檀島咖啡餅店 (軒尼詩道)

营业中

休息中

今日lunch行過黎買左個雞尾包$3,價錢比一般既貴,但個包既texture真系吾錯!十分軟熟!椰茸餡吾系太多,但咬落去餡仍有溜出黎既感覺.比多$1都抵!

友人從加拿大唱完國歌回港, 今日在灣仔見面, 近近地在檀島下午茶.我簡單只叫了熱奶茶及蛋撻, 奶茶不太熱, 味道還可, 但感覺蛋撻同樣不夠熱, 酥皮有點鬆散感覺.檀島環境都算人多, 傾計不易. 價錢都唔平, 若要下午茶, 都係行多兩步去金鳳為佳.離開前, 侍應換了餐牌, 晚間有Cappuccino 及espresso 高檔咖啡供應.記得一晚在檀島見到都很出奇, 向侍應用中文叫了三杯"泡沬咖啡", 即Cappuccino , 跟住佢大聲同水吧講"三杯夾帶私逃", 即時笑到碌地.講真, 懷念上環時代在史丹利街檀島買蛋撻的日子, 俱往矣.

好多人幫襯蛋tart ---7 But 凍左d奶茶-----6 一般

好耐未過去灣仔.. 呢排要去攪續牌又去到附近, 差不多5點鐘悶悶地嘆番杯奶茶, 男友叫了個雲吞撈麵+ 凍啡, 我就要個蛋躂, 沙翁+ 凍奶茶. 總括黎講, 水準都ok , 係個蛋躂凍了可能來的時間不對..... 沙翁就好好味, 下午茶時段唔係太多人, 很好坐, 男友就話個撈麵好好味, 我就覺得一般喇, 食雲吞撈麵我都係鍾意去"好旺角"吃...

沙翁和蛋撻很好吃，不會過硬過甜，蛋味夠濃。我個人認為與順興和泰昌的同級。

Texture比我的感覺不太新鮮.紅圈的部份比其他部份硬,相信不是即日出爐.整個蛋榚不太鬆軟.而且細細個,挺昂貴.另外蛋撻和椰撻是用同一材料而制的酥皮底.然而蛋撻比椰撻較好味.回想有一次,我試過這裡的椰撻,感覺好求其..已涼了..很失望呢!

這裡最好食的要算是沙翁, I mean 球狀那種.外面炸得香脆而不油膩,裡面暖暖地,軟淑而充滿蛋香.加些糖花在外面.好!

看到一粒雪的食評，想起雖然我好像從沒光顧過檀島，卻是時常吃他們的椰撻蛋撻！由於公司位置關係，同事離職請吃的”散水餅”九成都是來自檀島。他們的椰撻和蛋撻都是用同一種皮的－－酥皮。不過，那個酥皮一點都不好吃……乾、硬、厚、油。我對他們的蛋撻除了那個皮以外便沒甚印象，所以只說椰撻好了。那個椰撻很大，看上去很厚實，事實亦如此。但那些椰茸不甜又過多、又乾。而以酥皮作椰撻，本人覺得不太合適，除了聖安娜的外，檀島的是我另一極不推介的椰撻……

佢o既椰撻都係用酥皮做,但係唔夠聖安娜香.感覺鬆散o左些少.蝴蝶酥都係一般. 係唔係好甜,牛油味太重.反而傳統o既雙色三角型雞蛋糕幾鬆軟.都係下晝熱辣辣出爐蛋撻最好味.

尋晚打牌時，雀友之一在呢度買了一盒餅來吃，未開時仲以為是鬆皮蛋撻，原來是老婆餅。唔知係唔係因為呢度以前隔離有間恆香，所以就連老婆餅都整埋。這裡的老婆餅，比正統的略小，外皮硬硬的，咬落至知原來似蛋撻的牛油皮，不是老婆餅的酥皮。內裡的椰蓉餡比較粗，不及傳統的甜及軟，當然亦沒有那股豬油香。雀友說三蚊一個，又不是太貴。但味道是麻麻地，似乎在這裡，還是幫襯酥皮蛋撻好一點。

為左哩個十字包, 專誠去灣仔...所以好驚去到話賣哂...好彩有得賣! ^^個樣幾"4"正bo!口感都好好, 又唔似百事吉咁乾到死,我覺得金華既十字包第一,檀島係第二~

呢間鋪我只係黎過一次，亦唔會有下次了呢日到o既時候應該夜晚九點零十點到一黎到個waiter態度已經唔多好，叫咩都話最少幾個字先到，話等得就幫你落單，等唔到就唔好叫，真係趕客都算啦，叫o左個三十八蚊o既餐個餐本身有碟curry，菜，有湯，有drink杯o野飲都算係最快黎o既一樣勒，兩個字到就到而碟菜都要成三四個字先到至於碟curry就重離譜，要四五個字先到重要淨係得碟curry，無飯！個waiter話d飯煲緊，重要等呢個時候，已經見有個客話等半個鐘都未有得食，走了而最後我地個飯都差唔多十點半先到，等o左半個鐘有多重要係未乾水，生生地=.=因為咁我地就打算叫佢改意粉，點知d人居然話意粉都有排等叫我地改公仔麵，而呢個麵o係咁不滿o既情況下亦要成一兩個字先到最後，想提一提，呢日我地叫o左凍飲，佢地的確識加錢，不過呢個餐係無o左個湯的，因為佢話賣哂……我覺得呢間o野真係我咁大個人以黎食過最差的一間

好耐之前試過一次,今次係食過番尋味,真係好正!佢既油多唔係好似普通茶餐廳咁,用兩塊薄麫包,而係一塊好厚又烘得好脆既多士,牛油味又夠重,真係好好食!鍾意食油多既人一定要試!

9 July 2004, 5pm落灣仔做o野, 因為有o的o野hold住要等, 咁即係逼我食tea o架je 近近地就去食件酥皮蛋撻+ 凍奶茶, 真好, 食o左咁多年都仲係咁鬼死好食~奶茶味濃, 茶檔係真係正lor

嘩,都唔知搞咩,$4一個都唔算平,不過諗住檀島有d保証,食落個撻皮唔脆不突止,重要超勁油,真係啖啖油個隻喎,個d椰絲又一pat咁,好油,食完勁唔好feel, 千祈咪食!!