檀島咖啡餅店 (軒尼詩道)

营业中

休息中

今朝返灣仔...昨晚突然想在檀島食蛋治....一入去...唔多人...仲見到佢個同事...!由於我只有十分鐘....所以好快咁就決定左要蕃茄蛋治加朱古力, 塊方包幾鬆軟...中間既炒蛋滑....唔錯! 朱古力好普通....! 食完岩岩十分鐘....都唔記得買我既至愛- 十字包! 今餐同事請我食....!

常餐價錢貴，要成＄３０．個腸旦普通，個餐包ｇｅ腸仔，旦又凍又亂放，擺放到好似到一個金字塔咁，個麵就精彩啦！牛肉又凍又咸個麵好似冇煮過咁，好似先用水浸淋過咁．口感令人反胃．係杯奶茶好ｄ．個ｆｄ食件西多＋凍飲要＄３０，簡直離普！以後一定唔再食！！！

沒有吃午飯，到了四點幾五點開始肚餓，一直在灣仔找個地方吃點東西，正好又與老友撞過正著，就地正法，轉入檀島食個下午茶。看看餐牌，價錢唔平，動輒都三四十，還是點一個茶餐算：1)沙嗲牛肉公仔麵清湯加沙嗲牛肉，而沙嗲汁太少，未能浸滿個湯，因此麵的味道很寡，與新膳坊的差很遠。麵身都是淥淥，未致於腍，還是爽口的。2)腸仔煎蛋配餐包煎蛋好多油，多油到膠碟都會發光，厲害！由於多油關係，煎蛋幾滑，再用蛋黃撈公仔麵不錯；腸仔一般，沒有特別。個餐包完全沒有牛油，而且包身厚厚，乾哽真係冇咩可能，所以要放棄。3)熱奶茶中規中矩的熱奶茶，不夠香滑，只是溫溫的不夠熱。一個茶餐可以收$28，但也是一般貨式，絕對沒有理由有下次。

9月8日21：30趁小週末一試這老店。要了茶餐，夾心多士和齋啡。夾心多士：因好奇要夾心多士，結果送上西多士，色澤金黃，外脆內鬆軟，不會太油膩，"極掂"^m^齋啡：用破爛杯載，不算香濃，但咖啡因極重，因當晚到凌晨4點才能入睡。服務一般，兩店員在鄰桌開局(賭錢)，近十多分鐘才離去。

成日去食檀島, 價錢偏貴, 早餐好難食, 麵包無特別, 但幸好我最愛的蛋牛治和奶茶, 做得有板有眼。

十一點半，係去美食博覽前食點東西，叫左個西多士套餐，仲有一個蛋撻。西多士真的係外面脆脆地，個心係熱的，中間佈滿了一層花生醬。最特別係夾住個心的兩塊麵包充滿唔知係蛋定係牛油，總之食落好似軟蛋糕的口感，好好味！蛋撻＄５，係貴，但係個蛋都好香、有蛋味同埋可以食出係滑的，只係心機都值得了！酥皮係鬆化的，好耐未食過這種味道了。試了咖啡，可能係我唔識落糖的份量，我喝的不算好飲，非常普通

見呢間0野0係蘭芳園d 貼牆newspaper cuttings 上0既"10 大茶餐廳" 榜上有名, 今日同朋友0黎開呢頭就入0黎試, 食了沙爹牛肉湯意+ 炒蛋+ 熱奶茶, 奶油厚多士同一個蛋撻.真係失望得很. 除0左杯奶茶叫做好d 之外, 所有0野食都唔熱, 無味同超級油膩, 其中以d 沙爹牛肉最嚴重, 連「暖」都算唔上, 係完全凍冰冰的! 蛋撻d 蛋漿唔過甜之餘亦一d 蛋味都無, 真係離奇.環境都係一般茶餐廳咁啦, 茶餐廳standard 0黎講衛生唔算勁差, 不過都真係幾差; service 比預期中更差, d 伙計d 態度係百份百趕客, 爭在佢仲未開口叫你走0架0者.埋單$40 蚊一個人, 講真以食dinner standard 來計真係平到爆, 不過考慮到各方面都咁差, $20 per head 我都會嫌貴.呢間0野都算得上係我食落咁多間茶餐廳之中最難食0個間(已經唔用勝香園/蘭芳園/金鳳同佢比了!), 真係無奈. 下次0黎灣仔都係去金鳳算喇, 排一個鐘隊食好0野, 好過0係呢度0徙錢.

今朝十一點半去灣仔檀島吃早餐，因為過了早餐時間所以叫了「茶餐」- 腸仔煎蛋+ 火腿通粉+ 熱咖啡($28/份)腸仔是烚熟，無問題；但雞蛋似是用油浸熟的，碟底至少有兩匙油。火腿通粉普通，咖啡是酸的。吃罷半小時會攪肚痛，救命~

好耐無食曾經係摯愛的雞批檀島的蛋撻出名但係雞批就唔知星期六彈性上班時間整件返公司慢慢食當brunch八蚊一件的確係唔同一拎上手就知份量十足好墜手拎到上樓都仲夠熱面頭既脆皮夠甜入面既雞肉夠爽亦無一般杰撻撻擎晒既白汁底品質好過蛋撻喎本來個個星期六都要返工心情就唔多好食完甜甜地飽飽地又好返尐做野都醒神尐早幾個字收工

好少黎呢度食晚餐,但咁橋琴晚黎開呢頭,就同朋友去醫肚,一人叫左一個餐,估唔到份量好大而且好好味,食到我地飽飽都只係每人三十幾,食得過!一個晚餐有大大碟送,我地叫既蝦仁炒蛋有好多,成大碟,我覺得係一個半人份量(以一個普通女仔計),而且D蝦唔係話好鬼細隻個種,個送味道好正!除左咁之外,仲有油菜同中湯,個白飯仲比一般大碗,所以一個人其實會食唔晒囉!我個朋友叫個燒味粉都好正啦!試左佢既叉燒,估唔到又幾有水準喎!而且唔會太肥,幾岩食!但係我覺得最好係佢既服務,其中有個侍應雖然已經一把年紀,但係佢真係好NICE,做野快手有時常有笑容,叫完野食,仲會問下客人要唔要野飲呀,有無咩需要呀之類,俾到人一種敬業樂業既感覺,做左咁耐野都可以保持呢種態度,令我深感佩服!

因為同個fd去會展睇show~所以就求其搵間搵間就腳既食啦~我地坐L字卡位~幾舒服~但係滴水囉我叫左個晚餐~有湯，唔錯，雖然唔知係咪味精湯~生菜，好味京都骨，好好味，好足料，唔un個白飯都ok朋友叫左個常餐有包，係溫暖加軟軟既牛油餐包沙x牛肉通粉，好味，通粉彈牙，有牛味奶茶一般整體黎講，我覺得係ok既~態度又朱呢度d人講得咁差~因為我地趕時間，唔知個伙記係咪睇得出我地趕時間佢就話，你叫常餐要等架如果趕時間就唔好叫啦~我覺得ok喎，佢提一提我地價錢就偏貴啦個晚餐食左42~但係京都骨真係好好味所以抵俾既同埋係灣仔食咁既價錢差唔多啦

吞拿魚5蚊個~ 貴!但好味~ 吞拿魚好味到唔知點形容~出面食唔到呢種味~但餡料略嫌太少...

今日同男友同埋兩個同學仔去左呢度食野.男友叫左個餐(唔記得左係茶餐定常餐tim)問個伙記個餐包可唔可以轉菠蘿油, 佢話"可以, 加$6" 咁男友就話轉啦.我就叫左個加央西多+熱奶茶, 因為諗住試下同維記既加央有幾大分別.d野食黎啦... 男友個餐有餐包+菠蘿油... 但我地明明話轉菠蘿油ga ma, 再睇睇menu, 一個菠蘿油=$6, 個伙記係咪玩野呀... 我地係轉個包, 唔係叫多個包呀!!!男友話菠蘿油味道ok. 佢個餐既午餐肉意粉果d午餐肉好厚, 有兩塊, 係我食過咁多茶餐廳最厚既午餐肉. 但男友話個意粉冇味. 跟餐個炒蛋都唔掂, 冇蛋味, 自己炒仲正呀! 個餐包我食左, 味道冇特別, 又唔熱, 我鍾意d餐包熱辣辣. 但餐包送黎時, 原來已經搽左牛油, 呢度幾好! 佢叫左杯凍咖啡, 味道完全冇特別, 同出面果d冇咩分別.到我果個加央西多. 塊西多係好厚, 但係唔大塊. 西多上面有塊又大又厚既牛油. um... 塊西多裡面勁少餡, d加央唔太掂, 少得可憐, 同冇餡冇咩分別.塊方包雖然厚, 但係勁硬... 未食過咁硬係西多... 塊西多真係好唔掂!!! 未食過d咁既西多!!! 維

檀島D飽雖然冇咩花巧,但真係正.好似喱個紅豆飽,雖然飽身較硬,但用紅豆蓉造o既"食函"就真係唔錯,紅豆蓉可以用"滑"尼形容,唔會話好甜,分量o岩o岩好,唔會太多或太小.推推推!

食過四至五間的餅店十字飽，覺得這兒的十字飽最好吃這種包的texture不是人人都喜歡，可以說是乾乾地，非蛋糕也非麵包的口感；不鬆軟卻也不會硬如石頭但若喜歡的話，這種包便很對口味了沒錯，4蚊一個不算平，而且份量也不是很大個，但質量卻已取勝了