檀島咖啡餅店 (軒尼詩道)

营业中

休息中

檀島服務, 簡直離奇. 打電話去叫外賣, 有以下對話:「送去五樓C 室」「五樓D 室? 」「五樓C, C for Cat」「我唔識英文喎.」心諗, 抄錯地址算啦, 外賣既人會打畀我. 可惜, 覆述電話時, 又係亂晒. 重覆左幾次, 都未講到我電話. 雖然, 鄉音唔係問題, 唔識英文唔係罪, 但我試過叫外賣時, 等左半粒鐘都未收到貨。打落去, 先知地址錯、電話錯、連叫乜野亦寫錯。檀島用下個腦啦, 你附近三條街, 數數埋埋, 最少15 間茶餐廳。佢本身已唔好食, 價錢亦貴(一碟飯+ 一碟茶= $55-$60), 你畀埋d 垃圾服務, 第日搵鬼幫襯.

5.26 (sat) breakfast今朝去灣仔開會前約同事黎食早餐黎到灣仔當然唔會又係老麥，但時間又唔多，去左mtr附近o既檀島個餐揀左炒雙蛋(好滑但幾油)、餐包、榨菜肉絲米&熱奶茶除左餐包唔係咁香之外其餘o既都唔錯8:45am食完，到兩點先餓好滿足o既一個早餐

全部也只$12~~~!!! ^ v ^但老實說，食物水準嘛... 即使是聞名的蛋撻也只是一般。在這裡，最好吃的，該是「懷舊味」。===========================================蛋撻，當然要從蛋和皮兩方面評價。蛋- 不特別香，也不特別滑。記得從前在泰昌((只是從前，現在的泰昌已大大退步了))吃過的，蛋超滑溜，蛋會隨著你的手的擺動而抖動，蛋味亦香濃。這才是一番蛋撻。皮- 這裡不賣曲奇餅皮，只賣酥皮。平常的頂多只有100層，但這裡的有128層。但是，太---厚---了。這麼厚，下的蛋漿會少了，害得蛋餡不足以營造「震騰騰」的效果，impressed 不到我。而且，餅皮的鹹味會導致蛋味不能發揮出來呀!===========================================蛋球- 就是「泰昌」的"沙翁"。放到第二天作早餐... 超級油膩!!! 我2年前吃過，那時覺得很好吃，比「泰昌」的更好吃。但恐怕以後也不敢再買了。===========================================拿破崙- 酥皮和texture較raw，「美心

星期六中午在灣仔的食店人頭湧湧，要找位子吃午餐原來實在不易，一心想光顧位於譚臣道的餐廳，從老遠已看到等入座的人流，連插針也難入，一向討厭等位的我，寧可帶着嘀咕的肚子繼續找吃，也不願留下來等位入座，時運低的我行過檀島門口，看見內裏人不多又有位，於是就決定走進去填飽肚，甫一內進就心裡納悶，原因此處的員工甚無禮貌，執碗霹靂澎爛，抹枱亂掃落地算數，衛生情况真堪矣！打開餐牌又係天殺價錢，餐湯加碟雞亦飯和凍飲的常餐竟要$37大元。唉！唯有怨自己時運低入了黑店，求其食過富貴常餐算吧！一落單轉過頭不用兩分鐘，整個常餐由湯、飲及凍飲又係以霹靂澎爛的方式一一掟到枱前，不用試也知一定係凉浸浸的冷飯菜汁了，那碟細得像泠盤碟的雞亦飯真是少得可憐，又凍又難吃，苦害得我求求其其食兩啖再飲完杯凍啡擺低$37蚊走人算數，以後全個灣仔無飯食都唔會再來。

買撻送禮,很多人也覺得買檀島最夠體面.包括小弟,也曾做過類似的動作.好吃嗎?酥皮夠酥化,蛋漿夠香,吃落比其他的出品甜...不過外賣回來,很難會有一杯香滑奶茶相伴,以汽水代茶,總是時晨八字不夾.可樂加蛋撻,相愛很難.

在那人來人往的街上，在呆竪着。盯着餅櫃裡的「她」跟「她」：拿破崙餅跟蛋撻，良久也下不了決定。結果，向左望，向右望，就是全都帶回家中好了。蛋撻就似是位初熟少女般，吹彈得破，還透着甜甜的蛋香，剎是誘人。拿破崙餅卻來得復雜而內斂，內涵精彩，總叫人想把她看透。先來啖一口仍有微温的蛋撻，蛋香而濃，俏滑玲瓏。酥皮鬆化，而滲着絲絲牛油騷香，銷雲入骨。不愛大嚥，但就是抗拒不了拿破崙餅那情深呼喚，啖一口香檳，再來用舌頭跟她纏綿。酥皮夾着奶油，是如此的靈慾合一，再纏上又脆又甜的酥餅夾層，及新鮮可口的胡桃碎，那糾纏不清的層次，叫味蕾都被她帶進了高潮。滿足。我想，我還是愛尊一。只因今天我已吃壞了肚皮。

今朝買了個菠蘿包食，　唔熱，　只是微暖．但我覺得同我上次食一樣，　上面個皮都係太甜，　而佢個包都唔係太軟熟，其他唔係咁出名的茶餐廳出的麵包都軟熟過佢．下次都唔會慕名而買了

沙翁和冬甩當然是用萬年油炸的﹐可是當它太油的時候就會有點汽油味。。。

聽人講話呢間檀島好出名, 奶茶又好飲, 咪去試下囉, 點知一試就出事。首先唔好講其他, 講下杯奶茶先, 我本人就唔鍾意飲熱野, 所以就叫左杯凍奶茶, 飲過都係不外如是者, 仲以為有幾威水添, 真係屋企樓下都好飲過佢。奶茶唔好飲都唔緊要, 每個人口味唔同者, 最重要一樣就係果啲所謂伙計啲 態度, 真係難頂到嘔, 個個呼呼喝喝好似前世欠佢錢咁, 點食呀, 真係火啲都忍唔住開佢波果種態度, 衰到呢......就今日下午兩個人去叫左兩碗燒味麵+兩杯凍奶茶, 睇住遲過我地黎啲人啲野食黎哂就黎食完咁濟, 咁我地正路咪催催佢囉, 收到句"得得" 回覆咪又等過, 等下等下又幾分鐘, 切兩舊叉燒唔使咁耐呀嘛...點知俾我望入去睇下切燒味個亞姐, 慢條斯理好似個大廚咁係度切叉燒, 一下一下好認真咁, 真係見到都火滾。算啦, 都係決定走喇, 唔係肯定遲到番公司, 點知走都要我忟番獲, 叫個伙計收番兩杯奶茶錢就算啦, 點知佢仲要問我地叫左啲咩方便佢取消張單, shit!!! 話過bad list 呢間野, 我以後餓死我都唔會再去...

賽事完畢, 返屋企前黎呢度醫下肚先! 老公叫左個早餐A, 沙爹牛意, 餐包炒蛋, 凍奶茶, 個樣麻麻, 可能人太多, 全店都係選手! 我就叫左個茄蛋治, 凍鮮奶, 三文治軟熟, 伙計做到提哂腳!

前晚去呢間餐廳依晚餐,冇乜人,叫左個窩蛋免牛飯+涷檸茶(+15蚊收正價!自己又衰冇睇清楚菜牌).味道普通另外人地話佢d面包蛋摓幾正,下次可能去試下

「檀香未及咖啡香，島國今成蛋撻國」檀島咖啡餅店係香港第一間茶餐廳，而佢第一間分店就ｏ係補習社對面１２：００上堂．．．　ｏ吾係呱，ｏ甘未要ａｒｏｕｎｄ　１１：３０食午飯．．．算，入檀島吃ｄ野先，補完肚餓先再食ｏ拉．．．要個蛋撻，煎蛋菠蘿包　（想轉ｏ下口味）加咖啡蛋撻係酥皮ｏ既，熱辣辣，ｄ　餡好滑又ｏ吾太甜．．．不過我都係鍾意曲奇皮多ｄ；　至於個菠蘿蛋就麻麻，　（ｏ吾知係咪因為食ｏ左個ｔａｒｔ先），ｏ吾夠甜，脆皮ｏ吾夠脆，但包ｏｋ鬆軟．．．加蛋又無咩驚喜，下次都係要番舊愛牛油ｃｏｆｆｅｅ　反而幾好，好香

其實我細細個已經晌灣仔蒲，因為我晌軒官讀書，婆婆又住灣仔，但係直到現在23歲人都仲未黎過哩間咁經典的檀島，實在有點R頭。一直都想試好耐，不過硬係無機會咁，卒之尋日同男朋友仔黎左，yeah。我地叫左兩個茶餐1.餐包、腸仔煎蛋、午餐肉公仔麵、熱奶茶2.吉列豬扒湯烏冬、凍奶茶另外梗係要叫出名的蛋撻啦!我本身鍾意食曲奇皮多過酥皮，不過都覺得個蛋撻確係幾正!!初初心諗，個塊所謂的吉列豬扒，係咪好求其好蚊型食左都唔覺個隻？點知！！嘩~~~~~~咁大塊~~~~~真係好"吉列"~~~新鮮炸好~~熱辣辣，超正呀!!!!!!!可惜哩個餐係我男朋友o益o既...我只係食左一細舊...嗚...而我個o個...條腸...凍o既?!成隻碟好油...d午餐肉好咸，我本身已經好食得咸，都覺得咸，你話佢地係咪真係好咸喇!雖然我個茶餐渣左少少，不過個隻"情懷"都蓋過一切~

由於夜D才有時間食野,所以四五點吃個茶餐定吓先,又想吃個蛋撻,走進這間檀島叫下午茶餐兩個,一個牛肉麵+腸仔煎蛋配餐包+奶茶,另一個吉列豬扒烏冬+奶茶,外加蛋撻兩個。D牛肉沒有味,如難肉的口感,腸仔及蛋如常油油地,但個包有腥味牛油極少,奶茶亦沒有香味,烏冬口感一般,豬扒入口唔知自己食緊什麼,蛋撻只一個鬆字沒有香味沒有蛋味。$28個下午茶餐極唔抵食,冇下次。

23日,學校運動會,lunch果時同11個同學去左e間食,唔係突登搵e間,係好求其咁入左去果時12點幾,但係都冇乜人一睇餐牌d野都幾貴,全部都$30樓上,之後我就叫左個快餐$37,有羅宋湯,豬扒飯同一杯野飲羅宋湯就好細,好快飲完豬扒飯唔算大碟,但係兩塊扒都好大,食完岩岩好我果個餐都ok,但係我有d同學叫左個常餐,$30,一碗好細好細ge公仔面,大慨得半包左右之後d料又小,好唔抵