下? 放本menu係枱留番遲d叫野都唔得? 我諗佢menu係唔多, 但都唔多人喎…我從來都未聽過話唔俾放menu係枱呢樣野, 真係無奇不有…講番食物先墨魚卷先到, 原來只係有腐皮卷包住d條狀既墨魚丸去炸, 得做油字, 完全無墨魚味, $28得2條仔, 有搵笨既感覺…跟住雞豬扒喇沙摻摻到喇, 豬扒只係一件無味既炸雪豬扒, 豆卜又唔新鮮又淋, 2片堂生菜, 湯底竟然只係濃d既咖哩汁, 無椰香可言, 總之料屎又唔正宗, 係我過最差既喇沙, 咁既喇沙我寧願食車仔面好過, 車仔面又係可以揀油面, 又可以揀咖哩汁, d送

去左間叫檳城小屋，店子細細，門口仲貼左報導上過雜誌喎！我叫左檳城蝦仔豬扒喇沙摻摻（即係油麵＋米粉），湯底好香濃既棷味再帶點辣（我幾鐘意），蝦仔有３飯隻不過有一飯隻霉呀，其他都好得呀！老公係檳城蝦仔雞翼摻摻，佢個湯底有好濃既蝦味，都正呀！

五月十五日(星期五)同老公吃完了令人失望的炸雞扒後,再到了檳城小屋吃喇沙了!之前見到雜誌報導過,喜歡吃喇沙的我們就到了試試!^.^本身想吃意蠔屋的,可愛的小朋友誤用了OR的map,所以找不到,唯有搭的士過來滿怖食肆的崇潔街吃檳城了!第一次經過只得幾個食客,再次過來!多了!看過menu後,我點了檳城海鮮喇沙米粉,老公要了檳城蝦雞奕喇沙米粉,多款不同的配料加上喇沙,選擇多呢!很快就上了!看過湯底的顏色,不錯!不過多了點辣油!所以我飲了一口就咳,是比較辣的喇沙!椰味濃!不過,唯海鮮方面,蝦!有兩隻是稔的!..不新鮮!其他的青口,魚片,豆卜都不錯!我們沒有叫飲品,要水亦要加錢的!總括不會再專情來吃的!

想起也差不多有三年,沒有來到崇潔街內的"檳城小屋",期間曾經停業,亦曾在天后開過分店,到最後,仍是在崇潔街.小店牆上掛上馬來西亞國旗,大大隻字寫住"蝦麵之王",自信心爆棚,年前來吃過其喇沙,很有水準,今次就要個海鮮蝦麵,既然自傲為蝦麵之王,那有不吃的道理呢?午市的早段前來,避過了黃金時間的人龍,安然無恙,沒有壓逼感,自得其樂地喝住凍奶茶.不久,海鮮摻摻便奉上我面前.份量恰好,如果太大碗恐怕吃不下.蝦麵的靈魂就在蝦湯,未吃麵先喝湯,果然有很濃的蝦味,湯底混合了些馬拉盞,令到味道更加刺激.配料的海鮮是蝦同青口,不寄望青口是靚貨,吃下去頗為鮮嫩,有鮮味.蝦亦新鮮,另外的配角豆卜負責索取湯汁的味道.要摻摻不是貪得意,而是米粉加油麵,口感比較多元化.連埋一杯凍飲,剛好$40,價錢經濟又好吃.自稱蝦麵之王,是否因這個小小的海港內,其他魚兒不長進,而令到這一隻蝦獨大?

能說正宗檳城福建話的老闆娘，食物怎會不正宗？亦是普通價錢而已。我敢說香港地再沒有另一間食肆有此水準（高級餐廳我沒機會試），若你不喜歡正宗口味，拜託你以後吃港式馬拉菜便算。（唔識欣賞炒棵條不如去第二處食乾炒牛河算罷啦）推：1. 架央多人手做四粒鐘先得果一細樽架央，咁好心機，一件加架央多都係收你十零蚊，好食過你某某豬膶麵果d 架央多好多啦2. 檳城炒棵條真係有螄蚶呀，夠晒鑊氣，去邊度搵？兩丁友去，食得唔多，下次一定要試埋蝦麵，雞飯，肉骨茶．．．諗起就開心．．．

今年情人節 H & K 選擇到紅磡逛逛，全因 K 安排到這小店試食! H & K 約六點半到達這小店，發現只有一個客，但他隨即就埋單走了，結果H&K就在包場的情況下共進這個情人節晚餐!點吃了以下喇沙海鮮摻摻 ==> 湯底OK，但未有想像中的好，不算太辣，配料海鮮有青口、魚片及蝦，但味道只是一般海鮮蝦湯米粉 ==> 湯底都有蝦味，但沒有喇沙湯底的濃，味道都 OK墨魚卷 ==> 只是一般凍白coffee==>幾好飲，好香coffee味這小店環境一般像家庭式小店，而食物都算有特色，但稱不上好好食，這小店最值得一提反而是這裡"特別"的服務態度!! 哈哈 !!總括多說，H & K 都滿意今晚的情人節晚飯 : >

傍晚時分走進餐廳，發現一個客人都沒有，心想可能還早吧。之後叫了一個喇沙海鮮摻摻+凍白咖啡，自己一個一邊等一邊睇雜誌。凍的白咖啡先到，真的很香。離枱三尺都嗅到陣陣的咖啡味，很喜歡她的味道。入口沒有普通咖啡的霸道，不過仍然很香。不久，喇沙海鮮摻摻都來了，湯底不見得有如其他食家盛讚般好。太咸，椰味不足，頗失望。海鮮方面，不太新鮮，不過還可以。有3隻蝦+青口+豆卜+魚片，其中1隻蝦是霉的，其他沒問題。豆卜入味，魚片尚算彈牙。油麵及米粉"摻"再一起，一粗一幼，感覺很特別。整體來說，食物水準不高，但有見其他食家表示，食物的水平不穩定，所以不能作實。 以是次經驗，白咖啡是真的值得推介，喇沙海鮮摻摻就不提也吧。

補回18-10-2008食評 這店我是第二次去,呢間小店的事頭婆是馬拉人,最令我難忘的是蝦麵,因為蝦麵的精華全在湯底中~~好好味的~"冬菇魚腐摻摻"(即一半麵溝一半米粉),都幾好味的~~"海鮮蝦麵".湯底好鬼正~~可以飲得出是用了好大堆頭的"蝦頭"來煲的.薄餅配有咖哩醬,好好味~~只是燶了少少~墨魚卷---->>這個好似街市冷櫃買的一樣~臨走前仲打包咗個"干咖哩撈麵"比老公.總括而言: 值得去吃~大部份的粉麵類都幾好食~至於小食就一般而已了~

一心想來吃海南雞的，但臨時見有撈麵，又轉了吃雜錦乾咖哩撈麵。一大碗的，份量幾多。咖哩幾多，蓋滿了麵，濃濃的杰杰的，看來唔係「易撈」。麵底要了摻摻，即油麵加米粉，撈起濃濃的咖哩，味道竟然還有點淡，不太夠味。配料方面，蝦是我最怕的軟殼蝦，食之無味。麵已不夠味，豆卜當然也是如此，最好的就是沾了沙爹醬的蛋了，比較美味。埋單45蚊，不便宜，但也不太好吃，可能要吃喇沙又或是雞飯會好一點。

這間店鋪的問題, 就是不能夠保持水準, 今次叫了豬頸肉摻摻, 一咬落去, 十足煲湯豬肉, 又淋又散, 完全不是豬頸肉般的彈口, 明顯煲過龍, 已經第6次到這間店, 頭5次都是食同一樣, 都是豬排蝦摻摻, 基本上每次的味道都不同, 第一次食時, 覺得湯的味道十分濃, 但第2次同朋友食, 就唔同左, 湯明顯”淡”了, 也都是每次都叫涷白咖啡, 又係每次都唔同, 一時淡一時甜, 一時有”泡”一時又沒有”泡” 但整體而言, 摻摻係幾好味既, 若然價錢在$30以下, 倘可接受,

補回25.5(sun)的lunch食評,咁岩睇到食評,知道有間食喇沙的, 見到d相好似唔錯咁wor~當然要試下啦~lunch time去到,都幾多人wor~我要左個喇沙冬菇魚腐摻摻,摻摻即係米粉+油麵.唔講味道住,先講份量.我碗麵一黎到,嘩~超多粉,彷彿加左底咁,但係另外有個同事碗麵又超小,又有一個同事個湯底特別紅,唔知道係辣d定係唔夠多椰汁呢.最攪笑係每人都有一杯薏米水做餐飲,只得我o個杯薏米水係冇薏米的,其他4個同事又有超多薏米.呢間野d份量會唔會真係求其左d呢?講番味道,先飲湯底.正!夠濃,有蝦味同椰汁味剛剛好.冬菇同魚腐各有3件,冬菇幾入味,挺厚身.但魚就好實一舊野,唔好味.另外有同事食豬頸肉,佢話似叉燒,又瘦.又有另一同事食雞翼,佢就話唔錯.因為入面的肉都有味道,唔係淨係得鹵水色.至於d摻摻,兩種麵都過硬,似碌麵的時間唔足夠.如果d米粉係用幼身的銀絲米粉會好好多.一來銀絲米粉索左d湯會好好味,而且口感都好過而家.總括:湯底真的不錯,冇service,加上份量不一….連麵都不可取,再黎食的機會不太大.

識飲識食復活節(十)來到最後一站，依依不捨的在大街上找著合眼緣的食店，由紅磡火車站一路走來，在這條「食街」對這由「肥媽」主理的麵店有些興趣。它標榜自己的蝦湯麵不錯，而由於對灣仔「蝦麵店」還是念念不忘，便點了喇沙海鮮摻摻和蝦雞絲摻摻。喇沙海鮮摻摻的湯底不嗆口，也不算太辣，也喝到椰汁味，是頗不錯的湯底呢！摻摻中的油麵煮得不諗，頗爽口，和米粉一起吃，口感都不俗。而海鮮有雪藏青口、魚片、蝦及豆卜，看起來很豐富。豆卜吸了湯吃，是很不錯的，而蝦則普通，但吃到是有處理過的，應該是微微炸過的，所以就連蝦殼也頗脆口。蝦雞絲湯麵的湯底是蝦湯底，有淡淡的蝦味，雖及不上「蝦麵店」的好及濃，但都有一定水準，頗對味。雞絲有用鹽處理過，所以未至於冇味，不過就幾「鞋」。服務及環境一般，但總算吃得過，會為那蝦湯底再來Encore的。笑面給蝦湯底。

我係紅磡上班, 間中中午時間都有去呢間倀吓喇沙粉囉!我覺得D喇沙粉算係呢到最好架喇, 其他就麻麻地! 小小既舖頭都幾迫人架, 中午時候可能多人, 所以D食物好耐先黎, 價錢都唔平架, 三十多元一碗粉, 但最唔好係D伙計既服務態度更加欠奉囉, 所以都唔係成日去!